التسجيل | التعليمـــات | التقويم | مشاركات اليوم | البحث |
|
كلية المعلمين كل ما يتعلق بكلية المعلمين بالبحرين | كن معلماً كن ملهماً |
|
أدوات الموضوع | إبحث في الموضوع | انواع عرض الموضوع |
24-06-2016, 04:26 AM | رقم المشاركة : ( 1 ) | |
طالب مبتدئ
|
استفسار
السلام عليكم ...
اخواني / خواتي اللي يدرسون في كلية المعلمين عندي كم سؤال حابة اسألكم اياهم واتمنى تفيدوني في البداية اني طالبة توني متخرجة وكنت ابي ادش تمريض او مختبر وكنت مقتنعة اكثر شي بالتمريض لاني وقت الا احس روحي محبطة من الدراسة او مالي خلق اتذكر ان علشان انقبل في التمريض واحصل بعثة حقه لازم اتعب ازيد حق تكون فرصتي اكبر .. وغير جذي اشتغلت في خدمة مجتمع ويه ممرضات وعجبني شغلهم وحبيته بشكل كبير ،.. حاليًا وبعد ماقبلوني في كلية المعلمين تحيرت واجد ادخلها او لا ، لانه الكل نصحني ادش و الكل قال ليي التمريض متعب والتوظيف كله خاص وصعب تحصلين حكومي ، وان كلية المعلمين امتيازاتها افضل من ناحية الوظيفة والمعاش والاجازات . 1- سؤالي الاول ، تنصحوني بشنو ، واثقة ان بيقبلوني في التمريض لانه نسبتي الحمدلله مرتفعة واخاف ان يقبلوني ويزيد ترددي ، متحيرة في الاثنين ومادري وش ادخل 2- عندي مشكلة لاحظتها في وقت تدريسي لاخواني ان اني شديدة وحازمة وبسرعة اعصب اثناء التدريس اذا حسيت الا قدامي انتباهه مو وايي واخاف ان الطالبات يكرهوني عقب لهلسبب ، هل هذا الشي طبيعي وفي فترة التدريب بقدر اتخلص منه ؟! 3- اخاف اواجه طالبات يعانون من صعوبات تعلم وماعرف شلون اتعامل وياهم 4- شلون اعرف اذا اني تمهيدي او لا ، لانه ماقالوا لينا للحين ، هذا الشي بعرفه في يوم التهيئه ؟ 5- هل اقدر اكمل ماجستير ودكتوراه في نفس الكلية واصير دكتورة في الجامعة ؟ وكم سنة باخذ لو كان فيه 6- قولوا ليي كل ايجابيات وسلبيات الكلية وشكرًا |
|
25-06-2016, 03:37 AM | رقم المشاركة : ( 2 ) | ||
طالب مشارك
|
اقتباس:
وعن السنة التمهيدية ارجعي للعقد وبتجوفين مكتوب فيه مدة الدراسة مع السنة التمهيدية.. الي بيروحون سنة اولى هم الي عندهم شهادة ايلتس أو توفل ومحققين الدرجة الي تبيها الوزارة في هالشهادات بتقدرين تكملين ماجستير ودكتوراه بس في مجالات التربية لأن شهادة الكلية ( بكالوريوس تربية ) بس مو في نفس الكلية لان برامج الكلية فقط بكالوريوس ودبلوم عالي |
||
25-06-2016, 03:22 PM | رقم المشاركة : ( 3 ) | ||
طالب نشيط
|
اول شي سواء كات البي تي سي او التمريض حطي شي واحد فبالج مافي شي سهل ..احنا قاعد ندرس من ثلاث سنوات بالكليه وفي اشياء سهله وفي اشياء صعبه ونفس الشي اكيد فالتمريض فشوفي ميولج والمكان الي تحسين انج بتقدر تعطين فيه وروحيليه .
سالفه الحزم والعصبيه انا كنت ما ادرس اخواني الا والعصا جنبي بس يوم دشيت الكليه وخذيت مقررات شلون اتعامل مع اليهال بكل انواعهم وشخصياتهم قدرت اتحكم باعصابي وعرفت انه في مليون طريقه اقدر اسيطر فيها ع اليهال بدون العصبية وخصوصا انه كل سنه في ترينننق لمده شهر فيوم تحتك مع اليهال والمعلمين بالمدارس وتطبق الي خذيته بالكليه بتحس بالفرق. بالنسبة حق حالات صعوبات التعلم فمثل ما الكل يعرف الوزاره احين قاعد تدمج الطلاب اصحاب صعوبات التعلم بالصفوف العاديه فنادراً ما تحصل صف ما فيه صعوبات تعلم وهالشي الكليه حاطته بالاعتبار وفي مقرر كامل عن حالات صعوبات التعلم بمختلف انواعها شلون نقدر نشخصها ونعالجها فمن هذي الناحيه لا تحاتين. االعقد مكتوب فيه سواء تمهيدي او سنه اولى الماستر بيكون بره الكليه بس لازم تخدميت 5 سنوات في المداوس (مكتوب في العقد) طبعا تقدرين تكملين دراسات عليا وانتي تدرسين ايجابيات الكليه من ناحيه الدوام فيكون اربع ايام بس بالاسبوع "(الثلاثاء اجازه) من ناحيه الراتب بيكون طوال مدة الدراسه و الوطيفه من اول ما تتخرج تعتبر مرظف من ناحية الجو بشكل عام ما بتحس انك مع ناس غريبه لان البي تي سي عايله وحده من الدكاتره لي الطلاب لي الكوادر الموجوده السلبيات احس مافي بس انك ما تقدر تختار الدكاتره او المواد اهما يسجلون لك ع كيفهم وهالشي زين وشين بنفس الوقت زي لان بتفتك من لويه تسجيل الجامعة واللود الي يصير ع الموقع وباقي المشاكل مال التسجيل وشين لان ما تقدر تختار الدكتور الي يدرسك وبس يعني بدي عورتني من كثر ما اكتب |
||
26-06-2016, 01:06 PM | رقم المشاركة : ( 4 ) | |||
طالب مبتدئ
|
اقتباس:
اقتباس:
مشكوريين ❤❤ |
|||
مواقع النشر (المفضلة) |
|
|