بخصوص وقت الدوام المدرسي الي يبدأ الساعة 7 وينتهي الساعة 2:15, حاب اسأل كل واحد منكم بخصوص يومه, وهل هو مرتاح مع فترة الدراسة الطويلة؟
بدخل في الموضوع بشكل سريع. لما كنت في ثاني إعدادي الوزارة مددت الدوام الدراسي الخاص بالمرحلة الإعدادية الى الساعة 2:15, وهذا الشي ما خلاني مرتاح ابدا, انزعجت بشكل كبير وما كنت اقدر اخطط ليومي, بشكل عام كانت حياتي ذيك الفترة دراسة وبعدها ارجع البيت اصلي وانام مباشرة, واقوم من النوم الساعة 8 الليل تقريبا, يعني نص يومي كان يضيع بسبب وقت الدراسة الطويل, واستمريت على ذا الروتين للسنة الي راحت, في ذي الفترة (3 سنوات تقريبا) تبين ليي ان تمديد الدوام للمرحلة الإعدادية كان قرار غبي, كانت في حصص ما لها فايدة اساسا ندرسها, ولما دخلت الثانوي شفت ان في حصص ما منها فايدة ابدا ولا عليها درجات, مثل حصص المجالات وحصص البدع والتقوية, يعني اقل شي في اليوم تضيع ساعة تقريبا على حصه ما منها فايدة مثل حصة الإرشاد, وتوصل ل 4 ساعات في اليوم ما يستفيد منها الطالب غير التعب وتضييع وقته.
هذا هو الوقت الي المفروض تقلل فيه الوزارة وقت الدوام المدرسي, وتنلغي فيه الحصص الي ما منها فايدة مثل حصص الشعب وحصص البدع والتقويه, و اتوقع ان كل الطلاب يدرون بذا الشي ويشوفون ان ازالة الحصص الي مالها فايدة من الجدول بيكون احسن للطالب, وفي نفس الوقت بيقلل من مدة الدوام المدرسي بشكل كبير.