بسألكم عن تخصصات كلية العلوم وامبي رايكم

[Feda'a alro7]

اني خريجة اللحين وحابة ادخل كليتكم بس متحيرة بين التمريض والمختبر الي سمعته ان التمريض شغله واجد حليوة واذا انتين حابتنه بتحبينه اكثر وجدي بس العيب الي فيه ان تعب وزامات وبعد ان ساعات الدوام اكون ايام اجازات و ايام عيد ومستقبلا بكون عليش ضغط ككلام الناس ان ما فيه مجال حتى اجوفون ولادهم او ادرسونهم والمختبر حليو وشغلته مريحة وجدي امبي رايكم ويش انتون تحسوون امبي رايكم كل شخص يعرف اقول لو سمحتون واكون شاكرة ليكم 😁😅

[اوتاكو]

هلا أنا طالبة مختبر في كلية العلوم
في البداية إن شاء الله تتفوقي و تطمنين بدرجات متفوقة
و عن سؤالك أنا مادري شنو تحبين أو شنو ميولك بس التمريض حتى في الدراسة ضغط لأن يدرسون من كل تخصص في الكلية شوي حسب ما سمعت من طالبة تمريض .. و في نفس الوقت هو أكثر تخصص فيه حركة و جدي يعني فهمتيني لأن ممكن يحطونك بأي قسم في المستشفى..بس في النهاية الا تشوفينه أنتي مناسب إختاريه طبعاً
أما عن المختبر في هنا في ذا القسم تقرير مفصل عن التخصص يكفي و يوفي
و إذا كان إلا شايلة همه تعب الشغل ترا كلهم يتعبون يختلفون ف درجة الجهد أكيد بس عادي كل شي تتعودين عليه يصير روتين
اتمنى أفدك

[لؤلؤة المحاري]

بالنسبة لسؤالك دايما انظري إلى مستقبلش من الناحية اللي انتين تجوفينها و لا تهتمين لكلام الناس
كل تخصص في الحياة يتطلب من الإنسان أن يبذل مجهود عشان يحقق اللي يتمناه و يوصل إلى درجة النجاح
ما نقدر نقارن بين تخصصين كل واحد مختلف عن الثاني و نقول أصعب أو أسهل في نظري المجهود اللي بتبذلينه للدراسة يعتمد على طريقة التحضير و التعامل مع كل مقرر من مقررات التخصص
كوني خريجة تمريض من الكلية دايما اردد الجملة اللي الكل لازم يحطها في باله انا شلون اجوف نفسي في المستقبل
هل عندي القدرة اني اتحمل الضغوطات من كل النواحي مو بس على النطاق الاجتماعي و الشفتات اللي صارت أمر عادي جدا
لأن الضغوطات شيء لا مفر منه في بيئة العمل كون الممرض عنصر أساسي في رعاية المريض و أقرب شخص ممكن يلاحظ اي تغير يطرأ و يكون سبب في أن ينقذ روح

التمريض تخصص حليو و مثل ما قالت الأخت التخصص يبي ليه مرونة طبيعة الدراسة تتطلب انش تتأقلمين في أي جناح تنزلين فيه لتدريب و تكونين حابة الشيء من قلب عشان تعطين و تبدعين فيه..
اتمنى اكون افدتش..