ادخلوا يجماعة لضرورة

[pink_k]

يجماعة انا طالبة منازل عمري 21

صارت عندي مواد جزئي علمية مثل فيز وريض والكيم وحاسب لأول ثانوي

وقالوا لي ما تقدرين تداومين حصص بالمواد الي صاروا عليج

منو يعرف حد عمره 21 سنة واكبر يداوم بمدرسة صباحي مع الطلبة عادي

أو يداوم بالمواد الي صارت عليه على الأقل

انا حاولت قبل جم سنة ادخل مسائي و سألوني

أنتي متزوجة
أنتي مخطوبة
أنتي موظفة

عمرج يعني بوسط العشرينات مااذكر كم قالوا

خصوصا ان المنازل الدرجات من مئة فالمستوى يتدنى وصاير الوضع صعب وبلا شرح

وصايرة ادفع مبالغ جدا عالية هني وهناك ومن سؤال واحد درجاتي تروح

افيدوني

[طالب عام]

الموضوع جدا عادي .. خلي عندج ثقه هاي الي يسالونج اساله جذي مو هم الي بيوظفونج ولا بيصرفون عليج بالمستقبل
كلها جمن سنه وتخلصين و تنسين
مايسوى تفرطين درجاتج عليهم
احنا معانا بنات 19 و 20 و الموضوع يبيله تتاقلمين بس

[pink_k]

المشاركة الأصلية كتبت بواسطة طالب عام

الموضوع جدا عادي .. خلي عندج ثقه هاي الي يسالونج اساله جذي مو هم الي بيوظفونج ولا بيصرفون عليج بالمستقبل
كلها جمن سنه وتخلصين و تنسين
مايسوى تفرطين درجاتج عليهم
احنا معانا بنات 19 و 20 و الموضوع يبيله تتاقلمين بس

انتي مو فاهمه قصدي انا عمري ما اقدر اداوم فيه صباحي ممنوع ماياخذوني

ويوم رحت بسجل مسائي سألوني هالاسئلة ويوم قلت انا لا متوظفة ولامتزوجه ولامخطوبة ولا بعمر معين بالعشرينات قالوا ما يقدرون يحطوني مسائي

فصرت الحين منازل يعني امتحاناتي بس نهائي ودرجة من مئة وبسبب توزيعة الدرجات خربت درجاتي

فأكيد ابي ادخل صباحي او مسائي عشان تتغير توزيعه درجاتي او يكون في حد يشرح لي بدون ما اضطر اصرف مبالغ كبيرة وانا غير موظفة عشان ادخل التخصص الي ابيه بالجامعة لازم درجات عدله .احس ظلم توزيعه الدرجات للمنازل اقل سؤال عليه 15 درجة

لو اغلط مثلا ونا جايبه فل مارك 100 اصير 85 بسبب سؤال منو يرضاها؟؟؟؟؟

[طالب عام]

اوه اسفه مافهمتج من البدايه .. ماعرف ولله بهالامور بس شرحي وضعج للوزارة و ان شاء الله يسوون لج دبرة