مَـركز الإستفسـارات لكلية البحـرين للمعلمين ‏{2}

[حسين محمود]

المشاركة الأصلية كتبت بواسطة ~skinh~

السلام عليكم ورحمة الله وبركاته
عندي استفسار

اني طالبة سنة أولى أدرس رياضيات في كلية العلوم في جامعة البحرين وامبي أسجل في كلية المعلمين ، وعندي اسئلة كثيرة :

متى بيكون تسجيل الكلية ؟؟

وهل الشهادات الثنوية يبونها أصلية من الوزارة او عادي الكوبي ؟

وويش عن رسالة التزكية من المدرسه اني ما عندي اياها لاني مو خريجة مدرسة الحين فهل تكفي شهاده حسن السيرة والسلوك ؟؟

اني ماعطيني منحه ادا قبلتني كلية المعلمين تروح عليي المنحه أو لا ؟

ولأن أني مو ضامنة اني ينقبل في كلية المعلمين فبحول تخصصي من رياضيات الى شي ثاني في جامعة البحرين وفي نفس الوقت بسجل في كلية المعلمين وسؤالي ادا قبلوني في كلية المعلمين اقدر أكنسل تحويل التخصص في جامعة البحرين ؟ (بما فيه استرداد مبلغ التحويل ؟)


سمعت ان ادا بحول من تخصص الى اخر في جامعة البحرين لازم اكون مجتازة 12 ساعه هل ينطبق هالشي على كلية المعلمبن ؟ ام ان تسجيلها منفصل تماما عن جامعة البحرين ؟


اني معدلي الثنوي 94.1 هل من الممكن ادا سجلت في الكلية الحين يعطوني بعثة ويعفوني من التمهيدي ؟ أو لازم ادش تمهيدي ؟؟

سمعت ان ما يقبلون الكل في الكلية ، على أي اساس يكون القبول ؟




اتمنى ان تفيدوني

تسجيل كلية البحرين للمعلمين منفصل تماما عن جامعة البحرين
والقبول على اساس ادائج في الامتحان ثم اذا اجتزتي على ادائج في المقابلة
البعثه تبع الوزارة لكلية البحرين للمعلمين تمشي لجميع الطلبة المقبولين من السنة الأولى
والمعدل الثانوي ما يعفونج منه ، لازم تدشين تمهيدي إلا في حالة وحدة حصلتي بعثة من الوزارة

[طموحة]

المشاركة الأصلية كتبت بواسطة انه تمهيدي

سلام عليكم
طبعا ادري بتضحكون على هالنك القديم الأليم كتبته وانه كنت طالبة في كلية المعلمين من دفعة 2011 وانظلمت من هالكلية وحولوني للجامعة مع عدم اعطائنا او اعلامنا بالقوانين الكلية كون دفعة 2011 اول دفعة تمهيدي كنا فئران تجارب للكلية.....



المهم الحمدالله انا واصلت بالجامعه وان شاءالله باذن الله باتخرج السنة الياية ممكن اعرف بما انه تخصصي تاريخ هل ممكن ان اعرف برامج التي توفرها الكلية لطلبة البكالوريا وماهي الشروط واكون شاكرة لكم

بما إنه تخصصش تاريخ وبتتخرجين بكالوريوس يصير تدرسين دبلوم تربية في الكلية

[الاتحاد السعودي]

عندي جم سوال واتمنى تجاوبوني عليهم :
الحين انا ابي اسجل ف كلية معلمين بس قالو اول لازم نسجل بجامعة البحرين وجامعة البحرين مافي كلية معلمين مع الرغبات شسوي انا به الحالة ؟

ومتى يبتدي التسجيل حق كلية معلمين ؟ اي تاريخ ؟

[طموحة]

المشاركة الأصلية كتبت بواسطة الاتحاد السعودي

عندي جم سوال واتمنى تجاوبوني عليهم :
الحين انا ابي اسجل ف كلية معلمين بس قالو اول لازم نسجل بجامعة البحرين وجامعة البحرين مافي كلية معلمين مع الرغبات شسوي انا به الحالة ؟

ومتى يبتدي التسجيل حق كلية معلمين ؟ اي تاريخ ؟

التسجيل في الكلية يتطلب تسجيل الجامعة عشان يكون فيه رصيد ويندفع مبلغ التسجيل
فبعد ما تسجل في الجامعة راح يجي تسجيل الكلية، وفي تسجيل الجامعة رتب الرغبات الا تبي تدرسها في حال لم يتم قبولك في الكلية
التسجيل نهاية الكورس الثاني

[rose*]

سمعت ان مو كل من يقبلونه ف الكلية صدق��؟

[طموحة]

^

عدد القبول محدود، لذلك المقبولين عددهم يكون قليل

[الاتحاد السعودي]

المشاركة الأصلية كتبت بواسطة rose*

سمعت ان مو كل من يقبلونه ف الكلية صدق��؟

مشكورة اختي طموحة (=

يوم المحاضرة الدكتور قآل انه يقبلوون بس اذا انت تتساهل ف الموضوع اهمة يسون تصفية ف السنه التمهيدية اذا يبت اقل من 2 ما ياخذونج واذا اكثر ياخذونج وقبل طبعا لازم تنجحين ب الاختبآرات و المقابله الشخصية يعني السآلفة تعتمد على القدرات والمجهود واذا انتي حابة تكونين مدرسة وبتوفيييق للجميع (=

[najo0om]

السلام عليكم
اني كنت طالبة حقوق ماسويت اوراق انسحاب طرشوي لي انذارات بعدين فصل نهائي من الجامعه المهم هي الشي من أبل سبع سنين كنت كارهة ادرس من قلب اوكي حاولت ارجع الجامعه قالو لي خلاص نو وي مايصير ارجع بس كلمت التسجيل قلت لهم اذا يصير اسجل في كلية المعلمين قالو لي عادي يصير هم تسجسلهم يختلف عن الجامعه الخلاصة والي ابي اعرفه (( الحين يقبلوني وانا متخرجه من 7 سنين كل الشروط مستوفيه معدلي 88 مسار أدبي
انجليزي اوكي مشيه فيه بس مكتوب ان لازم متخرجه بعد سنتين او ان اذا صار سنتين مايقبلون مافهمت من جذي اسأل
اتمني تردون علي بليز بأسرع وقت لأن ماابي ازرع في ألبي أمل بعدين ينكسر ألبي

[najo0om]

لحين محد رد عليي ليش

تعبت واني اتصل للكليه مايردون ��

[حسين محمود]

المشاركة الأصلية كتبت بواسطة najo0om

السلام عليكم
اني كنت طالبة حقوق ماسويت اوراق انسحاب طرشوي لي انذارات بعدين فصل نهائي من الجامعه المهم هي الشي من أبل سبع سنين كنت كارهة ادرس من قلب اوكي حاولت ارجع الجامعه قالو لي خلاص نو وي مايصير ارجع بس كلمت التسجيل قلت لهم اذا يصير اسجل في كلية المعلمين قالو لي عادي يصير هم تسجسلهم يختلف عن الجامعه الخلاصة والي ابي اعرفه (( الحين يقبلوني وانا متخرجه من 7 سنين كل الشروط مستوفيه معدلي 88 مسار أدبي
انجليزي اوكي مشيه فيه بس مكتوب ان لازم متخرجه بعد سنتين او ان اذا صار سنتين مايقبلون مافهمت من جذي اسأل
اتمني تردون علي بليز بأسرع وقت لأن ماابي ازرع في ألبي أمل بعدين ينكسر ألبي

من شروط القبول ان مايمر على تخرجج اكثر من سنتين..

[sweetest]

نتائج قبول كلية المعلمين قبل جامعة البحرين !

في حال تم قبولي في الكلية ولازم اثبت حتى ما أخسر القبول انزين اذا ثبت هل تنلغي رغبتي في جامعة البحرين ؟ لاني ابي انطر قبول جامعة البحرين حتى اختار بينهم ، لان كلية المعلمين رغبتي الثانية و رغبتي الاولى هي الصيدلة !:sweatdro: او يمكن تطلع لي رغبة تعجبني في جامعة البحرين

محتارة اذا قبلوني الكلية اثبت او لا

[ali hasan jawad]

1- متى التسجيل لدفعة 2015 ؟
2- التسجيل في المدرسة ولا نروح الكلية ؟
3-تسجيل الكلية منفصل ولا نفسه للجامعة ؟ انا قريت في الاسئلة الي قبلي لازم الجامعة و مادري شنو ، اتمنى الشرح
4- شلون ادرس سنة اولى بدون تمهيدي ؟
5- لما اتخرج من تخصص انجليزي او اي تخصص غير اقدر ادرس مواد تجارية ؟ لأن مافي تخصص للمواد التجارية
6-شنو سالفة شهادة التزكية ؟ ناس تقول مدرسين اثنين يكفي و ناس تقول 6 مدرسين و شهادتين

[محماس]

سؤال بسيط
هل يوجد بعثات تمنحها وزارة التربية و التعليم للطلبة المتفوقين لكلية البحرين للمعلمين

[طموحة]

يعتمد على خطة البعثات
العام او الا قبله نزلوا بعثات حق الكلية

[طموحة]

المشاركة الأصلية كتبت بواسطة sweetest

نتائج قبول كلية المعلمين قبل جامعة البحرين !

في حال تم قبولي في الكلية ولازم اثبت حتى ما أخسر القبول انزين اذا ثبت هل تنلغي رغبتي في جامعة البحرين ؟ لاني ابي انطر قبول جامعة البحرين حتى اختار بينهم ، لان كلية المعلمين رغبتي الثانية و رغبتي الاولى هي الصيدلة !:sweatdro: او يمكن تطلع لي رغبة تعجبني في جامعة البحرين

محتارة اذا قبلوني الكلية اثبت او لا

ثبتي احتياطا واساليهم قبل طبعا هل اذا ثبتي يتكنسل قبول الجامعة أو لا

المشاركة الأصلية كتبت بواسطة ali hasan jawad

1- متى التسجيل لدفعة 2015 ؟
2- التسجيل في المدرسة ولا نروح الكلية ؟
3-تسجيل الكلية منفصل ولا نفسه للجامعة ؟ انا قريت في الاسئلة الي قبلي لازم الجامعة و مادري شنو ، اتمنى الشرح
4- شلون ادرس سنة اولى بدون تمهيدي ؟
5- لما اتخرج من تخصص انجليزي او اي تخصص غير اقدر ادرس مواد تجارية ؟ لأن مافي تخصص للمواد التجارية
6-شنو سالفة شهادة التزكية ؟ ناس تقول مدرسين اثنين يكفي و ناس تقول 6 مدرسين و شهادتين

1- راح يعلن عن التسجيل قريبا، احتمال الشهر القادم
2- راح يكون الكتروني وعن طريق المدرسة
3- تسجيل الكلية منفصل عن الجامعة ولكن يشترط التسجيل في الجامعة قبل التسجيل في الكلية
4-السنة التمهيدية تكون للكل إلا في حالة توفلر بعثات من الوزارة
5- ما يصير
6- راح يحددون عددرسائل التزكية في المتطلبات في اعلان التسجيل