عرض مشاركة واحدة
قديم 22-06-2017, 01:44 AM   رقم المشاركة : ( 77 )
Fymaa
Dreamer

الصورة الرمزية Fymaa

الملف الشخصي

رقــم العضويـــة : 11859
تاريخ التسجيل : 20-07-2010
المشاركـــــــات : 2,185 [+]
الـــــــــــتخصص : طالب جامعي
الـــــــــــجـامعة : UOB - English literature

 اخر مواضيع العضو

Fymaa غير متواجد حالياً

افتراضي

اقتباس:
المشاركة الأصلية كتبت بواسطة Ebttisam murrad مشاهدة المشاركة
أختي ابي اسئلج عن الدكاترة الزينين و المقررات الي بناخذهم الكورس الأول
سلام
ادري السؤال مو موجه حقي بس لانه الموضوع قديم واحتمال مايرد عليش
واني بعد ادرس ادب انجليزي

اول كورس اجتزت التمهيدي وهم اختارو ليي المواد

Arab110
EngL 111
Eng 130
Islm 101


EngL 111
مقرر واجد سهل وحليو اذا تعرفين اللغة الانجليزية عدل , هو مقرر حق المبتدئين في الانجليزي ومثل كتب الانج جق الثنوي ( فيه تمارين و اسئلة , الخ )
درسني دكتورة لمى , تشرح بسرعة و تخلي الطلاب يجاوبون على الاسئلة , واذا اجابتش غلط تصححش, بس حليوة تنكت
اكثر شي تكرهه لين احد يتكلم وهي تشرح او يجود التلفون

Eng 130
هالمقرر هو مدخل للادب الانجليزي بيعطيش فكرة عن التخصص و يجهزش حق الاشياء اللي بتدرسينها بعدين , واجد مفيد المقرر
درسني استاذ فتحي وانصحش تاخدين عنده لان شرحه واجد زين و يوصل المعلومة و يكتب عالسبورة بعد ( بس يملل ساعات و واجد يتكلم ) بس ينكت ساعات عشان يرفع المود شوي

بالنسبة للدكاترة اللي عجبني تدريسهم دكتورة دانة و فتحي
دكتورة دانة واجد حليوة وتوصل المعلومة عدل ومتفاعلة ويا الطلبة وتحب تسمع الطلبة يتكلمون وساعات تقوم عشوائي بس تسوي جدي عشان تشجعهم يشاركون .
اني اخدت عندها EngL112
بس احذري تاخدين عندها EngL130 اذا ماتحبين البرزنتيشن
لان قالت انهي كله تخلي الطلاب يتكلمون فهالكلاس


واسمع ناس يمدحون دكتورة ميرفت بس هي واجد تغيب ومادري عنها صراحة

وبعد تدرسني دكتورة رباب
من شكلها وحجيها يبين انهي تحب الكتب وكله تقرا , وواجد تدقق فالدرجات
كله تعطينا نصايح قبل الامتحان وتدربنا على الرايتنيق والتحليل وتحاول قد ماتقدر تساعدنا
يعني هي مو افضل دكتورة بس زينة
وعلى نهاية الكورس بتخليكم تعرضون برزنتيشن


في موقع فيه اسامي الدكاترة و الطلاب يكتبون وصف عنهم بس توني بدخل عليه مايخليني اذا تقدرين دوريه بعدين لانه واجد مفيد

اذا عندش اي سؤال ثاني اسألي
  رد مع اقتباس