محلات يبيعون xbox

[S.B.K]

سلام عليكم شعب
من يعرف محلات يبيعون xbox بسعر اوكي
ما ابغي محلات كبيرة كارفور و اي ماكس و ما ادري ويش
أبغي محلات عادية
انا اعرف عالم بوكيمون اتصلت ليهم الا يقولون ما نتعامل ويا الxbox
سمعت عن محل القرش لكن امس و اليوم اتصل ما يردون

ادا احد يعرف لا يبخل علينا بمكانه و رقم التلفون ادا عنده و شكرا

[S.B.K]

سؤال حق إلي عندهم xbox , ps3

وش احسن في نظركم البليستيشن او الاكسبوكس

سمعت ان الاكس ادا برمجتها حق تشغل شريط نسخة تخترب بسرعة و الشريط النسخة ما يضل حتى لشهر و سمعت ان الوضوح مو مثل البليستيشن اقل بواجد

بينما ال3 مشكلتها ان ما في ليها اشرطة نسخة و اشرطتها غالية لكنها تعمر و كذلك اشرطتها تعمر

ابغي المعلومات مالت الاكس بوكس هل هي صحيحة و خصوصا من ناس مجربين مو نقل كلام


وادا تعرفون سعر الفنتين جم

[Ninja Girl]

اممم بصراحة انا عندي ps3 و حدها فن ,, لحد الحين ما اشتكيت منها خير شر ,, بس يبيلك ميزانية للشرايط و لو تاخذها اون لاين يكون احسن بعد لأن سعرها راح يكون ارخص ,, اسعار شرايط الps3 في البحرين تقريبا 25 دينار شي جذي ,, اذكر مرة أخوي خذله شرايط كمجموعة أون لاين ,, يقول لي واايد أوفر ,, ايي الps3 تحلى اكثر اذا خذيتلك لعبة هواش و لعبت اون لاين مع اواادم من البحرين و من برع البحرين ,, مرة لعبت مع واحد امريكي كفخني بس صج فن و العاب المغامرات احلى و احلى من كثر ما اهو واضح مشاء الله اتحس روحك انت داخل اللعبة ,, و بعد تقدر تاخذ شغلات من الأستووور الي في ps3 ,, طبعا تشتريلك شي نوع البطاقة علشان تشتري فيها ,, انا عندي الكرت الأماراتي و الأمريكي علشان اشتري شغلات (انا اسميهم فيزة و خلاص ) ,, و بعد الps3 فيها خاصية التروفيز ,, يزعم اذا وصلت في اللعبة تفتح التروفيز مالها ,, صايرة نوع الجوائز p: ,, و طبعا في ميزة حلوة في ps3 تقدر اتجوف افلام في الجهاز و تقدر تختار لك ثيم معين علشان تختاره كخلفيتك ,, و وايد فيه مميزات ما تنكتب ,, طبعا هااي من تجربتي ,, اما الأكس بوكس ,, خير شر ما جيكته ,, بس يقولون ان ps3 احسن بواايد و اهيا الأوضح في اللعب و السستم مالها اسرع و اريح

و بخصوص المحلات جيك : محل شرف دي جاي << في ستي سنتر كأن أو روح هوم الكترونكس في جد علي ,, يمكن عندهم / عندك محل في جد علي اسمه : ألعاب العقل << هذي المحل نفسه لما شريت منه من زمان psp 2000 ,, بس المشكلة اني ما أعرف ارقامهم :( << اي في حل اتصل في 181 و اطلب ارقام محلاتهم

و موفق أخوي في اختيار جهازك

[S.B.K]

شكرا اختي على المساعدة
انا بعد عقب ما دخلت مواقع و سألت قالوا ال3 احسن بس يبغي ليها ميزانية عدلة حق الأشرطة
و ادا اشتري من النت من وين اخوش مشتري؟؟؟

[Ninja Girl]

المشاركة الأصلية كتبت بواسطة Salmino

شكرا اختي على المساعدة
انا بعد عقب ما دخلت مواقع و سألت قالوا ال3 احسن بس يبغي ليها ميزانية عدلة حق الأشرطة
و ادا اشتري من النت من وين اخوش مشتري؟؟؟

العفو ,,
اذكر البوكس مال الاوردر كان مكتوب عليه الأمزون.كوم

[S.B.K]

شكرا لك اخت نينجا مرة ثانية
و راح اجوف الوضع و بحدد باجر او عقب باجر

[Ninja Girl]

88
موفق أخوي :)