التسجيل | التعليمـــات | التقويم | مشاركات اليوم | البحث |
13-05-2017, 02:35 PM | رقم المشاركة : ( 1 ) | |
طالب مبتدئ
|
استفسارات عن الكلية
السلام عليكم ورحمة الله وبركاته..
بإذن الله اني خريجة لعام 2017 من تخصص علمي عندي بعض الاستفسارات بخصوص الكلية.. 1-متى يبدأ التسجيل حق الكلية؟وهل تبع جامعة البحرين ولا بروحه؟ 2-شلون نسجل؟*الاجراءات* 3- من كم المعدل يقبلون واذا 89 اوكي؟وعلى اي اساس يتم القبول؟المقابلة ولا الامتحان ولا شنو بالضبط؟ 4-المقابلة تكون بالعربي ولا بالانجلينزي؟ 5-الجدول ينزل لينا كل فصل ولا احنا ننزل مواد كل فصل؟ 6- المواصلات هل متوفره باصات للمناطق ؟ 7-لازم تكون الانجلينزية مالتنا قوية علشان يقبلونا؟ 8-الدكاترة اوكي تعاملهم مع الطلبة؟ 9-شنو التخصصات الموجودة في الكلية وتكون بكالوريوس؟ اتمنى الي يعرف اي شيء يخبرني ولكم جزيل الشكر واذا في شيء لازم يعرفونه الي بقدمون على الكلية خبروني وواجد هدرت ادري بس ابي اعرف اجوبة الاسئلة من زمان والمدرسة ماخبرونا ولا شيء عنها |
|
13-05-2017, 08:32 PM | رقم المشاركة : ( 2 ) | ||
طالب مشارك
|
1- الكلية تبع جامعة البحرين، فترة التسجيل من تاريخ 04-06-2017 إلى 14-06-2017.
2- نفس التسجيل للجامعة (إلكترونياً)، تختارين 12 رغبة. 3- القبول من 80%، والقبول يكون على أساس النسبة، والمقابلة، والإمتحان، ويكون القبول تنافسي (كلما زادت نسبتش، زاد احتمال قبولش) أنا معدلي 88.7% والحمدلله انقبلت، فلا تحاتين، إن شاء الله خير . 4- بتقدمين مقابلتين، مقابلة تبع الجامعة، وإذا انقبلتين في الكلية، بعد مقابلة في الكلية. مقابلة الجامعة بالعربي، أما مقابلة الكلية فبالإنجليزي إلا التمريض يخلونش تتحجين عن روحش بالإنجليزي، وباقي الأسئلة بالعربي حسب ما أظن . 5- أنا طالب سنة أولى، فاللي صار انهم نزلو لنا المواد، ولكن نقدر نغير المواد، انشيل وانحط. 6- نعم، متوفرة المواصلات للمناطق. 7- لا مو لازم قوية، أهم شي تفهمين للي يقولونه ليش بالإنجليزي. 8- بعضهم أوكي، وبعضهم لا. 9- التخصصات هيه:- 1- بكالريوس تمريض. 2- بكالريوس صيدلة. 3- بكالريوس أشعة. 4- بكالريوس علوم مختبرات. 5- الدبلوم المشارك في صحة الفم والأسنان. 6- صحة عامة( ما أعرف الشهادة مالته، لأن التخصص كان مقفل اللعام). لا تحاتون الإنجليزي، أهمشي تفهمون للي ينقال ليكم، ومع الدراسة إن شاء الله بتتحسنون. طبعاً التدريس بالإنجليزي. |
||
التعديل الأخير تم بواسطة ستراوـي ; 31-05-2017 الساعة 01:28 PM سبب آخر: فترة التسجيل غلط |
|||
14-05-2017, 09:10 PM | رقم المشاركة : ( 3 ) | ||
طالب مبتدئ
|
اقتباس:
شكرا واتمنى لك التوفيق ..جزاك الله الف خير طمنتني شوي بس الامتحان يكون دوائر ولا كتابة؟ ومتأكد من فترة التسجيل معقوله قبل شهر تقريبا بس ؟ شنو التخصص الي عليه اقبال واجد؟ بكالريوس اشعه عقب نحصل وظيفة بسهوله ولا نخيس بشهادتنا ؟ وشنو انت تخصصك؟تنصحنا فيه؟اشبع فضولي يصير |
||
التعديل الأخير تم بواسطة بحرآنيه وآفتخر ; 14-05-2017 الساعة 09:14 PM |
|||
14-05-2017, 10:13 PM | رقم المشاركة : ( 4 ) | |||
❤
|
اقتباس:
غالبا طلبة كلية العلوم الصحية وظائفهم مضمونه بكل التخصصات والاشعة تخصص اصلا مطلوب وآنه آن شاء الله ادرس هالتخصص ويعني عدد اللي يقبلونهم كل سنه 40 شخص ف هالتخصص فـ عشان جذي الوظائف متوآفرة . |
|||
15-05-2017, 09:23 AM | رقم المشاركة : ( 5 ) | ||
طالب مبتدئ
|
اقتباس:
مشكورة حبيبتي وان شاء الله يقبلونا ونصير وي بعض |
||
16-05-2017, 03:52 PM | رقم المشاركة : ( 6 ) | |||
طالب مشارك
|
اقتباس:
أما امتحان الكلية الخاص بها، فهوه بيكون طبعاً بعد ما يقبلونش في أحد تخصصات الكلية (بعد ما يقبلونش في الكلية)، وهذا الامتحان فقط لمعرفة مستوى الانجليزي، فاذا جبتين فيه فوق 70%، فبيعفونش من تمهيدي الانجليزي، اما اذا أقل، فبتاخذين كورس انجليزي اسمه Eng001، ولكن ما بتزيد مدة الدراسة، وأنا استفدت واجد من هالكورس التسجيل متأكد منها، وتقدرين اتشوفين من حساب الجامعة على الانستقرام: https://www.instagram.com/p/BUvswOgArFE/ التخصص اللي عليه اقبال واجد هوه اللي يقبلون فيه عدد أشخاص الأكبر وهو تخصص التمريض بالنسبة للتوظيف، فمافي على تخصص الأشعة حجي، التوظيف مضمون بإذن الله تخصصي أنا هوه الدبلوم المشارك في صحة الفم والأسنان، تخصصي ما عليه اغبار، ولكن الناس يعايرونه بأنه دبلوم ، هوه اسم الشهادة دبلوم مشارك، يعني وسط بين الدبلوم والبكالريوس، والتخصص أقدر أكمله بكالريوس في الخليج لمدة سنة ازيادة فقط، التخصص بشهادة الدبلوم المشارك ياخذ 3 سنوات، هالتخصص كان مقفل أول اللعام، وكانو يقبلون فقط 10 أشخاص فيه، فتحوه اللعام وقبلو حوالي 50 شخص. التخصص يمكن من أقوى التخصصات في الكلية اللي التوظيف فيه عالي لأن من موقع الوزارة يقول ان عدد فنيي الأسنان في البحرين سنة 2010 هم 64 فقط. التخصص أساتذته كامل تمام في الشرح، والتخصص احليو، من ثاني فصل يبتدي عملي. في مشكلة بعد، ان الناس يحسبون الشغلة هيه مساعد دكتور، وهذا غلط كبير، فنيو الأسنان ليهم قسم ابروحهم في المستشفيات |
|||
التعديل الأخير تم بواسطة ستراوـي ; 31-05-2017 الساعة 01:34 PM سبب آخر: التسجيل غلط |
||||
16-05-2017, 04:00 PM | رقم المشاركة : ( 7 ) | |||
طالب مشارك
|
اقتباس:
التمريض عليه حجي واجد في سالفة التوظيف، وتقدرين اتشوفين في القوقل من خلال الجرايد مثل جريدة الوسط وسالفة عدد اللي يقبلونهم في تخصص الأشعة فغلط بعد عدد اللي يقبلونهم زاد، هالسنة قبلو 85 شخص في تخصص الأشعة |
|||
16-05-2017, 04:06 PM | رقم المشاركة : ( 8 ) | ||
طالب مشارك
|
المهم
راجعو الحين عدل وخلوا سالفة الجامعة عقب الامتحانات، لاتشغلون بالكم في الجامعة لأن توجيهي هوه محطم النسب وخصوصا ريض366 اللي كل سنة يطيح الناس هوه أول امتحان، راجعوا ليه عدل |
||
17-05-2017, 10:57 AM | رقم المشاركة : ( 9 ) | |||
❤
|
اقتباس:
واللي قالوه ان بس التمريض الا يعني ما يحصل الكل فيه وظائف لانه ف السنه الوحده شكثر ناس تتخرج من التمريض على عكس التخصصات الباقي . |
|||
18-05-2017, 01:13 AM | رقم المشاركة : ( 10 ) | |||
طالب مبتدئ
|
اقتباس:
مشكور واجد واجد وان شاء الله يقبلوني في الكلية لان حدي خاطري ادش وادرس فيها اقتباس:
اخ على هالريض الله يستر منه بس دعواتكم لينا بالتوفيق وان شاء مايطيح معدلنا |
|||
18-05-2017, 07:00 PM | رقم المشاركة : ( 11 ) | |||
طالب مشارك
|
اقتباس:
أما سالفة التوظيف، فالتمريض ما يتوظفون مو للعدد، بالعكس، التمريض مطلوب عدل، ولكن ما يوظفونهم لأسباب ثانية. اقرو عنه في الجرايد |
|||
التعديل الأخير تم بواسطة ستراوـي ; 18-05-2017 الساعة 10:20 PM |
||||
الأعضاء الذين أرسلوا إعجاب لـ ستراوـي على المشاركة المفيدة: | محبة الزهراء (22-01-2023) |
18-05-2017, 07:13 PM | رقم المشاركة : ( 12 ) | |||
❤
|
اقتباس:
آمآ سالفه التمريض اعرفها |
|||
23-05-2017, 09:33 PM | رقم المشاركة : ( 13 ) | |
موقوف
|
متى تسجيل كلية العلوم الصحية (هل بيكون ويا تسجيل جامعة البحرين ان انحط من راغباتنا التحصصصات الي فالكليه او شلون؟؟؟؟؟؟؟؟؟)
|
|
23-05-2017, 09:35 PM | رقم المشاركة : ( 14 ) | |
موقوف
|
التخصصات********
|
|
28-05-2017, 10:59 AM | رقم المشاركة : ( 15 ) | |||
طالب مشارك
|
اقتباس:
اي، بيكون ويا تسجيل جامعة البحرين، ليك 12 رغبة اتحطها، ومن ضمن الرغبات اتحط تخصصات الكلية. |
|||
التعديل الأخير تم بواسطة ستراوـي ; 31-05-2017 الساعة 01:31 PM سبب آخر: فترة التسجيل غلط |
||||
مواقع النشر (المفضلة) |
|
|