تختار السلسلة الاطول من الكربونات .. وعلى عددهم بتحدد اسم الالكان .. مثلا لو 6 كربونات بتكتب هكسان .. وبعدها ترقمهم بحيث انه مجموع ترقيمات التفريعات يكون اقل عدد .. ولما تجي تكتب التفريعات تنتبه انك ترتبهم بالابجدية . مثلا الايثان قبل الميثيل .. ولازم تنتبه انه اول كربونه ف السلسلة عندها 3 هيدروجينات واخر وحدة بعد ثلاث هيدروجينات .. واللي ف الوسط 2 عندهم .. واذا ارتبطت فيهم سلسلة جانبية .. تنقص من الهيدروجين وحدة لكل سلسلة جانبيه .. وبس :
وفي الحلقي الموضوع ابسط .. بس تعد النقاط << الزوايا في الشكل .. اذا كانوا 4 مثلا يكون بيوتان حلقي ... << ولازم تكتب كلمة حلقي ولا تنقص ... لانه في فرق بين الحلقي والعادي .. الحلقي كل الكربونات الموجودة .. عندها هيدروجينتين .. بس في العادي مثل ماقلت الاولى والاخيرة عندهم 3 .. ف يعني الالكان الحلقي دايما بيكون اقل بهيدروجنتين من العادي :p ف حاسب لهالنقطة ... << كل زاويه تمثل ch2 في الحلقي ..
ومثل العادي .. ترتب الزوايا بحيث تعطي التفريعات اقل عدد ... واذا من الصوبين تساوو الاعداد .. ف تعطي الاعداد الاقل حق اللي في الابجدية قبل .. مثلا لو الترتيب اللي ممكن تسويه من الصوبين يعطيك نفس الشي .. ف انته بترقم من الصوب اللي يعطي الايثيل رقم اصغر .. لو كان عندك ميثيل وايثيل ..
-
الألكينات ... ابسط من الالكانات بوااااجد ... لأنك بترتب حسب الترتيب اللي يعطي الرابطة الثنائية اقل رقم..
والالكاينات ... نفس الالكينات بترقم بحيث انه تعطي الرابطة الثلاثية اقل رقم ...
|
06-11-2014, 09:55 PM
تسمية الالكانات
العرض العادي
