جميع المواصفات اللي تحتاجها في دراسة الطب

[haj]

السلام عليكم و رحمة الله

طبعا مثل ما هو معروف ان دراسه الطب يبيلها صبر انا ان شاء الله ابي ادرس طب بشري بس خايفه شوي لان اسمع ناس يقولون صعب مع العلم اني متفوقه ومن الاوائل .... في البدايه كنت وايد متشوقه للتخصص بس الحين خايفه شوي ف شرايكم عن التخصص و يقدر الواحد ايواصل فيه

[crazzoo]

السلام عليکم اختي ،انتي معدلش 87 و معدلش هدا مايدخل طب الا بالغصب و لكن توجد القليل من الاماكن الي توفر بعثات لمثل معدلش مثل مستشفى الملك حمد و المستشفى العسكري لكن من وجهة نظري افضل تضيعين عليش هالسنة و تسوين تحسين فمواد الفصل الرابع عشان ترفعين المعدل ولكن تقدرين تروحين لجمعيات خيرية معروفة يساعدونش علة الدراسة حيث ان تدرسين علة حسابش و اخيرا الصين مو معترف فيها فالطب و طلعو قرار ان حتى لو درستي طب و صاوت عندش شهادة طب لازم حق يعترفون فيها الوزارة يكون معدل الثانوية فالتسعين و هذا حسب الي اعرفه

[Ghada123]

مشكوره اخوي يعطيك العافية

[قمر14]

دراسه الطب تحتاج لمجهود كبير
و في نفس الوقت تحتاج للعزيمه و الاراده و الصبر
اللي عنده طموح و دافع قوي يقدر يكمل و يواصل
تحتاجين تدرسين اول بأول و ما تراكمين شي
طبعا تنظيم الوقت مهم جدا ...
في البدايه في تعب على ما تتأقلمين على الوضع اليديد
راح تحسين بالضغط ..
بس كلها فتره و تعدي



اذا كان طموحج الطب لا تتنازلين و لا تخلين احد يحبطج
و تذكري ان لكل مجتهد نصيب

[haj]

انشالله الله يكتب لنا اللي فيه الخير

[طيور الشوق]

ابي اسماء ثلاث جامعات من جامعات الأردن لدراسة الطب و كل جامعة جم مدة الدراسة فيها ؟؟

[NJH]

🔴فرصة لخريجي الثانوية العامة ..⚡⚡⚡⚡

تم تمديد موعد تقديم الطلبات لفرص الدراسية للطلبة المتفوقيين من ذوي الدخل المحدود للصين (فقط تخصصات الهندسة ماعدا هندسة الكمبيوتر والهندسة الوراثية) ولجامعة البحرين (جميع التخصصات)

آخر موعد لتقديم الطلبات 15-07-2014

مشروع "أرقى بمجتمعي"، هو مشروع خيري يهدف إلى دعم والارشاد لدراسة الجامعية لخريجي الثانوية العامة المميزين والمعوزين لاستكمال دراستهم الجامعية في داخل وخارج البحرين.

لمزيد من المعلومات والتقديم الرجاء زيارة www.enrich-community.com

تابعنا على الانستغرام وتعرف على برامجنا http://instagram.com/enrich_community

الرجاء النشر لتعم الفائدة 🌹

بس اختي انتين معدلش في الثمانين 87 والوزارة هالسنة طلعت قرار ان الي يبي يدرس طب عام او اسنان لازم من تسعين وفوق والا مابيعترفون بالشهادة
فكري عدل في التخصصات الباقية الا تقدرين تشتغلين فيها وتحبينها وتوكلي على الله والله يوفقكم ويوفقكم ان شاء الله

[فَنْ !!]

87 صراحة صعبة

[Maalsabbagh]

الوزارة ما بتعتمد شهادات الطب اذا المعدل أقل من 90

[≈Ďмő3 Ēlƒāяά7 «]

^
المعدل لازم فوق التسعين
+
لو بغيتي على حسابش جربي جامعات الإمارات ( الشارقة, عجمان )

[hamooood]

السلام عليكم >>>

طبعا لا ياس مع الحياه ولا حياه مع الياس >>> قام يتفلسف

نصيحه اخ

** على هالمعدل بامكانج تدرسين على حسابج الخاص
لكن سالفه تحصلين بعثه فا اعتقد انها صعبه

( يبي لج فيتامين واو )

و فيه جامعات وايد في السعوديه و قطر و الامارات والاردن و مصر والصين تدرس هالتخصص

** و بخصوص الطلاب اللي قالوا لازم يكون معدلج فوق 90 انا قبل سنه كنت في الوزاره وعطوني ورقه وكانت من الشروط ان يكون معدل الطالب 85 فما فوق حق اللي يبون يتخصصون ف الطب وطب الاسنان

** لكن قبل لا تباشرين في ال تسجيل اتصلي تاكدي منهم

** للعلم للطلاب الدارسين على حسابهم وضايعين تقدر الوزاره تسجلهم

بالتوفيق للجميع

[سوداء]

المشاركة الأصلية كتبت بواسطة hamooood

** و بخصوص الطلاب اللي قالوا لازم يكون معدلج فوق 90 انا قبل سنه كنت في الوزاره وعطوني ورقه وكانت من الشروط ان يكون معدل الطالب 85 فما فوق حق اللي يبون يتخصصون ف الطب وطب الاسنان

** لكن قبل لا تباشرين في ال تسجيل اتصلي تاكدي منهم

قرار إن الطب من 90 وما فوق توه السنة

[hamooood]

يعطيج العافيه اخت بيضاء على المعلومه

على ايامنا ايام الطيبين كانت 85 حتى الورقه للحين عندي مالتهم

[Dr.rcsi]

اختي اذا كان الطب طموحج ف ثبتي عليه
عادي اخذي تحسين في كذا مادة و ضيعي سنة سنتين ك حد اقصى لين ما توصيلين ف التسعين و عقب درسي طب و عادي اصلا في وايد في الجامعه جذي معانه
في ناس اعمارهم 24 و توهم اول سنه و في 22 23 بعد اول سنة في واااايد جذي ف لا تستسلمين و تدرسين تخصص ماتبينه انتي والله يوفقج انشالله

[Dr.Just HumaN]

المشاركة الأصلية كتبت بواسطة Dr.rcsi

اختي اذا كان الطب طموحج ف ثبتي عليه
عادي اخذي تحسين في كذا مادة و ضيعي سنة سنتين ك حد اقصى لين ما توصيلين ف التسعين و عقب درسي طب و عادي اصلا في وايد في الجامعه جذي معانه
في ناس اعمارهم 24 و توهم اول سنه و في 22 23 بعد اول سنة في واااايد جذي ف لا تستسلمين و تدرسين تخصص ماتبينه انتي والله يوفقج انشالله

ههههه على هالطاري ..

قبل جم من يوم طالب دخل قاعة المحاضره الكل سكت عبالهم الاخصائي

طلع طالب حاله حالنا

خلاصة الموضوع مثل ما قال الاخ ..
الدراسه والطموح ما يبي لها لا عمر ولا زمن معين واعرف بنت بحرينيه
درست طب عادت اول سنه وعادت 2 سنه والحين سنه ثالثه مع انها مواليد 89 :) > الطمووح قووه