التسجيل | التعليمـــات | التقويم | البحث | مشاركات اليوم | اجعل كافة الأقسام مقروءة |
|
الملتقى الجامعي العام لكل ما يتعلق بالبعثات و الأخبار الجامعية و الأسئلة المتعلقة ما بعد التخرج و غيرها .. |
|
أدوات الموضوع | إبحث في الموضوع | انواع عرض الموضوع |
08-07-2014, 09:22 AM | رقم المشاركة : ( 1 ) | ||
طالب مجتهد
|
أيهما أفضل الهندسة المعمارية أم إدارة الأعمال
أني أحب الأشياء العلمية والكيمياء والعلوم بشكل عام وهل الأشياء يعني
بس الهندسة ما ادري قريت ان مواد فيها كنكري واسمنت وما ادري ويش ما حسيت روحي انجب ليها بس بعد أحس ان أني اذا دخلت التخصص يمكن احبه وابدع فيه خصوصا يعني ما جربت ادر هل الاشياء من قبل إدارة أعمال تجاري وأني علمي أخاف ما أفهم وش صاير بعدين بس يقولون إنه سهل وبسيط يعني وفي وظائف ورواتب زينة ب اني خايفة ان مايناسب ميولي وما احبه فحابة أستشير الي عنده خبرة في هل التخصصين ويقدر يساعدني لوسمحتون ؟ تكلموا لي عن التخصصين لو سمحتون ؟ |
||
08-07-2014, 12:25 PM | رقم المشاركة : ( 2 ) | |
موقوف
|
اكيد الهندسة المعمارية احسن ..
لوتلاحظين ديوان الخدمة المدنية كل اسبوع يعلنون عن وظايف لحاملي شهادات الهندسة المعمارية اما ادارة الاعمال طلابها يتاخرون في التوظيف وذلك بسبب العدد الهائل من الطلبة اصحاب شهادات للبزنس ومايهمج لو كنتي علمي ﻻنه مواد البزنس اغلبها حفظ والمواد الثانيه لو ركزتي راح تمشين فيها لو تبين شي تظمنين منه شهادة التخرج في الوقت المحدد هو ادارة للاعمال اما الهندسة المعمارية راح تتاخرين على التخرج سنة او سنتين ﻻنه ﻻزم تاخذين فيه مواد كحد اقصى 4 ﻻنه لو خذيتي مواد اكثر من 4 راح ينزل مستواج وذلك بسبب صعوبة المواد لي عندج |
|
08-07-2014, 11:54 PM | رقم المشاركة : ( 3 ) | ||
طالب مجتهد
|
فهت عليك
يعني شكلي بدخل هندسة معمارية بس أني خايفة المواد مو حليوة كنكري واسمنت وماادري ما احب اشتغل مع هذي الاشياء هي بشكل عام تناسب بنات ومشكور أخوي فايروس محرقي |
||
09-07-2014, 01:39 AM | رقم المشاركة : ( 4 ) | ||
طالب مبدع
|
التركيز في العمارة بيكون على الجانب التصميمي و الإبداعي أكثر من الإنشائي اللي فيه حسابات و عوار راس علمًا بأن الجانبين مهمين جدًا
بتاخذين مادة وحدة كل كورس لمدة 3 سنين تقريبًا تتعلق بالإسمنت و التسليح بالحديد و إلخ من هالأمور مستقبلاً في الشغل ممكن تشتغلين في جزئيات من هالنوع مثلاً ترسمين ديتيل لعمود أو جدار أو أي شيء و بس . ماراح تشتغلين بشكل أوسع من هذا لأنه من تخصص المهندسين الإنشائيين أو المدنيين أما بخصوص المواد و الضغط أبدًا ما أنصح إن الطالب ياخذ 4 مواد أو أي عدد من المواد غير عن الخطة الدراسية لأن موادنا متتابعة و كل وحدة تعتمد عاللي قبلها بتتغربلين وايد عقب و بتحسين روحج مو قادرة تستوعبين كل مادة عدل برايي إذا هذا الشي الوحيد اللي مخليج مترددة ،، و بما أنج طالبة علمي .. أتوقع راح يكون خيار موفق بالتوفيق،، |
||
12-07-2014, 03:33 PM | رقم المشاركة : ( 5 ) | ||
طالب مجتهد
|
يعني المواد تتعلق بشكل عام بالابداع والرسم
والاشياء مالت الحديد والاسمنت مو لينا له ؟ انزين يعني اني خاطري ادخل هل التخصص بس يعني بعدين وين اشتغل وشلون طبيعة العمل والراتب بشكل عام ؟ انزين يعني لازم اكون فنانة عشان اصير ناجحة في هل التخصص ولا اني يعني ممكن اتعلم هل الاشياء مع الممارسة والدراسة ؟ وبالنسبة لادارة الاعمال ويش بشتغل عقب ما اتخرج وكم الراتب عموما وويعني اشتغل مثلا في الشركات ولا يصير اني بروحي اسوي لي مشروع ؟ وبسأل بعد عن التصميم الداخلي التخصص الظاهر انه حليو بس يقولون ان في اكتفاء صح هذا الكلام ؟ ومشكورة iDesign على المعلومات الي قدمتينها |
||
مواقع النشر (المفضلة) |
أدوات الموضوع | إبحث في الموضوع |
انواع عرض الموضوع | |
|
|