الموضوع
:
طلاب مدرسة الهداية تفضلوا بالدخول...
عرض مشاركة واحدة
06-09-2013, 12:53 PM
رقم المشاركة : (
2
)
جابر !
طالب مجتهد
الملف الشخصي
رقــم العضويـــة :
60558
تاريخ التسجيل :
09-02-2013
المشاركـــــــات :
390 [
+
]
الـــــــــــتخصص :
طالب جامعي
الـــــــــــجـامعة :
و عليكم السلام ورحمة الله و بركاته
ج1) أخوي ، المعلمين يشرحون حسب الفهم العام
و مو كلهم يشرحون أوكي
لكنهم يعني زينين في الشرح
لكن أكثرية المعلمين يحبون يشرحون الدرس للطلاب بطريقتهم الخاصة
اللي من خلالها يوصلون المعلومة للطالب بالفهم العام
، أما بالنسبة للمعلمين ان هم يفهمون أو لا
، فأعتقد ان ذي يعتمد على الطالب اذا هو ينتبه و يركز عدل
ج2) نظام المدرسة ملائم
لكن مو لهناك ممتاز
، لما كنتوا في الاعدادي كانو ما يخلونكم تطلعون في الخمس دقايق اللي بين الحصص
لكن في الثانوي عادي تطلع من الصف
وتروح اي مكان تبيه على كيفك
لكن بعد التمديد شالو الخمس الدقايق
، لكن بعد يصير تطلع في نهاية الحصة المهم انك ترجع الصف قبل لا يحضر الاستاذ و يسويلك سالفة
، المدرسة مقسمة الى مبنيين ( المبنى القديم ، المبنى الجديد )
و أخوي اذا بتداوم في أول يوم و تبي تعرف وين صفك على طول روح الى أعلى طابق في المبنى الجديد لان هناك كل صفوف الاول ثانوي
و بعد أعتقد ان في صفين لاول ثانوي في الطابق الارضي في المبنى الجديد بتحصلهم أو ما تدش من باب المدرسة الرئيسي
و بعد هم يعلقون لافتة مكتوب فيها اسم كل واحد وصفه
و أخوي روح المدرسة في وقت مبكر لان بعدين تصير زحمة على الافتة و ما بتقدر تقرأ
، المدرسة عودة ووسيعة وفيها صالة رياضية و ملعب كبير و الحين أعتقد قاعدين يسوون تعديل للملعب و يحطون فيه حشيش و ما أدري شنو
، و بعد حاطين ديتا شو ( بروجكتر ) لكل صفوف الثانوي
وأحنا لما كنا في المدرسة ما حطو لينه شيئ
ج3) المعلمين أغلبيتهم طيبين
لكن لما أنا كنت في أول ثانوي ما حسيت ان كل المعلمين طيبين
لكن من ثاني ثانوي الى نهاية التوجيهي المعلمين اللي درسوني كانو قمة في الطيب و الروعة و الاخلاق و بصراحة مالهم حل
، و يحبون يزيدون الطلاب بشكل غير طبيعي
، بس في أول ثانوي ما كانو يزيدونه بشكل غير طبيعي
و المعلمين في أول ثانوي راح تحسهم شوي معقدين
لانك أول مرة بتشوفهم لكن بعدين كل شيئ بيصير خير ان شاء الله
، طبعا حسب التعامل
ج4) احنا في أول ثانوي كنا 37 طالب في الصف الواحد
لكن بعدين من صف ثاني ثانوي الى ثالث ثانوي كنا 18 طالب في الصف الواحد في القسم الادبي فقط
ج5) أخوي انت بتعيش مرحلة جديدة من حياتك و لامرة عشتها في حياتك
و بعد ما تتخرج من المدرسة راح تقول ان ذي المرحلة أحلى مرحلة دراسية عشتها في حياتك
( حسب تجربتي
) أما بالنسبة للطلاب اذا هم طيبين أو متعاونين
فطبعا ذي شيئ انت راح تشوفه و تقرره
، لكن المشكلة الكبيرة في ذي المرحلة ان أغلبية الطلاب ما يهتمون الا لمصالحهم
و يحبون يستغلون غيرهم
مرة يقولون لك سو لي بحث و مرة غششني و مرة اكتب لي في الدفتر و مرة ما أدري شنو
، المهم أخوي ابتعد عن ذلين الاشخاص
بالتوفيق أخوي
و اذا عندك اي سؤال احنا حاضرين طوول الوقت
التعديل الأخير تم بواسطة جابر ! ; 06-09-2013 الساعة
12:57 PM
اخر مواضيع »
جابر !
المواضيع
لا توجد مواضيع
إحصائية مشاركات »
جابر !
عدد المواضيـع :
عدد الـــــــردود :
المجمــــــــــوع :
390
جابر !
$مشاهدة ملفه الشخصي
إرسال رسالة خاصة إلى جابر !
البحث عن المشاركات التي كتبها جابر !