ما هو رمز مقررات الدين، البدن للمستوى الأول الفصل الثاني؟

[Naughty Nan]

السؤال واضح من العنوان، بس ما عرفت وين أخليه:
ما هو رمز مقررات الدين، البدن للمستوى الأول الفصل الثاني؟
+
اذا ممكن نبذة عامة عن المقررات التالية:
عرب102
أجا 102
حيا 102
فيز102
انج 102
ريض 152
ثقف101
الدين
البدن

شنو المحتوى والطريقة الأفضل للدراسة بحيث نقدر نوازن بين الوقت والجهد والمضمون (اقصد نكمله 100% مو اسم)
وشكرا وعذرا على الازعاج

[حسن سعيد]

طبعا كل المواد سهلة وخصوصا الحيا والثقف بس يمبي ليها دراسة اول بأول

العرب قصايد وصف والقواعد صرف
الريض دوال ومصفوفات سهل جدا
الدين 103 اصعب من 101 لان في تفسير وحفظ سور واحاديث
الاجا سهل بس يبليه حفظ
البدن 201 سهل عن كرة السلة
الفيز سهل بس يبي ليه فهم
الحيا سهل سهل بس حفظ
الثقف سهل ودرجة مضمونة واربع ساعات
الانج اسهل من 101 المواضيع ربورت وانترنت بيج وهرار
كل شي سهل

بالتوفيق

[تمـرُد]

الدين رآح تآخذون مثل الدين اللي بنآخذه الكورس
الجآي.. عن الأخلآق ' كآن سآبقاً دين 103 بس
خلوه إلى الفصل الرابع لبعض الأسبآب ,
بنآخخذ نفس المقرر يعني xD
هذآ آخر شي سمعته! بس مادري للحين :/
البدن عن كرة السلة.. احسه آصعب
من مآل الاصآبآت بس بعد سهل..
العرب سههل وآجد يكمل السرد والوصف ~
الحيا عن تصنيف المخلوقآت
والبكتيريآ والفيروسآت وبعض أجهزة الجسم
سهل هو بس مااحب موآد الحفظ من جذي كنت اعآني ويآه سآعآت
الفيز عن القوة والحركة في في بعد وآحد < الحب الأول
جداً ممتع وفيه سهولة بعد =).. هو اللي خخلآني أعشق الفيزيآ 3>
الثقف سههل وآجد ودرجآت مضمونه بس طويل المقرر
وعآدة مآ يخلون إليه ايآم فيفضل أن يندرس من قبل
الانج مآ يتغير خب.. نفس الروتين والملل :)
اجا 102 عن الجغرآفيآ الاقتصادية. .
يتكلم عن الدول والتنمية ومدري
> ذبحني الحفظ اللي فيه بس مو صعب
الريض سهل واجد بعد.. جبت فيه احسن
ممن 151 تقريبا فرق 7.5 درجة..
هو صدق تنظيم الوقت مهم. . فيه موآد رحت النهائي
ومو مكملة لأن مآ نظمت وقتي عدل..
حاولي الموآد اللي تحسينهآ صعبة عليش
تسويين ليها تغذية رآجعة على طول..
تسوين ملخصآت لكل درس صعب أو جذي
تسجلين في معهد اذا تطلب الأمر..
يعني من البدآية عآلجي اي ثغرة
مو تخلين اي شي يترآكم عليش للنهاية
طبعاً الموآد سهلة جدا وما ومااخوفش
بس يعني لآزم اهتمآم ولكل مجتهد نصيب
وعذراً على الآطآلة

[Naughty Nan]

شكرًا جزيلاً،
هو فعلاً أني ما أعرف أنظم وقتي من جدي هالفصل مواد خذت ليها وقت واجد أكثر مما تستحقه " أقصد مادة وحدة" والباقي انظلموا، بالاضافة اني كنت ما اعرف طبيعة الامتحانات وما اعرف شلون ادرس وما اعرف شلون ادرس عدل واكمل بسرعة ، الشي الي خلاني كله أصيح " صار الصياح شي طبيعي "

** خايفة من البدن ((كسلانة فيه ، ما أعرف أنطط كورة حتى ))
عالعموم شكرا، ان شاء الله الفصل الجاي أحسن من هالفصل

[كوكو تدرس كيم]

السلام عليكم
السموحه داخله عليكم عرض
بس بما انكم تتكلمون عن المقررات حابه اعرف مقررات توجيهي كيمياء واحياء للفصل السادس ( الأخير ) اذا ممكن تفيدوني . واكون شاكره لكم

[شَفْقّ !]

المشاركة الأصلية كتبت بواسطة nono Rose

السؤال واضح من العنوان، بس ما عرفت وين أخليه:
ما هو رمز مقررات الدين، البدن للمستوى الأول الفصل الثاني؟
+
اذا ممكن نبذة عامة عن المقررات التالية:
عرب102
أجا 102
حيا 102
فيز102
انج 102
ريض 152
ثقف101
الدين
البدن

شنو المحتوى والطريقة الأفضل للدراسة بحيث نقدر نوازن بين الوقت والجهد والمضمون (اقصد نكمله 100% مو اسم)
وشكرا وعذرا على الازعاج

الاعضااء سبقوننيي وردوو عليجج ~
المقرراتت سهلله بس يبلهمم دراسهه اول بااول
ولا تاخذينن بأراءء النااسس اليي يقوول الفيزز صعبب و مادري شنوو
ترهه سههل بس انا كنت مصتصعبته ف البدايه لاني كنت كارهه الماده
بس بعددين الحمدالله جبتت فيه 18.5 اغلاطط تافهه والله
والثقفف الغلطه اللي غلطناها ...ان احنا م كناا نهتمم ف الاختبارات الشهريه وكنا نجييب 18 او 17 و سويناا مشاريعع وحاله اخر شيء المعلمه تقوول م ينحسبوون ف درجات اعماال السنةة ><" وجبتت ف الاعماال 26.5 انززل ماده

...

و مداامم احناا بناخذذ المقرراتت اليي اخذتوهاا
ممكنن تكتببنن نبذهه عنهمم + الصعوباات اللي واجهتجج + نصيحهه منكك
وشكرآً

[crazzoo]

كل المواد سهلة بس عندي ملاحظة الفيز و الحيا درسوهم عدل خصوصا الفيز هي مادة سهلة و حلوة لكن لا يستهان بها بل اعتبرها فوق كل المواد

[Naughty Nan]

المشاركة الأصلية كتبت بواسطة شمَوخـّـےْ ذبـآحَـيِ ♥

و مداامم احناا بناخذذ المقرراتت اليي اخذتوهاا
ممكنن تكتببنن نبذهه عنهمم + الصعوباات اللي واجهتجج + نصيحهه منكك
وشكرآً

شكرًا ..
...
بالنسبة لمقرراتكم بتكون: كيم، وطن، أسر، تقن، < بس دلين له، نسيت

الكيم:
الفصل الأول : ( ساعتين)
درسين : قصة مادتين ، مقدمة في الكيمياء.
* الأول حده سهل وقصير وعارفينه من قبل عن تأثير الكلوروفلوركربون في طبقة الأوزون.
*الثاني بعد مافيه شي عن أقسام الكيمياء وأهميتها والنماذج وجدي يعني صورة عامة عنه ، جدًا سهل بعد.

الفصل الثاني:
درس العناصر والمركبات، درسين عن النماذج الذرية والذرة ،ودرس الأنوية المستقرة وغير المستقرة.
* الاول عن العناصر والمركبات بصورة عامة والشي الجديد قانون النسب الثابتة وقانون النسب المتضاعفة، وولين درستونهم بتجوفون انهم سهلين.
* الثاني عن أفكار الفلافسة الاغريق ونموذج دالتون.
* الثالث عن نموذج دالتون وتومسون وراذرفورد والذرة ومكوناتها .
* الرابع عن التحلل الاشعاعي وأشعة بيتا وألفا وجاما.
بتشوفون هالدروس هالفصلين حدهم سهلين وكل شي ماخذينه في اعدادي بتفصيل أكبر وهني مختصرينه وضايفين جم اضافة خفيفة.
الفصل الثالث:
3 دروس عن التفاعلات الكيميائية وأنواعها والتفاعلات في المحاليل المائية.
هالدروس فيهم أشياء جديدة ولازم وكل درس يكمل الثاني فأي نقطة مو فاهمتنه اسألي المعلمة من البداية، بس بعد سهل .
الفصل الرابع : المول ، والمول والكتلة.
هالدرسين سهلين جدا جدا الدرسين اثنينهم تقدرين تلخصينهم في قانونين.

الوطن: (ساعتين)
الوحدة الاولى: الوعي الوطني، حقوق الانسان، حقوق الانسان في البحرين.
الوحدة الثانية: تطور الدولة، انواع الدول، الدولة الحديثة.
الوحدة الثالثة: عن أنظمة الحكم والممارسة الديمقراطية ، 4 دروس
الوحدة الرابعة: عن البحرين قبل وبعد الاستقلال وسياستها الخارجية وولاية العهد ، 4دروس.
في دروس قصار وفي دروس طوال، بس أتوقع أقصر من الاجا ( مع اني ما جفت الكتاب)، ما أقدر أعلق لأني بتحيز ( ما احب الحفظ).

الأسر: ( ساعتين)
عن الذات والشخصية وهرير واجد ما في شدة أعددهم ، الكتاب أمتن كتاب لكن مو صعب ، بس حفظ صاير تقريبا ( فسيم سيم وطن ) ، بس ملاحظتي لش: درسي كل شي لا تفوتين ولا نقطة مو شرط تحفظين كل النقاط ، حفظي ثلاث على الاقل والباقي فهميهم واقريهم لان يجيبون في صح وخطأ ، والتعاريف كلها حفظيها دائما يجيبون تعاريف ومقارنات.

التقن: ( 4 ساعات)
فرصة كبيرة حق رفع المعدل، ما يستاهل أقل من مئة ، تحصلينها بدون تعب ولا دراسة ، بس انتبهي في الحصة وطبقي كل الي تقوله المعلمة، يمكن تستملين ( خصووصا اذا صار نفسنا حصتين ورا بعض والاخيرتين) لكن ما عليه تحملي واذا عطتكم المعلمة مراجعة في الصف طبقي ، بتثبت المعلومات ولا يحتاج تراجعين لا منتصف ولا نهائي ولا الوقفتين.

*برنامج أكسس ، سهل حده

[Naughty Nan]

الصعوبات ، "اظنها شخصية":

الكيم، الحمدلله ما واجهتني صعوبات في الدراسة، الامتحانات كانت سهلة، لكن كان عندي أخطاء في المنتصف والنهائي، فأنصحش تركزين على كلشي الرسمات كل شي فيهم حفظيه، الاسئلة حطي بالش ليها الي في الكتاب سواء كانت في الدرس ،تحت الصور ، نهاية الدرس، اسئلة الفصل، او الاسئلة المقننة ،لان يجيبون منها ، سوها لينا السنة وخطأت

الوطن، الصعوبة كانت في الدراسة دريت ليه فترة طويلة جدا، لكن الامتحانات حدها سهلة وبايخةة، فحاولي تلخصين، لا تحيش صدمة وقهر، وتظلمين المواد الباقي.

الأسر، قلت من شوي ركزي على كلشي واختصري ولا تهدين شي بدون قراءة وفهم .
التقن، قلت لش فوق.

+
يمكن اتحيز وآراء الناس تختلف بس هذا الي شفته
بالتوفيق

[حسن سعيد]

المشاركة الأصلية كتبت بواسطة nono rose

الصعوبات ، "اظنها شخصية":

الكيم، الحمدلله ما واجهتني صعوبات في الدراسة، الامتحانات كانت سهلة، لكن كان عندي أخطاء في المنتصف والنهائي، فأنصحش تركزين على كلشي الرسمات كل شي فيهم حفظيه، الاسئلة حطي بالش ليها الي في الكتاب سواء كانت في الدرس ،تحت الصور ، نهاية الدرس، اسئلة الفصل، او الاسئلة المقننة ،لان يجيبون منها ، سوها لينا السنة وخطأت

الوطن، الصعوبة كانت في الدراسة دريت ليه فترة طويلة جدا، لكن الامتحانات حدها سهلة وبايخةة، فحاولي تلخصين، لا تحيش صدمة وقهر، وتظلمين المواد الباقي.

الأسر، قلت من شوي ركزي على كلشي واختصري ولا تهدين شي بدون قراءة وفهم .
التقن، قلت لش فوق.

+
يمكن اتحيز وآراء الناس تختلف بس هذا الي شفته
بالتوفيق

انا الفصل الثاني اخدت كيم اسر تقن وطن وارتفع معدلي الفصلي 4 درجات

[Naughty Nan]

المشاركة الأصلية كتبت بواسطة حسن سعيد

انا الفصل الثاني اخدت كيم اسر تقن وطن وارتفع معدلي الفصلي 4 درجات

المشكلة الفصلين فيهم انج، ما في فصل ما فيه انج، لو ما الانج انجان نسبتي تصير ازيد بواجد

[دموع الـشوق]

رفعتون معنوياتي على الفيز :(! صادتني عقدة كلمن يقول صعب!!! :|





شمَوخـّـےْ ذبـآحَـيِ ♥
طبعاً nono Rose ماقصرت كفَّت ووفَّت ..=) أهممم شي التقن أبداً لا تستصعبينه وحتى لو ماتحبينه حببي روحش فيه ولآ تنقصين فيه ولا درجة لان صدق صدق ينقذ المعدل!!
وعندي اضافة على الوطن ; ميزة الوطن ان مافيه خرايط أبداً .. مافي إلا وحدة وماتعتبر خريطة بعد .. مالت المحافظات(العاصمة،المحرق،الوسطى،الشمالية،الجنوبية) بعكس الأجا الي خذيتنونه مترووس خرايط حسب ماسمعت

}
}
}
}

مُوفقين جميعاً

[حسن سعيد]

المشاركة الأصلية كتبت بواسطة nono rose

المشكلة الفصلين فيهم انج، ما في فصل ما فيه انج، لو ما الانج انجان نسبتي تصير ازيد بواجد

الفصل السادس الانج ساعتين

[Naughty Nan]

المشاركة الأصلية كتبت بواسطة حسن سعيد

الفصل السادس الانج ساعتين

[Naughty Nan]

المشاركة الأصلية كتبت بواسطة دموع الـشوق

رفعتون معنوياتي على الفيز :(! صادتني عقدة كلمن يقول صعب!!! :|





شمَوخـّـےْ ذبـآحَـيِ ♥
طبعاً nono Rose ماقصرت كفَّت ووفَّت ..=) أهممم شي التقن أبداً لا تستصعبينه وحتى لو ماتحبينه حببي روحش فيه ولآ تنقصين فيه ولا درجة لان صدق صدق ينقذ المعدل!!
وعندي اضافة على الوطن ; ميزة الوطن ان مافيه خرايط أبداً .. مافي إلا وحدة وماتعتبر خريطة بعد .. مالت المحافظات(العاصمة،المحرق،الوسطى،الشمالية،الجنوبية) بعكس الأجا الي خذيتنونه مترووس خرايط حسب ماسمعت

}
}
}
}

مُوفقين جميعاً وردة2

اني احس بعد سهل، لكن خوفي نفس هالفصل كل شي اقوول سهل وحزة الامتحان اصيح " كله ما لي خلق أدرس، وما يمديني أدرس"