الفصل الاول و الفصل الاخير

[moalim33]

موضوعنا اليوم عن احتياجات الطالب (مجهود-نقاط القوة-نقاط الضعف) في كلاٍ من :

الفصل الاول

و

الفصل الاخير

طبعا الموضوع لأخذ التجارب و الاستفادة للجميع منها في كلا الفصلين كونهما من اهم الفصول طيلة المرحلة الثانوية....

اعطونا تجاربكم و نصائحكم

[صارة22]

انا انصح الطلبة بأولى ثانوي يركزون بالدراسة لأن هالسنه مهمة جدا وممكن تنزل

معدلهم لأن سنه جديدة عليهم بالثانوية وهي اصعب سنة بالثانوية ..

ويذاكرون و ((((يفهموووون))))))الدروس أول بأول لأن ما يمدي يذاكرون حززه الحززه

ما يلحقوون و عشان يصير عليهم سههل :)

و يركزوون بالذااات على مواااد 4 ساعات عشااان يرتفع المعدل وطبعا ما يهملون مواد

الساعتين وينظموون وقتهم للدراسة طبعا...

عشان بالسنة الثانية يتختارون التخصص الي يحبوونه وتسهل عليهم لأمورر..

وبسسس وبالتوفيق لهم كلهم..

[بنت بلآدي]

بتكلم عن الفصل الأول من تجربتي :

الفصل الأول الناس دائماً ما يقولون انه يعتبر من اهم الفصول عشان تثبت معدلك من البداية و هاي الشي صح و خطأ في نفس الوقت ؛ صح من ناحية انه يثبت المعدل و تكون بداية ممتازة لك في الثانوي و لكن خطأ لأن بعض الناس تعتبر نفسها تعدت مرحلة الخطر و إنها ضمنت معدلها فتبتدي تهمل دراستها بحجه انه المعدل يثبت و عادي ..

بالنسبة للمجموعات : طبعاً بتكلم عنها لإن وايد ناس يظنون انه مجموعة فيز ثقف اصعب من مجموعة كيم تقن و هالشي خطأ , لان المجموعتين يعتبرون تقريباً متساوين من ناحية الصعوبة و السهولة لكن يختلفون من ناحية المواد و كميتها على الطالب , ولذلك نشوف غالبية الناس يفضلون المجموعة الثانية ( كيم تقن ) لان المواد خفيفة و قليلة بالنسبة للمجموعة الاولى و بالنسبة لـمجموعة فيز ثقف سهلة لكن تحتاج الى جهد اكثر من المجموعة الاولى ؛ لكن لا تتشائمون و تسمعون كلام الناس ولإني شخصياً سمعت كلام الناس و ما شفت الي يقولون عنه

من ناحية نقاط القوة أشوف ان الطالب اللي درس الاعدادي بمنهج المطور , بيسهل عليه الدراسة في الثانوي لإن المواد العلمية مثل كيم و حيا و فيز بتكون أسهل لكم لان اغلب الدروس انتوا ماخذين فكرة عنها في الاعدادي و لكن بتدرسونها بشكل مفصل أكثر , و اما بالنسبة لمواد الادبية راح تكون سهلة و لكن مختلفة عن الاعدادي

وبالنهاية انصح طلاب المستوى الاول بشكل عام انهم يهتمون و يدرسون و يعطون كل مادة حقها من ناحية الدراسة و المجهود و طبعاً شوفوا النماذج السابقة و لكن لا تعتمدون عليها بشكل كلي لانه مو شرط الوزارة تلتزم بنفس الاسئلة او صيغة النماذج السابقة و عشان لا تنصدمون بعد ولا تتحبطون او تتشائمون فـ هذي المرحلة تمهد لثاني و تعطيكم نبذة عن كل تخصص .

وبس والله تكلمت وايد

[am0la]

الفصل الاول هو الدعامة الاساسية فعلا ومحد ينكر هالشيء مثلا آنه لعبت لعبتي آول كورس صرآحه ومعدلي كآن كريه لكن الكورس اللي بعده صرآحه عوضت بشكل كبير لكن في االنهآية شصآر للترآكمي؟!
صح زآد لكنه وين ووين معدل الكورس الثآني صآر علي صعب آرفعه وآحتآج لجهد مكثف يعني
فعشآن جذي دآئمآ آقول آلى مآل آول آجتهدوآ من آول كورس.

آخر كورس المعدل تقريبآ بيثبت لانه عدد الفصول زآد بس هذآ مو معنآه آن مآندرس ومآ نجتهد!
لآنه المعدل بينزل جذي فـ لآزم ندرس بعد
وبآلتوفيق.