الملتقى الطلابي

الملتقى الطلابي (https://students-bh.com/vb/index.php)
-   ملتقى طلاب البحرين في الخارج (https://students-bh.com/vb/forumdisplay.php?f=258)
-   -   ( جامعات الصين ) بين قوسين .. " استفساراتكم هُنا " (https://students-bh.com/vb/showthread.php?t=26131)

rayoom 04-07-2011 02:07 AM

( جامعات الصين ) بين قوسين .. " استفساراتكم هُنا "
 
سلام علييكم ...
حبيت اسأل عن جامعات الصين ..

اهو في جامعتين جامعة زينجاج و جامعه seu ..

بخصوص كلتا الجامعات هل انه معترف فيهم او لا ..
جامعه زينجاج سمعت مو معترف فيها
بس الثانيه مادري ..

احد عنده اي خبر .؟

و شغله ثانية احد يعرف متوسط التكاليف المعيشية هناك شلون .؟

FJ-93 04-07-2011 09:15 AM

إتصلي على السفارة يكون أحسن


بيساعدونش ان شاءالله

rayoom 04-07-2011 08:16 PM

اتصل اسألهم عن الاعتراف ..
يصير يعني ؟

FJ-93 04-07-2011 08:27 PM

اذا تبين تعرفين معترف فيها او لا

اتصلي على الوزارة

اما اذا عن التكاليف اتصلي على السفارة

rayoom 04-07-2011 08:45 PM

مشكوور يا خووي
يعطييك العافيه

باجر بتصل و ان شاء لله خير

angel94 09-07-2011 06:50 AM

من جم يوم حاطين في الجريدة انه جامعات الصين معترف فيهم بس بشرط انه يكون


الطالب جايب في الثانوي 90 % و انه بسوون اختبارات و امتحانات حق اللي يتخرجون

منها عشان يتأكدون انهم يصلحون عشان يشتغلون :sweatdrop:


كان المقال في جريدة الأيام ما ادري أي يوم "سس

الـعلوي 10-07-2011 11:29 AM

السلام عليكم ورحمة الله

لا أعلم بصراحة مصدر الأخبار التي تنقل عن الجامعات ، موضوع عدم التقييم بعد يختلف تماما عن معنى عدم الاعتراف

بينا آلية الاعتراف مسبقا في الموضوع التالي ، بامكانكم مراجعة مشاركتنا فيه للاستزادة:-
https://students-bh.com/vb/showthrea...t=24489&page=8

وجامعة زيجيانج أكاديميا-باعتقادي- وتقييما وتصنيفا أفضل من جامعة SEU والتسجيل فيها ينتهي منتصف شهر 6 !

صدى الذكرى 10-07-2011 09:47 PM

اقتباس:

المشاركة الأصلية كتبت بواسطة rayoom (المشاركة 526336)
اتصل اسألهم عن الاعتراف ..
يصير يعني ؟


اذا تروحين الوزارة مبنى 1 في هناك مكتب ..

تاخذين من عندهم استمارة وتملينها عن الجامعة اللي تبين تدرسين فيها

وهم يقولون ليش عقب معترف بها او لا !

عطوني وحدة بس لا سألت ولا شي :nea:

kawther mohd 11-07-2011 10:26 AM

الجامعتين للحين مو معترف فيهم .. بس حاليا في ناس راحوا الوزااره عشان يجيكوون اذا اهمه معترف فيهم او لا .. و قالو ان جريب بيطلع القرار

و ع العموووم حتى لو طلع مو معترف فيها .. ما بيكون القرار ع اللي راحوا قبل صدور القرار .. بمعني انج احين تتقدرين تروحين و لين رجعتي تقدمين امتحانات و جذي و اذا نجحتي يقبلوونج

يعني مثل ماصار مع الي راحوا اوكرانيا

Bushra Radhi 15-07-2011 11:43 AM

اللي سمعته إن الجآمعتين مو معترف فيهم
بس مو لقصور في الجامعة نفسها
بس أساساً لأن للحين ما وصلت دفعة متخرجة منهم :sweatdrop:

ıCaηтBεТaмεd 15-07-2011 06:19 PM

قصــدش أختــي
مو مــقيميــن شــهادتــها!!
ومثل ماقــال أخوي العـــلوي تفرقــ كلمــة مو مــقيمة الــشهادة عن إنــها مو مــعترف فـيها

:sweatdrop:

angel94 16-07-2011 09:11 AM

الحجي مو من عندي من جريدة الايام مثل ما قلت

و هاي المقال

وناقشت اللجنة كذلك موضوع خريجي الجامعات الصينية؛ وفيما يخص كليات الطب في الجامعات الحكومية الصينية فقد تم الاعتراف بالشهادات الصادرة من ثلاث جامعات شريطة أن يستكمل فترة الامتياز المحددة، وذلك بناء على توصية اللجنة الفنية المشكلة من ممثلي وزارات الصحة وجامعة الخليج العربي وكلية الجراحين الأيرلندية بالبحرين، وسوف تواصل اللجنة مراجعة أداء خريجي هذه الجامعات للتأكد من توافق المعايير المطلوبة وكفاءة الخريجين.
وقررت اللجنة عدم تقويم أي مؤهل علمي لخريجي كليات الطب في الجامعات الصينية الحكومية الثلاث ما لم يحصل الطالب في امتحان الثانوية العامة في البحرين على نسبة 90% فأكثر.

و المصدر :http://www.alayam.com/Print.aspx?aid=84793

"سس

ıCaηтBεТaмεd 17-07-2011 12:03 AM

م ـــشـكورة أأخـــتي!!

S.Hussain 17-07-2011 12:14 AM

منهو بروح الصين أصلاً !!! ، ويدرس لغتهم !!!

ıCaηтBεТaмεd 17-07-2011 12:20 AM

وإيــش فيــها الصــين :laugh:
وأخــوي في بــرامج تــدريس بالانجــليزية :sweatdrop:


الساعة الآن 06:55 PM.

Powered by vBulletin® © 2024