التصحيح السريع جعلني كبش فداء ..

[حسن الكاظم]

بسم الله الرحمن الرحيم

شخباركم شعب ؟

ان شاء الله تمام ..

ابي اعرض عليكم مشكلتي وأووبي رأيكم ..

الله يسلمكم انا من المتفوقين ومعدلي كان 94.6%

وحطيت على روحي الفصلي هذا ..

ولما استلمت الشهادة كانت 94.9 % !!

قدمت تظلم في كل المواد
























والنتيجة










































بعد التظلم صار معدلي 95% وهذا حلمي وهدفي ..

فأنا شنو ذنبي أنحرم من تكريم رئيس الوزراء !! بسبب التصحيح الخاطئ والسريع إلي يخلون المدرسين يصححون الاوراق كلها في يوم واحنا نوقع في الفك !!




















فما ادري شنو تشورون عليّ ؟




أخوي قال لي أكتب في الجريدة ..





صراحة قهر كان حلمي وحلم امي تشوفني في الحفل في التلفزيون وفي النهاية تعبنا يطوفونه علينا بالساهل ..







- اترك لكم التعليقات -

[نعم]

المفروض

الوزارة مخترعة "التظلم" علشان يتم تصحيح اي اخطاء جراء التصحيح الخاطئ

و كل سنه تظهر تظلمات حق الناس

و الحمدلله ظهر لك تظلم

اهم شيء الي عقب

و هاردلك

[بنوتة العهد الزاهر]

صددق اخووي الله يساعدك على هالموقف من جد قهر .. والمفرووض من الوزارة اتسووي الحفلة بعد التظلم ... الله اهم شي وصلت للنسبة إلي تبغيها .. ومبرووك

[- بَياضْ *]

المفروض الحفلة تكون بعد التظلم
وش هالأنانية

عجل وش فايدة التظلم حاطينه
بس يلهفون في البيزات
الحرامية
نفس ما قالو حاميها حراميها

يلا ما عليه اخوي
خيرها في غيرها
ما تدري
يمكن صلاح لك انك ما تروح
حفلة المتوفقين
موفق اخووي

[بسمـ الم ــة]

المفروض رئيس الوزاء المبجل
يأجل الحلفه الى بعد نتائج التظلم لان في ناس ترتفع
وتوصل 95% وبذلك تدخل الحفله
صــح كلام اخوك ليش ماتكتب في جريدة لان احنا موذنبنا نكون نتجيه تصحيح سريع وبذلك تنزل معدلاتنا
وكل هذا طبعا بسبب
مستعجلdk على النتايج مادري حق وا
بس شنقول غير
حسبي الله ونعم الوكيل

والحمدالله انك ارتفعت
وان شاء الله يكرمونك في الجامعه من المتفوقين

[متى نراك]

الدرجات اطير بالهبل كله من الضغط على المدرسين من قبل الوزارة

[ra3yat.el.taxi]

الله يعينك الصراحة هالقهر

بس شنسوي في هال...

[ترحال قلب]

صح كلاام اخووك اكتب في الجريييده

[بنكوكة]

صج قهر
والمصححين ولو كانوا على عجلة لكن يجب عليهم الدقة في تلك الأثناء ،
والمفروض ما يضيعون على الطالب الذي هو أحوج إلى الربع درجة
و لكن جُلّ من لا يسهو !


ونصيحتي لك الآن هي
أن تتفاءل ولا لا تنظر إلى الوراء لأن انتهى وخلاص :)
فلا تهم نفسك و لا تحملها عناء التفكير والتحسر الذي لا يسمن ولا يغني من جوع
و اعلم ان في ذلك خير و صلاح

و لو كتبت فالجريدة فان ذلك الكلام لا يعود عليك بالنفع ولا بالضر وانما فضفضة للخاطر ،
وربما تقع عليه أعين المدرسين ليكونوا أكثر دقة في التصحيح في المرات القادمه

والوفاق عادتهم يسوون تكريم حق المتفوقين ، بس ما أعلنوا لحد الآن !
بس يا رب يسوون و تحضر أمك و تشوفك و انت تتكرم :) ، وهذا الشرف يكفي ..


و ان شاء الله تشوفك امك في حفل تخرج الجامعه
إنه على ما يشاء قدير :)

[»[ ᴙάᴛн͜͡͡αα ♪]

ياعلييي حرام

لو ما رفعت تظلم و ظليت عالـ 94.9

اهون من جدي

[حسن الكاظم]

هو انا من مهتم لذيك الدرجة ..

بس بعد هذا حقي أن اكون من المكرمين في الحفل ..

[Lady w]

يااعلي
صدق قهررر
الله يساعدك
اكتب في الجريده اخووي
والمفروض بعد يسوون الحفله بعد نتايج التظلم

[حسن الكاظم]

أيه بكتب ..

ننطر باقي الاقتراحات

[barca4ever]

مبروك وصولك يا حسن لهالمرتبة و حصولك على هالمعدل الأكثر من ممتاز ..
اكيد بالسنوات الجاية لازم تكون جدولة لوضع النتائح بعد فترة كافية و يكون التكريم بعد ظهور التظلمات و أؤيدك ان طلاب كثيرين كانت معدلاتهم تقترب من ال95 و بعد التظلم وصلوا فوق ال95
يلا أهم شي زاد معدلك و إن شاءالله تحصل لك البعثة الا تتمناها
بالتوفيق :)

[حسن الكاظم]

المشاركة الأصلية كتبت بواسطة barca4ever

مبروك وصولك يا حسن لهالمرتبة و حصولك على هالمعدل الأكثر من ممتاز ..
اكيد بالسنوات الجاية لازم تكون جدولة لوضع النتائح بعد فترة كافية و يكون التكريم بعد ظهور التظلمات و أؤيدك ان طلاب كثيرين كانت معدلاتهم تقترب من ال95 و بعد التظلم وصلوا فوق ال95
يلا أهم شي زاد معدلك و إن شاءالله تحصل لك البعثة الا تتمناها
بالتوفيق :)

الله يبارك فيك استاذي ..
يعطيك العافية على التعقيب .. وان شاء الله الجدولة هذي تفيد الأجيال القادمة .,