| التسجيل | التعليمـــات | التقويم | البحث | مشاركات اليوم | اجعل كافة الأقسام مقروءة |
21-08-2010, 03:32 PM
|
رقم المشاركة : ( 31 ) | |
|
طالب مجتهد
|
سؤال موجه للاخت الحور
انتي قلتي فموضوع ثاني انج اول كورس درستي 6 مواد حسب الخطة بغيت اسألج هل قدرتين تواصلين فيهم كلهم بما ان اول كورس وسيده 6 مواد ؟ مو زحمة ؟ خبرينا عن تجربتش 
|
|
|
21-08-2010, 04:49 PM
|
رقم المشاركة : ( 32 ) | |
|
طالب نشيط
|
هندسة معمارية 6 سنوات !!!!!!!!!!
بسأل بعدين شنو يسمونا مصممين _ مهندسين _ رسامين ؟؟ شنو بالضبط ؟؟ و بالنسبه لسبب الدخول .. يعني عادي اتكلم عن نفسي و عن قدراتي يعني تهقون انه سبب مقنع لو لازم نجيب سبب قوي ؟؟ 
|
|
|
21-08-2010, 04:50 PM
|
رقم المشاركة : ( 33 ) | |
|
طالب نشيط
|
بالنسبة لبيت الأحلام ارسمه مسقط افقي لو من قدام ههههههه
|
|
|
21-08-2010, 05:29 PM
|
رقم المشاركة : ( 34 ) | |||
|
طالب نشيط
|
اقتباس:
 الله يسلمج .. كأول كورس .. وبعد ما طلعنا من المدرسة الي في الكورس كنا ندرس 10 مواد قلت من ناحية الضغط ما بيختلف الوضع وخطة الـ Interior Design للسنة الأولى .. أول كورس 6 مواد فمن جدي التسجيل خلو حقنا كلنا 6 مواد المواد كانت عبارة عن : عرب - سي اس - بيسك ديزاين - جرافيكس - ماث - وانج في البداية كنا متحمسين وجدي .. فعبّالنا سهل بس مع زحمة البيسك والجرافيكس وكل يوم شغل لنص الليل ورسم وتعب وكوزّات السي اس وتستات الماث .. والمدتيرمات حسينا بالضغط والتعب خصوصاً انه كنا نتنقل من المدينة لصخير ومن صخير للمدينة بحكم انه كنت آخذ السي اس والانج في صخير والباقي في المدينة فجداً كان تحدي لنا بس مواد أول كورس جداً جداً سهلة .. وانصحكم تظلون ع الست مواد لأنه اذا تخايبتوو من أول كورس وخليتوه على 5 او 4 مواد وانتو اوردي جايين من المدرسة متعلمين ع الضغط راح تحسون بالصعوبة بعدين لأنه هالمواد احتمال ما تحصلونها بسهولة بعدين وبتتأخرون وعلى طاري المواد ترى السي اس نفس فيجوال بيسك للي خذاه بس شوي اعقد منه والعرب مجرد نصوص وقواعد تدرسون للمدتيرم والفاينل بس اما الماث فهو التفاضل مال المدرسة مع زيادات يعني أول كورس عبارة عن مواد مشتركة مع المادتين التخصصيتين الي هم البيسك ديزاين والجرافيكس كانت تجربة رائعة  لأنه التصميم داخلي الوضع فيه ما يختلف عن المدرسة بتحسون روحكم للحين في المدرسة .. السكشن كله بنات، الدفعة الي قبلنا فيها صبي واحد واحنا دفعتين ثنين .. والي يدرسون اغلبهم بنات [ مواد التخصص اقصد ] وفي الشغل تسولفون وتاخذون بيركات تاكلون تقدرون تتناقشون وتشتغلون على راحتكم صح تعب ويحتاج وقت طويل وصبر وطولة بال .. بس بتستمتعون فيه لأقصى درجة  وأي سؤال تراني موجودة  |
|||
|
21-08-2010, 05:35 PM
|
رقم المشاركة : ( 35 ) | |||
|
طالب نشيط
|
اقتباس:
العمارة اهي 5 سنين مو 6 اكيد يسمونكم مهندسين سبب الدخول عادي .. مثلاً اني قلت دخلت تصميم داخلي لأنه ما في حفظ ودراسة كله عملي .. واحب التصميم ولأنه فيه جزئية نشتغل فيها بالكمبيوتر حتى لو قلتين [ لأنه أحب الرسم وأحب فن العمارة ] عادي |
|||
|
21-08-2010, 05:43 PM
|
رقم المشاركة : ( 36 ) | ||
|
طالب نشيط
|
الخطط الدراسية
. . [ بكالوريوس تصميم داخلي ] [ بكالوريوس العمارة ] . . أحب أنوه وأذكركم أعزائي أنه كلية الهندسة في جامعة البحرين حصلت على الاعتمادية العالمية في كل التخصصات عدا العمارة والتصميم وخلال هالسنة ان شاء الله رح تحصل على الاعتمادية في التصميم والعمارة فهنيئاً لكم .. اذا دخلتوه ان شاء الله رح تحصلون على شهادة قوية |
||
|
التعديل الأخير تم بواسطة الحور~ ; 21-08-2010 الساعة 05:44 PM |
|||
|
21-08-2010, 06:24 PM
|
رقم المشاركة : ( 37 ) | ||
|
مشرفة منتدى بوليتكنيك البحرين
|
سؤال موجه الى الحور
حبيت اعرف شنو مستقبل التصميم الداخلي ؟؟ يعني شنو الوظائف اللي ممكن الواحد يشتغلها ؟؟ وهل بسهولة الشغل يتحصل ؟؟ بانتظار الرد |
||
|
21-08-2010, 07:35 PM
|
رقم المشاركة : ( 38 ) | |||
|
طالب نشيط
|
اقتباس:
هلا أختي مستقبل التصميم الداخلي ممتاز يعني بصريح العبارة اهو تخصص جديد في البحرين من كم سنة ابتدوا يشتغلون فيه فللحين ما فيه تكدّس ولا فائض من حيث المتخرجين بل مطلوب مصممين داخليين حالياً وهذي أهم نقطة ننتبه لها في الوقت الحالي الوظائف : ممكن انج تقدمين عليه في وزارة التربية بحيث تصيرين مدرسة [ في مدارس فيها مجالات الديكور والفنون وهالشي يخلي طلبة التصميم داخلي يقدرون يدخلون في التدريس ] بعد ممكن انج تشتغلين في شركات التصميم في كذا شركات متخصصة بالديكور والديزاين ممكن الطلبة يشتغلون فيها وحتى في ورشات حق التصميم تقدرين تشتغلين فيها وما يندرى يمكن يتغير الوضع لأربع سنوات قدام وتزيد فرص العمل أما من ناحية الشغل يتحصل بسرعة أو لا فهالشي يعتمد على شطارة الشخص نفسه يعني مثال .. ثنين متخرجين من تصميم داخلي وتقدمو لنفس الوظيفة يراعون نقطة المعدل أول .. ثانياً الشغل هل فيه ابداع لو لا كل ما كان الطالب خلال دراسته كان مجتهد .. مطلع على جديد شركات الديزاين على طول .. كل ما كان مبدع كل ما حصل شغل أسرع وبالنسبة للراتب .. من أغنى الوظائف ترى وظيفة المصمم الداخلي لأنه المصمم الداخلي يقدر يرسم خرايط لبيوت .. ففي مجال انه يشتغل حتى في رسم الخرايط للبيوت وهالشي يربّح ولأنه المصمم الداخلي يقدر يستخدم برامج عدّة مثل الاوتكاد والفوتوشوب والماكس وغيرهم الي يستفيد منهم في التصميم ، بعد في الجامعات ، في جامعة البحرين خصوصاً تعاني من نقص في عدد المدرسين في تخصصي العمارة والتصميم محتاجين لاساتذة أو مساعدين يعني بشهادة البكالوريوس تقدرين تشتغلين في الجامعة وفقاً لشروط ومعايير معينة , , موضوع الشغل يعتمد أولاً وأخيراً على الشخص اذا ظل في حاط ايده على خده في بيته وينطر الوظيفة مستحيل تجيه والشغل خاص أكثر من ما هو حكومي أقصد الوظائف الحكومية قليلة جداً إن لم تندر فمن جدي الشخص يقدم على الشغل في عدة مكاتب وشركات الديزاين وأكيد بيحصل إن كان مجتهد ومبدع ، ، هذي المعلومات الي عندي حالياً .. |
|||
|
21-08-2010, 09:00 PM
|
رقم المشاركة : ( 39 ) | ||
|
طالب مجتهد
|
اقتباس:
ان شاءالله اذا الله أحيانه راح آخذ الـ6 عجل بالنسبة لردج على الاخت ذا قرين آنجل بصرىحة واجد وّنسني ، اني التصميم رغبتي السادسة عاطيني إياه بعثة وما اعرف عنه شي بس الا خلاني اتم عليه ان قريب للهندسة المعمارية واني كنت ابي عمارة  انزين الا فهمته من ردش ان احنه يصير نرسم خرايط لبيوت ، ما سمعت عن هالشي قبل ، يعني نقدر نرسم بيت نفس المهندسين المعماريين ؟ وبعد سؤال ، يعني شنو يقولون عننا ، مصممين داخليين ولا مهندسين ؟ مشكورة تعبناج ويانه ، بس صراحة ما اعرف احد يدرس التخصص والله جابج
|
||
|
التعديل الأخير تم بواسطة نَجمة, ; 21-08-2010 الساعة 09:15 PM |
|||
|
21-08-2010, 09:44 PM
|
رقم المشاركة : ( 40 ) | |||
|
مشرفة منتدى بوليتكنيك البحرين
|
اقتباس:
مشكووووورة اختي على الرد اني قبلوني في هالتخصص بس ما بروح الظاهر مع ان دراسته جدا جدا ممتعة لكن احس مستقبله ضعيف في البحرين بنت ولد عمتي تقول صديقتها متخرجة وكانت الاولى على دفعتهم وللحين ما اشتغلت !!! بس يمكن مثل ما قلتين في الشركات مستقبله يكون ناجح الله يوفقكم ان شاء الله و نجوفكم من كبار المصممات في البحرين
|
|||
|
21-08-2010, 11:05 PM
|
رقم المشاركة : ( 41 ) | |
|
طالب نشيط
|
المعمارية شنو مستقبله ؟؟ اقصد التوظيف
|
|
|
21-08-2010, 11:44 PM
|
رقم المشاركة : ( 42 ) | |||
|
طالب نشيط
|
اقتباس:
اني ما أؤيد سالفة التكاسل من أول كورس خصة للتصميم الداخلي التصميم الداخلي يحتاج ناس تشتغل .. واذا من أول كورس خففنا المواد الي من الاساس اهي سهلة .. بعدين بتتراكم علينا .. مثال .. اني للحين ما اخذت الهستوري المشترك والله وكيلش متحيرة فيه للحين ما اقدر اخذه هالكورس الي بيجي لأنه بيضغط عليي ولا الكورس الي عقبه فما ليي الا انطر للصيفي وش الي سبب ليي هالمشكلة .. أنه الكورس الثاني تعارض ويا الماث .. وما قدرت آخذه والصيفي ما حصلناه من جدي أجلّته بس لو كنت ماخذته جان خلصت منه وافتكييت واتفرّغت لمواد التخصص عدل صح .. التصميم الداخلي اهو المكمل للعمارة .. المعماري يشتغل من برى واحنا نشتغل من داخل وفي الدراسة التعب والشغل واحد .. وفي مواد نشترك فيها مثل البيسك ديزاين والجرافيكس .. والهستوري [ الخاص بالتخصص ] والاوتوكاد .. وغيره بس كل واحد خاص بالتخصص نفسه وعساه صلاح لج ان شاء الله في التصميم الداخلي .. في أول سنة يعطونا رسمة نرسمها او نكبّرها يعلمونا شلون نستخدم التولز بطريقة صحيحة .. شلون نعرف القياسات العامة شلون طريقة الرسم الهندسي السنة الي عقبها نبدأ بالديزاين الي هو يعطونج خريطة بيت وانتي تشتغلين عليها من خلال دا كله .. نتعلم شلون نرسم الخريطة يعني الحين نعرف سمك الجدار ونعرف شلون نفصل البيت الي نحتاجه اهو المساحة فقط فنقدر نضبط هالشي لأنه خلاص تمرّسنا على رسم الخريطة كامل .. من البيت لي الآثاث وهذا الاختلاف بين التصميم الداخلي وهندسة الديكور المصمم الداخلي يدرس المساحة ويتغلب ع المشاكل اما المهندس الديكور ما عليه من هالشي .. عليه بالاثاث والصباغة فقط من جدي التصميم الداخلي أفضل وأشمل ، ، التصميم الداخلي يتبع قسم المدنية والعمارة في جامعة البحرين وهالقسم في كلية الهندسة فيّطلق عليج لقب مهندسة لأنه شهادتج من الهندسة وبعد عادي لو اطلقو عليج مصممة .. ولكن بشكل عام يطلقون عليج مهندسة ، ، تعبكم راحة أختي أفا عليج .. كنا في يوم مكانج صح نسيبتي درسته وتخرجت منه لكن ما عرفت عنه شي بس حباً في التخصص دورت عليه في المنتديات وجدي لين اخذت معلومات كافية وحتى لين دخلتين التخصص بتتعجبين كل فترة بتعرفين شي جديد عن التخصص |
|||
|
21-08-2010, 11:52 PM
|
رقم المشاركة : ( 43 ) | |||
|
طالب نشيط
|
اقتباس:
العفو خيو تعرفين أنا بت عمي درسته وتوها متخرجة من سنة .. تخرجت مني وتوظفت مني وأكا ولله الحمد تشتغل الحين وفي الجامعة تشتغل وحدة من الدفعة الي قبل دفعة بنت عمي .. تشتغل مساعدة دكتور ... أول شي سالفة الشغل توفيق إلهي .. وأرزاق ثاني شي قلت لج يعتمد ع الشخص نفسه إن كان بيراكض على روحه لو لا .. ما أدري بظروف نسيبتج بس في وظايف الجامعة حاطة اعلان في الموقع وظائف للتصميم الداخلي والعمارة خبريها عنه قبل لا يخلص الموعد ولا تحكمين ع التخصص على اساس الحين فكري .. انتي لين درستيه معناته بتتخرجين عقب 4 سنين .. سبحان مغير الاحوال كلشي ممكن يتغير في هالاربع سنين اني قبل لا ادخل الجامعة كانو يقنعوني في العلاج الطبيعي وانه مطلوب وله مستقبل وكذا اول ما تخرجت تعرفين شصار صار فائض والأوادم قاعدة في بيوتها .. خلال 5 سنين تغير كلشي .. أني ما اقنعش فيه .. بس اهو حاله حال أي تخصص ثاني صح جديد .. لكن من الممكن تحصلين له شغل وبراتب زين بعد فكري زين وتوكلي على رب العالمين .. وان شاء الله تحصلين التخصص الي يناسبج ويناسب ميولج |
|||
|
22-08-2010, 12:34 AM
|
رقم المشاركة : ( 44 ) | |||
|
مشرفة منتدى بوليتكنيك البحرين
|
اقتباس:
الله يسلمش اني احب سوالف التصميم اي نوع من التصميم حصلت بعثة جرافيك ديزاين ويوم سجلت لجامعة البحرين حطيت تصميم داخلي اول رغبة والحين حصلت الاثنين مع ان واجهت مشاكل في البعثة والحين مو ضمان انهم ياخذوني في التخصص بس قلت بجازف لانه مستقبله اضمن من التصميم الداخلي دعواتكم
|
|||
|
22-08-2010, 01:34 AM
|
رقم المشاركة : ( 45 ) | |||
|
طالب نشيط
|
اقتباس:
دام جدي .. فالله يوفقج ويسهّل لج ان شاء الله
|
|||
 |
| مواقع النشر (المفضلة) |
| أدوات الموضوع | إبحث في الموضوع |
| انواع عرض الموضوع | |
|
|
العرض العادي
