التسجيل التعليمـــات التقويم البحث مشاركات اليوم اجعل كافة الأقسام مقروءة

  

 


العودة   الملتقى الطلابي > ~~ ملتقى الخريجين و الجامعيين ~~ > ملتقى طلبة الجامعات و المعاهد و الكليات الخاصة > جامعة البحرين الطبية RCSI-MUB

جامعة البحرين الطبية RCSI-MUB كل ما يتعلق بكلية الجراحين الإيرلندية في البحرين

إضافة رد
 
أدوات الموضوع إبحث في الموضوع انواع عرض الموضوع
قديم 24-07-2013, 04:12 AM   رقم المشاركة : ( 1 )
captain bh
طالب مشارك


الملف الشخصي

رقــم العضويـــة : 20519
تاريخ التسجيل : 20-01-2011
المشاركـــــــات : 125 [+]
الـــــــــــتخصص : طالب جامعي
الـــــــــــجـامعة : St.George's University of London

 اخر مواضيع العضو

captain bh غير متواجد حالياً

B13 لماذا الإيرلندية وليس الخليج العربي ؟!

السـلام عليكم ورحمة الله وبركاتـه ,,


كي لا أُطيل كثيراً عليكم ..


لطلبة الكلية الملكية الإيرلندية للجراحين , وطلبة الطب البشري على وجه الخصوص
أوجه لكم سؤالي هذا وأتمنى أن تفيدمونا بما تعرفون

ما الذي دفعكم فعلاً لإختيارا لدراسة في الكلية الملكية الإيرلندية للجراحين ؟


بنظركم , من الأفضل بشكل عام الإيرلندية ولا الخليج العربي ؟

وما الذي يجعلكم تفضلون الإيرلندية على الخليج ؟


المساحة متركة لكم لأي إضافات , لكن أرجوكم تخبرونا شاللي دفعكم تفضلون الإيرلندية على الخليج وشنو نقاط الضعف والقوة بكلتا الجامعتين حسب خبرتكما بكلية الطب ^^





ننتظر إجاباتكم بفارغ الصبـر
توقيع » captain bh

العاب[/url]

عهـد الرخـآاء عهـدك .. يا صـادقـاً بوعـدك
عسـى اللـه يحفظـك ويبجيـك , ويعاآادي اللي يعاآاديـك
  رد مع اقتباس
قديم 24-07-2013, 04:31 AM   رقم المشاركة : ( 2 )
Dr.rcsi
طالب مجتهد

الصورة الرمزية Dr.rcsi

الملف الشخصي

رقــم العضويـــة : 65038
تاريخ التسجيل : 15-05-2013
المشاركـــــــات : 259 [+]
الـــــــــــتخصص : طالب جامعي
الـــــــــــجـامعة : RCSI

 اخر مواضيع العضو

Dr.rcsi غير متواجد حالياً

افتراضي

الايرلندية نظامها يخوف
  رد مع اقتباس
قديم 24-07-2013, 04:46 AM   رقم المشاركة : ( 3 )
Miss Manoora
طالب نشيط

الصورة الرمزية Miss Manoora

الملف الشخصي

رقــم العضويـــة : 43586
تاريخ التسجيل : 18-05-2012
المشاركـــــــات : 158 [+]
الـــــــــــتخصص : طالب جامعي
الـــــــــــجـامعة : College of medicine - KFU

 اخر مواضيع العضو

Miss Manoora غير متواجد حالياً

افتراضي

بالنسبه لي اكييد الخليج العربي
اول شي دراستها اقوى من الارلنديه
و الخليج العربي فيها تشريح و جثث و فيها جراحه
على عكس الارلنديه يلي مكتوب عليها للجراحين و مافيها جراحه
ثاني شي نظام الدراسه بالخليج العربي واايد احسن من الارلنديه صحيح ان مافي كتاب او منهج يمشون عليه و كل على الطالب ان ينتبه و يسجل المعلومات ...بس المكتبه في الخليج فاتحه لي 10 في الليل علشان الطالب ياخذ المعلومات ، كذلك المكتبه تفتح السبت
غير ذي قسم التشريح يلي فيه اغضاء الجسم فاتح لي 6 المغرب و في دكتور هناك حق اي استفسار
صحيح ان مبنى الخليج قديم و الارلنديه ديكورها احلى
بس من ناحيه الدراسه الخليج اقوى من الارلنديه
توقيع » Miss Manoora
الـنـفـوس الـقـويـة
لاآ تـعـرف الـيـأس فـأذآ آردت آن تـعـيـش سـعـيـدآّ
دع الـحـيـاآة تـبـكـي
مـن جـبـروت آبـتـسـاآمـتـك


  رد مع اقتباس
قديم 24-07-2013, 04:55 AM   رقم المشاركة : ( 4 )
خوك
طالب مشارك


الملف الشخصي

رقــم العضويـــة : 47972
تاريخ التسجيل : 27-06-2012
المشاركـــــــات : 92 [+]
الـــــــــــتخصص : مستوى أول
الـــــــــــمدرسة : غير معروف

 اخر مواضيع العضو

خوك غير متواجد حالياً

افتراضي

هههههههههههههه أحسنتِ!!!!!


سبقتيني في الموضوع، كنت بطرحه عقب ما تخلص لوية موضوعي السابق. ساعود برد يلوع جبدكم كلكم ههههههههه
  رد مع اقتباس
قديم 24-07-2013, 04:59 AM   رقم المشاركة : ( 5 )
Dr.rcsi
طالب مجتهد

الصورة الرمزية Dr.rcsi

الملف الشخصي

رقــم العضويـــة : 65038
تاريخ التسجيل : 15-05-2013
المشاركـــــــات : 259 [+]
الـــــــــــتخصص : طالب جامعي
الـــــــــــجـامعة : RCSI

 اخر مواضيع العضو

Dr.rcsi غير متواجد حالياً

افتراضي

بحسب علمي انه الايرلندية اقوى
  رد مع اقتباس
قديم 24-07-2013, 05:02 AM   رقم المشاركة : ( 6 )
Miss Manoora
طالب نشيط

الصورة الرمزية Miss Manoora

الملف الشخصي

رقــم العضويـــة : 43586
تاريخ التسجيل : 18-05-2012
المشاركـــــــات : 158 [+]
الـــــــــــتخصص : طالب جامعي
الـــــــــــجـامعة : College of medicine - KFU

 اخر مواضيع العضو

Miss Manoora غير متواجد حالياً

افتراضي

لا الخليج
اصلا حتى الجامعه في ارلندا ما تعترف في يلي بالبحرين
لان في البحرين وااايد منزلين المعاير
مثلا الآيلتس هناك في ارلنكا المفروض 7 او اعلى
هني 5.5 جنه ... بس ان اقل من 6
توقيع » Miss Manoora
الـنـفـوس الـقـويـة
لاآ تـعـرف الـيـأس فـأذآ آردت آن تـعـيـش سـعـيـدآّ
دع الـحـيـاآة تـبـكـي
مـن جـبـروت آبـتـسـاآمـتـك


  رد مع اقتباس
قديم 24-07-2013, 05:20 AM   رقم المشاركة : ( 7 )
خوك
طالب مشارك


الملف الشخصي

رقــم العضويـــة : 47972
تاريخ التسجيل : 27-06-2012
المشاركـــــــات : 92 [+]
الـــــــــــتخصص : مستوى أول
الـــــــــــمدرسة : غير معروف

 اخر مواضيع العضو

خوك غير متواجد حالياً

افتراضي

لماذا الإيرلندية و ليس الخليج: قصة عدم المام و قلة توعية

في بداية الأمر خلونا نحط حجر الاساس لهذا الموضوع. اولا، لكل رأيه، فرجاءا لحد ايي و يصيح علينا اهني (محد صح و محد غلط). ثانياً، كل الجامعات الطبية تؤدي الى درجة واحدة تؤهلك لتمارس مهنة واحدة. الفرق الاعظم هو في بذل المجهود الشخصي.



أنا عن نفسي، فأنا اميل الى جامعة الخليج العربي لعدة اسباب. استخدم هذا المثال على استمرار لتبرير لماذا يختار الطلبة الايرلندية فضلا على الخليج: تخيل ان الايرلندية و الخليج سيارات بنفس المواصفات بالضبط. الفرق ان الايرلندية ماركتها ميرسيدس و الخليج ماركتها هوندا. < و هذا يشرح لما ينجر الكثير وراء الايرلندية. البراند او BRAND VALUE, هو سبب انجراف الكثير الى الايرلندية. لان الكلية الملكية للجراحين ماركة تعليمية عالمية و متوسعة على قارتين (اسيا و اوروبا) كما انها تمنح زمالات طبية للتخصصات الطبية و الدقيقة. فلو جينا حق طالب حليو توه متخرج لديه الخيار بين الخليج و الايرلنديه، اكيد بروح حق جامعة معروفة و سمعتها شبه عالمية و كادرها مو عرب او بحرينيين و مبناها جديد و حلو.



الأسباب التي جعلتني ارى بأن جامعة الخليج أفضل (نبدأ بسملة):


1) الجامعة الايرلندية شهادتها بحرينية حتى الان: لان المجلس الطبي الايرلندي لم يوافق على شهادتها حتى الآن. و حتى ان وافقت، فذلك لا يعني ان خريج الايرلندية راح يقدر يسوي امتياز او اختصاص على كيفه في ايرلندا. بل ان الافضلية للايرلنديين ثم الاوروبيين ثم عامة الناس خارج الصنفين الاوليين. آسف اني حطمت احلام الكل على ما قلته... بس يالله تقدرون تروحون اهناك حق 6 اسابيع الكتف عشان تستانسون

2) جامعة الخليج تقدم شهادتين بينما الارلندية تقدم عدة شهادات مساوية لواحد: نفس ما قلت الخليج تعطي BSc in Basic Medical Sciences بعد السنة الرابعة ثم Doctor of Medicine (MD) بعد السنة السادسة و هم شهادتين منفصلتين. اما الايرلندية فتعطي MB (Medicine Bachelors) و BCh (Bachelors of Chirgue)و BO (Bachelors of Obstetrics) و كلها = شهادة باكلوريوس في الطب. كما تعطي LRCSI & LRCPI و ما هي الا تراخيص (ليسانس)... فيعني لا يغرونكم عدد الاوراق في الممنوحة في التخرج

3) جامعة الخليج تقسم السنة الى يونتات اما الارلندية فنظامها سنوي: من سنة ثانية و رايح النظام يصير يونتات في الخليج بحيث تدرس جهاز مختلف كل يونت (مثلا يونيت 1 قلب، يونيت 2 كلى و مسالك بولية، يونيت 3 جهاز هضمي) و عقب كل يونيت تاخذ اختباره العملي و الشفوي و التحريري. الارلندية تاخذ مواد لفصلين و تختبرهم في نهاية السنة.

4) جامعة الخليج تتبع نظام ال PBL اما الارلندية فتتبع النظام التقليدي: تتبنى الخليج نظام PBL و هو نظام حل المشاكل الذي تبنى من قبل جامعة مكماستر في كندا قبل 30 او شي سنة، و هو نظام يبدأ من سنة 2، حيث يعطى الطالب و مجموعته في الدفعة (10 طلاب على ما اظن) مشكلة اسبوعيا متعلقة باليونيت المدروس. و منها يناقش اسباب المشكلة، حلول بدائية و اقتراحات و الخ... و في نهاية الاسبوع يعرضون ما حصلوا عليه من معلومات. اما في الارلندية فيتبعون النظام القديم و هو نظام الموديولات. يعني هالسنة المديولات هي فارماكولوجي و باثلوجي و و و الخ... و تختبرها كلها نهاية السنة.

5) الخليج تخلي طلابها تدش المستشفى من وقت (سنة أولى او ثانية)، اما الايرلندية فمن سنة ثالثة اظن. و من ضمن برنامج الخليج انها تعلمك شي اسمه بروفشنال سكيلز و هي مهارات تتعلمها متعلقة بما تدرسه في اليونيت نفس في يونيت القلب يعلونك كيف تقيس الضغط و تقرى ECG. نفس الشي موجود في الايرلندية بس النظام غير.

6) سيستم الخليج يعد لاختبار الزمالة الامريكية USMLE و الكندية MCCEE، اما الارلندية ففقط اختبار الMRCSI و الFRCSI


هذي ست نقاط عالسريع... حاظرين حق زيادة


لكن تذكروا جهد الطالب يأتي أولا حينما نتكلم عن النجاح. لكن على العموم لا يرى البحرينيين شهادة الارلندية كأقوى الا لان اسمها الارلندية... لو تشيلون الارلندية و بس تخلونها جامعة البحرين الطبية جان محد طالعها. و طبعا احنا البحرينيين متعودين، كلشي يجي من برى لازم انقول عنه قوي و زين و كشخة حتى لو ما جربناه. و هذي خلاصة الموضوع = خرعة X قلة اطِلاع. يعني لا يعرفون شي عن النظامين و لا يعرفون شنو يقدرون يسوون... بس قالوا لهم ايرلندية تخرعوا و قالوا يالله هذا هو الزين.

اتمنى من الله ان يوفق الجميع و قرقاعون سعيد
  رد مع اقتباس
قديم 24-07-2013, 05:22 AM   رقم المشاركة : ( 8 )
خوك
طالب مشارك


الملف الشخصي

رقــم العضويـــة : 47972
تاريخ التسجيل : 27-06-2012
المشاركـــــــات : 92 [+]
الـــــــــــتخصص : مستوى أول
الـــــــــــمدرسة : غير معروف

 اخر مواضيع العضو

خوك غير متواجد حالياً

افتراضي

اقتباس:
المشاركة الأصلية كتبت بواسطة rcsircsi مشاهدة المشاركة
بحسب علمي انه الايرلندية اقوى
اقرأي ردي، و بتغيرين رايج هههههههههههههههه
  رد مع اقتباس
قديم 24-07-2013, 06:54 AM   رقم المشاركة : ( 9 )
ضياء الصالحين
طالب مشارك

الصورة الرمزية ضياء الصالحين

الملف الشخصي

رقــم العضويـــة : 23935
تاريخ التسجيل : 16-04-2011
المشاركـــــــات : 114 [+]
الـــــــــــتخصص : مستوى أول
الـــــــــــجـامعة : chs

 اخر مواضيع العضو

ضياء الصالحين غير متواجد حالياً

افتراضي

عجيب ردك خوووك
  رد مع اقتباس
قديم 24-07-2013, 12:21 PM   رقم المشاركة : ( 10 )
Dr.rcsi
طالب مجتهد

الصورة الرمزية Dr.rcsi

الملف الشخصي

رقــم العضويـــة : 65038
تاريخ التسجيل : 15-05-2013
المشاركـــــــات : 259 [+]
الـــــــــــتخصص : طالب جامعي
الـــــــــــجـامعة : RCSI

 اخر مواضيع العضو

Dr.rcsi غير متواجد حالياً

افتراضي

صبي انا

متاكد من انه ف الايرلندية نختبر كل نهاية سنة .. مو كل نهاية فصل ؟
  رد مع اقتباس
قديم 24-07-2013, 01:20 PM   رقم المشاركة : ( 11 )
rcsimedicalstudent
طالب مبتدئ


الملف الشخصي

رقــم العضويـــة : 69186
تاريخ التسجيل : 24-07-2013
المشاركـــــــات : 22 [+]
الـــــــــــتخصص : مستوى أول
الـــــــــــمدرسة : غير معروف

 اخر مواضيع العضو

rcsimedicalstudent غير متواجد حالياً

افتراضي

في البداية ابي اقول ان في رأيي ما يصير احد يقول اي واحد احسن من الثاني لان هذا بكون رأيك الشخصي و مافي تصنيف حق هاي الجامعات... يعني لو تقول لي جامعة هارفرد ولا الخليج او الايرلندية فالجواب سهل. ثاني شي ان انت بتدش الجامعة بتدرس عشان تحصل شهادة تخليك تمارس المهنة و مثل ما قال اخونا تصير دكتور مو مهم انت من اي جامعة. اهم شي وهاي الشي للاسف الكثير من الطلبة ينسونه هو الخبرة. الي بصير دكتور زين هو الي عنده خبرة زينة و هاي الشي الجامعة تقدم لك بس كله عليك انت لازم تتعب. و التعب مو بس دراسة حق امتحاناتك. يمكن طالب يتخرج بتفوق و واحد لا بس الي بدون تفوق احسن لان قعد في المستشفى اكثر...

انا طالب طب من الايرلندية ما بقولكم ان الايرلندية احسن لان ما عندي خبرة عن الخليج بس اقدر اقولكم الي اعرفه من ربعي الي هناك و اتمنى من طلبة الخليج يصححوني اذا معلوماتي غلط.

انا جفت الست نقاط الي كتبها اخوي و قلت بركز عليهم حق هاي الرد و بعدين اذا في نقاط ثانية نقدر نتحجى عنها:

١ - انت غلطان اخوي، الايرلندية شهادتها مو من البحرين بس. تحصل ثلاث شهادات: شهادة بكالريوس في الطب من الجامعة الوطنية في ايرلندا و شهادة بكالريوس من البحرين و ليسن من ايرلندا (هاي ما عليكم منها الايرلنديين وايد تقليديين). يعني عندك شهادتين بكالريوس تقدر تحط اي واحد على صوب. صح كلامك، المجلس الطبي في ايرلندا ما عطاهم الاعتماد بس تعرف هاي لان الجامعة مو في ايرلندا لان حتى جامعات ماليزيا ما عندهم الاعتماد. يعني مثل ما يكون لجامعات برا اعتماد عند وزارة التربية بس مو في الصحة لان جامعات مال برا. يصير تسوي سنة الامتياز هناك لان غير حق كل تخصص. مثلا جراحة تقدم على الكلية الملكية للجراحين و لازم تتدفع جنه الف يورو و جنه سنتين. بس انك تشتغل بعدين صعب لان الافضلية حق الايرلنديين و الاوروبيين بس سنة الامتياز اوكي. المشكلة ان بتجازف... تروح مناك حق امتياز و ما تحصل حق السنوات الباقية لازم ترجع البحرين من جذي ما يروحون وايد ناس و انا اعرف ثلاثة العام راحوا و رجعوا و الحين واحد في السلمانية و ثنين في الملك حمد. و بالنسبة للخليج فشهادتها قوية في دول الخليج بس حتى لو البحريني بروح بقدم قطر او الكويت فما عنده الاولوية لان الاولوية حق طلبتهم.

٢- هو مثل ما قلت، مو مهم عدد الشهادات لان بكالريوس الطب مال الايرلندية يساوي شهادة الدكتور في الطب من الخليج و البكالريوس في العلوم الطبية مال الخليج ما تسوي شي بس لو ما بتكمل آخر سنتين فزين لان يكون عندك شهادة علوم طبية. حتى احنا اذا ما كملنا اخر سنتين يعطونا شهادة بكالريوس في العلوم الطبية بس الفرق ان في الخليج لو تتخرج تحصل الشهادتين و هني لو تتخرج بس بكالريوس في الطب. مو مهم تروح هني ولا هناك تحصل شهادة طب.

٣- اليونت مثل المديول عندنا الفرق ان ايرلندا يقولون موديول وامريكا يونت و ثنيناهم يعني وحدات دراسية. احنا دراستنا تقسم على ثلاث دورات: جونير و انترميديت و سينيور. في كل دورة في مقررات و كل مقرر عبارة عن سستم للجسم. في جونير ١ و ٢ و ٣. طبعا انا اتحجى عن مدة الدراسة الي خمس سنوات لان اول سنة تمهيدي بس جذي يقولون له ما قبل الطب فمو مهم و كله اشياء ماخذينها في المدرسة. انزين و في انترميديت ١ و ٢ و ٣ و سنيور ١ و ٢. ثاني سنة يعني عقب التمهيدي فيه جونير ١ و ٢ كل واحد منهم عبارة عن فصل دراسي و في كل فصل تاخذ خمس مقررات او اربع و اذا اربع يعني واحد منهم دبل موديول. في الجونير تاخذ محاضرات عن طب ما قبل السريرية (pre-clinical) ومن الانترميديت كل شي كلينيكل. مثلا عندك مقرر عن الجهاز الهضمي في جونير و واحد في انترميديت. الفرق؟ في جونير بس تاخذ تشريح و ريديولوجي و هستولوجي و بايوكمستري و فارماكولوجي و فيسيولوجي و علم النفس و في الانترميديت تاخد باثولوجي و مايكروبيولوجي و طب الكلنكل و جراحة. و في الاثنين يعلمونكم كفاءات سريرية (clinical competencies) بس في جونير بس شلون تاخذ تاريخ الطبي و تفحص المريض و في انترميديت شلون تخيط ناخذ ecg و هل اشياء. عقب ما تخلص جونير ١ تسوي امتحانه و عقب جونير ٢ في امتحان. يعني الامتحانات بس على الي تاخذه في الفصل و هو عبارة عن ١٢ اسبوع دراسي. الصراحة ما عرف عن الخليج بس الي اعرفه ان هناك كل المواد مع بعض يعني ما تاخذون الجهاز الهضمي مرتين بس مرة وفي هاي المرة الوحده تاخذون كل شي من اناتومي لين باثولوجي و مايكرو. وفي الايرلندية في امتحانين منتصف الفصل و نهاية الفصل: مال منتصف ٥٪ و نهائي ٩٥٪. اغلب الناس يركزون في النهائي و ما يعطون اهمية حق ال٥٪ لان ما يسوي شي. النجاح من ٥٠٪ و تفوق درجة ثانية من ٦٠٪ و درجة اولى من ٧٠٪ و الناس الي يحصلون تفوق ١ بس في ال٧٠ و الثمانينات ما تحصل احد اييب ٩٠٪ لان صعب. الmcq في بعض المقررات عليه ٧٠٪ او ٧٥٪ و بس في ٣٠ سوال الا اذا دبل موديول يصير ٤٥ سوال فالسوال عليه ٢-٣٪. و الشورت نوتس ٢٠٪ و بس ثلاثة اسئلة تقريبا كل واحد يسواي ٧٪. و باقي ال٥٪ من ٩٥٪ حق اناتومي و هستولوجي او ساعات الmcq ٥٥٪ او ٦٠٪ يعتمد اذا في في المقرر اناتومي و هستولوجي او بروجكت فيصير mcq اقل من ٧٠٪ بس حده الادنى ٥٥٪ لكن الشورت نوتس ثابت ٢٠٪ و ثلاثة اسئلة بس اذا دبل موديول يصير ٦. اعرف ان في الخليج ٦٠٪ فورماتف و ٤٠٪ سماتف و احنا ٩٠-٩٥٪ سماتف و ٥٪ فورماتف. و النجاح اسهل في الخليج لان ٦٠٪ فورماتف. و في الخليج التفوق من ٩٠٪.

٤- هاي النقطة من اهم النقاط الي لازم تحتطونه في بالكم. الايرلندية جامعة تتبع الاسلوب التقليدي يعني كل يوم تقوم عندك محاضرات و الافرج يكون ٣ محاضرات في جونير و ٤ في الانترميديت. المحاضرات بس من جونير لين انترميديت ٢ و من انترميديت ٣ كله روتيشن و الروتيشن نفسه في اي جامعة طبية مافي فرق. في جونير في كل اسبوع في يوم يا الثلاثاء يا الخميس لازم تروح المختبر حق تشريح و الدكاتره قاعدين هناك من ١٢:٣٠-٤:٣٠. و في كفاءات سريرية بعد كل اسبوع ساعة او سعاتين تتعلم تاخذ تاريخ المريض و تفحصه. في الانترميديت لازم تداومون المستشفي العسكري لان الدكاتره هناك ما يجون الجامعة. يعني تروحون المستشفى من سنة ثالثة الفصل الثاني عقب جونير مباشرةً. و في الانترميديت بس محاضرات في باثو و مايكرو و طب و جراحة و ينزلونكم الواردات في مجموعات كل اسبوع مرة او مرتين حق الكفاءات السريرية. في الخليج مافي وايد محاضرات. و هم يتبعون نظام pbl مثل ما شرح الاخ و مافي نظام احسن من الثاني. الاثنين عبارة عن دراسة الطب بس يختلفون في طريقة الي تحصلون المعلومات. هذا الشي الطالب يقرر شنو يناسبه: هل يناسبك محاضرات و تدرس من البوربوينتات الي يعطونكم الدكاتره او تبي pbl؟

٥ - احنا ندش من سنة ثالثة ومادري عن الخليج. اخوي انت من وين جبت هاي المعلومة في اي سنة انت؟ لان مايصير يخلون طالب سنة اولي يروح المستشفى شبسوي هناك؟ الا اذا يجوف الدكاترة او يعلمونهم شلون يفصون فاوكي.

٦- سيستم الاثنين يعد لامتحان الusmle. تقدم الامتحان عقب سنة رابعة في الجامعتين بس لان احنا يعطونا اناتومي و بايوكم و فارما و هستولوجي و فيزيو و سايكو من سنة ثانية ننسى المعلومات شوي لان في الخليج كل شي ويا بعض مرة وحدة و احنا ناخذ السستم مرتين مرة في جونير و مرة في انترميديت. و في الاثنين لازم تدرس بروحك حق هاي الامتحان و الي يدرس اكثر حقه و يستعد له احسن هو الي يسوي فيه زين. في الخليج امتحان البكالريوس مثل الامتاحان الusmle فالطلبة يدرسون حق البكالريوس جنه يدرسون حق الusmle دراسة حق امتحانين مرة وحدة. احنا في سنة رابعة عندنا روتيشن و دوام في المستشفى من الصبح لين الظهر نرجع و لازم ندرس حق امتحان الusmle لان مافي امتحانات ثانية. بس في الحالتين لادم تدرس للامتحان في الصيف عشان تكون مستعد.

انا ما اقول اي واحد احسن من الثاني هاي انتم تختارون الي يناسبكم. اذا في استفسار ثاني اقدر ارد عليكم و اتمنى من الاخ و طلبة الجامعتين يجون هني و يردون اسئلة الطلبة.
  رد مع اقتباس
قديم 24-07-2013, 01:25 PM   رقم المشاركة : ( 12 )
rcsimedicalstudent
طالب مبتدئ


الملف الشخصي

رقــم العضويـــة : 69186
تاريخ التسجيل : 24-07-2013
المشاركـــــــات : 22 [+]
الـــــــــــتخصص : مستوى أول
الـــــــــــمدرسة : غير معروف

 اخر مواضيع العضو

rcsimedicalstudent غير متواجد حالياً

افتراضي

احنا بس تحجينا عن ٦ نقاط وفي نقاط ثانية لازم نتكلم عنها لان لازم الواحد يختار الشي الي يناسبه لان انا الي يناسبني يمكن غير عن الي يناسبك و اخس شي انك تختار اي جامعة و تندم. في وايد ناس في جامعتنا هني بس لان جامعة ايرلندية ولاسف معدلات الرسوب كثيرة يعني ٧٠٪ من الصف عادي يرسبون. قولوا لنا شنو انقاط الثانية الي تبونا نتحجى فيها و اذا في اي استفسار فانا في خدمتكم.
  رد مع اقتباس
قديم 24-07-2013, 02:18 PM   رقم المشاركة : ( 13 )
rcsimedicalstudent
طالب مبتدئ


الملف الشخصي

رقــم العضويـــة : 69186
تاريخ التسجيل : 24-07-2013
المشاركـــــــات : 22 [+]
الـــــــــــتخصص : مستوى أول
الـــــــــــمدرسة : غير معروف

 اخر مواضيع العضو

rcsimedicalstudent غير متواجد حالياً

افتراضي

اقتباس:
المشاركة الأصلية كتبت بواسطة miss manoora مشاهدة المشاركة
لا الخليج
اصلا حتى الجامعه في ارلندا ما تعترف في يلي بالبحرين
لان في البحرين وااايد منزلين المعاير
مثلا الآيلتس هناك في ارلنكا المفروض 7 او اعلى
هني 5.5 جنه ... بس ان اقل من 6
شلون ما تعترف فيها و خريجها يحصلون شهادة الجامعة الوطنية مال ايرلندا مثل اي خريج ايرلندي...

الايلتس في ايرلندا مو 7 بل 6.5 و هني بعد 6.5. ولكن، الي يجيب 5.5 بعد ياخذونه بس لازم ياخذ دورة لغة انجليزية زيادة على المقررات الطبية في السنة التمهيدية. الي يجيب 6.5 مو لازم انجليزي. و حق خريجي الحكومة كان القبول من 90٪ بس الحين لازم معدل تراكمي 92٪ والخليج كان 95٪ بس الحين 90٪ يعني شروط القبول تتغير بس الايرلندية نفس ايرلندا حتى حق مال خاصة بس لان الانجليزي شوي ضعيف بالنسبة لطلبة الحكومة يقبلونهم ب5.5 ايلتس بس لازم كورس انجليزي. لان لو 6.5 ايلتس نفس ايرلندا جان طلبة البحرين ما يقبلونهم الجامعة.
  رد مع اقتباس
قديم 24-07-2013, 02:30 PM   رقم المشاركة : ( 14 )
rcsimedicalstudent
طالب مبتدئ


الملف الشخصي

رقــم العضويـــة : 69186
تاريخ التسجيل : 24-07-2013
المشاركـــــــات : 22 [+]
الـــــــــــتخصص : مستوى أول
الـــــــــــمدرسة : غير معروف

 اخر مواضيع العضو

rcsimedicalstudent غير متواجد حالياً

افتراضي

اقتباس:
المشاركة الأصلية كتبت بواسطة Miss Manoora مشاهدة المشاركة
بالنسبه لي اكييد الخليج العربي
اول شي دراستها اقوى من الارلنديه
و الخليج العربي فيها تشريح و جثث و فيها جراحه
على عكس الارلنديه يلي مكتوب عليها للجراحين و مافيها جراحه
ثاني شي نظام الدراسه بالخليج العربي واايد احسن من الارلنديه صحيح ان مافي كتاب او منهج يمشون عليه و كل على الطالب ان ينتبه و يسجل المعلومات ...بس المكتبه في الخليج فاتحه لي 10 في الليل علشان الطالب ياخذ المعلومات ، كذلك المكتبه تفتح السبت
غير ذي قسم التشريح يلي فيه اغضاء الجسم فاتح لي 6 المغرب و في دكتور هناك حق اي استفسار
صحيح ان مبنى الخليج قديم و الارلنديه ديكورها احلى
بس من ناحيه الدراسه الخليج اقوى من الارلنديه
هذا رايج الخاص ان الدراسة اقوى في الخليج... ناس يقولون هني ناس يقولون هناك انا عندي الاثنين نفس الشي بس السستم كلش غير
مكتبنا بعد فاتح لي 10 في الليل و مبطل يوم السبت بعدي و شهرين قبل الامتحانات يكون مبطل الجمعة بعد.
صح احنا ما عندنا جثث حق تشريح و هذا الشي احسن في الخليج. احنا العام سافرنا ويا دكتورين من الجامعة رايحين موتمر في بيرمنقهام كانوا يقولون ان في بريطانيا عقب جم من سنة بدرسونهم تشريح على نماذج (models) مثلنا لان اسلوب حضاري و النماذج وايد زينة مثل الصج يجيبونهم من المانيا و غاليين و كل نموذج سبيشل اوردر على حسب الي يبيه الدكتور. الشهر الي طاف رجعت من بوستون كنت رايح الكتف وهناك الدكاتره يتدربون كله على نماذج حتى الجراحة لان يسوونهم نفس الصج حتى انا تعلمت على نموذج مال البطن كلش نفس الصج اول ما تقص الجلد يطلع دم... المهم... الاثنين زينين و احنا عندنا جثث بس محنطين بس مو حق كل شي... يمكن احسن في الخليج بس في النهاية في الروتيشن الكل بجوف ناس يسوون عليهم عمليات جراحية
  رد مع اقتباس
قديم 24-07-2013, 06:08 PM   رقم المشاركة : ( 15 )
rcsimedicalstudent
طالب مبتدئ


الملف الشخصي

رقــم العضويـــة : 69186
تاريخ التسجيل : 24-07-2013
المشاركـــــــات : 22 [+]
الـــــــــــتخصص : مستوى أول
الـــــــــــمدرسة : غير معروف

 اخر مواضيع العضو

rcsimedicalstudent غير متواجد حالياً

افتراضي

حبيت اشكر الي مسوي هاي الموضوع لان في هاي الموقع بس في موضوع حق الايرلندية و موضوع ثاني حق الخليج بس هني نقدر نتحجى عن الثنين و نجاوب على كل استفساراتكم و نخليكم تختارون الجامعة الي انسب لكم
  رد مع اقتباس
إضافة رد

مواقع النشر (المفضلة)

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع



Powered by vBulletin® © 2024
الساعة الآن 07:45 PM.
ملاحظة: جميع المشاركات والتعليقات في الملتقى لا تمثل رأي الإدارة، وإنما تمثل رأي كاتبها.