[نوار]

أحنا أحنا اللي ندخل الحيوانات مو هم يدخلون لينا ..
في سنورة معروفة في مدرسة خولة .. من الأهل يعني ..
الكل يعرفها والبنات يشترون لها أكل مال سنانير ويجيبونه ليها ..
عاد متى ما بغينا حصة دزينا السنورة على صفنا ..

في مرة كانت عندنا حصة بيع الحصة الأولى واحنا عداوة وية هالمعلمة
وقبل ما يطق الجرس دخل العصفور صفنا ..
قمنا حبسناه لي ما جت الحصة الأولى علشان ما يطلع
وبعدين جت ودخلتنا الصف .. لكن قعدنا فيه دقايق وكلنا شرود ..

\
/

أمم ..
أحلى معلمة عندي .. معلمة تجاري بمدرسة خولة ..
عجيبة هالمعلمة .. كل شي نباه تنفذه لينا ..
ما اتجيب اوراق الاختبارات إلا مسجرين عليهم كاكوات تويكس واسنكرز ..
واتحط لينا الملصقات اللي عليهم كلام مثل ( بارك الله فيكِ )
وغير هذا طيبة وعندها اخلاق ..
داك اليوم كنت ابي اطلع وما سلمت بحثي حق معلمة في حجرة ثانية ..
قالت ليي اني بعدله ليش وبعطيه اياها ..

في معلمة ثانية بعد تجاري ..
بس هذي المعلمة فنتق ..
ما تعطي البنات وجه خير شر ..
أسامينا ما تعرفهم .. تنادينا بأنتي .. وأنتي ..
ما تضحك بعد ..
بس الكلام اللي تقوله يضحك .. وتعليقاتها في الصميم
مع أنها ما تضحك عليه ..
عجيبة أموت فيها .. وطيبة ..

في معلمة .. درستنا ويش اسمه علوم بيئة ..
هالمعلمة من الدراز .. طول السنة وأحنا حجايج وياها على لهجتها ..
ومرافقينها .. متى ما أستملينا رحنا قعدنا عندها ..
مع أن حجرة العلوم .. الحجرة اللي ما تنطب في خولة

بس طبيعية .. وما تتصنع .. يعني مو مثل باقي المعلمات قدام الموجه وجه وقدامنا وجه ..
حدها funny ويوسع الصدر شرحها ..
مع ان ما في اله ثنتين او وحدة يشاركون وياها .. بس وحشتني ..