21-01-2014, 06:46 PM
|
رقم المشاركة : ( 8 )
|
مميز بالفصل الأول 2016-2017
|
اقتباس:
المشاركة الأصلية كتبت بواسطة شمَوخـّـےْ ذبـآحَـيِ ♥
و مداامم احناا بناخذذ المقرراتت اليي اخذتوهاا
ممكنن تكتببنن نبذهه عنهمم + الصعوباات اللي واجهتجج + نصيحهه منكك
وشكرآً
|
شكرًا ..
...
بالنسبة لمقرراتكم بتكون: كيم، وطن، أسر، تقن، < بس دلين له، نسيت
الكيم:
الفصل الأول : ( ساعتين)
درسين : قصة مادتين ، مقدمة في الكيمياء.
* الأول حده سهل وقصير وعارفينه من قبل عن تأثير الكلوروفلوركربون في طبقة الأوزون.
*الثاني بعد مافيه شي عن أقسام الكيمياء وأهميتها والنماذج وجدي يعني صورة عامة عنه ، جدًا سهل بعد.
الفصل الثاني:
درس العناصر والمركبات، درسين عن النماذج الذرية والذرة ،ودرس الأنوية المستقرة وغير المستقرة.
* الاول عن العناصر والمركبات بصورة عامة والشي الجديد قانون النسب الثابتة وقانون النسب المتضاعفة، وولين درستونهم بتجوفون انهم سهلين.
* الثاني عن أفكار الفلافسة الاغريق ونموذج دالتون.
* الثالث عن نموذج دالتون وتومسون وراذرفورد والذرة ومكوناتها .
* الرابع عن التحلل الاشعاعي وأشعة بيتا وألفا وجاما.
بتشوفون هالدروس هالفصلين حدهم سهلين وكل شي ماخذينه في اعدادي بتفصيل أكبر وهني مختصرينه وضايفين جم اضافة خفيفة.
الفصل الثالث:
3 دروس عن التفاعلات الكيميائية وأنواعها والتفاعلات في المحاليل المائية.
هالدروس فيهم أشياء جديدة ولازم وكل درس يكمل الثاني فأي نقطة مو فاهمتنه اسألي المعلمة من البداية، بس بعد سهل .
الفصل الرابع : المول ، والمول والكتلة.
هالدرسين سهلين جدا جدا الدرسين اثنينهم تقدرين تلخصينهم في قانونين.
الوطن: (ساعتين)
الوحدة الاولى: الوعي الوطني، حقوق الانسان، حقوق الانسان في البحرين.
الوحدة الثانية: تطور الدولة، انواع الدول، الدولة الحديثة.
الوحدة الثالثة: عن أنظمة الحكم والممارسة الديمقراطية ، 4 دروس
الوحدة الرابعة: عن البحرين قبل وبعد الاستقلال وسياستها الخارجية وولاية العهد ، 4دروس.
في دروس قصار وفي دروس طوال، بس أتوقع أقصر من الاجا ( مع اني ما جفت الكتاب)، ما أقدر أعلق لأني بتحيز ( ما احب الحفظ).
الأسر: ( ساعتين)
عن الذات والشخصية وهرير واجد ما في شدة أعددهم ، الكتاب أمتن كتاب لكن مو صعب ، بس حفظ صاير تقريبا ( فسيم سيم وطن ) ، بس ملاحظتي لش: درسي كل شي لا تفوتين ولا نقطة مو شرط تحفظين كل النقاط ، حفظي ثلاث على الاقل والباقي فهميهم واقريهم لان يجيبون في صح وخطأ ، والتعاريف كلها حفظيها دائما يجيبون تعاريف ومقارنات.
التقن: ( 4 ساعات)
فرصة كبيرة حق رفع المعدل، ما يستاهل أقل من مئة ، تحصلينها بدون تعب ولا دراسة ، بس انتبهي في الحصة وطبقي كل الي تقوله المعلمة، يمكن تستملين ( خصووصا اذا صار نفسنا حصتين ورا بعض والاخيرتين) لكن ما عليه تحملي واذا عطتكم المعلمة مراجعة في الصف طبقي ، بتثبت المعلومات ولا يحتاج تراجعين لا منتصف ولا نهائي ولا الوقفتين.
*برنامج أكسس ، سهل حده
|
|
|
|