وطني حيث الجمال

[ستايش]

بسم الله الرحمن الرحيم
اللهم صلِّ على محمد وآل محمد

وبينما كنت استرجع الذكريات وأشوف بعض المواضيع القديمة والمغبرة (ابتسمت وقلت أوه شلون كان الملتقى في تفاعل في مشاركات ومو محصور بس على الأشياء المتعلقة بالدراسة وشلون صار
ودخلت على هالموضوع http://students-bh.com/vb/showthread.php?t=44442
شفت أنه كل اللي فيه مجرد كلام واقترحات محد بادر أو تحرك أو حاول يسوي شي

فجت على بالي فكرة هالموضوع بحيث أنه جايتنا إجازة الصيف وفي ناس يسافرون وناس مساكين ما يحصلون إجازة أو مثلا شعب ال uob يسجلون صيفي واللي وضعه المادي ما يسمح وبالنسبة للصغار والبنات يمكن أهلهم ما يسمحون ليهم يسافرون بروحهم يرجعون الدومات أو وي الأهل كل واحد يقول سافرت ورحت وجيت

أحب أقول ليكم عادي ولا يهمكم ترى عادي مو لازم تسافرون عشان تستانسون احنا بعد في وطنا العزيز (البحرين ) أماكن ومحلات ومعالم سياحية حليوه
فحياكم إذا رحتون مكان (مجمعات , حدائق , مدارس , قلعة البحرين , محمية العرين , جامعات , أو مثلا مكان شغلكم . بحر . مناطق , قرى ,سوق المزارعين ,فنادق, برك سباحة ...........الخ ) صوروا ورونا

بحيث نشوف ابدعات بعض في التصوير
ويمكن نكتشف أماكن حليوه في البحرين بس ما شفناه ولا ندري عنها

بشرط كل شخص يذكر اسم المكان ويكون وإذا تحبون تتكلمون شوي عن مميزاته وعيوبه أو معلومات عنه

ويالله ببدي أني




وهي صورة لطفلة جميلة في المحمية الصورة شهر ديسمبر 2017

محمية العرين
المكان حليو وكبير ومناسب لممارسة رياضة المشي وفي سيارات صغيرة مفتوحه و إذا تحبون تركبون تلف المحمية كامل ب 5 دينار بس ولا مرة جربت لأني أفضل المشي
اعتقد رحتها مره وكان إجازة العيد الوطني وواجد زجمة لدرجة ما حصلنا بارك قريب وقفنا بعيد ورحنا نتمشى
عكس الأيام العادية آخر مره رحت كان يوم اربعاء والمكان شبه هادئ واللي هناك ينعدون على الأصابع في طاولات وكراسي إذا تبون تقعدون وبلأمكان تقعدون على الأرض

أتمنى أشوف تفاعلكم ومشاركاتكم وابدعاتكم في التصوير وما تخيبون طني