17-05-2016, 05:45 AM
|
رقم المشاركة : ( 35 )
|
مشرف
|
اقتباس:
المشاركة الأصلية كتبت بواسطة nawraa_ashoor
:sweatdropابي قصيدة الوحدة الوطنية
|
(الوحدة الوطنية)
دوله احنه وعلم مو من زمن مجهول
تميّزنه الاصاله البينة تجدد
احنه المن زمن بيه الصحابة اخوان
منهج يملي ادينه وبينه يتوحد
دين اللم ابو الحسنين والخطاب
فيض النور ينبع منهم او ورّد
سيره امعطره وظل يكتب التاريخ
عنهم لحد ما ضلت تدون يد
سيفين ونعم جانو على الاعداء
مسلوله اعله حك ومارضت تغمد
نصروا بيهة دين اللي ايوحد الناس
صفاً واحداً بنيانه ما ينهد
اخلاص وصدق مخلوقة بالصديق
وعثمان بحياءه المنوصف وانعد
قائد تريد اتصير مو بالقيافة
من صحبة آل البيت واهل الخلافة
الخلافه الراشده البيهة أربعة أصحاب
صبت في نهر بسلامه ماينسد
مثل حال الوطن دجله وفرات اشلون
صبّن في نهر لم شعبه وتوحّد
متوحدين نبقه وايد حضنت ايد
نصيح الله اكبر كلنه ونوحّد
طبع حال الصحابه وبيهم آل البيت
منهج يبقه ثابت بينه مايرتد
احنه اهل العلم والمعرفه ويه الدين
خبره ابكل مجال وشوف وتأكّد
ذوله اهل العراق ابطيب متوحدين
اذا عين اذرفت ميشيلهة الا الخد
أرض الانبياء وارض آل البيت
طهوره ابدم اهلهه اسيوفهم تشهد
يبقه الوطن غالي وعالعهد باقين
على دين الرسول الأمثل الاوحد
منقول
|
|
|
|