التسجيل | التعليمـــات | التقويم | البحث | مشاركات اليوم | اجعل كافة الأقسام مقروءة |
24-11-2012, 11:50 PM | رقم المشاركة : ( 1 ) | |
طالب مبتدئ
|
متوهقه بالحقوق
السلام عليكم ورحمة الله وبركاته
مو عارفه شلون ابدي الصراحة بس اني حاليا تمهيدي حقوق اخترت هالتخصص برغبتي وعاجبني وحابتنه وواجد متحمسه حق دراسته في الفصل الثاني بس المشكلة ان اهلي رافضين ادش هالتخصص لان يقولون مافي فرص عمل وان راح ادرس اربع سنين او اكثر بدون فايدة واني قبل مااختار تخصص الحقوق دشيت النت وخذيت فكرة كافية عن التخصص وقريت من اكثر من عضو ان في فرص عمل واجد وحتى في يوم التهيئة للطلبة الجدد قال الدكتور ان مافي مؤسسة في البحرين ماتحتاج لحقوقيين اني خايفة من موضوع التوظيف لان الحين بس قمت الاحظ ان في واجد حقوقيين بدون وظايف واني ماابي ادرس وبعدين اقعد في البيت او اشتغل شغله ماليها علاقة بتخصصي كلش اخوي يقولي ان ربعه ماخذين تخصص الحقوق والحين يشتغلون في لولو هايبرماركت والباقي يشتغلون بمكاتب محاماة الراتب ولاشي كانهم يشتغلون بلاش اني مااهتميت بكلامة واجد بس اني التقيت بوحدة شخصيا دارسة الحقوق وصارلها سنة تقريبا من تخرجت من جامعة البحرين وحسب كلامها ان معدلها فوق 3 وللحين مولاقيه وظيفة وتقولي انها ماندمت على شي بحياتها كثر ندمها على تخصص الحقوق لان مااستفادت منه شي وخلتني اتوتر وافكر ولما دشيت النت لقيت بس كلام ان في فرص عمل ولما ادش على اقسام الوظايف القى ناس واجد تدور على وظايف وتخصصهم حقوق ومو لاقيين اني مو عارفه شسوي هل احول لتخصص ثاني او اتوكل على الله وادرسه والارزاق بيد الله |
|
25-11-2012, 01:49 PM | رقم المشاركة : ( 2 ) | ||
طالب مبدع
|
ما عليش من كلام الناس
انتين تخرجي ويصير خير ما تدرين عقب ٤ سنوات ويش بصير |
||
26-11-2012, 12:43 AM | رقم المشاركة : ( 3 ) | |
طالب مشارك
|
اي خيو هي المشكلة الناس تدرس و تتعب في الاخير بدون وظايف
على فكره مو بس الحقوق حتى خريجين علم الاجتماع و علاج طبيعي مساكين جم سنه متخرجين للحين بدون وظايف . بس بعد بقولش ماعليش من كلام أحد ،اذا انتي حابه التخصص و ميولش و رغبتش حقوق درسيه و توكلي على الله اي الارزاق بيد الله اذا سمعتي كلام الناس كل واحد له رأي مختلف . |
|
02-12-2012, 09:49 PM | رقم المشاركة : ( 4 ) | ||
طالب مثالي
|
- أحين صرنه نهتم حق الوظايف و التخصصات ونسينه إن الرزق بيد الله! الله سبحانه إذا أراد الرزق لأحد بيعطيه.. تخصصه حقوق .. محاماة.. طب مو مهم يا ما ناس من مذيعين على قناة فضائية إلى موظفين في البرلمان.. بفضل من؟ بفضل الله سبحانه تعالى حطي في بالج إن الي بوفقج في تخصص معين نفسه إلي بيرزقج تضمنين إذا بدلتي التخصص تحصلين على وظيفة؟ - وعلى الله فليتوكل المتوكلون توكلي يا أختي والله بيفتح لج الأبواب ان شاء الله :) |
||
03-12-2012, 05:52 PM | رقم المشاركة : ( 5 ) | |
طالب مبتدئ
|
خلاص كلامكم اقنعني
وبتوكل على الله وبدرس حقوق حتى لو اهلي معارضين علييه ومثل ماقلتون الارزاق بيد الله |
|
28-01-2013, 09:49 AM | رقم المشاركة : ( 6 ) | |
طالب مبتدئ
|
ربي يوفقك اختي تصدقين اني نفس معانتك ابي ادخل حقوق من يوم وانا طفله بس رافضين اهلي بحكم الوظيفه
|
|
30-01-2013, 03:54 AM | رقم المشاركة : ( 7 ) | |
طالب مبتدئ
|
وهذا الشي اللي مخلي اهلي يرفضون
مافي وظايف واهم مايبوني ادرس واتعب وبعدين اقعد بالبيت ولا كأني دارسه .. واهم معاهم حق حرام ادرس واقعد بالبيت .. بس هالتخصص حابتنه وعندي رغبة ادرسه ,, والله يوفقني ان شاء الله بالمستقبل واتوظف |
|
05-04-2013, 11:29 AM | رقم المشاركة : ( 8 ) | ||
طالب نشيط
|
شوفي خيو .. اذا تبين الكلام الواقعي حسب المجتمع البحريني دراسة الحقوق شيء ممتع صراحة وحتى وظيفته وظيفة ممتعة ومحترمة وخصوصاً انتين الي تتحكمين فيها يعني ما عندش مسؤول ولا مدير ولا شيء .. لكن المشكلة ان توظيف الحقوق في البحرين صعبة شوي, وحتى لو توظفتين في مكتب محاماة تأكديّ ان شهر تستلمين معاش و6 ما عندش والمعاش ما يكون اكثر من 300 دينار .. هذا الكلام ك ـبداية امّآ ادا راح تدرسين حقوق تجارية الي اهي تبع الشركات والمؤسسات اتوقع فيها فرص عمل اكثر ومن ما قالو لش ماكو مؤسسة او شركة تخلى من الحقوقيين .. اختي، هذا الكلام حسب مجتمعنا وحسب السوق مثل ما يقولون وما راح يتظبق في كل الاوقات .. وشيء لا يختلف عليه اثنان الارزاق بيد الله وتوكليّ على الله ، وربي يوفقش |
||
07-04-2013, 08:16 PM | رقم المشاركة : ( 9 ) | ||
طالب مبتدئ
|
|
||
23-02-2014, 08:00 PM | رقم المشاركة : ( 10 ) | |
طالب مبتدئ
|
انا بعد نفس الحااالل خاااايفه وايد ادرس حقوق وماحصل بعدين شغللل
|
|
27-02-2014, 12:23 PM | رقم المشاركة : ( 11 ) | |
طالب مبتدئ
|
محمد
هههههههه وقسم بالله كلامج خطير شوي وببجي الله كريم
|
|
04-12-2014, 02:20 PM | رقم المشاركة : ( 12 ) | ||
طالب مبتدئ
|
اني خلاص بتوكل ع الله وبدرس ماعليي اهم شي الي في بالي وخاطري يصير
|
||
04-12-2014, 05:22 PM | رقم المشاركة : ( 13 ) | |
طالب مبتدئ
|
الله يوفقش خيوو ويعطيش ع قد نيتش وتأكدي أن اذا الله ماكتب لش تدرسين حقوق فهذا خير وصلاح لش
حطي ف بالش ان الله ما يظلم عبده كما قال تعالى(( وعسا ان تكرهوا شيئا وهو خيرا لكم)) يمكن صدق يصير في نصيبش الله لا يقوله انش تدرسين تخصص ثاني يضايقش بس لا تخلينه يحبطش وعرفي ان الله ما يختار للواحد الشئ الا وهو يعرف انه خير وصلاح لينا |
|
04-12-2014, 07:25 PM | رقم المشاركة : ( 14 ) | ||
طالب نشيط
|
بالتوفيق جميعا ...... |
||
20-12-2014, 07:52 PM | رقم المشاركة : ( 15 ) | ||
طالب مجتهد
|
في اعتقادي انه وزارة العمل بعد تخرج الطالب من مساره في الجامعة تعرض عليه اماكن للعمل هاي حسب سؤالي لخريج حقوق من جامعة البحرين
بس مافي شي مؤكد وعلى العموم انا شخصيا لو بدخل تخصص ما باخذ راي احد لانه لو قعدت تاخذ راي فلان وفلتان ما بتاخذ لا حق ولا باطل مع احتمالية قلة تواجد فرص للعمل لخريجين وخريجات هالمجال خلو املكم بالله قوي يمكن الوضع يتغير الله اعلم بالتوفيق جميعا |
||
مواقع النشر (المفضلة) |
أدوات الموضوع | إبحث في الموضوع |
انواع عرض الموضوع | |
|
|