سعودية وأرغب الدراسة في البحرين:)

[د.ليليا]

السلام عليكم
اتوقع الموضوع واضح من العنوان ..
أنا سعودية وحابة أدرس في كلية العلوم الصحية في البحرين
تخصص تمريض
ولكن عندي شوية اسئلة واستفسارات ياليت تساعدوني فيها لاني منجد تعبت من البحث بدون فائدة .

أول شي الكلية هذي تقبل معادلة مواد؟ والتسجيل فيها بناءًا على نسبة الكلية اللي كنت ادرس فيها ولا على شهادة الثانوي؟ يعني الكلية تحط اعتبار لأي شهادة؟ لأن شهادتي الثانوي نسبتها "خرا" بس نسبتي في الكلية حلوه جدًا ..

أنا دارسة في كليتين في السعودية وماخذه تحضيري مرتين وجاهزه وخالصه وتخصصت بعد سنه أولى تمريض بكالوريس
يعني مستحيل أفكر أني أعيد الشي ذا من جديد لكذا اسال عن معادلة مواد .

ثاني شي لو إن شاءالله فيه معادلة مواد بكذا بكم التكاليف للسنة الوحدة لهذا التخصص؟
وهل فيه سكن طالبات؟ و يكون على حسابي بعد؟


أنا بس حابة أقارن وين الأرخص هنا ولا البحرين ، لأني أدرس في القطاع الخاص ومو قادرة أتحمل الرسوم صراحة
وسمعت أن فيه البعض راح أو يخطط يروح البحرين عشان أنها أرخص من هنا ،
لكذا اتمنى مساعدتكم أو أي معلومه تعرفونها او أي شيييي

*ومدري اذا الناس باقيه تدخل منتديات او لا بس قلت اجرب حظي*