مناقشة:لا تقييم لأي مؤهل بالطب يقل معدل صاحبه بالثانوية عن %90

[Nawreez]

بشكل عام المعدل مو معيار لتميز الشخص في تخصص معين .. هذا لا خلاف عليه / ممكن شخص معدله 93 يبدع في تخصص اكثر من اللي معدله ف الثنوي 97 ..

بالنسبة للطب ..
الطب يحتاج شخص مكافح + مجتهد + ذكي + عنده قدرة على الموازنه بين حياته والدراسة + صبور + يوجد حلول بدل أن ينتقد المشكلة

لو جينا للمعدل ..
اللي بيتخرج ب 99 او 98 في الثنوي في البحرين ..
يبين لينا أنه وخلال 6 فصول كانت فيه هالصفات " نستثني منهم اللي بتقولون يغشون لأنه حتى اللي في الثمانين في ناس تغش "

1- مجتهد / بحكم أنه درس وبحث وتعب ووصل لهالمعدل
2- صبور / بحكم انه ولست فصول حافظ على معدله رغم انه بعضنا تصيده ظروف وتصيده ضغوطات واحيانا ينقص في امتحانات وهو دارس ليها فيكون تعبه هباء منثورا .. ورغم هذا واصل وصبر ..
3- ذكي / ولا نقاش فيها لأنه ادري بينطون ناس وبيقولون في ناس 99 ومو اذكياء .. هاذي لو انقالت على امتحانات الدفعات اللي قبل ممكن اما احين امتحانات الوزارة ماقاعدة تلاعب .. محد يوصل لهالمعدل في كيم وحيا او فيز وريض الا لأن فيه نسبة لا يستهان فيها .. وأظن ريض 364 كان اكبر دليل ..
4- عنده قدرة على الموازنة بين حياته ودراسته * مو عند الكل طبعا هاذي *
5- يوجد حلول بدل ان ينتقد المشكلة .. / بحكم أنه حتى لو نقص في امتحانات مايقصر في حق المواد الباقية .. ويواصل دراسة حقهم وكأن شي لم يكن ..

وهاذي كل الصفات اللي يفترض تكون في الدكتور :)


نجي لشعب الثمانين ..

هل يعقل انه وعلى مدى 6 فصول ماقدر يوصل للتسعين .. على الرغم من أنه ذكي ويدرس ووو الخ من الاشياء اللي ذكرتونها ؟
حدث العاقل بما يعقل :)

بتقولون يدرس ومايجيب .. " مو توكم تقولون لازم الطب يبي له ذكاء ؟ " لو ذكي بيجيب لما يدرس .. "

واذا ذكي وفعلا مايجيب " ويدرس .. ف اهني مشكلة اعظم ! انه يدرس بجهد مو بذكاء .. وشلون مايحصل لروحه حل خلال 6 فصول ؟ لو هامنه معدله فعلا وهو ذكي بيدور له حل من تحت الارض .. وجذي لازم يكون الدكتور ..


لا نغالط انفسنا ..

لا يعقل ان يتساوى الصنف الاول بالصنف الثاني .. وهذا من باب العدل لا اكثر .
تبحثون عن العدل في توزيع البعثات وتصير ضجة اذا احد معدله اقل منكم حصل البعثة الا تبونها ..

هذا نفس الشي .. هذا عدل للي معدلاتهم أعلى انهم يحصلون هالميزة

- مع القرار وبقوة .

[crazzoo]

المشاركة الأصلية كتبت بواسطة beno's

كافحو بنفسكم , عمرهم الادارة ماتوصل اراء الطلبة للوزارة بشكل جلي و تام
خوفا على مكان المدير عند الوزارة

هذا عندکم مایسوون و لا یساعدوکم الاداره،احنا مدرسه احمد العمران و النعیم اکثر مدرستی شعبیه فی البحرین و احنا لنا الفضل الکلی عن سالفه تاجیل الامتحانات المنتصف خلال هذی السنتین کافحنا و رفعنا اصواتنا و رسایلنا للوزاره من خلال الاداره و کنت اشوف بعینی الرسایل تتطرش للاداره و الله ماضیع تعبنا غیر عن هالشی عن سالفه قبول جامعه البحرین لبعض التخصصات کان فی شوی صعوبه لیعض المعدلات المتدنیه و حلیناها بفضل الله و اهل البیت و خیبونا،هذا مستقبل ناس و بکافح عشانه مو عشان ادرس هالتخصص انا الحمدلله معدلی مرتفع و مو حاب هالتخصص کلش لکن عشان اخوانی و اخواتی من الطلبه،مثل ماحب الخیر لنفسی لازم احبه للاخرین

[crazzoo]

ارجوا من الجمیع عدم تحویل الموضوع الی شات،و علی الجمیع احترام جمیع اراء الطلاب الاخرین و عدم جرح الاخرین،

[Zlatan Ibrahimovic]

أنا احترم جميع الآراء التي ذكرت من الطرفين

وفي شغله مهمة اغفلتونها كذلك

هي أن سواء تم اعتماد هذا القرار او لا ، أعتقد أن مجال دراسة الطب لا تختلف عن غيرها من التخصصات من ناحية تطلبها للخبرة العملية والممارسة، فدراسة الكتب والمقررات شي ، وفي مجال الحياة العملية شي اخر تماماً ، وإن كان هناك سنوات تدريب. فالخبرة التي يكتسبها تلعب دور كذلك في هذا الامر .

والطبيب الناجح ليس بشرط ان يكون هو الأول على جامعته . ولا بخطأ يقترفه أي طبيب يكون هذا طبيب فاشل، فالمجال الطبي صحيح انه من ادق الاختصصات التي فيها أرواح الناس ، ولكن هذا لا يعني أن من يمارس هذا المجال هو في نهاية الامر انسان معرض كغيره للخطأ.

فالخلاصة ، ما اعتقد ان ما اليه داعي ان نذكر تجاربنا العملية مع الأطباء ونخلطها هنا مع هذا القرار . لان مو كل من يدخل أي تخصص يواصل فيه ، ومو كل من كمل بامتياز يكون طبيب ناجح ، لان الطب شغله تراكمية متجددة تتطور بشكل متسارع ، ما تتوقف على نقطة معينة.

لذا ، أكتفى بهذا القدر من دون تحيز في ابداء وجهة نظري لاحد الطرفين

بالتوفيق للجميع ..

[crazzoo]

المشاركة الأصلية كتبت بواسطة zlatan ibrahimović

أنا احترم جميع الآراء التي ذكرت من الطرفين

وفي شغله مهمة اغفلتونها كذلك

هي أن سواء تم اعتماد هذا القرار او لا ، أعتقد أن مجال دراسة الطب لا تختلف عن غيرها من التخصصات من ناحية تطلبها للخبرة العملية والممارسة، فدراسة الكتب والمقررات شي ، وفي مجال الحياة العملية شي اخر تماماً ، وإن كان هناك سنوات تدريب. فالخبرة التي يكتسبها تلعب دور كذلك في هذا الامر .

والطبيب الناجح ليس بشرط ان يكون هو الأول على جامعته . ولا بخطأ يقترفه أي طبيب يكون هذا طبيب فاشل، فالمجال الطبي صحيح انه من ادق الاختصصات التي فيها أرواح الناس ، ولكن هذا لا يعني أن من يمارس هذا المجال هو في نهاية الامر انسان معرض كغيره للخطأ.

فالخلاصة ، ما اعتقد ان ما اليه داعي ان نذكر تجاربنا العملية مع الأطباء ونخلطها هنا مع هذا القرار . لان مو كل من يدخل أي تخصص يواصل فيه ، ومو كل من كمل بامتياز يكون طبيب ناجح ، لان الطب شغله تراكمية متجددة تتطور بشكل متسارع ، ما تتوقف على نقطة معينة.

لذا ، أكتفى بهذا القدر من دون تحيز في ابداء وجهة نظري لاحد الطرفين

بالتوفيق للجميع ..

كلامک عین الصواب اخی

[الله المستعان]

المشاركة الأصلية كتبت بواسطة crazzoo

هذا عندکم مایسوون و لا یساعدوکم الاداره،احنا مدرسه احمد العمران و النعیم اکثر مدرستی شعبیه فی البحرین و احنا لنا الفضل الکلی عن سالفه تاجیل الامتحانات المنتصف خلال هذی السنتین کافحنا و رفعنا اصواتنا و رسایلنا للوزاره من خلال الاداره و کنت اشوف بعینی الرسایل تتطرش للاداره و الله ماضیع تعبنا غیر عن هالشی عن سالفه قبول جامعه البحرین لبعض التخصصات کان فی شوی صعوبه لیعض المعدلات المتدنیه و حلیناها بفضل الله و اهل البیت و خیبونا،هذا مستقبل ناس و بکافح عشانه مو عشان ادرس هالتخصص انا الحمدلله معدلی مرتفع و مو حاب هالتخصص کلش لکن عشان اخوانی و اخواتی من الطلبه،مثل ماحب الخیر لنفسی لازم احبه للاخرین

أي والله وأنت الصادق خوك
يفكرون نفس مدارسهم
نحنُ طلاب النعيم نحن للمجد بناة
مدرسة نعيم كم قرار وزاري الغته !!
ونعدكم بإلغاء هذا القرار بتعاون وتكاتف الجميع

[NoOony.A]

المشاركة الأصلية كتبت بواسطة crazzoo

،مثل ماحب الخير لنفسي لازم احبه للاخرين

:) ب الضبط

[abcdi]

المشاركة الأصلية كتبت بواسطة crazzoo

هذا عندکم مایسوون و لا یساعدوکم الاداره،احنا مدرسه احمد العمران و النعیم اکثر مدرستی شعبیه فی البحرین و احنا لنا الفضل الکلی عن سالفه تاجیل الامتحانات المنتصف خلال هذی السنتین کافحنا و رفعنا اصواتنا و رسایلنا للوزاره من خلال الاداره و کنت اشوف بعینی الرسایل تتطرش للاداره و الله ماضیع تعبنا غیر عن هالشی عن سالفه قبول جامعه البحرین لبعض التخصصات کان فی شوی صعوبه لیعض المعدلات المتدنیه و حلیناها بفضل الله و اهل البیت و خیبونا،هذا مستقبل ناس و بکافح عشانه مو عشان ادرس هالتخصص انا الحمدلله معدلی مرتفع و مو حاب هالتخصص کلش لکن عشان اخوانی و اخواتی من الطلبه،مثل ماحب الخیر لنفسی لازم احبه للاخرین

يعطيكم العافية .. نتمنى لو نقدر نساهم في الغاء او تأجيل شيء لصالح الطلاب بس للأسف مدرستنا دكتاتورية .. وعلى العموم المعدل ابدا مو مقياس لدراسة

[Ms Nawary]

رأيي الشخصي
القرار ظالم و غير منصف
لان عمره ما كان المعدل معيار او مقياس عشان يحدد مستقبل شخص و يتحكم بمصيره ، و الي يقول ان الطب يحتاج ذكاء صح ما اختلفنا بس مو كل شخص معدله عالي خلاص ذكي و ما فوقه فوقه يعني ياما ناس معدلاتهم فوق بس لو وقفتهم و سألتهم عن اي شي في الحياه ما يعرف يرد ولا عنده منطق لان بإختصار يعتمد على الحفظ كوبي بست و شفت واجد منهم (اكيد مو الكل ) و بعضهم شطار في النظري بس لما تشوفهم في العملي تنصدم ما يعرفون يطبقون ولا شي من الي قروه، الي حبيت اوصله ان للذكاء انواع و نادرا ما يقدر الانسان يجمع كل انواع الذكاء ف نظرتش تختلف عن نظرته و نظرته تختلف عن نظرتي للذكاء (يعني الذكاء مو مرتبط بالدراسه بس مرتبط بأشياء واجد غير يعني مثلا الطب ما يحتاج شخص ذكي دراسيا فقط يحتاج شخص ذكي في التعامل و التطبيق ، سريع في عمله و الخ) ، و الي يقول ان الطب فيه ارواح ناس صح الدكتور لازم يكون عنده ضمير بس من وجهه نظري الضمير ماله دخل بالمعدل ، يعني الي يقولون ان الي اقل من 90 مهمل ما يهتم لدراسته شلون بيهتم لمريض اقول له عمره المعدل ما يخلق ضمير يعني مو كل شاطر عنده ضمير ولا كل كسلان ما عنده ضمير ، اتمنى إلغاء القرار (مع ان تطبيق القرار من عدمه ما يشكل لي اي ضرر) ، بس اشوف ان حرام تنقتل احلام هل اشخاص عشان معدل

^^ واجد طولت ههههههه ، و في النهايه الاختلاف في وجهات النظر لا يفسد للود القضيه

[Lady-J]

بالنسبة لي: احس القرار بمحله لأن مجرد كلمة طب هيبتها تكفي!! أرواح ناس وصحتهم وحياتهم بين يدك فلازم ناس واعية فاهمة ذكية شاطرة تتولى هاي المسئولية .. بتقولون كننا صغار ب الثانوية وطيش وشسمة .. خلاص هاي الطيش واللعبة هي اللي ضيعت حلمكم ومستقبلكم .. كل من يبي هدف خصوصا الطب لازم يمشي له برجله ويده (يزحف له) بكل الطرق!! مو يقعد يتلعب .. هاي دراسة وراها مستقبل!! التخصص اللي تبونه بالمدرسة والشغل اللي بتشتغلونه بعد هالدراسة!! مستحيل تلقون دكتوور ب يقول لكم نسبته 80!! غلط!! ياما تكلمو قالو الطب يبي له درجات الطب يبي له تسعينات .. ولما صار الجد الكل خاف!!

وسالفة ان ندرس اشيا م لها داعي ف الطب مثل فطريات وهالأشيا!! الفطريات لها دخل بالطب .. تسبب امراض ويطلعون منها ادوية!! كل شي بالحيا نحتاجه .. إلا اذا بتقولون نباتات .. لعل وعسى فيه ناس تبي تدرس علم النبات .. تخصصنا بالثانوي اسمه علمي!! ندرس علوم .. ناخذ اساسيات العلوم كلها لأن م نعرف وين بننقط بعدها!! هل بندخل طب ولا لا؟ نفترض اخذنا بس الطب؟ مو كل الناس بتفلح فيه!! مو كل الناس ميولها طبية .. نفس الشي حق باقي المجالات!!
بنفس الوقت فيه ناس تتعب بس م تحصل ثمار التعب اللي تتعبه .. لعل المجال اللي اختاروه غلط أو خذو اكثر من طاقتهم .. الناس قدرات .. ناس رياضيات ناس طب ناس اشيا غير .. واختارو غلط ومشو غلط!! وبس راحت عليهم!!

وشي ثاني بالنسبة للي يقولون لعب وبعدين فهم: مع احترامي بس (منتهى الظلم) حطو تحتها ألف خط .. يجمعون اللي قضى وقته يدرس ويتعب وانقطع عن الناس وضحى عشان مستقبله مع اللي ضيع وقته لعب واشيا م لها داعي . لازم اللي تعب بيحصل اكثر.

وبس .. مع احترامي مرة ثانية للجميع .. واعتذر اذا كان كلامي صريح جدا وجارح للبعض

[الله المستعان]

المشكلة أن البعض مايقدر الظروف ومتوافق مع هالقرار الفاشل
يعني أنا الصراحة كنت 92 و في ثاني ثنوي نزلت لظروف خارجة عن إرادتي
مايحتاج أقول ويش هالظروف والكل يعرف ظروف البلد !!
والله كريم
لا تخافون شباب النعيم شغالين على هالموضوع وبإذن الله سيلغى !

[طفشان]

أسود طلاب مدرستنه
ولو معدلي الحمد لله فوق ال 90
لكن بعد اضم صوتي وياكم في الرفض
ابدا المعدل مو مقياس و مقدرين الظروف
وجميع الطلاب معك إن شاء الله ..
اعرف واحد الله يستر علي مايفهم شي ومتفوق من الغش

[dr.sh]

ان شاء الله ينلغى القرار
بس انة مو حرام نسبتي 97 وفي احتمال ما ادش طب حلم حياتي
ادعولي احصل بعثة وادعي لكم ينلغى القرار

[الله المستعان]

وليش يعني يمكن مادشين طب!!
جوفي توقيع Dr.altaweel
حكمة جميلة
من يعيش الأمل لايعرف المستحيل
ما اعتقد تحصلين بعثة طب اعرف شخص معدلة 98 ماحصل ويدرس في الأيرلندية الحين من صوب تمكين
الله يوفقنا جميعا

[dr.sh]

المشاركة الأصلية كتبت بواسطة الله المستعان

وليش يعني يمكن مادشين طب!!
جوفي توقيع Dr.altaweel
حكمة جميلة
من يعيش الأمل لايعرف المستحيل
ما اعتقد تحصلين بعثة طب اعرف شخص معدلة 98 ماحصل ويدرس في الأيرلندية الحين من صوب تمكين
الله يوفقنا جميعا

حاطة امل بس الامكانيات ماتسمح
كنت على امل بدرس في الصين بس الغو الاعتراف هالسنة على حظي
شكلك ماتعرف نظام وزارتنا للبعثات
حظك يانصيب , حتى لو نسبتك 90 في احتمال تحصل

تمكين يدرس تمريض صح؟ انة راسلتهم بموضوع الطب من قبل قالو مايوفرون