~ أيامنا (الجيتار) الرمضانية ~

[الجيتار]

السلام عليكم و رحمة الله و بركاته

الشكر الكبير الى اختنا ع هالموضوع الحلو

بالاساس كان أول امس يومي .. بس صادتني ظروف منعتني من التصوير و الكتابة .. فبحط بعض الصور مصورتها من قبل

يوم الاربعاء – اللي هو كان يومي – الساعة 12 بالليل كنا في هذا الوقت نقوم بأعمال ليلة القدر .. و ما رجعنا البيت الا متأخرين .. تسحرنا و كان سحورنا عيش مموش (مجبوس ربيان) من الماتم .. و عقب نطرت لين يأذن و صليت و اني كل يوم اقرا دعاء العهد و ما تيسر من القرآن الكريم ..

و احنا نسوي ختمة كل اسبوع .. و تلصق ورقة مكتوب عليها الاسامي و جنبه رقم الاجزاء

و عقب رحت نمت .. و ما قعدت الا حزة الفطور .. و كان الفطور صالونة لحم = مع فريد أو مع العيش + سلطة + شربت ووووو << الاشياء المعتادة

هاذي الصورة مصورتها قبل .. بس تبين الاشياء المعتادة بعد أكلها <<

و بعدين ما اذكر ويش صار .. ههههههه .. يمكن نمت لاني متعودة من بعد الفطور انام

و ابتدا يوم جديد قلت هذا اليوم بعوض فيه و بصور الاكل .. يوم الخميس .. و خوب اني اغلب الوقت اطقطق ع النت أو نايمة ..

بعد السحور .. ننطر يأذن و نصلي و نقرا من القران الكريم .. و في هاليوم ما جتني نومة و ضليت للساعة 9 الصبح سهرانة بعدين رحت انام .. و مثل كل يوم ما قعدت الا حزة الفطور << خايبة

الصلاة

الفطور << اسفة الصورة يمكن صغيرة بس لان الاهل يبينون على الجوانب فقصيتها

الغيمات كان لذييييييييذ .. و في الليل صار خاطرنا فيه بس اكتشفنا انه خلص هههههههههه

و عقب الفطور تجمعنا بالصالة .. و ع الساعة 9 و شي شغلت اللاب و قعدت اطقطق

و بعض من افراد البيت راحو الماتم عشان ليلة القدر .. فأجلنا دعاء ختم القرآن لين ما يرجعون .. و اني رحت جبت ليي مفاتيح الجنان .. قلت بقرأ الادعية اليومية و بعدين ببتدي بادعية ليلة القدر .. و قعدت اقرا الادعية و بعدين وصلت لدعاء أبي حمزة

و اني اقراه جتني النومة .. و قاومتها .. و عويناتي تسكر كانها كاميرا فلاش هههههههه

و خلصت الدعاء و نمت .. و ما قعدت الا يمكن الساعة 1 .. و كان البابا توه جاي من الماتم .. و عقبه بفترة جو باقي افراد البيت من الماتم .. و كنت اسوي لينا سحور

بعد السحور و قبل الاذان قرينا دعاء ختم القرآن << أول مرة نتأخر عليه

و بث

ان شاء الله ما طولت عليكم

و اسفه ع التأخير