افكار تعد ولا تحصى

[مبني للمجروح]

I السلام عليكم ورحمة الله وبركاته.. ::
انا طالب في وحد بغيت اسال عن موضوع واجد محيرني الحين انا واجد احب التخصص الادبي مع اني امشي بعد ف العلمي ماكو مشكلة عندي فيه بس ابوي رافض اني ادش ادبي لانه تخصص الشباب الفاشل الي ماله مستقبل على قولته.. اشلون اقنعه بوجهة نظري و لكم جزيل الشكر

[Hymoo2002]

اقنعه ان الادبي والتجاري يتيحون لك تدخل كل التخصصات ماعدا الهندسة والطب..... والمفروض انت تمشي على رغباتك مايصير تدخل تخصص ماتبيه... اهم شي

[ستايش]

-البعض يحتار في اختيار التخصص
-البعض يجون الأم أو الأب أو الأثنين يبون يختارون ويقررون عنه

هالموضوع ذكرني بهذي القصة
((مهند حصل معدل بالعلمي 99% وسامي جاب 70% أدبي انقبل مهند بكلية الطب وانقبل سامي بكلية القانون واشتغل كل واحد بتخصصه , بيوم من الأيام كان في مريض يتعالج عند(مهند)وصارت حالته خطرة بغرفة العمليات ومات, تم اتهام الدكتور (مهند) بتهمة الأهمال الطبي , (سامي ) كان محامي عبقري وقدر يثبت إنه الدكتور مهند ما كان مهمل وسوه كل اللي عليه بس الموت قدر المريض , سامي اللي معدله 70% انقذ مهند اللي معدله 99%, لهذا السبب لا شيئ اسمه تخصصات قمة وتخصصات فاع , المعدلات ما تحدد حياتنا مثل ما الكل يتخيل ويتصور, مجهودنا وإبداعنا بالمجال اللي ندرسه هو اللي يحدد جياتنا ونجاحنا .))

إذا كنت مقتنع من اختيارك حاول تقنع أبوك وتفهمه وتوضح ليه أنت في شنو تفكر ولشنو تطمح وأنك إذا شي تحبه بتنجح فيه وأنت ما عليك من غيرك نجحوا لو رسبوا كملوا دراسة لو لا حصلوا شغل لو لا
أنت شخص غير وطموحك غير ورغباتك غير ولما تختار شي تحبه بتنجح فيه
بالأمكان الأستعانه بالمرشد الأكاديمي أو الأجتماعي في المدرسة لأقناع أبوك أو أحد الأكاديمين أو الأشخاص اللي يحبهم ويحترمهم أبوك

قول ليه أنك مو جاهل صرت كبير وتفهم وليك الحق في اختيار تخصصك ومستقبلك وحياتك لأنه أنت اللي بتدرس وبتتعب حاول تقنعه وتتفاهم وياه بهدواء