| التسجيل | التعليمـــات | التقويم | مشاركات اليوم | البحث |
23-06-2009, 11:19 PM
|
رقم المشاركة : ( 1 ) | ||
|
صلاتكَ ليست لهم .
|
هل تكتب بلهجة خلاف التي تتكلمها ؟؟!
السلام عليكم ورحمة الله وبركاته .. حابة أطرح عليكم موضوع مهم .. جداً جداً .. وهو منتشر في المجتمع بشكل مخيف .. صدق إنه بسيط .. بس قاعد يمس هويتنا بشكل كبير .. ويخليها تندثر .. بدءاً في مجتمعنا الصغير اللي هو الملتقى .. إلى الماسنجر .. إلى المسجات .. حتى طريقة لفظ الكلام تغيرت .. يعني مثلاً بحرانية .. إذا تكتب في( المنتدى + المسن ) اشلونج إذا مسج .. شلونِك إذا تتكلم في الحقيقة والواقع تقولها شلونش ؟ لا وساعات تقول .. شلونج شخبارش .. بحراني على تحريق ! وين قاعدين أحنا ليش ما نحافظ على هويتنا مثل ما هي وشنو السبب اللي يخلينا نغير في طريقة كلامنا وكتابتنا .. غير خجلنا بلهجتنا .. صراحة .. لهجتنا ويش حلاوتها تجنن .. وإلا ويش تقولون .. ولا عاد إذا وحدة أتجي تتكلم 3/4 كلامها بالإنجليزي وإذا تورطت في كلمة قالتها بالعربي .. إنزين ليش تغيرين لهجتش .. !! الحمد لله رب العالمين عندنا لغة وهي لغة القرآن .. أني ما أشوف أمريكية تتكلم بحراني .. ! في هذا الموضوع بنحاول جميعاً وبمناقشتكم نحل هذي المشكلة .. والكل يكون صريح في كلامة ..  / فــ هل تكتب بلهجة غير اللي تتكلم فيها .. ما هي الأسباب في إعتقادك لمثل هذا التصرف .. هل تخجل من لهجتك .. هل أضطررت مرة أن تتكلم بلهجة غير لهجتك .. لخجلك منها .. أتمنى أشوف مشاركاتكم ..
|
||
|
التعديل الأخير تم بواسطة نوار ; 23-06-2009 الساعة 11:22 PM |
|||
|
23-06-2009, 11:27 PM
|
رقم المشاركة : ( 2 ) | |
|
طالب متألق
|
فــ هل تكتب بلهجة غير اللي تتكلم فيها .. أكيدما هي الأسباب في إعتقادك لمثل هذا التصرف .. الأسباب إن اللهجة اللي أكتب بها عاجبتني أكثرهل تخجل من لهجتك .. لا وش يخجلنيهل أضطررت مرة أن تتكلم بلهجة غير لهجتك .. لخجلك منها ..
لاا |
|
|
23-06-2009, 11:34 PM
|
رقم المشاركة : ( 3 ) | ||
|
المدير العام
|
عادية الشغلى ترى ..
الحين الحياة تغيرت و العولمة طغت علينا و الدنيا صارت قرية صغيرة << و شدخل  الي ابي اقوله اول الواحد كان نطاق تعامله مع الناس ضيق فأكيد بيتكلم بلهجته الي تربى عليها .. ألحين الواحد صار يتعامل مع أطراف عدة بالمجتمع قريبة او بعيدة و هالشي انعكس أكيد على لهجته فعادي يقط كلمة بلهجته و عشر غير عن لهجته الأصلية إذا تعامل مع شخص ثاني .. ممكن الواحد يخجل ان يتكلم بلهجته مع شخص ثاني مو من قريته أو مدينته بس ما نقدر نعمم على الجميع و بالأخير كلنا عيال ديرة وحدة |
||
|
23-06-2009, 11:37 PM
|
رقم المشاركة : ( 4 ) | ||
|
مشرف عام
|
فــ هل تكتب بلهجة غير اللي تتكلم فيها ..
طبعـا بلهجتــي .. ما هي الأسباب في إعتقادك لمثل هذا التصرف .. وهل في سبب يدفعني لعدم ذلك ؟ خخخخخخ هل تخجل من لهجتك .. أكيـــد لا .. هل أضطررت مرة أن تتكلم بلهجة غير لهجتك .. لخجلك منها .. لا ما اضطررت .. وإن شاء الله ما اضطر !! |
||
|
23-06-2009, 11:44 PM
|
رقم المشاركة : ( 5 ) | ||
|
طالب مبدع
|
فــ هل تكتب بلهجة غير اللي تتكلم فيها ..
اممم أحياناً.. ما هي الأسباب في إعتقادك لمثل هذا التصرف .. السبب هو ان أني من المناطق الجنوبية في البحرين و مدرستنا فيها بنات من مناطق بعيدة و هالبناات اذا يسمعونا نتكلم يقعدون يتطنزون علينا فـ قمت أغير شوي من كلامي علشاان بس أتجنب هالمسخرة اللي تصير  هل تخجل من لهجتك .. أكيد لا,, جي بس أني اللي أتحجى جدي  هل أضطررت مرة أن تتكلم بلهجة غير لهجتك .. لخجلك منها .. أني ما أغير من كلامي لأن أني أكون منحرجة من لهجتي لا,, أغير لهجتي بس علشاان البناات يسكتون عني 
|
||
|
التعديل الأخير تم بواسطة мαgιc Đяεαм ; 23-06-2009 الساعة 11:46 PM |
|||
|
23-06-2009, 11:46 PM
|
رقم المشاركة : ( 6 ) | ||
|
صلاتكَ ليست لهم .
|
عندي تعقيب على كلام الأستاذ .. مع أني أعارضكم في الراي تماماً .. بما أنكم تقولون إن أحنا أبناء ديرة وحدة .. الحين في حياتكم شفتون رفاعي يتكلم بحراني >> طبعاً جد مو مزح .. !! بس لكن شوفوا جم بحراني يتكلم رفاعي أو محرقي .. !! أني مو ضد إن أحنا ناخذ لهجات وندخل في مفرداتنا .. أصلاً ساعات لا شعورياً نتكلم بلهجة غير عن لهجتنا .. بس عاد مو نستغني عنها تماماً ونستبدلها بلهجات ثانية .. لهجتنا البحرانية هذي تراث .. واللي ماله أول ماله تالي .. يعني بالإختصار .. ليش أحنا " البحارنة " تحديداً ناخذ من لهجات غيرنا ..
مع أنه الكل متمسك بثقافته ولهجته !! |
||
|
التعديل الأخير تم بواسطة نوار ; 23-06-2009 الساعة 11:48 PM |
|||
|
23-06-2009, 11:47 PM
|
رقم المشاركة : ( 7 ) | |
|
طالب متألق
|
ديك المرة في المعهد قلت كلمة عجيبة ( هامن )
اللهم البنات يتطنزون خزرتهم و سكتوا  >> قوية شوي
|
|
|
23-06-2009, 11:50 PM
|
رقم المشاركة : ( 8 ) | ||||
|
المدير العام
|
اقتباس:
اقتباس:
و ممكن البعض يقول لهجاتنا أقل تحضر من نظيراتها سواءاً بمخارج الكلمات او طريقة النطق أو اللحن و هذي وجهة نظر |
||||
|
23-06-2009, 11:53 PM
|
رقم المشاركة : ( 9 ) | ||
|
طالب مبدع
|
موضوع غاية في الروعه وانا كنت افكر في موضوع مشابه له سأعرضه عليكم قريبا
فــ هل تكتب بلهجة غير اللي تتكلم فيها .. لا اكتب بنفس اللهجة اللي اتكلمها ما هي الأسباب في إعتقادك لمثل هذا التصرف .. يمكن اذا في احد ما يفهم لهجتي > لاني ساعات اتكلم ويا سعوديين وهالشغلات فأغير شوي هل تخجل من لهجتك .. لا هذه لهجتي ولهجه ابويي ويدي والعائلة كلها لويش اخجل منها هل أضطررت مرة أن تتكلم بلهجة غير لهجتك .. لخجلك منها .. لا انا اتكلمت بغير لهجتي لكن مو لاني خجلان منها 
|
||
|
24-06-2009, 12:00 AM
|
رقم المشاركة : ( 10 ) | ||
|
صلاتكَ ليست لهم .
|
أخوي الفارس + أختي طير العذاب ..
نفس الحالة .. بس عاد أني وربعي ساعات .. نتعمد نجيب ألفاظ ما تنفهم .. علشان تلطيف الجو .. وهذي ردة فعل طبيعي لما تسمعين كلمة غريبة عليش .. يعني ساعات لما نسمع يمنيين .. أو سودانيين مثلاً .. تشوفينا نضحك .. مو إستهزاءاً على لهجتهم .. بس لغرابتها بالنسبة لينا .. فهم نفس الشي تقريباً .. مستغربين من اللهجة .. وهذا ما يعني أني أغير لهجتي علشان غيري .. يعني اللي يحترمني ويحبني بيحب يستمع كلامي ويفهم ليه .. وما بيتطنز مو ؟؟ |
||
|
24-06-2009, 12:02 AM
|
رقم المشاركة : ( 11 ) | ||
|
طالب مبدع
|
اتفق وياش يا نوار
|
||
|
24-06-2009, 12:04 AM
|
رقم المشاركة : ( 12 ) | |
|
طالب مبتدئ
|
بحراني ولا افتكر
|
|
|
24-06-2009, 12:04 AM
|
رقم المشاركة : ( 13 ) | |||
|
صلاتكَ ليست لهم .
|
اقتباس:
أني الحين أتكلم عن اللهجات .. وبعد هذا واقع .. أصلاً القريتين وخصوصاً المحرق تحتوي على الطائفتين الكريمتين .. وثانياً .. أني أتكلم بحقائق .. وبجدي أوصل الفكرة للشريحة اللي قاعدة تقرأ الموضوع .. ونرجع لمحور حديثنا .. |
|||
|
24-06-2009, 12:21 AM
|
رقم المشاركة : ( 14 ) | ||
|
صلاتكَ ليست لهم .
|
messi
أي .. تكلمت مع ناس مو بحرينيين وأتعاملت وياهم .. بس عاد تعالوا شوفو الكلام .. يقولون لهجتنا طلاسم .. ولا عاد تكلمت وية أخت عراقية .. هي تعطي كلمات وأني أعطي كلمات .. بس فن .. ما حبيت أغير لهجتي وياهم .. لأني حبيت أنه يتعلمون لهجتي وآخذ من لهجتهم .. / في أحد المنتديات الإسلامية اللي دشيتها .. كان في حوار عن اللهجة البحرانية .. وكانت بنت حاطة بالصدفة يا خلف جبدي .. فقام عضو في المنتدى .. من يروح يشوف بنية بحرينية أو صبي بحريني يحط ليهم يا خلف جبدي .. !!  ليما علمناه إن الجملة ما تنقال لكل من .. |
||
|
24-06-2009, 12:24 AM
|
رقم المشاركة : ( 15 ) | ||
|
طالب مبدع
|
ههههههههه
حلوة >>> خلف جبدي 
|
||
 |
| مواقع النشر (المفضلة) |
|
|
العرض العادي
