[ستايش]

تذكرت شغلة بخصوص

حياتك بتكون دراسة وبس مافي مجال للامور الحياتية الباقية يعني سوني و مباريات و طلعات وما شابه ذلك


في فرق بين الجامعة والمدرسة

النجاح يكون من 60 درجة ولو أقل يعتبر رسوب
مو نفس المدرسة تدرون عن الأمتحانات النهائية التاريخ والوقت قبل بشهر أو أسبوع مثلا من موعد الأمتحانات النهائية
الأمتحانات النهائية في الجامعة تكون محددة اليوم والتاريخ والوقت بداية الفصل لكل مواد الجامعة وغالباً تكون من40 درجة
بدال امتحان منتصف واحد من 20 يكون عدنه امتحان أول وامتحان ثاني (أحيانا يكونون 20 و20 أو 25 و25 ) تبقى 10 أو 20 درجة هذي على حسب المادة أو الدكتور في البداية حق مواد Acc112 و acc113 و math103و math104 ,وهي مواد مشتركة لجميع تخصصات البزنس يكون في أون لاين اسايمنت ( يعني بدال الواجب تدخلون موقع على النت ويكون في أسئلة تحلونهم ) والمواد الثانية يا امتحان قصير أو ثنين أو تسوون بوربوينت وتقومون تشرحون أو ورقة اسئلة تحلونها بشكل جماعي يمكن بعد على الحضور والغياب ...... الخ هذا بيعتمد على المادة والدكتور

في الجامعة أقل شي نسجل 3 مواد لمرة وحدة فقط طول حياتنا الجامعية و تلتزم ب 4 مواد في حال الحصول على إنذار بسبب تدني المعدل ولو كان المعدل زين عادي يكون 5 أو 6 مواد
ولو كان المعدل جدا مرتفع وتمام 3 أو أكثر أو إنه كورس تخرج عادي نسجل سبع مواد

الحين شوف السالفة الفصل تقريبا 4 شهور ونص خل نفترض بيكون عندك 5 مواد علىشان نكون ماشين على الخطة وقليل اللي يمشون عليها لكل مادة امتحانين إضافة ل إمتحان نهائي يعني 15 امتحان في الفصل (تقريبا خلال 4شهور ونص ) وفي بعض الحلات يصير إنه امتحانين في نفس اليوم وهذا غير إذا كان فيه متطلبات ثانية للمادة ذكرتها فوق
في الجامعة عادي يكون عندك امتحان يوم السبت
وفي الكلية عادي يكون عندك امتحان الساعة 6 الليل أو 5 أو 4

وفي أشياء ثانية بتكتشفونها وبتتعرفون عليها إذا دخلتون الجامعة
والسموحة إذا طلعت برى الموضوع