متنفسكم في الفصل الثاني ~

[ستايش]

يوم الخميس رحنا انقدم امتحان فنون وقالوا لينه انجي يوم الثلاثاء حق تدريب

اليوم رحت المدرسة وظلينا فاعدين في الممر لأن الصفوف مقفلة وطلينا انحارس جاوا لينه معلمات ونزلن ودونا صالة العهد الزاهر حق التدريب وقعدنا بترتيب على حسب معدلاتنا
وعقب ما كملنا بنروح التضامن صار زحمة عند البابا وقفنا في الحر انحارس احد يفتح لينه الباب
عقب رحنا واستلمنا زي التخرج لكن ما عطونا كبوس
وبعدين رحنا فوق انحارس ينادون حق التصوير واني ما كانت ادري انه اليوم تصوير بعدين قاموا ينادون ورحنا انصور وعطونه كبوس بس علشان التصوير وفي بنات لبسوا شيلة بيج علشان ايصير حليوا واكون مناسب وي الزي اني مادري عن التصوير ول خذيت لي شيلة بيج فأحس الصور بتطلع كريه
وعقب جات وحده اتقول اللي يكمل يجي عشان يملي الأستمارات وكحين ما عادت ولا احد سمعه وقالت انه مهمين حق التخرج رحنا فوق في صف وطلع اخرته انه ورقه وفيه اسئلة
هل تحب المدرسة ؟
هل تشعر بالأمان في المدرسة ؟
هل تعرف لائحة الأنظباط الطلابي ؟
وغيره 25 سؤال

طلع هرار حسبنا شي مهم وما احد كان عنده أقلام بس عطونه يمكن 3 أو 5 أقلام واللي اتكمل تعطي الثانية وتطلع

عقب طلعت ورجعت البيت
وبس بفتك من المدرسة باقي 15 يوم
انشالله اتكون الأختبارات سهلة وارفع فيه معدلي

أي وبعد في ادمية خذت من عندي أورق مال اختبارات عشان تطبعهميمكن صار ليهم أسبوع أو أكثر واليوم سألت عنه ما جت يوم مشيت ورجعت البيت اتصلت المديرة لبابا عشان يروح يأخذهم

[نبض أنثى]

المشاركة الأصلية كتبت بواسطة الاليت القدر

الجامعة بدخل تخصص قده و مابتعب فيه، يعني فهم عادي قبل الامتحان اقرأ و اجيب درجة عالية

شنو التخصص اللي تقراين قبل الامتحان وتجيبين درجة عالية
في الجامعة مافي تخصص مافيه تعب حتى لو كانه أكثره عملي لازم فيه كرف في النظري غير ان الكتب متان وتحتاج الى مجهود ووقت للدراسة جم يوم مو قبل الامتحان تقرأين وتجيبين درجة عالية ..

[NoOony.A]

والله اخوي يدرس بجامعة البحرين مايدرس الا قليل و معدله مرتفع ، و التخصص الي بيدرسه بدرسه

في ناس تكرف تكرف و ماتسوي زينو ناس تدرس شوي و تجيب اعلي من الي كرفت و العكس احيانا هذا يعتمد ع قدرات الشخص ، و من شخص لشخص يختلف

[™Zainab]

يُغلق | هُنآ الصصفحة الجديدة { صفحة الفضفضة }

https://students-bh.com/vb/showthread.php?t=63570