Chapter One ..|~

[أحلام طآلبة ..!]

السلام عليكم ورحمة الله وبركاته
بسم الله الرحمن الرحيم
اللهم صلِ على محمد وآل محمد


* Simple Interest
(( SI = P × I × T ))
السمبل انترست يتقسم الى اربع اقسام :
1) سمبل انترست (( للـ سنوات ))
2) سمبل انترست (( للـ أشهر ))
3) سمبل انترست (( للـ سنوات + للـ أشهر ))
4) سمبل انترست (( للـ أيام ))

* Amount
(( A= P+SI ))
الاماونت تبع الـ سمبل انترست ساعات يطلبون منكم انكم توجودنه وساعات مايطلبون , إذا جفتون كلمة How much في السؤال معناته لزمن تطلعون الأماونت ..

* نبتدي بالـ (( سمبل انترست للـ سنوات ))
مثال 1 :
If we invest BD2,400 with simple intrest rate 8% , what's the balance of the investment after 6 years
هني هم عاطينا الـ P والـ I والـ T , كل شي جاهز , مجرد نعوض ونطلع الـ SI :
P =BD2400
I = 8%
T = 6 years

SI = P × I × T
SI = 2400 × 8% × 6
SI= BD1152

* (( السمبل انترست للـ أشهر ))
مثال :
What is the interest on BD8,400 invested for 6 months at 7% simple interest
هني عاطينا الـ T بالأشهر يعني مايصير سيدة اجي واعوض في القانون , لآ , لزمن آخذ الأشهر الي هم 6 واقسمهم على 12 عشان احولهم الى سنوات وبعدين اعوض في القانون :
P = 8,400
I = 7%
T = 6\12 = 1\2
الحين بنجي نعوض :
SI = P × I × T
SI = 8400 × 7% × 1\2
SI = BD294

* (( السمبل انترست للـ سنوات + الـ أشهر ))
مثال :
An ivestment of BD5,000 with interest rate 9% . How much will it be at the end of 4 years and 9 month
هني عطونا الـ T بالسنوات والأشهر , في هالحالة شنسوي؟
ناخذ السنوات ونضربها × 12 ونجمعهم ويا الأشهر الموجودة ونرد نقسم الناتج الي يطلع على 12
P = 5000
I = 9%
4.75=12\57=9+(T = ( 4 × 12
ويصير تعوض في القانون بـ 57\12 مايحتاج تطلعه الى 4.75
الحين نجي نعوض :
SI = P × I × T
SI = 5000 × 9% × 4.75
SI =2137.500
هي في الآلة تطلع 2137.5 , بس لزمن نحط 3 خانات ورا البوينت لأنه BD يعني يصير > 2137.500
بما انهم حطو لينا How much يعني لزمن نطلع الـ A
A= P+SI
A =5000+2137..500
A = 7137.500

* (( السمبل انترست للـ أيام ))
هني راح تكون عندنا عدة طرق
ساعات بيعطونك مسألة عادية فيها الـ P والـ I والـ T بس بكون بالأيام فراح تاخذ الـ T وتقسمها على 360
وفي مرة بيعطونك تواريخ ولزمن تطلعهم من الجدول بكون عندنا جدولين جدول للسنوات العادية وجدول للسنوات الكبيسة
وفي مرة بيعطونك الـ Trade ولزمن تقسم الايام على 360 ومرة على الـ Exact ولزمن تقسم الايام على 365

نبتدي بالـ جداول ,
السنة الكبيسة هي السنة الي تكون عدد ايامها 29 في شهر فبراير وفرضاً حطو لك سنة من غير جدول وقالو لك قول لينا هل هذي السنة كبيسة او عادية ؟
تروح تاخذ السنة المطلوبة وتقسمها على 4 اذا طلع لك الجواب مافيه بوينتات فهذي سنة كبيسة واذا طلع لك الجواب فيه بوينتات فهذي السنة عادية
مثال : 2000\4 = 500 < هذي السنة مافيها بوينتات ! معناته انها سنة كبيسة وعدد ايامها في شهر فبراير 29 يوم
مثال : 2003\4 = 75.500 << جوف هني السنة طلع وياها بوينتات معناته سنة عادية وعدد ايامها في شهر فبراير 28 يوم

والسنة الكبيسة عدد ايامها كامل 366 , اما السنة العادية فعدد ايامها كامل 365

ساعات يجيبون لينا تاريخ من نفس السنة , وساعات يجيبون لينا تاريخين مختلفين من سنتين مختلفتين , فأول شي لزمن تسويه نطالع هل هم مثل السنة لو كل وحدة سنة غير ؟

* اذا جابو لينا تاريخين في مثل السنة , يعني مثلاً تخيل انه هني مكتوب تاريخين :
1) ..........
2) .........
اول شي نستخرج قيمة التاريخ الـ ثاني , وبعدين نستخرج قيمة التاريخ الأول , ونطرحهم من بعض وبس
يعني ناخذ 2) ....... - 1) ........ = ..........

* اذا عطونا تاريخين في سنتين مختفلتين :
1) ........
2) ........
أول شي نسويه نستخرج قيمة التاريخ الأول ونجوفه هل هو كبيسة او عادية ؟ اذا كان كبيسة ناخذه ونطرحه من 366 اما اذا كان عادية ناخذه ونطرحه من 365 وبعدين نطلع الناتج ونضيف عليه قيمة التاريخ الثاني

لاحظ انه لم تكون في مثل السنة ناخذ اول شي قيمة التاريخ الثاني , لكن لم تكون في سنة مختلفة ناخذ اول شي قيمة التاريخ الأول

كملنا من الجداول نجي الى الـ Trade والـ Exact ,

1) الـ Exact
عدد ايامه = 365 , وعملته اما تكون الـ £ أو الـ KD
2) الـ Trade
عدد ايامه = 360 , وعملته تكون كل العمل بستثناء الـ £ أو الـ KD

يعني يعطونة في المسألة الـ P والـ I والـ T لكن يكتبون Trade أو Exact
فأذا كتبو لينا Trade نقسم الـ T على 360 لكن اذا كتبو لينا Exact نقسم الـ T على 365
واذا ماكتبو لينا لا Trade ولا Exact نطالع عملة الـ P اذا كانت الـ £ أو الـ KD فهي Exact وبقايا العملات Trade , طبعاً أني ماأقصد كل المسائل ! احنا هني نتكلم عن مسائل الأيام الي بالـ Days ,
وساعات يجيبون لينا عملة الـ £ و الـ KD لكن يحطون لينا في السؤال انهم يبون الـ Trade فـ في هذي الحالة نستخدم قانون الـ Trade ونحط 360
وساعات يجيبون بقايا العملات ويحطون لينا في السؤال انهم يبون الـ Exact فـ في هذي الحالة نستخدم قانون الـ Exact ونحط 365


" موفقين جميعاً "

[7soon_096]

شكرآ ع الجهد الجبار ..

نتمنى اخر وحدتين لان فيهم شوية صعوبه ..
هالوحده جدا سهله و المقرر اسهل
بالتوفيق

تحياتي

[أحلام طآلبة ..!]

المشاركة الأصلية كتبت بواسطة danger-96

شكرآ ع الجهد الجبار ..

نتمنى اخر وحدتين لان فيهم شوية صعوبه ..
هالوحده جدا سهله و المقرر اسهل
بالتوفيق

تحياتي

العفو خيو
إذا قدرت أن شاءالله بحط عنهم ..
" بالتوفيق "

[دموع أنثى]

شرح ممتاز
يعطيش الف عافية
بس لوا تحطين الشرح في مرفق بكون أفضل للطلاب ان يطبعونه
وعذرا للتطفل

[أحلام طآلبة ..!]

المشاركة الأصلية كتبت بواسطة دموع أنثى

شرح ممتاز
يعطيش الف عافية
بس لوا تحطين الشرح في مرفق بكون أفضل للطلاب ان يطبعونه
وعذرا للتطفل

الله يعافيش خيوتي
هههه سويت الشي بسرعة وماحطيت في بالي احطه في مرفق ..
" موفقة عزيزتي "

[mo7mmed]

عاشت ايدك

[القمر العلوي]

هدا تلخيص كله مال الوحدة 1 ؟

[أحلام طآلبة ..!]

المشاركة الأصلية كتبت بواسطة القمر العلوي

هدا تلخيص كله مال الوحدة 1 ؟

كأنه اي اعتقد
اذا ما خاب ظني هههه
نسيت صراحة اذا هذا لكامل او لا



شعب تجاري ثاني ثنوي دا كله هههههههه ؟

[™Zainab]

المشاركة الأصلية كتبت بواسطة القمر العلوي

هدا تلخيص كله مال الوحدة 1 ؟

الوحدة الآولى محذوفة اصلآ

هذي الوحدة الثآنيةة ،

المآل كآمل يبدي من الوحدة الثآنية

الآولى ع قولة معلمتنآ اللعآم كلهآ مقدمة و حذفوهآآ وماندرسهآ

الا اذا عدلوو الكتب وهذي الوحدة الآولى ف نعم هي ويآكم فِ الامتحانات

[روان محمد القصاب]

الوحدة الاولى و الثانية في المنتصف

[manahy]

ممكن الشرح يكون في ملف وورد او بي دي اف

ولكم جزيل الشكر

[سيد محمو]

ششكرا