:: تقييم دكاترة جامعة البحرين ::

[ملكة الآمال]

الدكتور : مصطفى العطار
المقررات التي يدرسها : engl015
إيجابياته : يشرح الكتاب بالتفصيل وماينسى شي ما يحله ويا الطلاب وطيب ويمزح ف المحاضره وايد
سلبياته : هي مو سلبيه بس انتبهوا انه ما يحب احد يدخل ليسنر وياه بدون ما يعطيه خبر قبل
نصيحة شخصية : أخذوا عنده خصوصا الى طلبة الاورينتيشن اول سنه , تحصلون ال a وانتون مغمضين

[ملكة الآمال]

الدكتور : عبدالسلام المناعي
المقررات التي يدرسها : maths101
إيجابياته : اعتقد انه من افضل دكاترة الماث ف الجامعه .. دكتور فاهم الماده عدل ومستحيل يطوف سؤال تسأله مايجاوبك عليك .. حتى الي ماياخذون عنده يا يدخلون له لسنر او يطبعون نوتاته .. محاضرته مع المزح ابدا ما تصير ممله + كل محاضره يسوي تذكير ع الهوم وورك و التستات
سلبياته : لا يوجد
نصيحة شخصية : اذا حصلتون مقعد عنده اخذوا وحتى لو ماحصلتون ضيفوا مقعد

[ملكة الآمال]

الدكتور : محمد أمين
المقررات التي يدرسها : ARAB110
إيجابياته : الدكتور يشرح كل شي ف المقرر وحتى اذا في شي ناسينه من الثانوي يشرحه اذا كان له علاقة بالمقرر .. محاضرته معظمها مزح وضحك يعني جودوا بطنكم وياه .. ف التست والفاينل حتى لو مو دارس تتذكر شرحه وتحل عدل لان اعتقد انه واحد من الي يحطون الاسئله .. على فكره هو واحد من مؤلفين الكتاب
سلبياته : كوزاته عادة طويله واطول من التست
نصيحة شخصية : اخذوا عنده جبت عنده B مع ان ماكنت ادرس عدل

[ملكة الآمال]

الدكتور : مارتن سميثيز
المقررات التي يدرسها : engl101
إيجابياته : يراعي ف الرايتنق وكان يحط لي علامه كامله فيه مع ان كان عندي بعض الاخطاء و يعطي اكثر من كوز وياخذ افضل واحد
سلبياته : بارد جدا و مايعرف يوصل المعلومه للطالب بسرعه + خطه على السبوره ( طلاسم ) و يكتب عشوائي الاحد يضيع وياه .. مايعرف يضبط السكشن لدرجه يصير كأنه سوق سمك
نصيحة شخصية : ابدا ما انصح احد ياخذ عنده

[ملكة الآمال]

الدكتور : اسلام خليفات
المقررات التي يدرسها : islm101
إيجابياته : مسكين يبذل جهده ف انه يشرح المقرر كامل بدون نقصان يجيب امثله وحركات علشان الواحد يستوعب هالمقرر الجاف + يعطي بونس ف التستات اذا حس ان صياغة السؤال كان فيها شي يشتت الطالب
سلبياته : المحاضره تكون مثل المخدر من كثر البرود
نصيحة شخصية : في افضل منه لكن لا مانع ان احد ياخذ وياه

[Sara _ A]

بسم الله الرحمن الرحيم
اسم الدكتور : أبو بكر الهيتي

المقررات التي يدرسها : orientation

إيجابياته : رائع بمعنى الكلمة ، خفيف دم ، يعطي كل طالب ازيد من حقه ، متساعد و لو طلبت منه يعيد الشرح 10 مرات عادي يعيده و بدون ملل ، يعامل الطلبة بمثابة الأصدقاء او الأخوة ، يعطي الأشياء المهمة الي راح تجينا بالامتحان و يركز عليها ، يعطي أنشطة و أوراق عمل بكثرة و تفيدنا و يحلها معانا ، يشرح بذمة و ضمير ، و يااااريت كل الدكاترة مثله .

سلبياته : للأمانة عن نفسي ما اشوف فيه اي سلبية .

تقييمي الشخصي : 10 / 10



------------------'
اسم الدكتور : عبد القادر المرزوقي

المقررات التي يدرسها : عرب 110

إيجابياته : أحياناً أحياناً أحياناً أحياناً يتساعد مع الطلبة بدرجة المنتصف يزيدهم نص درجة او درجة

سلبياته : واجد يتأخر على المحاضرة ، باااارد فالشرح ، يستهزأ بالطلبة ، إذا شرح معلومة مستحيييل يعيد شرحها ، عادي عنده يعطي 3 دروس بيوم واحد ، يشرح بشكل غير مفهوم ، يحب يحبط الطلاب ، عادي يجي وقت الامتحان و هو للحين ما كمل الدروس ولا يفتكر بعد .

تقييمي الشخصي : 4 / 10

[NoOony.A]

الاسم:د.سيد علي حبيب
المقرر:qm250
الايجابيات:
1-مايهتم للحضور حضرت ماحضرت كله واحد ,تسجيل الحضور توقيع ع الاوراق عادي أي أحد يسجل
2- يسجل حضور بس مو من أولياته بس لتسجيل!
3-مايعطي انذارات
4-درجاتك يعطيك حققك ب الضبط مايزيدك ولا ينقصك نادرا يصير عنده خطأ ب التصحيح
5- بشوش و دائما مبتسم يحسسك ب الراحة و المقرر سهل
6- يشرح باسلوب يسهل ع الطالب الفهم يعني لاتنصدم من المقرر لأنه اوردي سهل و اسلوب الدكتور يسهل أكثر
7- يستقبلك في مكتبك اذا عندك أي سؤال او أي استفسار مايطرد ولا إنزر!،ب العكس جدا طيب و محترم و متواضع
8-من ناحية الشرح أحسن ثاني دكتور ف ال qm 250
9-اختباراته سهلة جدا العملي يعني ب الضبط نفس الي يشرحه و يعطي صح و خطأ اي سوال ماتشوفه عطاك اياه يعني ع طول خطأ لان بطبيعته مايشرح النظري و الصح و الخطأ نظري
10-العملي بيرفيكت فيه و أحسن من دكتور أمين الاغا في هالنقطة فقط لكن النظري مايشرحه فلازم ترجع لنوتات أمين الأغا ف النظري علشان تقدر تجاوب الصح و الخطأ في اختباراته و الملتبل جويز ب التستات
11- نوتاته للعملي شاملين لكن النظري ضروري ترجعون للأغا
12- مراجعته مهمة جدا يعطيك مراجعة نفسها بتجي ف الامتحان ، ف مراجعته ماتتفوت
13-ماتحتاج كتاب للمقر يكفي السيد و الاغا تجمع بينهم, أفضل ادرس من الاغا لكن القوانين أسهلشي السيد
سلبياته: مقارنه بباقي دكاترة ال qm يعتبر بيرفيكت
لكن عيبه في نقطة ب الشرح مايشرح النظري بس
نصيحة شخصية: اذا ماحصلتون عند أمين الأغا سجلو عنده ، أنصح بأمين الأغا بقوة دكتور جوهرة مايتفوت
ملاحظات أخرى: درجتي جبتها بفضل أمين الأغا مو بفضل شرح السيد،اسألة الاغا و محاضراته ب الضبط ب الضبط نفس التستات الفاينل يعني ناقلين لك السوال و مغيرين بس الارقام
تقيمي الشخصي:7/10
الدرجة:a
.......................


الاسم:د.سعاد المعلا
المقرر:mkt261
الايجابيات:.
1- ماتسجل حضور
2- الشرح حضرت ماحضرت عندها واحد لانها ماتعرف تشرح و تنوم
3- لو سجلت حضور مجرد تهديد علشان تحضرون و الا هي ماتكترث له
4- الدرجات تعطيك حقك و تتغاضي عن اشيا واجد مو شديدة ب العكس وردة ف التصحيح
5- ماتعطي كوزات فقط برزنتيشين ,و ملعوب عليها مو شديدة كلش ف البرزنتيشين يعني عادي و انت مكانك تقوله و تفضل يكون البرزنتيشين مختصر يعني فقط الزبدة
6- ال tb يكفي للمقرر مايحتاج شرح او شي ،عاديبس تعتمد ع التي بي تجيب a
7- النوتات , نوتات الماحي كفاية لكن ضروري تقرا الكلام الي ب لانقلش الي تحت نوتاته علشان يصير شامل
8- واجد طيبة و على نياتها طيبة عدل عدل
9- تلتزم ب الساعات المكتبية
سلبياتها: سلبياتها فقط ف الشرح ماتشرح و اوردي المقرر ذاتي مايحتاج ليه دكتور

نصيحة شخصية:أنصح فيها اذا ماحصلتون عند دكتور جعفر الماحي لانه أفضل دكتور لهلمادة و يعطيك اسألة الامتحان كلها و أهو الكوردنيتر
تقييمي الشخصي: 9.5/10
الدرجة :a

[ستايش]

الدكتور : هشام حنضل عبد الباقي
المقررات التي يدرسها : econ141
إيجابياته : شرحه ممتاز يطرش لينه سلايدات للجبتر و اسائلة مراجعة والأمتحانات اتكون نفسهم يعني إذا فهمناهم أو حفظنهم نضمن درجة زينه إذا كان هو اللي بيسوي التست مادري إذا كان على طول جدي لو لأنه كان فصل صيفي قصير بسرعه يصحح الأوراق ويطرش الدرجات تست 1 و 2 قدمنهم ورجعنا البيت في الليل وفي نفس اليوم طرش لينا الدرجات على الإيميل يقول ويحدد إنه هذا مهم وبجي في الأمتحان يسأل الطلبة عشان يتأكد إذا فاهمين لو لا عاذي انقول ليه مافهمنا ويعيد
يرضى إنه نحظر عنده في سكشن ثاني (وقت ثاني )
سلبياته : في حال وزع أوراق الإمتحان لازم تنتظر الكل يستلم الورقة وعقب يخلينا انشوفهم ونبدي حل
إذا نبي انشوف أورقنا وإجابتنا ونتأكد منها لازم انروح ليه المكتب لأن ما يوزعهم
نصيحة شخصية : إذا ما تعرفون أحد أحسن منه أخذو عنده


الدكتور : سعيد حسب الله
المقررات التي يدرسها : Hrlc107 حقوق إلإنسان
إيجابياته : إنسان عارف شغله ويطبق القانون ويلتزم فيه يذكر شنو أخذنا ودرسنا المحاضرة اللي طافت بختصار
سلبياته : يتأخر شوي عن وقت المحاضرة ما يقبل تحظر وياه في وقت أو سكشن ثاني وعلى تأخيره 5 دقايق يأخذ وفت في تسجيل الحضور يسجل بنفسه يعني ما ينفع أنغيب أو نسحب عليه وانقول بنخلي أحد يسجل عنه حظور محد عنده أخذ درجة كاملة لاحظت إنه في مجموعة انسحابوا وما كملوا وياه أوراق الأمتحان رجعها علينه بس ما كان لينه حق اناقشه أو نسأله ليش منقص أو ليش خطاء طلب منه ما اناقشه ولا نسأله و ما يكتب على السبورة
نصيحة شخصية : جربوا أحد غيره متأكدة فيه أحسن منه إذا تبون درجة زينة

[نَبْضْ !]

الدكتور : رياض ( محمد رياض)

المقررات اللي يدرسها : هو يدرس في قسم الانجليزي ، بس حاليا يدرس مهارات اللغة الانجليزية للإعلام

ايجابياته : دكتور بجد ، قمة في الأخلاق والذوق .. محترررررم جداً جداً ،، أعظم دكتور ممكن أقابله
فلة شمعة منورة ،، بالنسبة لشرحه ما اقدر احكم ظ،ظ*ظ*ظھ‏ لان مقررنا طبيعته ان القروبات من الطلاب يختارون موضوع في الاعلام ويسونه برزنتيشن وهذا يعتبر المحتوى للمقرر
لكن من خلال تعامل الدكتور يبين انه ممتاز جداً وتهمه مصلحة الطالب ، يهتم في الطلاب عدل.. و دقيق في مواعيده


سلبياته : مادري ، ما جفت منه شي


رأي شخصي : اخذوا عنده وانتون مغمضين

[ستايش]

الدكتور : سيد علي حبيب علي الأمير
المقررات التي يدرسها : Qm250
إيجابياته : طيب وبشوش وشرحه مفهوم عطانه كوز سهل واسايمنت الكوز لكل سكشن حداد موعد وعادي إذا أحد ما يقدر أو عنده ظرف يقدم في وقت ثاني بس مره رحنا وظلينها نحارسه من الصبح وما جا ما خبرنا إنه بغيب
سلبياته : ما حسيته يركز على الأشياء النظرية
نصيحة شخصية : إذا المادة ووقت الدكتور يناسبكم سجلوا وياه

الدكتور : محمد عبد الله عبد اللطيف
المقررات التي يدرسها : fin220
إيجابياته : طيب ومتعاون وشرحه واضح ومفهوم وإذا مافهمتون عادي تسألونه ويعيد الشرح وتهمه مصلحة الطالب وعنده موقع نقدر نتواصل وياه ويخبرنا إذا بغيب أو بكنسل المحاضرة دائما يطمن ويقول إنه الأمتحان بيكون أسهل وبعد نهاية الفصل عطى كل طلابه بونس وقبل الأمتحان النهائي عطانا مراجعة
سلبياته : ما اعتقد فيه اقدر أقول عنه استاذ مثالي
نصيحة شخصية :لا تتردون إذا بتسجلون وياه

الدكتورة : رعلاء محمد
المقررات التي يدرسها :mgt233
إيجابياته : طيبة يمكن البعض يعتبرها إيجابية واجد تكنسل لدرجة يمكن غبنا أكثر من ما حظرنا اتسوي قروب واتخلي أحد مسؤال عن تسجيل الحضور والغياب
سلبياته : بسرعة تكمل الدرس(الجبتر )
نصيحة شخصية : بعد لا تتردون إذا بتأخذون عندها الأغلب يقولون أوكي وزينة والكل يمدجها

الدكتور :عبد الغني حميد الكبيسي
المقررات اللي يدرسها :islm101
ايجابياته : ملتزم بالحضور
سلبياته : أسلوبه ممل ويجيب النومه وما يحب أحد يطلع من المحاضرة قبل الوقت أو قبل لا هو يكمل ولا يحب أحد يجود التلفون وإذا شافنا مجودين التلفونات لازم يقول شي ويعلق
رأي شخصي : هو يعني المادة أوردي حفظ وكل شي على الطالب ومع النظام الجديد الدكتور ما في ايده غير تسجيل الحظور والغياب /بس لو تقدرون تسجلون وي أحد غيره أكيد أحسن

[ستايش]

الدكتوره : أسماء
المقررات التي يدرسها :mgt230
إيجابياته: طيبه شرحها فيه شوي عربي وتعطي أمثلة عشان توضح لينه ونفهم في البرزنتيش ما حاسبت واجد ولا نقصت وتقريبا كل اللي يأخذون عندها تحط ليهم 10 وبعد تحط لينه امتحانات سابقة على البلاك بورد عشان ندرس منهم وتوزع الأمتحان وتصحح ويانه عشان نتأكد إذا في خطاء في التصحيح ونعرف احنا شنو أخطاءنا
سلبياته : يمكن ما تعتبر سلبيه بس إنه تحفظ اسامي ثنين لو 3 في السكشن ودائما تذكر اساميهم
نصيحة شخصية :خوش دكتورة لا تترددون إذا بتأخذون عنده

الدكتور : امين الأغا
المقررات التي يدرسها : mgt236
إيجابياته : يشجع اللي يجيبون درجات زينه في التستات أو الكوزات ويذكر اساميهم في السكشن ويشرح العملي يعطينه ورقة امثلة فيها اسئلة ويحلها ويانه وتقريبا الأسئله اللي اجي بالنسبة للجانب العملي منها
سلبياته:ما يوزع أوراق الأمتحانات في السكشن بس يخلينه نشوف لستة الدرجات واللي يبي يتأكد ويشوف أخطاءه والتصحيح يروح ليه المكتب طول وقت المحاضرة 50 دقيقة أو ساعة وربع ممنوع عنده أحد يستخدم التلفون أو يجوده
نصيحة شخصية :ما عندي نصيحة ولا شي كيفكم بتأخذون عنده لو لا

الدكتورة : Sumathi Kumaraswamy
المقررات التي يدرسها : Fin221
إيجابياته : تشرح من سلايدات وقت اللي تتكلم وتشرح تبي الكل ينتبه ويركز وياها عشان يفهم وإذا في شي مهم أو بجي في الأمتحان كلحين تعيده وهي تشرح
سلبياته: إذا شافت أحد ما يكتب أو ما يحل أو مو جايب الحاسبة ساعات تعصب عليهم وتزفهم
نصيحة شخصية : لا يوجد

الدكتور : هشام العريض
المقررات التي يدرسها :Mkt261
إيجابياته :يتكلم ساعات عربي ويعطي أمثلة من الحياة ويشرح من نوتات يوزعها علينه عشان نتابع وياه وعطانا مراجعة ل تست 1 و2
سلبياته: أحيانا يعلق على بعض الطلبة وما تعجبهم تعليقاته ويحسونه يفشل وما يتقبلون مره غبت وكان عندي عذر وديته ليه وطلبت منه يشرح لي اللي فاتني قال مشغول وقال لي قولي لزملائش يشرحون ليش وبعد بالنسبة لي يغيبون الدكتور يسجل جظور
نصيحة شخصية : لا يوجد

الدكتور :safdar ali هي على اللي كاتبنه في الوت ساب بداية الفصل يوم سألنه قال علي
المقررات التي يدرسها : engl341
إيجابياته : طيب يعطي امتحانات سابقة يقول لينه لا تكتبون بس أهم شي تنتبهون عشان تفهمون عطانه اسئلة خيارات مراجعة للمنتصف وقام يحلهم ويانه بشكل جماعي ويشرح لينه ويناقش ويانه إنه ليش هذا الجواب صح مو الثاني وبالنسبة ل الدرجات زينه بشكل عام أقل شخص كان بيدخل النهائي ب 45 من 60 وسوا ويانه قروب ويخبرنا إذا بيكنسل المحاضرة
سلبياته: قام يعطي ملاحظات وقت البرزنتيشن وإذا ما عجبه شي أو إذا قلنا شي خطاء أو بس نقراء ما يعجبه ويقعد يعلق
نصيحة : إذا وقته يناسبكم عادي تأخذون عنده لأنه في أسواء منه في الدرجات والشرح

الدكتور : هود العبيدلي
المقررات التي يدرسها : islm136 (السيرة النبوية )
إيجابياته : متساعد وطيب ويحاول يأخذ رأينه في يوم يناسب الكل أو الأغلب حق يعطينه امتحان واللي ما يقدر أو عنده تعارض عادي يخبره ويأجل ليه أو يروح ليه المكتب في الساعات المكتبيه وياه ضمنا 5 درجات حدد لينه سؤل بجي عليه درجتين في المنتصف الأوال والثاني عليه 3 درجات في المنتصف الثاني لأنه واجد أشياء ومعلومات وأسماء وقصص وما ندري وش نحفظ وش نخلي الوقت بيكفي لو لا يكون عدنه سؤلين متأكدين منهم و نضمن درجتهم
سلبياته: ما اعتقد فيه
نصيحة : أحسن من غيره وإذا بتأخذون وياه لا تتردون خوش دكتور وما اعتقد تندمون

[ستايش]

الدكتور : محمد عبدالرحيم صديق
المقررات التي يدرسها : Bis202
إيجابياته : دكتور لطيف نوعاً ما يحاول يكون ظريف احياناً بالنسبة للعملي والأكسل كان تمام ويعيد الشرح مره ومرتين واللي مايفهم يسأل ويعيد ليه
سلبياته: محاضرته ممله و من ناحية شرح وجودك وعدمه في سكشنه واحد نهاية المحاضرة يأخذ الحضور
نصيحة شخصية : إذا تحصلون أحد غير يكون أحسن

الدكتور : مأمون احمد محمد ابو رعد
المقررات التي يدرسها : Hist122
إيجابياته : يعطينا ملخص يحدد الأشياء المهمه وعطانه مرجعه للمنتصف والنهائي يعطي مجال إذا أحد عنده ملاحظة أو سؤال ساعات ينكت ويمزح ويانه وفي فصل الصيفي المحاضره طويلة في البداية كان يعطينا بريك 5 دقايق عقب صار يكمل بسرعه ويخلينا نمشي قبل الوقت
سلبياته: ماحسيت في سلبيات
نصيحة شخصية : إذا بتمشون سيده وبتحترمون الدكتور وما بتلعبون ولا تضحكون وتسولفون وهوا يشرح فسجلوا وياه وأموركم تمام أما إذا عدكم حركات وسوالف والدكتور يشرح وتضحكون وما تحترمونه فا خلكم بعيد عنه أحسن لا تحرجون نفسكم وتنطردون عموما أي أحد عادي أوردي المادة كله حفظ

[hano0n7]

عدنان الحلواجي
عرب 110
ايجابيته : دائما لكلاس يكون حيوي فيه طاقه ، نضحك و نستانس ف لكلاس و ماشاء الله شرحه ممتاز بعد و يساعد في الدرجات و أي سؤال تسئلة إياه م يفشلك .. يحب الطلاب يشاركون و يتفاعلون بلكلاس .. النوتات تنفع وااجد للدراسه منها بس اني استعنت بعد ببعض النوتات
سلبياته : م جفت فيه ولا سلبية
# نصيحه اخذو عنده
# اللي لاحظته انه يدرس بمدينه عيسى

دكتور مهند
maths101
ايجابيته : انه يعطي مسائل واجد بحيث كل مسئله فكرتها غير و احس المسائل اللي يعطينه إياها تساعد واجد بالامتحان .. يشرح المسئلة بالتفصيل بس اذا كانت طويله و مهمه يعيدها بس طبعا م يعيد كل الخطوات ، يعطي ملاحظات مهمه تساعد في الحل
سلبياته : ساعات يفشل .. و بعض الأحيان تتملل من لكلاس و تجيك النومه
اخذوو عنده ممتاز الدكتور

[mona_ar]

السلام عليكم جماعه لو سمحتون بغيت دكتور او دكتورة زينين حق fin220 و شنو رايكم ف المقرر و طبيعته
اللي عنده دكاتره زينين عن هالمقرر بليز يكتب:

[ستايش]

الدكتورة: نجلاء فتحي الدسوفي
المقررات التي تدرسها : mgt436/mgt437
إيجابيتها: : طيبة عادي تعيد الشرح وعادي تسألونها إذا ما فهمتون شي وتحب تناقش بخصوص المادة وتخلي ليدر على السكشن وتكون على تواصل وياه إذا في شي مهم أو بتغيب وبتكنسل المحاضرة تخبره عشان يخبرنا
سلبياتها : عطتنا نسوي اسايمنت وبروجكت في قروبات وعلى نهاية الفصل تخلينا نسوي برزنتيشن في قروب من15 شخص تخلي ثنتين من لقروب يعرضون ولين كملوا توقف الباقي على السبورة وتسأل كل واحد/ه عن لبروجكت وكل شخص سؤل غير وساعات نفس السؤل عشان تشوف الكل متفقين ونفس الجواب لو لا إذا شافت أحد ما يعرف يرد أو ما يدري ويش السالفة تنقص الكل يعني في النهاية القروب كامل يحصل نفس الدرجة من 30

الدكتور: علي محمد علي
المقررات التي يدرسها : engl146
إيجابيته:اخلاقه تمام يشرح المهم وبس يعني يعطينا الزبدة ويمشي مثلا قطعة رايتنغ المطلوبة علينا في الامتحان يشرحها ويحل وينا جم مرة، والقرامر نفس الطريقة يعطي القواعد بصورة مبسطة وعقب تصحيح التستات يعطينا الأجابات عشان نتأكد من التصحيح ويعطي مجال عشان إذا بناقش وياه في سؤل أو الدرجة وعادة محاضرته مدتها حوالي 20 دقيقة
سلبياته : يغيب واجد ويتاخر عن المحاضرة