التسجيل | التعليمـــات | التقويم | البحث | مشاركات اليوم | اجعل كافة الأقسام مقروءة |
|
كيم 102 كل ما يتعلق بمقرر الكيمياء ( 1 ) |
|
أدوات الموضوع | إبحث في الموضوع | انواع عرض الموضوع |
05-12-2012, 04:26 PM | رقم المشاركة : ( 1 ) | ||
طالب نشيط
|
:) مشـكلتـي مع وزن المعادلات ( محتاجة بس لنصـــائحكم )
السلام عليكم ... :)
يعني انه في الكل مواد ما عندي اياهم مشكلة وكلا فوق التسعين بس شي اسمه وزن معادلات كلش ما فهم فيه شي خير شر يعني واللعام يوم كنت في ثالث اعدادي كان نفس الشي كلشي اوكي في العلوم وامشي واسوي زين من يجيني سؤال عن وزن المعادلات والعناصر وجذي مخي يقفل جربت كل الطرق جبت لي مدرس خصوصي بس عشان يعلمني ويفهمني شلون اوزن رحت لصديقاتي عشان يعلموني ما فاد وياي معنى إني في الكيميا هالكورس في الدروس بداية الكتاب ما عندي اياهم مشكلة وفي المنتصف جبت فيه 20 بس واذا اذكر ان هالمسائل هي الا خربت معدلي ذيك سنة اتعقد اكثر وهالسنة نفس الشي من يوم بدينه في درس وزن المعادلات حاولت انتبه ويا المعلمة من الاول بس مادري ما يفيد وياي شي ساعات اشك في روحي اقول يمكن لان ما اركز بس لا يعني ركزت هالسنة عدل وماعرف شنو هي الاسايات بضبط وشلون ابدي يالله يرحم والديكم ساعدوني بس بالنصائح اذا تقدرون ومشكورين مقدماً |
||
05-12-2012, 05:11 PM | رقم المشاركة : ( 2 ) | ||
طالب مثالي
|
وزن المعادله سهل حده
وبعطيش جم مثال ان شاء الله تستفيدين منهم مثلا NaCl+MgO<<<Na2O+MgCl2 الحين احنا لازم نراعي انه يكون عدد الذرات في المتفاعلات يساوي عددد الذرات في النواتج يعني : عدد ذرات Na في المتفاعلات لازم يكونون ذرتين مثل اله في النواتج ونفس الشيء لل Cl , Mg , O يعني اول شيء بنخلي الـNa2 في المتفاعلات 2Nacl في هالحاله يصير الصوديوم والكلور ليه ذرتين 2Na + 2Cl وبالتالي بتكون المعادله الموزونه هي 2Nacl +MgO<<Na2O+MgCl2 |
||
05-12-2012, 05:11 PM | رقم المشاركة : ( 3 ) | ||
طالب مثالي
|
الحين بطلع وادا رجعت بشرح معادلات اكثر
|
||
05-12-2012, 06:07 PM | رقم المشاركة : ( 4 ) | ||
طالب نشيط
|
شكرا اخويي فهمت شوي ..
وياريت ادا شرحت بعد مسائل افهم اكثرررر |
||
05-12-2012, 09:30 PM | رقم المشاركة : ( 5 ) | ||
طالب مثالي
|
|
||
06-12-2012, 12:26 AM | رقم المشاركة : ( 6 ) | ||
طالب مجتهد
|
وزن المعادلات اساسا هو ان تخلين عدد الذرات في المتفاعلات يساوي عدد الذرات النواتج بس هادي كل السالفة بـــــــــــالتوفيق انشاء الله ولا تربكين روحش ترا المقرر حده فن
|
||
07-12-2012, 09:43 PM | رقم المشاركة : ( 7 ) | ||
طالب مثالي
|
بطبق على مثال الكتاب 3-1 صـ 67 أهم شي في وزن المعادلات تعرفين الصيغ الكيميائية وتكافؤات العناصر ( في حال كان السؤال عاطينش اسم المركب أو المحلول " هيدروكسيد الصوديوم " مثلاً ومو عاطينش رمزه ) الهيدروكسيد تكافؤه 1 .. الصوديوم 1 .. فيتبادلون التكافؤات .. بما ان ال1 ما ينكتب فيصير NaOH ثاني شي تكتبين المتفاعلات في جهة والنواتج في جهة وتحددين حالتهم سواء سائل أو صلب أو غاز أو محلول NaOH(aq) + CaBr2(aq) -> Ca(OH)2(aq) + NaBr(aq بعدين تحسبين عدد ذرات العناصر في المتفاعلات والنواتج Na: 1 O:1 H:1 Ca:1 Br:2 ملاحظة : المجموعات الذرية مثل (OH) تحسبين فيهم الـأكسجين بروحه والهيدروجين بروحه النواتج : Na:1 O: 2 H: 2 Ca:1 Br:1 الفرق في عدد ذرات الاكسجين والهيدروجين والبروم في النواتج ذرتي هيدروجين وذرتي أكسجين وذرة بروم وحدة وفي المتفاعلات ذرة اكسجين وذرة هيدروجين وذرتي بروم إذن في هالحالة نحتاج نساوي الطرفين وحتى نساويهم نخلي معامل قبل المحلول (NaOH) فبنخلي المعامل (2) المتفاعلات : Na: 1*2 = 2 الواحد عدد الذرات اللي يصير تحت ( يعني ذرة واحدة شاركت في التفاعل ) في هالخطوة ضربت المعامل في عدد الذرات فتغير عدد ذرات الصوديوم واختل الوزن في النواتج لأن صار في المتفاعلات 2 والنواتج 1 فبنحتاج نوزن النواتج وبنخلي معامل 2 لـ ( NaBr ) Na: 2*1 = 2 ولأن المعامل يتوزع للمحلول كامل ومو عنصر الصوديوم بروحه فنضرب المعامل في عدد ذرات البروم بعد Br: 2*1 = 2 استفدنا من هالخطوة فصار عدد ذرات البروم 2 في النواتج والمتفاعلات أوردي 2 نرجع للمعامل 2 في المتفاعلات (NaOH) الحين الاكسجين بيصير O: 2*1 =2 والهيدروجين H:2*1 =2 صار عدد ذرات الهيدروجين والاكسجين بعد في المتفاعلات 2 وبهذا وزنا المعادلة وصار عدد الذرات في المتفاعلات = عدد الذرات في النواتج نكتب المعادلة النهائية 2NaOH(aq) + CaBr2(aq) -> Ca(OH)2(aq) + 2NaBr(aq ملاحظة أخرى : الخطوة اللي ضربت فيها عدد الذرات في المعامل كانت محاولة لوزن المعادلة والتأكد إن المعامل يساوي لينا عدد ذرات العنصر في المتفاعلات والنواتج .. لكن الجواب اللي يبين عدد الذرات في العنصر ما نحطه تحت العنصر ( مثلاً ما نخلي Na2OH2 لان عدد الذرات اللي تحت ما نلمسه ) ولهذا السبب إحنا نستخدم المعامل مادري فهمتين قصدي لو لا لان مو عارفة أوضح |
||
07-12-2012, 09:53 PM | رقم المشاركة : ( 8 ) | ||
طالب مثالي
|
بعد خيو لازم تنتبهين لهذي النقطة
بعض الغازات مثل الكلور والاكسجين وغيرهم اذا كانوا بروحهم في المتفاعلات ( أقصد مو داخلين في مركب أو شي ) نحط ليهم 2 يختصرون في كلمة ( بيكنافه ) بـ : بروم << الوحيد سائل ي : يود ك : كلور ن : نيتروجين ا : أكسجين ف : فلور هـ : هيدروجين مثال : إذا قالوا اتحد الكلور والصوديوم لانتاج كلوريد الصوديوم بتصير المعادلة جذي 2Na(s) + Cl2(g) -> 2NaCl(s) وهني خلينا 2 للكلور وهو من ضمن البيكنافه الـ2 تعني ان ذرتي كلور دخلوا في التفاعل وتكون صغيرة وتحت العنصر |
||
09-12-2012, 09:42 PM | رقم المشاركة : ( 9 ) | ||
طالب نشيط
|
skyline مشكورة يعطيش العافية
صدى الشجون الـــــــــــففف شكررررررر حبيبتيييييييي ما تقصرييييييييييييييين و الحمدلله فهمت شلون اوزززززززن ابوحسين3 شكرا مرة ثانية واجد استفدت من الفيديو |
||
11-01-2013, 08:53 PM | رقم المشاركة : ( 10 ) | |
طالب مبتدئ
|
أريد طريقة مبسطة ومختصرة ؛ لأن الشروح السابقة جداً طويلة
|
|
12-01-2013, 01:54 PM | رقم المشاركة : ( 11 ) | |
طالب مبتدئ
|
ابي احد يشرح ليي طريقة الوزن المعادلة
|
|
مواقع النشر (المفضلة) |
أدوات الموضوع | إبحث في الموضوع |
انواع عرض الموضوع | |
|
|