نصيحتكم !

[محمد المريسي]

السسسلآم عليكم ورحمة الله



اممممم انا تخصصي محاسبة واحين ذي اول كورس لي اوكي

بقولكم الدرجآت لحد احين

اكاونت ( مدتيرم 29 - كوز 9 - كيس 2 )
مجت ( مدتيرم 25 - كوزات يعني ما بين ل4 من 7 لي 6 من 7 )
ايكون ( مدتيرم 19 - كوزات من 4 من 7ونص لي 8 من 8 - كيس 8.5 )
ماث ( تست الاول 19 - تست الثاني 20 - الكوزات فل مارك )
الانج ( تست الاول 12 ) < انسحبت !

< للعلم في الاورنتيشن خذيت عرب وحصلت C يعني معدلي احين 2


- امممم بقولكم ما ادري شفيني شي داخلي يقولي اوقات غير تخصصك الى اعلام واوقات اوكي عادي تم وبتمشي ،
مشكلتي اولا ما اعرف انج ذاك االزود يعني في الانج انسحبت مع ان الكل يقول مقرر تافه
وبعد في التستات والمدتيرم اتوهق في المتبل جويز لان ما اعرف عدل انج وحزات اختار غلط بسبت ذي انا فاهم بس مب عارف لسؤال
وثانيا ما احب احفظ كلش واجمع في مخي مثل المجت تورطت فيه دشيت المدتيرم ما حفظت ولاشي وحصلت 25 ،
انا في فهم مخي ع كيفكم افهم بسرعة واحل مسآئل اوكي يعني .

وانا متخرج علمي فيز وريض بمعدل 84%



احين شنو تنصحوني لوضعي اغير تخصصي او انقله لداخل الكلية او في طريقة تقوية نفسي او اي اقترآحآت !

[سحابة]

بالضبط نفس حالتي .. و مثل تخصصك بعد
يبي له لغة انجليزية يعني احنا نفهم حزة الدراسة لان نترجم و جذي
بس وقت الامتحان ما نفهم نحل حتى لو عارفين الجواب !!
لان اساسا ما نفهم السؤال !!

بس الكل قال لي هذي مشكلة اول كورس بس مع الايام و الممارسة
تتقوى اللغة .. و لا يندرى

بالتوفيق

[الدراسة تعاسه]

اني في الفصل الأول كانت هذي مشكلتي الإنج
كنت كل كلمه لااازم اترجمها إذا بدرس لاني ما افهم بدون ترجمه ولا ادري الدكتور وش يقول ..
بس الفرق ان اني كنت ادري وش يبون في السؤال

الحين الفصل الثاني اشوف روحي تطوررت واااجد
الحين قلييل جداً إذا اترجم ..

فأنصحكم ,, إذا شفتون روحكم الفصل الثاني بعد عندكم نفس المشكلة غيرو لأن اللغه مهمه في عالم المحاسبة خصوصاً ساعات تجي أفكار ولاززم تفهم كل حرف عشان تحل ..

بالتوفيق

[Piece M o o n]

اممم..
كلية الاداب كل ابوها ابد ما انصح احد يدرس فيها تخصصاتها مو مطلوبة نهائياً ..


وفي ناس واجد كانت حالتهم اخس منك ما يعرفون شي و ظلوا في التخصص بس تعبوا ع عمرهم و اتخرجوا ..
الانجليزي مو معظلة..
والكل يترجم حتى اللي في اخر سنين في الجامعة,
لابد في اشياء ما بيعرفونها بس اكيد بيكون اقل من الكورس الاول ..
واذا بتلاحظ مناهج البزنس متكررة فبتشوف الكلام ينعاد

[طالبة وربة بيت]

انا خير شر ما اعرف انج لاني كنت ادرس اول فرنسي حتى المواد التجارية
ومع دالك بدرس اكاونت لان المصيبة حتى العربي ضعوف