نقاش واستفسارات طلبة علوم سمع ونطق

[نملة سوداء]

سلاام
حبيت اسالكم شرايكم بتخصص علوم سمع ونطق & طفولة مبكرة والتعليم الابتدائي
ياريت تعطوني لونبذة سريعة عنهم
وشكرا

[السنا]

بالنسبة لعلوم السمع والنطق .. بعض الطلبة جزاهم الله كل خير شرحوا عنه في الرابط المثبت في هذا القسم .. تقدرين تطلعين عليه ..

(أقصد الرابط المخصص لنتائج البعثات والمنح )

أما عن طفوله مبكرة والتعليم الإيتدائي للأسف ما عرف شي .. إن شاء الله تلقين الرد الشافي ..


موفقه حبيبتي ..

[Albalushi]

hearing & speech sciences ~ slhp
بعثتي اللي حصلت عليها اللعام و تخصصي حاليا ..

امم التخصص له مستقبل في البحرين ..
تشتغلين بعدين كـ أخصائيـة نطق أو أخصائية سمـع في المستشفيات أو عيادات أو حتى تسوين زيارات للمدارس عشان تشخصين حالات الطلبة بالتعاون مع التربية ..

أخصائيين النطق او حتى اخصائيين السمع بتلاقينهم يشتغلون في السلمانيـة ..
بس معظم الناس ينادونهم بلقب دكتور من جذي احنا يجي ع بالنا ان التخصص جديد او مو موجود بالبحرين .. !

اممم التخصص يدرس علم اللـغة و الكلام و يعالج اضطرابات النطق مثل التأتأة و اللي عندهم غلطة بالحروف أو ما يقدرون يطلعونها عدل و بوضوح
و يعالج بعد المشاكل الصوتية مثل البحة و كل ما يؤدي إلى تواجد مشاكل بالكلام .. !
بالإضافة إلـى الاضطرابات السمعية ..

التخصص يـعالج الأشخاص العاديين و اللي عندهم مشاكل بسيطة مثل اللي ذكرتها ..
بس كلش ما له علاقة بالـصم و بالكم و اللي ما يسمعون مثل ما يظنون أغلبية الناس ..
و لغة الاشارة ما ندرسها أبداً .. !

التخصص جميل .. أنصح فيـه .. ممتع .. !




منقول من احد المنتديات
مانبي موضوع ثاني عن هالتخصص

[ام حيدر الكرار]

مشكور اخي شجعتني عليه لأن حصلت بعثة ليه
و في ناس يبون يحبطوني عشان ما اروح
بس احين خلاص بروووووووحة
الله يعطيك الف عافية

[نسيم الفل]

ان شاء الله اني بعد بثبت على البعثة
نسألكم الدعاء

[نملة سوداء]

شكرا جزيلا
جهود مباركة..!!

[Guns & Roses]

[QUOTE]امم التخصص له مستقبل في البحرين ..

له مستقبل عاد مو في البحرين
بس معظم الناس ينادونهم بلقب دكتور من جذي احنا يجي ع بالنا ان التخصص جديد او مو موجود بالبحرين .. ! .......

لا ما ينادونهم لقب دكتور الا اذا كمل و درس الدكتوراه ويسمونه أخصائي اذا حصل بكالوريوس

التخصص جميل .. أنصح فيـه .. ممتع .. !

التخصص صج أنه جميل بس ما انصح فيه لأن اللي درسوا و ياو البحرين للحين مو محصلين شغل و اللي في السلمانية كل دكتورين في مكتب >> والله مأساة حالتهم حالة :11mmer3:

أنه حصلت بعثة >> بس باتراجع >> الحمدلله ان عرفت كل شي قبل ما اتوهق بعدين :smailes60:

دعواتكم لي ::in_love::

[سمـاء الـروح]

لو مو مطلوب جان ما حطو 20 بعثة "سس

بنتوكل على الله وبنروح خلاص

عقب 4 سنوات بنحصل شغل ان شاء الله :laugh:

[أنين الأمة]

أنا بعد حصلت بعثة لهاي التخصص ~
ومترددة ..

بس قريت عنه في النت وأحس ارتحت له ..
الطلاب والطالبات اللي طلعت لهم بعثة علوم سمع ونطق في جامعة التكنو هالسنة ..

أنا كلمت أ.عيسى الكوهجي وقلت له إذا في إمكانية نحول على الجامعة الأردنية نفس التخصص
قال ممكن وكلش عادي .. أمره سهل يعني ..

شاريكم ؟
بدل ما نروح اربد .. نروح العاصمة "عمان"
وبعد لأن على ما أتوقع دفعات السنوات السابقة لهاي التخصص كانت كلها للجامعة الاردنية ..

فيعني ع الأقل يكون معانا طلاب بحرينيين سابقين يدرسون هاي التخصص نستفيد من خبراتهم !
شرااايكم ؟

اتوقع الدراسة في التكنو والاردنية نفس الشي ..
الفرق ان منطقة اربد اهدأ وأخف ضوضاء عن العاصمة
والجامعة يقولون عنها محترمة اكثر ..
يعني خبركم .. عمان ما يحتاي ..



لي عوده ..

[أخصائية نطق]

الســلااام عليكمــ ..

أعتـذر عن التأخيــر في الرد بس ما كنـت أدري عن الملتــقى وكنـت اتمنـى اني اتواصل مع اخواني وخواتي اللي حصلوا البعثـات لاني كنت مكانكمـ في يوم من الايام وكنت محتاجة المساعدة no213no213

انا طالبة بعثة علوم سمع ونطق في الجامعة الاردنية .. ان شااء الله رايحة على سنة ثالثة :ongue:والحين قاعدة في البحرين لأني مو ماخذة صيفي هالسنة ..
التخصص .. بالنسبة لي .. تخصص جميـل وممتع ومثل ما عرفتوا في الردود اللي قبلي تخصصنا يعالج حالات التأتأة .. مشاكل النطق .. يعني مثلا المشاكل اللي تكون عند البعض في نطق بعض الحروف .. أو تشوه أعضاء النطق اللي تأثر على النطق .. وهالاشياء يعني .. طبعاً في قسم السمع واللي نفس الشي يعالج مشاكل السمع .. بس اللي أحسه ان التركيز الاكثر في دراستنا صاير على النطق وهو القسم اللي بالنسبة لي حبيته اكثر .. ودراستنا 4 سنوات اذا مشيتوا على الخطة .. :ongue:

احنا ساكنين في عمان .. سكنات قريبة من الجامعة والحمدلله مرتاحين .. الوزارة أول ما يودونكم بيختارون لكم سكن وبعدين اذا استقريتوا تقدرون تبدلون السكن اذا ما كنتوا مرتاحين فيه طبعاً .. no213

وبالنسبة للمخصصات المالية ..
اول ما تروحون الوزارة بتنزل لكم مبلغ للكتب والملابس والتأمين واشياء ثانية .. طبعا انتوا تقدرون توفرون هالمبلغ لان ما بتصرفونه كله للاشهر الثانية اذا احتجتوا ..
ينزل لنا تقريبا كل شهر 500 دينار أردني .. تدفعون منها للسكن وماقدر أخبركم جم للسكن لان كل سكن يختلف عن الثاني .. بس المهم تدفعون للسكن والباقي بيكون مصروفكم لآخر الشهـر :sweatdrop::sweatdrop:

اممم مادري شنو المعلومات اللي اقدر أفيدكم فيها بعد ..
أي استفساار تبوونه سألوا عنه لا تستحووون واللي يحتاج أي شي يكتبه في الموضوع أو يطرش لي رسالة خاصة ..
والله يوفقكمـ ان شااء الله .. :ongue:

[mm]

الله يوفقكم مع هذا التخصص

سمعت انه جميل وممتع وله مستقبل هني :smailes60:

[Guns & Roses]

المعذرة أختي ... معلومات جديدة اللي أنا قاعد أسمعها منك أو بالإحرى خاطئة...

أنا ما عمري سمعت عن ممرض -ة أو دكتور-ة أو أي أخصائي في مجال الطب مو محصل شغل !!!

شكلك مو عايشة في البحرين !!!

أنتي تشوفين الضغط الكبير على مستشفى السلمانية و جهود الحكومة للخروج بحل لهاي المشكلة ...
خلال 4 سنوات بيتم أفتتاح العديد من المراكز الطبية لحل هذي المشاكل ...

و عما قريب بيتم أفتتاح مستشفى الملك حمد اللي يضاهي مستشفى السلمانية ...

يعني بتضاعف فرص العمل بشكل كبير ...

و اللي أعرفهم اللي تخرجوا من هذا التخصص على طول وظفوهم ...

بالإضافة إلى أن رواتب الصحة قوية .. أنا أعرف ممرضة توهاا متخرجة راتبها 750!!!

أما إذا رحتي تشتغلين في التربية مثلاً بتشتغلين شغل حمير براتب 400!!! وأنا أعرف مدرسين يشتغلون من سنين رواتبهم بالكثير 700 !!!

فما بالك إذا أشغلتي مساعد دكتور ( أخصائية ) !!! تقريباً يوصل 800 -900 أول ما تتوظفين !!

بالإضافة إلى العمل في القطاع الحكومي أفضل و أضمن ..

أنا كانت رغبتي الأولى هندسة مدنية ... لما سألت و أستفسرت من كذا مهندس قالوا لي

هذا التخصص له مستقبل أفضل و فرص عمل أكثر ...

إذا مو عاجبك قولي مو عاجبني لكن لا تقولين مو زين إذا ما عندك معلومات كافية عن التخصص و تحبطين غيرش ...


والله أخوي هاي وجهة نظري أنه
و لا تقول شي و انت مو متأكد منه no213
لأن انه ما قلت شي في الهواء رحت سألت بنفسي أخصائيين السمع و النطق في السلمانية ومو اخصائي واحد عدة اخصائيين و هالحجي اللي قلته هاي اهما اللي قالوا لي اياه
و عبروا لي عن معاناتهم لأن اهما بعد مثل ما يقولون كانوا عايشين بالاحلام الوردية مثل ما انقول :sweatdrop: بس عقب ما ارجعوا البحرين انصدموا بالواقع علماً بأني كـلمت اخصائي درس بكالوريوس في الاردن و بعد اخصائية دارسة ماجستير و اهي اللي عبرت عن معاناتها و انا بروحي جايفتها ان مالها مكتب
اخوي لا تقول شي بس بالقراية في النت او الاستفسار من جم من شخص لو بدال قعدتك و مناقشتي تروح اتدور لك جم من اخصائي و تسأله بيكون أفضل عشان عقب 4 سنين من الغربة ما تلوم نفسك
و بالنسبة لمستشفى ملك حمد
جوف هاي خبر اليوم

توجهت أنظار العاطلين عن العمل إلى مستشفى الملك حمد العام منذ أن أعلن وزير الصحة السابق خليل حسن في التاسع من ديسمبر/ كانون الأول من العام 2003 لـ«الوسط» بأن «مشروع مستشفى الملك حمد العام سيوفر 1200 فرصة عمل».
ومنذ تصريح حسن حتى منتصف العام الجاري 2010 مازال المواطنون يتناقلون وصلة جامعة البحرين الطبية - الكلية الملكية للجراحين في ايرلندا للتوظيف في مستشفى الملك حمد العام عبر المنتديات ورسائل البريد الإلكتروني والتي أفردتها - منذ عدة أعوام - لتقديم طلبات الالتحاق بالعمل في مستشفى الملك حمد العام في البسيتين بمحافظة المحرق.
وأوضحت الجامعة في هذه الوصلة «سوف يبدأ في وقت لاحق من العام 2010 التوظيف في مستشفى الملك حمد العام، وعلى الراغبين في العمل في المستشفى تقديم طلباتهم إلى البريد الإلكتروني (...)، وسيتم الاحتفاظ بجميع الملفات والتطبيقات لمقدمي الطلبات والاتصال بهم عندما تبدأ عملية التوظيف».
من جانب آخر، أبدى نواب مخاوفهم من أن يكون قرار نقل إدارة وإشراف مستشفى الملك حمد العام إلى لجنة يرأسها وزير الدولة لشئون الدفاع بداية لخصخصة المستشفى، على الرغم من أن موازنة المشروع تم أخذها من الموازنة العامة للدولة.
وطالبوا أن يكون المستشفى مفتوحاً لجميع المواطنين حتى وإن كان في ظل إدارة وزارة الدفاع.
المصدر: جريدة الوسط ،العدد 2882

هاي دليل أن كـان في ناس عاطليين عن العمل على الرغم من حصولهم على البكالوريوس
الظاهر انت مو عايش في البحرين و لا تقرا الجرايد "سس :1213:
و انه ما حبط الناس الصدق دائما ينقال

[أخصائية نطق]

اخوي Super Human .. أول شي حيــاك معانا بالتخصص وإن شااء الله راح يعجبك وتستفيد منـه :ongue:

بالنسبة للمواد اللي درستها .. اول كورس درسنا متطلبات الجامعة احياء وفيزيا ومادتين وياهم بعـد .. طبعاً المواد ابداً مالها دخل بالتخصص بس متطلبات جامعة لكل تخصصات الكلية .. :ongue:
ومن الكورس الثاني بتبدي مواد التخصص .. طبعاً ( بالنسبة ليي ) التخصص جداً جميـل ومستمعتة فيـه .. درسنا تشريح ،، فسيولوجي .. صوتيات .. علم لغة .. مقدمة عن اضطرابات السمع والنطق واللغة .. اساسيات علم السمع .. وبعد مواد غييرها .. بس يمكن ما بتفهمون المواد من اسمائها الا لما تاخذوونها ..
بس بتاخذون فيها عن أعضااء النطق تفاصيلها .. كل جزء وكل قسم فيها .. العضلات الموجودة فيها .. وبتاخذون المشاكل والامراض اللي ممكن تصيب هالاعضاء وتأثر على النطق .. بتتعلمون شلون تكتبون كتابة صوتية عشان تكتبون عينة المريض نفس ما يقولها بالضبط .. وبعدين من سنة ثالثة بتبدون تدشون مركز الصوتيات وتجوفون عينات وتتعلمون شلون تعالجونها ..
وفي قسم السمع بس نفس ما قلت لكم قبل احس التركيز اكثر شي على قسم النطق في التخصص بس بعـد بندرس عن السمع ..

طبيعـة دراسة .. ما بقول سهلة ولا صعبة .. المواد يبيلها دراسة أول بأول لانها نوعاً ما دقيقة .. فيها معلومات دقيقة ولازم تدرس لها اول بأول عشان تقدر تفرق بين الاشياء وبين المعلومات :1211:

وطبعاً هذا كله اللي اقوله عن موادنا في عمان في الجامعة الاردنية .. مادري عن جامعة العلوم والتكنولوجيا في اربد وشلون نظامهم وشلون توزيع موادهم واذا كان نفسنا او لا :1211::1211:

وبالنسبة لمجال الوظيفة .. قبل 3 سنوات اول ما طلعت لي البعثة رحت جفت اخصائية كانت متخرجة من نفس جامعتنا .. كانت حدها مستانسة وشجعتنيييي للتخصص .. بس مادري شلون وضعهم الحين no213
وعلى حسب ما سمعت ان التخصص مطلوب في البحرين لأن لو ما كان مطلوب ما طرشوا هالعدد من البعثات كل سنة .. حتى لو ما كان في الصحة بيكون في التربية للحالات اللي تكون عندها صعوبات ومشاكل تأثر على دراستها .. :1211:

وأي استفسارات ثانية سألوا عنها وان شااء الله اقدر اجاوبكمـ
وأرد اقول الكلام كله بالنسبة لي شخصياً .. ويمكن غيري تكون له وجهة نظر ثانية
ويعطيــكم العافية :ongue:

[سمـاء الـروح]

يعطيش ألف عافية ::in_love::

ان شاء الله يودونا وياكم الجامعة الاردنية

:laugh:

[عبدالله محمد]

الدراسه بالعربي وله بلأنج

[قلب قرمزي]

سلام عليكم

عندي جم سؤال

بخصوص بعثات علوم النطق و السمع حاليا في شواغر حق الذكور

هل هالشيء يعني انه ما لينه فرصة نحن الاناث بالحصول على هالتخصص ابداً

و ثاني شيء

هل الوزارة تتحمل كامل التكاليف من سفر و غيره بالنسبة للبعثة في الخارج ؟

مع العلم طبعا انه هالبعثة في الاردن

و سلامتكم

لا تبخلون بالرد انتظركم

[Guns & Roses]

هههههههههههه :1515: ... كما هو معتاد أتعصب لرأي و في النهاية أطلع غلطان >>> مو أول مرة :laugh:


بس أنا سألت ناس واجد ... و الله حيرتني ... بحاول أتحقق من كلامك ... بس ما أعتقد أساساً أني أقدر أتراجع بعد ما بدأت الإجراءات ... و الخيارات الثانية المطروحة عندي غير مقنعة ...

ما أحب أعتذر ... لكني غلطان ... آسفcry982

لا أخـوي عادي :sweatdrop:
هاي مجرد وجهة نظري الكل له وجهة نظر
القهـر أن الوزارة وهقتنا ما عطتنا وقت نروح و نسأل و انفكر >>> :11mmer3:

أهم شـي الله يـوفقكـم وتحـصـلون اللي فيه الخيرة لكـم:laugh:

[Guns & Roses]

هل هالشيء يعني انه ما لينه فرصة نحن الاناث بالحصول على هالتخصص ابداً
لا يمكن اتحصلينه في الشواغر لأن أنه اعتذرت عنه :sweatdrop:


و ثاني شيء

هل الوزارة تتحمل كامل التكاليف من سفر و غيره بالنسبة للبعثة في الخارج ؟

الوزارة تتحمل تكاليف الدراسة و تذاكر السفر التذاكر تكون حق الروحة و الردة في البداية و صيفياً يحصلون تذكرة أما عطلة الربيع انتي تشترين
و بعد يعطونج مصروف 500 دينار أردني تدفعين منهم حق السكن
و تقريباً السكن يكون 300 أو 250 على حسب المكان اللي تسكنين فيه

وبس هاي اللي اعرفه ::in_love::

[سمـاء الـروح]

بخصوص بعثات علوم النطق و السمع حاليا في شواغر حق الذكور

هل هالشيء يعني انه ما لينه فرصة نحن الاناث بالحصول على هالتخصص ابداً

لما رحت اثبت بعثتي .. سألتهم عن اذا احد تنازل ..
قالت ليي اللي قبلش كلهم تنازلوا :laugh:

يعني في أمل

[قلب قرمزي]

انشاء الله احصل البعثة و ادرس معاكم :sweatdrop:

بس املي ضعيف احس ويه هالوزارة

بس الحمدلله على كل حال

اختي guns &roses

يعني السكن ما يكون تبع الجامعة

شلون يعني احنه ندور حق روحنه مكان بعد !! :1211:

و تقريبا جم قيمة اللي بيبقى حق اصرف على روحي

ما افهم بعملتهم كلش :sweatdrop:

[قلب قرمزي]

سؤال
هالكلام عن الفصل الواحد له ؟؟

معناته لازم الاهل يزيدونه فلوس حق نمشي روحنه في هالحالة لانه احس ما يكفي كلش !!

وله انتوا شتقولون ؟؟


انزين و السكن شلون ؟؟

[أخصائية نطق]

:ongue:الســلام عليــكمـ :smailes60:

بالنسـبة لطبيعة الدراسة .. مواد التخصص تقريباً أغلبها باللغة الانجليزية .. في مواد عربي الا اهي المواد الاختيارية عندكم اسلاميات مثلاً وجم مادة انتوا تختارونهم .. بس باقي المواد تقريباً كلها انجليزي والاحياء والفيزيا بعد اللي بتاخذونهم ان شاء الله الكورس الاول ..
دراسة الانجليزي مو صعـبة .. في البداية يمكن تحصلون صعوبة شوي لان المصطلحات جديدة وعلمية .. بس مع الترجمة والتكرار بتتعودون عليهم وبتحسون دراسة الانجليزي احلى من العربي :1211:

وبالنسبة للتكاليف .. مثل ما قالت اختي الوزارة بتعطيكم تذكرة وحدة في السنة تروحين فيها بداية السنة وترجعين فيها آخر السنة .. وتحجزون تذكرة من عندكم حق عطلة الربيع والصيفي في حال بتاخذون صيفي .. و أول كورس بس بيحددون لكم متى تسافرون لان بيكونون طبعاً معاكم ناس يتابعونكم في الاردن ويستقبلوكم وبيودونكم ويا بعض كلكم .. اما باقي السنوات يعطونكم التذكرة وكل واحد يسافر في التاريخ اللي يبيه :ongue:

وبالنسبة للمصروف .. ينزلون لنا كل شهر 500 دينار .. ومثل ما قالت اختي تدفعون منها للسكن 200 او 250 او توصل احياناً ل 300 في بعض السكنات شهرياً .. والباقي بيكون مصروف لكم لآخر الشهـر .. وكل شهر جذي ..
و بعد بينزلون لكم مبلغ بداية السنة مثل ما قلت حق الكتب والثياب واشياء ثانية بس انتوا ماعتقد بتصرفونه كله خاصة اذا كنتوا ماخذين معاكم الاغراض اللي تحتاجونها من البحرين فتقدرون توفرون لكم لباقي الاشهر :ongue:

وبالنسبة للسكنات .. لا اختي انتي ما تروحين تدورين مكان .. في ناس بتستقبلكم في الاردن في المطار وبيودونكم لسكن يكونون هم مختارينه لكم .. وبتظلون فيه .. واذا ما عجبكم بعدين تقدرون تدورون سكن ثاني بس يعني عقب ما تستقرون وتجوفون الوضع .. وان شااااء الله يودووونكم سكن ترتاحوون فيه .. وأغلب السكنات اللي يودون فيها تكون قريبة من الجامعة .. هذا بالنسبة لنا في عمان :1211:

ان شااء الله اكون جاوبت على استفساراتكم وفي انتظاار باقي استفساراتكم :ongue:

[نسيم الفل]

اختي اخصائية النطق مشكورة على الرد

بس حبيت استفسر اذا ماعجبنا السكن يتكفلون بالسكن اللي نختاره واذا من عندهم السكن يخصمون من 500 دينار

[نسيم الفل]

أخواتي واخواني اللي ويانا في البعثة وش قلتون بتروحون عمان او اربد ...

وبالنسبة لاختي أخضائية نطق ممكن تفيدينا اذا تعرفين بعدين في المستقبل وش نقدر نشتغل

[أخصائية نطق]

اختـي نسيـم الفـل .. بالنسبة للسكن في الحالتين بتدفعين من الـ 500 .. يعني مو هم يخصمون .. هم ينزلون ليش الـ 500 وبعدين انتين كل شهر تسحبين وتدفعين لمشرفة او لصاحب السكن .. يعني هم عليهم يودونكم السكن وبعدين انتين تسحبين الفلوس كل شهر وتدفعينها للسكن ..

أما بالنسبة للشغـل .. اتوقع ان احنا لنا مجالين للشغـل .. نقدر نشتغل في التربية كأخصائيات للطلبة اللي تكون عندهم مشاكل في النطق .. او نقدر نشتغل كأخصائيات في الصحة .. بس صراحة مو متأكدة لكن اني اول ما طلعت لي البعثة قبل سنتين رحت جفت اخصائية متخصصة من نفس تخصصنا بس بالنسبة لمجال التربية ماعندي أي فكرة :1211:ويمكن بعد في مجالات ثانية نقدر نشتغل فيها

[RORONOA ZORO]

^ ^ ^

انا بروح يوم السبت الاردن وبشوف هالجامعات لانة يمكن اكنسل له ابي اتاكد

[RORONOA ZORO]

المشكله انا مو طب بروح كهندسة وبروح اشوف الاوضاع بقعد ليي 15 يوم يمكن

علشان اشوف الاوضاع وبرجع الله يستر بس

[نسيم الفل]

السلام عليكم
أختي أخصائية النطق
لو سمحتين ايهم أقل تكلفة السكن داخل الجامعة ام في الخارج ؟؟
وهل الدفع للسكن 200او300 دينار أردني كل شهر ام كل كورس
لاني اعرف ناس يسكنون ب 300 دينار بحريني كل كورس

[سمـاء الـروح]

أخواتي واخواني اللي ويانا في البعثة وش قلتون بتروحون عمان او اربد ...

بيخلونا نختار يعني ؟؟

[نسيم الفل]

في احد من الاعضاء
ما اذكر من ؟
يقول سأل مدير البعثات
اذا يصير نروح نفس الجامعة اللي طرشوهم اللعام

[أخصائية نطق]

مرحبـــا :ongue:

اخوي بالنسبة للماجستير .. جامعتنا فيها مجال للماجستير بس ما عندي علم اذا نقدر نكمل ماجستير على حساب البعثة او لا :1211::1211: لكن الاحتمال الاكبر لا

أما بالنسبة للسكن .. احنا ندفع 200 دينار اردني كل شهر تقريبا يساوي 100 دينار بحريني .. وبالنسبة لسكنات الجامعة مادري صراحة بس ما جفت احد من اللي ويانا يسكن في سكنات الجامعة يعني كلنا نسكن في سكنات قريبة من الجامعة ..
وأغلب السكنات اعتقد اسعارها في هالحدود .. بس يمكن اللي تعرفينها ساكنة في شقق خاصة .. لان الشقق دائماً ارخص .. ويمكن في بعد في سكنات أرخص :1211: أو يمكن تكون في اربد لان الحياة في اربد ارخص من عمان

[أخصائية نطق]

يوم رحنا الاردن ودونا فتحوا لنا حسابات وينزل لنا المبلغ شهرياً في حساباتنا :)

[نسيم الفل]

شكرا أختي أخصائية النطق
الله يعطيش العافية ...
ماقصرتين... رحم الله والديكم
أفدتينا كثيرا...
نسألكم الدعاء

ولنا عودة اذا احتجنا اجابات لاسئلتنا

أكرر شكري

[قلب قرمزي]

اختي الدراسة جم سنة تكون ؟؟

[سمـاء الـروح]

4 سنوات :laugh:

[أخصائية نطق]

الله يعـــافيــكم .. ولــو ما سويـنا شي هذا واجبـنا :ongue:
وأي استفسار ثانــي اخذوا راحتكمـ وان شاء الله اقدر افيــدكمـ ..

ومثـل ما قالت اختي سماء الروح الدراسة 4 سنـوات ..

[نسيم الفل]

أختي أخصائية هل موضوع الغربة يؤثر على التحصيل الدراسي؟

[أخصائية نطق]

اختـي نسيـم الفـل .. بالنسبة لتأثير موضوع الغـربة على التحصيل الدراسـة في نظري ان هالشي يختلف من شخص لشخص يعني على حسب الشخص وشلون اهو يقدر يتحكم بهالشي ..

بالنسبة لــي .. بالعكس اجوف موضوع الغـربة يحفزني على الدرااسة لاني ما تغربت وخليت أهلي الا عشان احقق شـي .. احتمال في البداية بتتعبين شوي واحتمال يأثر على تحصيلج بس هذا شي طبيعي لان بتكونين ما تعودتي على الغربة وطبيعة المواد وطريقة الامتحانات والدراسة تختلف عن المدرسة.. عشان جذي حتى لو كان تحصيلج نازل شوي في البداية هذا شي طبيعي بس من الكورسات اللي عقب خاصة لما تدخلين بمواد التخصص انتي بتعرفين شلون طبيعة الدراسة وبتقدرين تنظمين وقتج وتعرفين شلون تدرسين ...
وحتى لو اتعب اضغط على روحي و اقول اني ما سافرت الا عشان الدراسة وبتقدرين تواصليــن ان شااء الله .. الشي بس يبيله شوية صبـر وتحمـل :ongue: وبعدين بتحسين ان كل شي عاادي ..

[سمـاء الـروح]

^^
اني بعد افكر جذي ..
اني مااعرف اطبخ شي كلش .. ان شاء الله ارجع طباخة :laugh:

اهم شي ان نتعود بسرعة على الوضع ومانخلي الغربة تأثر على تحصيلنا :ongue:

[نسيم الفل]

ان شاء الله نرجع طباخين ...
أختي سماء الروح ثبتين البعثة ...
لان اني سمعت يقولون ناس واجد رفضوا البعثة فخفت اصير بروحي:sweatdrop:

[ام حيدر الكرار]

الى كل الا ثبتوا على البعثة
لا تخافون يعني مو معقولة اظلون بروحكم مناك
اكيد بتشوفون ناس حتى لو مو بحرينين

اني عن نفسي ثبتت و انتظر الرد


احين دار راسي و اني اقرأ
لي شغل في البحرين لو لااااااااااااااا؟؟؟؟؟
اني الا سمعتا ان الشغل ليه بره البحرين اكثر

[الفارس]

المشكلة مو في التخصص يا سيد :laugh:
المشكلة إنت تحب التخصص؟

[سمـاء الـروح]

ويش اللي يخليك ما تحبه يالفارس ؟؟

[أخصائية نطق]

اختـي نسيـم الفـل .. ابداً لا تخافين لأن لما تروحين اهناك وتجوفين الطلبة البحرينيـن ما بتحسين ابداً انش في الغربة .. يمكن في عمان مافي طلبة بحرينيين بقدر العدد الكبير اللي في اربد بس بعـد بتجوفين بحرينيين ..
واهناك خلال الكورس ان شاء الله بتصير فعاليات تجمع الطلبة البحرينيين ..:ongue:
الله يوفقـنا وياكم وان شاااء الله يكوون كورس جميل وحلوو :ongue:

[ام حيدر الكرار]

انزين ممكن اخواني
تسألون عن الشغل
لأن ابا اتأكد

و الا عندا احد يعرفه يسأله ؟؟؟
لأن ما اعندي ؟؟

[سمـاء الـروح]

يعطيك ألف عاافية
:ongue:

[قلب قرمزي]

بغيت استفسر عن التسجيل في جامعة العلوم و التكنولوجيا الاردنية

لانه افكر اروح ادرس هالتخصص على حسابي

كل المعلومات اللي عندكم و الإجراءات اللي لازم اسويها و التكاليف

يعني من البداية للنهاية :laugh:

ارجو ان احصل ردا مقنعا و شكرا ...

[أنين الأمة]

أخوي سوبر هيومن جزاك الله خير ..

أنا وايد مترددة .. آخذ طب ولا هاي التخصص ؟! :1211:
الكل ينصحني في ذي ..
يقولون وايد حلو وزين ..
أحسن من الطب والكرف والدراسة التي لا تنتهي !

بس مادري .. بعد مترددة .. أخاف إذا ما خذت طب أتحسف !!
اليوم كلمت دكتورة في المركز الصحي ..
تقول الطب حلو وهاي التخصص بعد حلو
بس تقول الحين صار مافي تقدير حق الدكتور نفس قبل !
يعني دارسة 12 سنة وآخرتها قاعده في مركز صحي :sweatdrop:
وذي دراسة 4 سنوات بس وشغله مريح بعدين ..

فمحتااارة ..:1213:
الله ييسر للجميع ..

اذا الله كتب وصار ان بنروح الاردن .. لازم نتعرف على بعض احنا البنات :ongue:
مخوفتني سالفة ان ما اعرف احد هناك ... هع :laugh:

مين البنات الحين اللي اكيد بياخذون البعثة ؟

أختي قلب قرمزي .. كنت أتمنى أني أقدر أفيدج بس للأسف ماعرف شي cry982

[الفارس]

يعني خلاص سيدنا
سمع و نطق :(
نسيت أيام البروبرتي و الانترسكشن ؟ جوكر10

[سمـاء الـروح]

مين البنات الحين اللي اكيد بياخذون البعثة ؟

ان شاء الله :laugh:

[نسيم الفل]

ان شاء الله :laugh:

اني بعد ان شاء الله ماباقي علينا الا نودي اوراق الفحص والبصمات

[نسيم الفل]

بغيت استفسر عن التسجيل في جامعة العلوم و التكنولوجيا الاردنية

لانه افكر اروح ادرس هالتخصص على حسابي

كل المعلومات اللي عندكم و الإجراءات اللي لازم اسويها و التكاليف

يعني من البداية للنهاية :laugh:

ارجو ان احصل ردا مقنعا و شكرا ...


أختي قلب قرمزي شوفي الشواغر يمكن تحصلين

[نسيم الفل]

شعب المنتدى ...
سؤال عاجل
يقولون ان تخصص علوم السمع والنطق بعدين تدخلين في مجال التربية ...مو تصيرين أخصائية ؟
أفيدونا.. رحم الله والديكم
واللي سألوا أطباء عن هالتخصص الا يصيرون أخصائيين دارسين هالدرراسة؟؟

[the great angel]

شعب المنتدى ...
سؤال عاجل
يقولون ان تخصص علوم السمع والنطق بعدين تدخلين في مجال التربية ...مو تصيرين أخصائية ؟
أفيدونا.. رحم الله والديكم
واللي سألوا أطباء عن هالتخصص الا يصيرون أخصائيين دارسين هالدرراسة؟؟



اختي نسيم الفل


مكتوب صوب التخصص يوم ينزلون البعثات انه للعمل بالتعليم


الحين اذا بتوقعون اتفاقية البعثة بتوقعون بعد عقد ويه وزارة التربية عشان عقب ما تتخرجون تشتغلون عندهم مدرسات


هذا التخصص يصيرون اخصائيين بس من شروط البعثة انه يكون مجال العمل في التعليم يعني مو ليش حرية الاختيار


وحسب اللي سمعته انش اذا ما تبين تشتغلين في التربية لازم ترجعين ليهم كل المصاريف او ان في سنوات معينة لازم تشتغلينها عندهم بعدين تقدرين انش تقدمين استقالتش


اتمنى اني فدتش



تحياتي

[نور زينب]

مين البنات الحين اللي اكيد بياخذون البعثة ؟

اختي ام حيدر الكرار

شعب المنتدى ...
سؤال عاجل
يقولون ان تخصص علوم السمع والنطق بعدين تدخلين في مجال التربية ...مو تصيرين أخصائية ؟
أفيدونا.. رحم الله والديكم
واللي سألوا أطباء عن هالتخصص الا يصيرون أخصائيين دارسين هالدرراسة؟؟

اختي سألتهم مناك قالو ليهاما في شروط للعمل في التربية
لأن سمعت من قبل انا لازم تشتغل 5 سنوات
بس يوم سألتهم قالوا ليها مو لازم

[سمـاء الـروح]

^^
حسب اللي فهمته منها
ان قالوا الى اختها ان مو لازم تشتغل في التربية..

اساسا ما ينأخذ منهم لا حق ولا باطل دلين :sweatdrop:

<< اليوم لما رحت مااخذو الفحص ويه الشهادة اللي من الداخلية !!

[سمـاء الـروح]

^^^
صدقني مايدرون بالدنيا
ههههه

قالت ليي اوديهم عقب ما يتصلون ليي واخذت رقمي ..

[نسيم الفل]

صدق مكتوب صوب البعثة للعمل بالتعليم:smailes105:
ماكنت منتبهة ...

الحين ويش يصير يعني غير التعليم ؟؟؟
رجاءا اللي يروح يسألهم ...
ويفيدنا..

والحين انتون عقب مادريتون بثبتونها ...
او بتغيرون رأيكم؟؟؟

[سمـاء الـروح]

^^
اني انتبهت ليها ان للتعليم
وويش صار يعني وصرت معلمة
حليو ::in_love::

لما سألناهم اول ما نزلت البعثات قالوا ما يدرون :ph34r:

[نسيم الفل]

بس يعني اذا كان في التربية
فاحتمال المعاش مايكون قوي؟؟
ان شاء الله خير

وأخاف بعدين يخلونا ندرس سنة زيادة في كلية المعلمين حق تربية

[Guns & Roses]

:smailes105::smailes105:
بل حرام اللي يسوونه
الله يعينكم
اشوة اني كنسلته ( الحمدلله )>> جان اتوهق ويا الوزارة هاي الـ ....... :mad2: اللهم اني صائم :zz:
ما اقول الا الله يعينكم و يسهل اموركم أن شاء الله

[أنين الأمة]

لا مين قال ان شرط نشتغل في التربية !! :smailes105:
ومين قال ان كان مكتوب يم البعثه "للعمل في التعليم" !!!

انا بروحي سألت مسئول البعثات قال لي ممكن نشتغل في مستشفى او في وزراة التربية ..
وحتى ممكن نفتح عيادة خاصة لهالحالات ~

وما اظن ان بعثات الوزاره توقعنا على اتفاقيات عشان نشتغل عندهم عدد معين من السنوات عقب ما نتخرج !
لان وايد ناس اللي درسوا في تخصصات ثانية تخرجوا والحين في منهم اللي مو لاقيين شغل
يعني مو شرط !! :11mmer3:

انا اليوم سألت دكتورة قالت لي ان نشتغل في المستشفى كـ مساعد للدكتور لتشخيص حالات صعوبة النطق والسمع >> هاي اللي فهمته منها bounce233

وخذت رقم وحده تشتغل في السلمانية في هاي المجال .. بس الحين مسافرة
لما ترجع ان شاء الله بسألها وبرد عليكم اذا في اي معلومات مهمه

بالنسبة للاوراق ( شهادة حسن السيرة من الداخلية + نتيجة الفحص الطبي + شهادة وافادة التخرج المصدق عليها) >> صح كاملين ذلين ؟! :laugh:

هاي متى نوديهم الوزارة ؟؟!!
اهمه يتصلون فينا ولا متى ما جهزوا نوديهم ؟؟؟؟ :1211:

ومتى نسافر ؟؟؟ اليوم اتصلت في الوزاره قالوا لي بعد العيد .. بس متى بالضبط مااادري !؟

[نسيم الفل]

شكرا أنين الامة

بس حبيت أسألش الدكتورة اللي سألتينها او بتسألينها دارسة نفس تخصصنا ....

والبصمات والفحص اي وقت يجهزون نوديهم ..؟؟؟.

[سمـاء الـروح]

اني برزوا وحملتهم ويايي لما رحت
بس مااخذتهم
قالت ليي : بنتصل ليكم

[أنين الأمة]

اي اختي نسيم الفل ..
انا اللي يصيرون لها قالولي انها دارسه نفسنا ..
بس خليها ترجع من السفر ان شاء الله واتصل فيها واسألها كل شي

اختي سماء الروح ..

يعني ما نودي الاوراق اذا جهزوا ؟؟؟
ننتظر اتصالهم يعني ؟!


اخوي سوبر هيومن .. مشكور ع الافاده .. ما قصرت :)

[سمـاء الـروح]

وديتين الشهايد انتين ؟؟

>> سوبر هيومن وداهم واخذوهم من عنده .. اني مااخذوهم ..فــ ماادري :ph34r:

[نسيم الفل]

اتصلوا الوزارة وقولوا اليهم تبون الفحص حق ماتعبون روحكم ومايبونهم....

[نسيم الفل]

اني رحت اليوم وقالوا اليي اذا اتصلوا اليي اجيب الفحص والبصمات وأوراق ثانية كتبوها اليي في ورقة

[سمـاء الـروح]

وأوراق ثانية كتبوها اليي في ورقة
يـــاعينيــ ..
وش هالاوراق بعد ما قالوا ليي :sweatdrop:

[نسيم الفل]

اذا اتصلوا حق توقيع العقد اكيد بيخبرونكم

[cheerful witch]

اني ما حصلت بعثة يعني بدرس هالتخصص على حسابي
فإذا احد يعرف متى بكون التسجيل وكم الرسوم في السنة بكون شاكرة

على فكرة لما سألت اللي في الوزارة عن الشواغر قالو مافي شواغر السنة

[SLP]

السلام عليكم ..
اول شئ اشكر صديقتي اخصائية نطق على نشرها لتجربتها في التخصص والدراسة في الاردن ...
مسألة التردد في قبول التخصص كلنا مرينا فيهاا.. وعلى فكرة أغلبنا أو كلنا دفعة 2008 كنا مترددين بين دراسة الطب ودراسة علوم السمع والنطق ..
بالرغم من كونه تخصص شبه مبهم للأغلبيه .. إلا انه تخصص رائع بكل معنى الكلمة .. الأغلبيه يعتقدون انه يتعلق بالصم والبكم .. لكن اللي ماتعرفونه .. ان التخصص قسمين .. قسم تأهيل "وهذا الموجود في البعثات" (طبي ونفسي..).. وقسم تربية (يتعلق بنفسية المريض فقط)

اسم التخصص speech language pathology or hearing nd speech therapy
,واختصاره SLP

وللي كان يسأل عن المخصصات مثل ماقالت اختي اخصائية نطق .. 500 دينار تنزل لكم شهريا .. حتى لو كان سعر السكن غالي شوي .. 200 او 250 دينار ... ال250 دينار الباقية ممكن تكفيكم وتزيد اذا تحكمتون بميزانيتكم .. "عرفتون وين تحطون الفلس":sweatdrop:

وبالنسبة لموعد السفر .. اممم غالبا يكون السفر قبل ب3 ايام من بداية الدوام .. اتوقع السنة راح تسافرون على 16-9 يوم الخميس ..
عشان تكملون اجراءات فتح الحساب ..وتسجيلكم في الجامعه (سحب وإضافة)

اختي نسيم الفل: خريج سمع ونطق على عكس خريجي كلية التأهيل يكون اخصائي .. اما باقي التخصصات من ( علاج طبيعي ووظيفي واطراف صناعية ==> يتخرجون فنيين )
عزيزتي أنين الأمة .. لا تخافين من انش ماتعرفين احد .. اني وحدة رحت الاردن ماعرف ولا وحدة .. وأغلبهم كانوا ربع ومع بعض في مدرسة .. بس الحمد لله بسرعة قدرت ادش جو معاهم .. والحين محد قادر يخليني افج عنهم ::in_love::

ومابي اخوفش من الشغل .. بس مافي شيئ سهل .. بتتعبين حالش حال الدكتور .. ويمكن اكثر.. اقرب مثال يخطر في بالي الحين .. ممكن انش تاخذين 3 شهور على ماتعلمين الطفل حرف الراء مثلا !:11mmer3: يعني الشغل يبيله اعصاب وطولة بال ..

وبالنسبة للي كانوا يتكلمون عن الدراسة في عمان او اربد (عذرا مااذكر الاسامي ) يتهيأ لي الدراسة في عمان اسهل وانسب للبنات ويمكن حتى للشباب .. لان كل شيئ متوفر من اماكن سياحية ومجمعات .. والاهم من هذا ان الملحقية الثقافية والسفارة البحرينية موقعها في عمان .. يعني لا سمح الله صادكم ظرف او مشكلة يقدرون يتصرفون معاكم بكل سهولة ..

ان شاء الله ما طولت عليكم :sweatdrop:.. واتمنى اني افدتكم ولو الشيئ القليل .. واي استفسار ترى حاضرين ..

[رحيق الجنة]

سلام عليكم
شكرا جزيلا خيو على المعلومات القيمة
اني محصلة بعثة "علوم سمع ونطق" في البداية كنت وااجد مترددة أو بالأحرى رافضة
بس عقب ما قريت عنها اطمنت وحبيتها
وكلامش بعد واجد طمني شكرا جزيلا

[نقاء الروح vip]

شكله حلو التخصص :smailes60: ..

[سمـاء الـروح]

يعطيش ألف عافية SLP
هذي الردود اللي تشجع :ongue:

انزين متى تطلع نتايج القبول يعني ؟؟
احتمال مثلا ان ما ننقبل >> حسب اللي مكتوب في الدليل ؟!

[الجُـوري]

يعطيش ألف عافية SLP
هذي الردود اللي تشجع :ongue:
انزين متى تطلع نتايج القبول يعني ؟؟
احتمال مثلا ان ما ننقبل >> حسب اللي مكتوب في الدليل ؟!

السلآم عليكم .. :laugh:

لا تحآتين آختي .. و ما عليش من هالكلام المكتوب بالآوراق اللي عطوكم اياهم ..
تطمــني .. انتين مقبووولة آكيد !

~

آختي اخصائية نطق و SLP مآ آظن قصروا وياكم ..
آي سؤال عندكم .. آني حآضرة :)

~

بالنسبة لملاحظة البعثة .. ان تشتغلون عقب في التعليم او التربية !
ما عليكم من هالملاحظة .. بتقدرون تشتغلون بأي مكان تبونه .. سواء بالصحة أو التربية .. انتون مو ملزومين بمكان معين ولا مجبورين تشتغلون فيه ..
لآن لما تروحون توقعون العقد .. بتشوفون ان من ضمن الموجود ..
بند مكتوب فيه ( الوزارة ليست مُـلزمة بتوفيـر الوظيفة بعد آنتهاء فترة العقد آي بعد ما تخلصون درآسة ) ..
فـ لكم حرية العمل في اي مكآن .. !

[سمـاء الـروح]

^^
شــــكرن ::in_love::

زادوا اللي ويانا bounce233

[SLP]

يعطيش ألف عافية SLP
هذي الردود اللي تشجع :ongue:

انزين متى تطلع نتايج القبول يعني ؟؟
احتمال مثلا ان ما ننقبل >> حسب اللي مكتوب في الدليل ؟!

مثل ما قالت ليش الجوري ...قبوول طلبة البعثات مضمون 100% يعني حطي ايدش في ماي باارد bounce233
واوردي معدلات القبول في كليات الطب والتأهيل بالاردنية يبدا من ال80 او 78 % يعني تطمني ..

وبالنسبة للنتايج .. لا تتوقعون انهم يردون عليكم قبل اسبوعين من السفر.:11mmer3:. يعني بدوا تجهزون في أغراضكم من الحين .. ولا تستصغرون اي شي من اكل او مواعين او لبس .. عشان محد يتوهق مثلي :sweatdrop:

سلام ..

[سمـاء الـروح]

حتى موااعين ؟!!
بجم شنطة رحتون ؟صيث

[نسيم الفل]

الحمد لله زادوا اللي يساعدونا في الرد على أسئلتنا
شكرا لكم:ongue:

[moon14]

شكراً لاخوات الأعزاء ...

يتضح لي من هذا الموضوع إن الفتيات لهن النصيب الأسد في هذا التخصص !!!

لطالما وددتُ أن أسمع من أحدهم " أنا أدرس هذا التخصص " cry982

من خلال سنوات الدراسة السابقة هل يوجد لشباب توجه لدراسة هذا التخصص ؟



بالإضافة إلى ذلك أرجو منكن التكرم بإطلاعنا على جدولكن اليومي و الأسبوعي و كيفية قضائكن للوقت ؟؟



مُـــــــــتابع بصمت

[SLP]

مساكم ورد ..
إختي سماء الروح: قلت لكم قبل لا تستصغرون اي شيئ ..يعني اول الايام حملوا لكم قفشات ..صفرية ..صحن .. يعني تمشون بها الحال .. لان حزتها بتكونون على الأغلب ماتعرفون احد ولا محلات تشترون منهاا .. :sweatdrop:

امم وبالنسبة للشنط .. اني الوحيدة اللي رحت بشنطة وحدة وتوهقت :11mmer3:كنت اقول كل شيئ موجود هناك وبشتريه .. ولين رحت هناك ونصميت .. ماعرف اطلع بروحي ...
"
اخي moon 14 :
اعتقد انتوا بتكونون اول دفعه شباب بحريني من أصل أربع يدرسون سمع ونطق .. بس طبعا في شباب سعودي وعربي يدرسون هالتخصص..
احنا كنا أول فوج بحريني"الجيش الأسودصيث" يدخل كلية علوم التأهيل سنة 2008

ولي عودة ان شاء الله لعرض جدولناا وكيفية قضاءنا للوقت ..
بس اتمنى من الجميع يوضح لي اذا بتكونون في الجامعه الأردنية او العلوم والتكنولوجيا في اربد .. عشان نقدر نوضح الأمور ..

لان حسب ماقرأت في الصفحات الأولى ان لكم حرية الإختيار ..!!؟؟
مع العلم بان دفعة 2009 كان من المقرر انهم يكونون في التكنو .. بس اخر الوقت جابوهم الأردنية ..

[سمـاء الـروح]

مُـــــــــتابع بصمت

مشاركاتـكــ القبلية وينها ؟؟!!

لان حسب ماقرأت في الصفحات الأولى ان لكم حرية الإختيار ..!!؟؟
مع العلم بان دفعة 2009 كان من المقرر انهم يكونون في التكنو .. بس اخر الوقت جابوهم الأردنية ..
في البعثة كاتبين التكنو .. ومااعتقد ان لينا حرية الاختيار .. وما يندرى يمكن يسوون لينا مثل اللعام ..

[أخصائية نطق]

مرحبــــا ،، :ongue:

اختي سماء الروح .. مثل ما قالت صديقتي SLP .. صح كل شي موجود اهناك .. بس انتوا ما تدرون شنو ظروفكم اول الايام وبتكونون ما تعرفون احد ولا تدلون المحلات يعني صعبة شووي تطلعون تتسوقون بروحكم .. من جذي يفضل لو تحملون معاكم المواعين الاساسية وبعدين لين اخذتون على الوضع واستقريتون اطلعوا وجوفوا اللي ناقصكم smile1:

أما شلوون نقضي وقتنا .. بالنسبة لـي .. ماحب اطلع في وسط الاسبوع .. يعـني يومي يكون بين الجامعة وانام لي الظهر شوي وبعدين الوقت يكون للدراسة والقعـدة مع البـنات :ongue:
بس يعني هذا ما يمنع ان نطلع في وسط الاسبوع اذا احتجنا شي او كنا متمللين ههههه ... وآخر الاسبوع نطلع احيانا ناخذ اغراض .. نتسوق .. نغير جو .. والويكند نرتااح وندرس فيــها :ongue:هذا جدولي بشكل مختصـر .. وخلال الكورس إن شاء الله تكون في فعـاليات .. مسابقات .. رحلات بين الطلبة البحرينيين يعني تغيير جو ..

بالنسبة لتخصصنا التخصص دقيـق خاصة لين بديتوا تدشون اكثر في التخصص .. فأنصحكم بالدراسة اول بأول حتى اول كورس عشان ما يتراكم عليكم وقت الامتحان وتتعبـون لان صعـب تجمعون وتفرقون بين كل المعلومات ليلة الامتحان wink1:

وبالتوفيــق جميـــعاً

[moon14]

مشاركاتـكــ القبلية وينها ؟؟!!


حذفتهم :sweatdrop:

[SLP]

اتمنى فعلاا انكم تكونون معانا في عمَان ..::in_love::
نسوي احتلال بحريني في الكلية P:

اما بالنسبة الى شلون اقضي وقتي هناك ..
25 ساعة باليوم اتهاوش مع اخصائية نطق shutup1:بالاحرى استقوي عليهاا p:

مثل ماقالت اختي اخصائية نطق .. تخصصنا دقيق جدا .. وخصوصا بالنسبة لمواد السمع :11mmer3: لو تدرسها 5 مرات ماتدش المخ !!!
فتتطلب منكم متابعة أول بأول ..
واممم واحنا مو من النوع اللي يطلع على طول .. اخر الإسبوع نطلع جميع نتغدى ونتشرى اللي نحتاجة ونرجع ..
بالاضافة للفعاليات والمسابقات اللي تقوم فيها اللجان (الثقافية,الاجتماعية,الرياضية) او المناسبات الدينية اللي يقومون فيها الطلبة (من احياء ليلة الجمعة ,محرم ,المواليد) يعني ان شاء الله ماراح يتغير عليكم شيئ هناك ..

سلام

[نسيم الفل]

أتمنى أن نكون في عمان أيضا ...

[moon14]

أنا ما أتمنى هالشئ يصير >>> أربد أفضل :ongue:

بعد كم أستفسار ::
- العطل الرسمية في الأردن ؟
- هل يوجد تعويض للعطل الرسمية كما هو في البحرين ؟
-مدة عطل الأعياد ( الفطر و الأضحى) ؟
- هل يوجد خط Internet في سكنات الطلاب ؟
- هل توجد مكيفات في سكنات الطلاب مع العلم أني سمعت إنه لا توجد مكيفات و الجو حار في الصيف ؟
- هل تحتوي جميع سكنات الطلاب على ثلاجة و فرن ؟
- أجرة " التاكسي " و مدى الحاجة إليها ؟



و لكم جزيـــــــل الشكر (:

[سمـاء الـروح]

- هل تحتوي جميع سكنات الطلاب على ثلاجة و فرن ؟

+ غسالة وتلفزيون ؟؟

[أخصائية نطق]

مرحبـــا :ongue:

العطل الرسمية في الأردن ؟
العطل الرسمية في الأردن تقريباً نفس العطل في البحـرين وحطيت لكم آخر شي التقويم مال جامعتنـا وتقدرون تجوفون فيه كل العطل
- هل يوجد تعويض للعطل الرسمية كما هو في البحرين ؟
للأسف لا .. والقهـر أن أغلب العطل الرسمية احياناً ما تصير الا يوم جمعة أو سبت :mad2:
-مدة عطل الأعياد ( الفطر و الأضحى) ؟
مـوجود في التقويـمـ :1211:
- هل يوجد خط Internet في سكنات الطلاب ؟
احنا في السكن موجود .. واتوقع مـوجود في كـل السكـنات
- هل توجد مكيفات في سكنات الطلاب مع العلم أني سمعت إنه لا توجد مكيفات و الجو حار في الصيف ؟
قليل اذا وجدت مكيفات في السكنات .. أغلب السكنات ما فيها مكيفات .. السنة ما خذيت صيفي بس سمعت ان الجو كان واجد حار هالسنة .. بس شنسوي نعيش على البانكات :nea:
- هل تحتوي جميع سكنات الطلاب على ثلاجة و فرن ؟
الثلاجة والتلفزيوون موجودين .. الفرن بعد موجود لكن مو فرن كامل ههههه يعني بس الجزء اللي فوق نسيت شيسمونه :doh: قصدي ما في حق كيك وهالسوالف .. الغسالة مو شرط تكون موجودة .. احنا عندنا في السكن في غسالة وحدة للسكن .. ونقدر اذا نبي نغسل فيها او الشغالة تغسل لنا فيها .. لكن تقدروون اذا انتوا مجموعة طلبة ويا بعض تشترون لكم غسالة تشتركون فيها وتكون خاصة لكم :ongue:
- أجرة " التاكسي " و مدى الحاجة إليها ؟
أجرة التاكسي تعتمد على العداد يعني العداد يشتغل من اول ما تركبون لين توصلون وتدفعون المبلغ اللي وصل له العداد .. بس حاسبوا لا يقصون عليكم خاصة لين جافوكم من الخليج .. وحاولوا ما تركبون تكسي مافيه عداد لان أغلبهم يقصون وياخذون زيادة :mad2:
بالنسبة لمدى الحاجة لها اكيد بتحتاجونه واجد .. يفضل ان تاخذون لكم سكن قريب للجامعة عشان توفرون فلوس التكاسي وبتحتاجونه عشان تقضون مشاويركم :1211:

وهذا رابط التقويم مال جامعتنا موجود فيه كل العطـل الرسمية ..

http://www.ju.edu.jo/units/registration/Lists/Calendar/calendar.aspx


إن شاء الله قدرت اجاوب على استفساراتكم .. وأي استفسار ثاني احنا حاضرين :ongue:

[سمـاء الـروح]

مثلا مافي غسالة ؟ بأيادينا ؟صيث
والاعياد ما يمدي نجي البحرين :mad2:

مشكوورة ::in_love::

[نَجمة,]

ماشاءالله حماس

:ongue:

بالتوفيق لكم ان شاءالله

^^

[نسيم الفل]

شكرا أختي أخصائية النطق على الرد على أسئلتنا ..أفدتينا كثيرا

[نسيم الفل]

تدرون متى راح نوقع العقد ؟؟
لان جامعة البحرين وقعوا العقد ...أخاف اكون ما ادري:sweatdrop:

[Alhayki]

السلام عليييكم
شخباركم شباب الاردن
ادري ان انا داش عرض عليكم بس شسوي
انزين بسألكم اتصلوا لكم الوزارة حق تقديم باقي الاوراق ؟؟
و اتمنى من الشباب اللي ان شاء الله بروحون يراسلوني ع الخاص عشان نتعرف على بعض ::in_love::

[نسيم الفل]

متى توقيع العقد ؟؟؟

[سمـاء الـروح]

للحين مااتصلو
فـــ احنا نحارس هالاتصال اللي يخبرنا متى السفر ومتى توقيع العقد ..

[moon14]

مساء الخير (:
نعود مجدداً بأستفسارات جديدة ...
- هل من الممكن أن نخضع للإختبار القدرات أو مقابلة شخصية ؟؟؟!
- هل يوجد مجال لدراسة الدكتوراة في جامعتكم ( في نفس التخصص) ؟
- هل سنبقى أخصائيين :11mmer3: ؟ أو بمعنى آخر هل يوجد مجال لإخصائي السمع و النطق بالدراسة أن يغيير من مسماه الوظيفي إلى ما هو أعلى من ذلك ؟
أتمنى أن تبقوا معنا على تواصل حتى لو سافرنا إلى الأردن ...
جـُزيتم خيراً

[moon14]

السلام عليييكم
شخباركم شباب الاردن
ادري ان انا داش عرض عليكم بس شسوي
انزين بسألكم اتصلوا لكم الوزارة حق تقديم باقي الاوراق ؟؟


و عليكم السلام و رحمة الله و بركاته ...
آهلا و سهلا بك ...
لحد الآن لم نتلقى الإتصال و لا نعلم متى سيكون ؟؟


متى توقيع العقد ؟؟؟

إنتظري إتصال وزارة التربية (:

[ام حيدر الكرار]

سؤال بالنسبة للمكيفات معقولة ما في مكيفات في الجامعة
في اربد ؟؟؟

[SLP]

مساء الخير (:
نعود مجدداً بأستفسارات جديدة ...
- هل من الممكن أن نخضع للإختبار القدرات أو مقابلة شخصية ؟؟؟!
مقابلة شخصية لا.. بس اختبار قدرات في .. 2 حاسوب , 2 عربي , 3 انجليزي .. واللي تنجح فيهم تجتازهم .. يعني ماتاخذهم ولا تدرسهم ..
- هل يوجد مجال لدراسة الدكتوراة في جامعتكم ( في نفس التخصص) ؟
في الجامعة الأردنية .. في مجال للماستر .. ولقسم السبيج ( النطق) فقط ...بس في جامعات في الخارج مثل امريكا وغيرها تدرس الدكتوراه..
- هل سنبقى أخصائيين :11mmer3: ؟ أو بمعنى آخر هل يوجد مجال لإخصائي السمع و النطق بالدراسة أن يغيير من مسماه الوظيفي إلى ما هو أعلى من ذلك ؟
طبعا .. في اكثر من مسمى لدكتوراه السمع والنطق ..
أتمنى أن تبقوا معنا على تواصل حتى لو سافرنا إلى الأردن ...
شيئ أكيد .. وان شاء الله اذا صرتوا بالجامعه الأردنية- عمان .. بيكون لنا لقاء تعارفي مع الملحق الثقافي . واي سؤال يخص الحياة أو الدراسة او الجامعه او الجدول احنا حاضرين وبالخدمه ..وان شاء الله مانقصر معاكم بشيئ
جـُزيتم خيراً

اختي ام حيدر وكرار ماعندي اي معلومة عن الوضع في اربد .. بس الاردن بشكل عام تكتفي بالـ"البانكات او المراوح"

[moon14]

^^^

عذراً أختي العزيزة و لكن بعض إجابتك لم تتضح لي ::

مقابلة شخصية لا.. بس اختبار قدرات في .. 2 حاسوب , 2 عربي , 3 انجليزي .. واللي تنجح فيهم تجتازهم .. يعني ماتاخذهم ولا تدرسهم ..


الذي فهمته من كلامكِ إن إختبار القدرات لا يأثر في القبول و إنما يأثر في عدد المواد التي سوف أدرسها .. هل هذا صحيح ؟

طبعا .. في اكثر من مسمى لدكتوراه السمع والنطق ..

لا أعلم إن كان سؤالي واضحاً أم لا !!
سأعيد سؤالي مجدداً ::
هل من الممكن لإخصائي السمع أو النطق بمواصلة الدراسة أن يكون طبيباً ؟؟
و أعتذر إن أطلت عليكم في الأسئلة

[SLP]

السلاام عليكم .......
^^^

عذراً أختي العزيزة و لكن بعض إجابتك لم تتضح لي ::



الذي فهمته من كلامكِ إن إختبار القدرات لا يأثر في القبول و إنما يأثر في عدد المواد التي سوف أدرسها .. هل هذا صحيح ؟

ايي نعم

لا أعلم إن كان سؤالي واضحاً أم لا !!
سأعيد سؤالي مجدداً ::
هل من الممكن لإخصائي السمع أو النطق بمواصلة الدراسة أن يكون طبيباً ؟؟
إذا كان قصدك طبيب عام .. فجوابي يكون لا .. لأن طبيعة المواد اللي ندرسها تكون خاصة بالسمع والنطق فقط .. فيما عدا مواد الفيسيولوجي والأناتومي اللي بتكون عامة وتشمل جميع التخصصات الطبية
(وترى هذا اللي يريحنا في الدراسة انها تكون متخصصة على طول...على عكس باقي تخصصات كلية عليوم التأهيل .. اللي تكون دراستهم متشعبة واجد .. ويدرسون مواد كثيرة من الطب)
و أعتذر إن أطلت عليكم في الأسئلة

[moon14]

^^
و عليكم السلامــ

أكيد ما يصير أن أخصائي النطق أو السمع يصير طبيب عام أنا أقصد يصير دكتور في مجال تخصصه .. (:

[رحيق الجنة]

سلام عليكم....
شكرا أختي SLP و أختي اخصائية نطق على التواصل معنا
بس حبيت اسأل : إجازة الربيع تردون البحرين؟؟ إذا كم يوم؟؟؟
وشكرا مرة ثانية :sweatdrop:

[أخصائية نطق]

مرحبـا ،،

بالنسبـة للمسمى الوظيفي .. ممكن انكـ تواصـل دراسة بعد الماجستير في دول بره مثـل امريكا نفس ما قالت اخت SLP واعتقد في اكثر من مسمى وظيفي تقدر تاخذهم بس صراحة ما عندي معلومات اكيـدة :1211:

أما بالنسة لعطلة الربيـع .. ايي اختي احنا نرجع البحريـن .. العطلة تكون تقريباً اسبوعين او اكثر بشوي يعني على حسب متى تخلصين امتحانات .. :doh: ادري شوي بس شنسـوي احسـن من ولا شـي

وإن شـاء الله بنكون على تواصل وياكم حتى لو رحتوا الاردن .. واي شي تحتاجونه خبرونا وان شاء الله نقدر نساعدكمـ :)

[نسيم الفل]

شكرا لكم على التواصل ::in_love::
استفدنا كثيرا

[moon14]

السلامــ عليكمــ

قلتوا قبل أنكم سنة ثالثة !!!

دفعة 2008 ::



(2008-2009) >> ( 2009 -2010 ) >> (2010-2011 )

يعني المفروض حسب اللي أنا فهمته أنكم بتروحون سنة ثالثة !!

على كلاً ::::

- حسب اللي أنا أعرفه إن كل من دفعة يخترون من الطلبة ممثلين لهم في الملحقية الثقافية... في أحد منكم أخذوه الملحقية ممثل للطلبة ؟؟

- بخصوص السكن ... الوزارة وصلكم للسكن أول ما رحتون ... فهل أنتم أستقريتون على السكن اللي عطوكم إياه أو غيرتوا ؟!

[أخصائية نطق]

السلامــ عليكمــ

قلتوا قبل أنكم سنة ثالثة !!!

دفعة 2008 ::



(2008-2009) >> ( 2009 -2010 ) >> (2010-2011 )

يعني المفروض حسب اللي أنا فهمته أنكم بتروحون سنة ثالثة !!

صح احنـا بنروح سنـة ثـالثـة ..

على كلاً ::::

- حسب اللي أنا أعرفه إن كل من دفعة يخترون من الطلبة ممثلين لهم في الملحقية الثقافية... في أحد منكم أخذوه الملحقية ممثل للطلبة ؟؟

ايي في عندنا من دفعتـنا ممثل للطلبة .. يعني يوصل منكم و لكم من الملحقية

- بخصوص السكن ... الوزارة وصلكم للسكن أول ما رحتون ... فهل أنتم أستقريتون على السكن اللي عطوكم إياه أو غيرتوا ؟!

لا . احنا غيرنا السكـن لأن حصلنا سكن ثاني بمواصفات وسعر ونظام أفضـل

[ام حيدر الكرار]

لا . احنا غيرنا السكـن لأن حصلنا سكن ثاني بمواصفات وسعر ونظام أفضـل


بس بغيت استفسر يعني السكن مال الجامعة ينعاب في شي يعني ناقصنه شي لازم نشتري من البحرين و شنو الالكترونيات الضرورية الا لازم تتوافر عندنا و نشتريها من البحرين

و بالنسبة للمحاضرات الا يدرس في اربد شلون الجدول
و شنو طبيعة المواد الا بندرسها ؟؟؟

[نسيم الفل]

عندي سؤال بالنسبة لفتح الحساب
أخوات اللي بيدرسون ويانا وأخصائية النطق وأصدقائها::in_love::

نفتح الينا حساب في البحرين او الاردن حق المخصص اللي بتنزله الوزارة الينا ؟؟

[أنين الأمة]

السلام عليكم ..

طلبة السمع والنطق .. ترا تدرون ان نقلوكم للـ الاردنية ؟
مو جامعة العلوم والتكنو يعني ..

ثانيا .. انا كلمت اخصائية نطق وسمع في السلمانية تشتغل
وعطتني معلومات عن التخصص
وقالت التخصص حلو
اهم شي الواحد تكون عنده رغبه فيه
ويحس نفسه قادر على البذل والعطاء والابتكار فيه
وبيستمتع ان شاء الله
لانه تخصص فيه حيوية
ومو جامد على شي واحد
والعلاج فيه يكون للطفل من اول ما ينولد الى العيايز
لان الطفل حديث الولادة ممكن تكون عنده مشاكل في البلع مثلا
فيعلمون امه شلون ترضعه .. وجذي ..
والطفل في مرحلة الكلام ممكن تصادفه مشاكل مثل الخجل - تأخر النطق - التأتأة .. الخ
بعدين فترة المراهقة نفس الشي .. ممكن تواجه الواحد مشاكل مع تغيرات النمو .. ممكن نجوف ثقته تقل .. يبتدي يتأتئ .. ما يتحجى عدل .. الخ
بعدين الراشدين .. وايد معلمات يروحون للاخصائيين >> عشان بحة الصوت مساكين :laugh:
بعدين كبار السن اللي تصير عندهم جلطة مثلا .. تأثر على الاعصاب وبالتالي النطق عندهم .. مثلا لسانهم يثقل .. الخ

يعني باختصار .. العلاج يصير لكل فئات المجتمع طولاً عرضاً بحراً جواً :sweatdrop:

هاي اذا كان الشغل في المستشفى .. وطبعا يختلف شوي اذا كان في المدرسه
لان الفئة اللي بتتعاملون وياهم تكون طلبه في سن محدد
وعلاجهم يكون اسهل
لان بيكون في متابعه بشكل اكبر
غير عن المستشفى اللي ياخذون موعد و ايون تقيربا في الاسبوع مره
يعني نتيجة المستشفى ابطأ شوي

يعني الشغل حليو للي عنده رغبه فيه ويحبه .. بيقدر ينجز ويبدع ان شاء الله ^_^

هاي اللي عندي وان شاء الله اكون افدتكم .. ::in_love::

[SLP]

إختي أم حيدر وكرار للأسف ماعندنا أي معلومات عن سكنات الجامعه .. وخصوصا في إربد .. لأن أغلب الطلبة يسكنون في سكنات خارجية ..بالنسبة إلى طبيعة المواد اللي ندرسها سبق ووضحناها في الصفحات السابقة..

نسيم الفل:لا ما يحتاج أول يومين توصلون فيهم الجامعه بياخذكم الملحق الثقافي ويفتح لكم حسابات في "البنك العربي" ..

سلام

[سمـاء الـروح]

طلبة السمع والنطق .. ترا تدرون ان نقلوكم للـ الاردنية ؟
مو جامعة العلوم والتكنو يعني ..
خبر اكيد ؟؟

[نسيم الفل]

شكرا أختي أنين الامة على المعلومات:ongue:
بس عندي كم سؤال ...
من وين تدرين ان نقلونا الى الاردنية
من المسؤلين في ادارة البعثات ؟؟

واللي استفسرتين من عندها اختي دارسة نفس تخصصنا؟؟

[نسيم الفل]

أختي SLP
مايحتاج يعني نفتح حساب في البحرين ؟؟
وشكرا::in_love::

[أخصائية نطق]

أختـي نسيـم الفـل .. لا ما يحتاج تفتحين حسـاب لأن اول ما تروحون بيودونكمـ البنك العربي وبيفتحون لكم حسابات والمخصص بينزل فيـها :)

[moon14]

بس بغيت استفسر يعني السكن مال الجامعة ينعاب في شي يعني ناقصنه شي لازم نشتري من البحرين و شنو الالكترونيات الضرورية الا لازم تتوافر عندنا و نشتريها من البحرين
و بالنسبة للمحاضرات الا يدرس في اربد شلون الجدول
و شنو طبيعة المواد الا بندرسها ؟؟؟
بالنسبة للإلكترونيات أهم شئ اللابتوب بتحتاجينه واجد ...
و أحملي معاك غلاية و كواية (:

[moon14]

في أحد منكم يدري متى بيتصلون صراحة واجد تأخروا ؟؟؟

[نسيم الفل]

اي نبي نعرف عالاقل الوقت متى ؟؟
لان ناس يبون يسا فرون

[سمـاء الـروح]

مصخت السالفة..
قمت احس ان ما بيتصلون صيث
تمللنا واحنا نحارس :sweatdrop:

[أخصائية نطق]

اختــي سمـاء الروح عـآدي ترا .. يمكـن يتصـلون لكمـ قبـل ثلاث او اربع ايـام من تاريـخ السـفر ويقـولون لكمـ تعالوا استلموا التذاكـر ..
انتـوا خلـوا روحكم جـآهزين عشـان ما تتعطلون اذا اتصلـوا لكمـ وتستانـسون بالعيــد :ongue:

[ام حيدر الكرار]

اختــي سمـاء الروح عـآدي ترا .. يمكـن يتصـلون لكمـ قبـل ثلاث او اربع ايـام من تاريـخ السـفر ويقـولون لكمـ تعالوا استلموا التذاكـر ..
انتـوا خلـوا روحكم جـآهزين عشـان ما تتعطلون اذا اتصلـوا لكمـ وتستانـسون بالعيــ
ان شاء الله الا تقولينا صح لأن صراحة جاني اكتئاب
ما اقدر استانس بالعيد احس ما بروح جامعة cry982:1211:cry982

[رحيق الجنة]

ان شاء الله اليوم يتصلون
يا رب
cry982

[nashee6]

السلام عليكم
شكراً على المعلومات

بس شلون عن الصبيان ؟!:1211:
نفس الشي يخاذون ليهم سكن ... لو يخلونهم بروحهم ؟؟

وشكراً

[moon14]

^^^^

أخووي الصبيان نفس البنات بيوصلونك للسكن و الخيار لكم تبقون في نفس السكن أو تغيرونه

[دودوو]

ابسالكم ... في اي حدود يعطون بعثات لذي التخصص.... قصدي من ناحية المعدل ....افكر فيه و افكر في الطب الطبيعي من بعد الاحباط قالوا لي مستحيل احصل طب بشري

[رحيق الجنة]

اذا يعني اتصلوا قبل يومين او ثلاثة من السفر
فاحتمال يفوتنا امتحان تحديد المستوى
يعني عادي روحتا انقدمه ::in_love::

[moon14]

ابسالكم ... في اي حدود يعطون بعثات لذي التخصص.... قصدي من ناحية المعدل ....افكر فيه و افكر في الطب الطبيعي من بعد الاحباط قالوا لي مستحيل احصل طب بشري

بالنسبة للإناث أقل من 95% ما أعتقد تحصل لأن عدد المتفوقات كبير بالمقارنة بالمتفوقين .

أما بالنسبة للذكور فأعتقد 90% معدل كافي للحصول على البعثة في الوقت الراهن و يمكن في المستقبل يتغير الإقبال على التخصص و على فكرة الشباب في ذيل القائمة :sweatdrop: و البنات في القمة cry982 .

[نسيم الفل]

بس اللعام في وحده حصلت هالتخصص 92
يعني حسب الدفعة

[أنين الأمة]

شكرا أختي أنين الامة على المعلومات:ongue:
بس عندي كم سؤال ...
من وين تدرين ان نقلونا الى الاردنية
من المسؤلين في ادارة البعثات ؟؟

واللي استفسرتين من عندها اختي دارسة نفس تخصصنا؟؟

ابوي لما راح الوزارة آخر مرة عشان يكمل الاجراءات قالوله ان نقلونا الاردنية
يعني الكلام من عندهم مو من عندي !! والله اعلم
وحتى اخت صديقتي اللي تدرس هاي التخصص في الاردن لما راحت السفارة البحرينية هناك قبل فترة قالوا لها ان دفعه هالسنه احتمال عود ينقلونهم الاردنية لان اسهل على السفارة ان تتواصل وياهم كونهم في عمان .. مو اربد ..

واللي استفسرت من عندها اي .. دارسنه نفس تخصصنا بعد في الاردن
ومتخرجه من سنه 2002 ماجستير

[نسيم الفل]

أختي أنين الامة
خلاص الحين مابتدرسين ويانا ::in_love::
بتروحين الدمام ؟؟

[أنين الأمة]

أختي أنين الامة
خلاص الحين مابتدرسين ويانا ::in_love::
بتروحين الدمام ؟؟

أنا ما أبي أجزم بشيء .. لأن كل شيء بعلم الله
بس اغلب الظن إني ما بروح الأردن !
مع إني كنت متحمسة في البداية !
بس الحمد لله على كل حال .. كله نصيب من الله :)

[ام حيدر الكرار]

ابوي لما راح الوزارة آخر مرة عشان يكمل الاجراءات قالوله ان نقلونا الاردنية
يعني الكلام من عندهم مو من عندي !! والله اعلم
وحتى اخت صديقتي اللي تدرس هاي التخصص في الاردن لما راحت السفارة البحرينية هناك قبل فترة قالوا لها ان دفعه هالسنه احتمال عود ينقلونهم الاردنية لان اسهل على السفارة ان تتواصل وياهم كونهم في عمان .. مو اربد ..

واللي استفسرت من عندها اي .. دارسنه نفس تخصصنا بعد في الاردن
ومتخرجه من سنه 2002 ماجستير

اختي يعني ابوج قالوا له شي عن البعثة متى بيقولون لينا متى بيتصلون
عرف منهم اي شيء؟؟؟؟

و احين عن صج قالوا له انا احنا في الاردنية
يقولون اربد الجامعة افضل ؟؟؟؟

لحين مو مصدقة :smailes105:

[سمـاء الـروح]

^^
اتصلت ليهم اليوم
قالو للحين ماوصل القبول ..
وبيخبرونا عقب العيد ..

[نسيم الفل]

من كم يوم قريت اعلان في الجريدة عن تأخير القبول في الجامعات الاردنية
فما ادري هل هذا فقط اللي على نفقتهم الخاصة ...
او يشمل البعثات
بديت أخاف...

[nashee6]

لا تخافين أختي

تبع البعثات ما يحتاجون no213 عدم ممانعة وغيرة لأنهم مبعوثين من قبل الوزارة والدولة موافقة على دراستهم وتخصصهم

بس اله على حسابهم كل سنة يعطلونهم وأخرونهم :1211:... وكل سنة يشتكون


وأقول عادي أخلونه نسافر بعد بدأ الدراسة بيوم يومين :sweatdrop: على حسب أقوال مجربين


... وأكبر دافع أخلي الواحد ما يخاف أنه للحين ما نادو أحد حق بعثات الخارج ...

:1211:

يعني لا تخـــــــــــــافون يا جماااعة الخير

:laugh:

[moon14]

مساء الخير

يحتاج wire للإنترنت أو أي شئ ثاني لأني أبي تكون عندي كل الأشياء الضرورية؟؟

[أخصائية نطق]

مسـاء النــور ..
امم بالنسبة للانترنت احنا السكن اللي الحين فيـه فيه واير لس واغلب السكنات اتوقع جذي .. بس السكن القبلي مالنا ما كان واير لس بس كانت كل الاجهزة والوايرات موفرينها لنا السكـن

[ام حيدر الكرار]

بس بغيت منكم خدمة
اذا اي احد اتصلوا ليه خبروا الجماعة الا في المنتدى عشان ما تروح عليهم
الروحة للوزارة و تكميل الاجراءات

[nashee6]

السفر بكون يوم الجمعة أو السبت
الأسبوع الجاي مو أسبوع العيد

(الوالد راح الوزارة اليوم وقالوا ليه)

يعني

خلاص أفرحوا بالعيد وأخذوا راحتكم :laugh:




موفقين والله يعودكم رمضان السنة الجاية


وكل عام أنتم بخير وعيد مبارك مقدماً

[رحيق الجنة]

^^^^^
يعي احنا انقبلنا ؟؟؟؟؟
طيب وليش ما اتصلوا لينا مخلينا على أعصابنا :11mmer3:
الله يوفق للجميع

[nashee6]

أقولون للحين ما حجزو على الطيران ... وهم يحاولون يحجزن بأقرب وقت

وأقولون إذا حجزو يمكن يتصلون لينا بكرا (الخميس) ... بما أن العيد يوم الجمعة

عشان انكمل با قي الإجرائات ونستلم التذكرة


ومن تجارب السابقين ... نفهم إن الوزارة كل سنة يعيدون نفس القصة ... من شدي أحنا لازم مانعيد قصة الخوف والقلق ترى هذا شي طبيعي


وعن القبول ... ما قالو أنه فيه أحد ما قبلو ... يعني ولله الحمد إن شاء الله الجميع مقبولين


... والسلام

[أخصائية نطق]

مرحبــا ،،

قلت لكم من قبـل عادي تـرآ لا تخوفون روحكمـ لأن الوزارة كل سـنة تسووي جذي .. ما يتصلون الا قبل جمـ يوم :sweatdrop::sweatdrop:

احنـا اليوم رحنـا استـلمنا تـذاكرنـا .. وإن شـاء الله بنسافر يوم السبـت اللي بعـد العيـد .. بس اتوقع المفروض انتوا يودونكم قبـل عالاقل الخميس عشان سوالف فتح حسابات وتضبطون أموركم جمعة وسبت لأن الدوام يوم الاحـد :sweatdrop: بس يمكن ما يخلونكم تداومون اول يوم يودونكم للحسابات ويسوون لكم فرة في الجامعة ..

:ongue:يلا استمتعوا بالعيـد وبآخـر الأيــام في البحـريــن :ongue:

[سمـاء الـروح]

bounce233bounce233
مشكور اخوونا على الخبر :laugh:

[ام حيدر الكرار]

ما اصدق انا خلااااااااااااااااااااص
بروح و بهد البحرين بهد اهلي
بصيييييييييييييييييييح :smailes105:cry982

[nashee6]

أتصلو إدارة البعثات اليوم

يوم الأربعاء في تاريخ 15/9/2010 في إدارة البعثات ... مكتب أ/ وليد ... لأنهاء الإجرائات وتسليم شهادة حسن السلوك ... واللياقة الطبية


و

عيـــــدكم مبـــــــــارك

مقدماً

[moon14]

^^^^

مكتب أ/وليد ؟؟

قالت لي شهادة الفحص الطبي + بصمات + كشف حساب... في شئ ناقص؟؟

تقولي الوزارة ما تفتح حسابات للطلبة !!

[أخصائية نطق]

الحمــدلله اتصــلوا لكـمـ عشـان ترتــاحون وتسـتانسـون بالعيـد :ongue:

بس شقصـدها ان الوزارة ما تفتح حسـابات للطلبـة ؟

[moon14]

تقولي أنت تفتح لك حساب هنا ... أحنا ما بنفتح لكم حساب في البنك

[أخصائية نطق]

لا اخوي ما عليك منـها .. هو مو الوزارة تفتح الحساب .. الملحقية الثقافية في الأردن هي المسؤولة .. ويتعاملون مع البنك العربي وكل طلبة البعثات اول ما يودونهم ياخذونهم للبنك يفتحون لهم حسابات عشان ينزل لهم المخصص كلهم ويا بعض وفي نفس البنك ..

هذا اللي شفـته من خلال دفعتنا والدفعة اللي قبـلنا واللي بعـدنا :sweatdrop:

[moon14]

لكن المشكلة هم طلبوا كشف حساب لازم أسلمه يوم الأربعاء :11mmer3:

[ام حيدر الكرار]

احين من مشكلة لمشكلة مين يفتح الحساب عشان نكون جاهزين
وااااااااااااااااي على هذي الوزارة ملوعين جبودنا :mad2:

[nashee6]

أنا ما قالو لي شي عن كشف الحساب ؟؟
وأصلاً حتى لو طالبين كشف حساب لازم أكون في بنك في الأردن ... وما في أحد في دفعتنا _على ما أعتقد_ فتح ليه حساب في الأردن

بمختصر الكلام ... أخوي لا تخاف ولا تشيل هم ... المتصلة شكلها ما تدري ويش السالفة ... قالو ليها أتصلي وخبريهم اجون يوم الأربعاء وبس

ولا تنسى بطاقتك السكانية ويا بطاقة الوالد الساكنية (الوالد أو ولي الأمر لازم أكون معاك) وما أدري بعد ... أنا شكلي بشيل الجواز أحتياط


**عــــــــــيـــــــــــــد مـــــــــــــــــــبارك**

[moon14]

^^^

أيامك سعيدة (: ...

مو لازم تفتح حساب في الأردن ... أفتح حساب في بنك موجود في الأردن مثل البنك العربي ..

بخصوص المستندات المطلوبة ...

بس شهادة حسن السلوك و السيرة و اللياقة الطبية بس ؟؟؟


أنا سلمتهم من زمان !

أرجو منكم ذكر المستندات التي طلبت منكم + و ما قالوه لكم

لأن الأخت شكلها عطتني معلومات مغالطة !!

[نسيم الفل]

اني يوم اروح اكمل اوراقي في وحد سجلت اليي هاي الاغراض قالت اذا اتصلنا فيكم جيبوهم
1.صورة شخصية
2.كشوف الدرجات 6 فصول
3.الفحص الطبي
4. البصمات

وذكرونا بعد انتون ويش بتحملون حق ماننسى ويرجعونا مرة ثانية

[سمـاء الـروح]

اتصلت ليي واني نايمة ..
قالت ليي عقب العيد جيبي الاوراق اللي ما سلمتينها ..
قلت ليها اوكي وبس صيث حتى ما سألتها ويش هم صيث
ووياش ولي الامر والبطاقة السكانية ..
وماجابت طاري لا حساب ولا حتى يوم الاربعاء .. او قالت واني نايمة ماادري صيث

[رحيق الجنة]

انزين الحين البطاقة السكانية للوالد مو ياخذونهم اول ما ندخل

[moon14]

اني يوم اروح اكمل اوراقي في وحد سجلت اليي هاي الاغراض قالت اذا اتصلنا فيكم جيبوهم
1.صورة شخصية
2.كشوف الدرجات 6 فصول
3.الفحص الطبي
4. البصمات
وذكرونا بعد انتون ويش بتحملون حق ماننسى ويرجعونا مرة ثانية

صح هم قالوا لي من قبل أنهم يبون كشوف درجات .. بس السؤال أصلي و لا نسخ ؟!

و كم نسخة من كل شهادة ؟

صورة شخصية واحدة فقط ؟

[moon14]

انزين الحين البطاقة السكانية للوالد مو ياخذونهم اول ما ندخل

يأخذونها بس ما أعتقد يسألونكم عنها

[رحيق الجنة]

اها مشكور اخوي
قالوا ليكم احنا في اي جامعة بالضبط
يعني نقلونا الأردنية ؟؟؟؟
لأني ما كلمتهم شخصيا

[moon14]

^^^
لالالا أنا قاعد أخمن و أتوقع ما أدري عن شئ ...
بخصوص الجامعة أنا ما أدري عن شئ ...

[سمـاء الـروح]

اني ما عنديي أصليين :sweatdrop:
ان شاء الله نسخ :laugh:

>> اتذكر لما رحنا قالت صورة وحدة .. بس في الدليل مكتوب صورتين .. فــ حملوا 3 احتياط صيث

[ام حيدر الكرار]

اني سلمت كل اوراقي باقي بس اللياقة و البصمات
صراحة ما صارت هذي بعثة خلصو الكوبيات و الاصليين
تعبنا

[nashee6]

أنا باخد وياي نسخة من الجواز بعد ... لأنه الصراحة هذي الوزارة ما ينعرف ليهم

كل ما ودرينه ليهم شي قالو بعد


وبخصوص فتح حساب في البحرين أخوي moon14 ... الصراحة ما يسوى في البحرين

أنا بنفسي وقبل فترة رحت إلى البنك العربي في البحرين ... بس أتفاجأت بأول عائق

1. العمر ... لازم فوق 21 سنة (ما ادري يمكن قال 18 بعد)

بس على العموم ... في موظف ثاني هناك سمع أني ناوي أفتح حساب عشان أستخدمة في الأردن ... فطلع العائق الثاني والأهم

2. البنك في الأردن إذا سحبت منه ياخذ عليك فوائد (يعني يا خذ من حسابك بيزات) قيمة تحويل البيزات من البحرين إلى الأردن

يعني لو تفكر فيها ... كل ما بتروح تسحب من البنك بيخصم منك شم دينار (ما أدري شم بالضبط بس مجازاً)

وكانت نصيحة الموظف _ما بيخسر شي إذا فتحت احساب أو لا_ أنه نفتح هناك أحسن بواجد


واله مو عارفين شلون يقدرون أهلهم يطرشون ليهم بيزات ... ترى سهلة ... أكو شركات الصرافة تارسة البحرين ... كفاية بس احد من الأهل أروح إلى مكتب صرافة عندهم خدمة (ويستيرن يونيون) (Western Union (http://www.westernunion.com/)) ويعطيهم البيزات وكشف الحساب ... واطرشون في ثواني ... بس أهم شي مو تغلطون في رقم الحساب



... مـــوفـــقـــيــــن

[moon14]

^^

أهاااا ... شكراً

يعني حتى لو رحت ما بيفتحون لي حساب لأني 17 سنة

[نسيم الفل]

أنا باخد وياي نسخة من الجواز بعد ... لأنه الصراحة هذي الوزارة ما ينعرف ليهم

كل ما ودرينه ليهم شي قالو بعد


وبخصوص فتح حساب في البحرين أخوي moon14 ... الصراحة ما يسوى في البحرين

أنا بنفسي وقبل فترة رحت إلى البنك العربي في البحرين ... بس أتفاجأت بأول عائق

1. العمر ... لازم فوق 21 سنة (ما ادري يمكن قال 18 بعد)

بس على العموم ... في موظف ثاني هناك سمع أني ناوي أفتح حساب عشان أستخدمة في الأردن ... فطلع العائق الثاني والأهم

2. البنك في الأردن إذا سحبت منه ياخذ عليك فوائد (يعني يا خذ من حسابك بيزات) قيمة تحويل البيزات من البحرين إلى الأردن

يعني لو تفكر فيها ... كل ما بتروح تسحب من البنك بيخصم منك شم دينار (ما أدري شم بالضبط بس مجازاً)

وكانت نصيحة الموظف _ما بيخسر شي إذا فتحت احساب أو لا_ أنه نفتح هناك أحسن بواجد


واله مو عارفين شلون يقدرون أهلهم يطرشون ليهم بيزات ... ترى سهلة ... أكو شركات الصرافة تارسة البحرين ... كفاية بس احد من الأهل أروح إلى مكتب صرافة عندهم خدمة (ويستيرن يونيون) (western union (http://www.westernunion.com/)) ويعطيهم البيزات وكشف الحساب ... واطرشون في ثواني ... بس أهم شي مو تغلطون في رقم الحساب



... مـــوفـــقـــيــــن


مافهمت

يعني الافضل نفتح حساب في البحرين او لا؟؟

[nashee6]

لا الأفضل فتح حساب في الأردن

[moon14]

على فكرة السفر بيكون يوم الجمعة ...
للمعلومية ::
- بخصوص مقبس الكهرباء :: على الأغلب ستكون هناك حاجة لموزع كهربائي أو جهاز ذو ثلاث فتحات لأن الموجود غالباً في السكن يكون ذو فتحتين , فلذلك عليكم باقتناء الجهاز أو القطعة ذات الثلاث فتحات .
- لكل طالب 12 فاتورة لكل سنة دارسية و ذلك للرعاية الصحية .

[nashee6]

شكراً أخي moon14 (https://students-bh.com/vb/member.php?u=4475) على هذاه المعلومات

وعشان أوضح اله تقصده إلى الباقي((يمكن أحد ما فهم)):

أنه هناك في الأسواق مقبس للكهرباء يحول المقبس الثلاثي (البلك) إلى ثنائي ليتناسب مع المقابس الموجودة في الأردن وهو بحسب رأيي الأفضل ... في الوزن والحجم وقوة الإستحمال ... بالإضافة إلى وجود موزع كهربائي يحتوي على أكثر من مدخل ... ولكن لا ينصح به إذا كنت ستستخدم مكواة الملابس عليه ... لأنها تستخدم طاقة كبيرة وهذا يؤدي مع الوقت (خاصةً إذا كان سلك المقبس رقيق) إلى شوط لا سمح الله ... وكما تلاحظون يكون سلك المكواة دائماً ذو سلك سميك...

صورة للموزع الكهربائي
http://img.alibaba.com/photo/51899130/Power_Strip.jpg




أعتذر على الإطالة ...

وشكراً مرة أخرى إلى moon14 (https://students-bh.com/vb/member.php?u=4475)


...... والسلام

[زهرة العلم]

السلام عليكم ورحمة الله وبركاته ،،، كيف حالكم ،،
اخواتي الله المعين على الغربه لكن بالصبر والايمان بامكانكم التغلب عليها لانه التغرب عن الوطن ليس اي شخص يتغلب عليه ،، شيء صعب ،، اتمنى لكم التوفيق والتفوق ، دعواتكم
تحياتي
زهرة العلم ::in_love::

[ام حيدر الكرار]

مشكووووووووووووووووورين

[moon14]

^^

أنا مو متأكد بخصوص موعد السفر ... وحدة من أقاربي مندوبة في الملحقية أتصلت في الملحقية لكن رفضوا أنهم يعطونها أي معلومة

[ام حيدر الكرار]

سؤال في احد يدري اذا احنا في اربد لو الاردنية

و بخصوص الامتحانات لازم انقدمها اذا رحنا ؟؟؟ و متى

و بخصوص المرافق و الا بيستقبلنا في المطار في الاردن في احد عندا اي معلومات عن دي السالفة ؟؟؟

[نسيم الفل]

اي الحين احنا في اربد او الاردنية ؟؟
ضروري اللي عنده خبر يرد..

[أخصائية نطق]

:doh: مرحبــا ..
عيــدكمـ مبــاركـ ولو انهـا متأخــرة شــوي ..

اتـوقع بيودونكمـ الجـامعة الاردنيـة خاصة ان الملحقـية موجودة في عمـان فالتواصـل يكون اسهـل مع الطلبة وعشان يتابعونكمـ في البداية .. ويخلصون معاكم الاجراءات .. ولأن كل طلبة البعثـات تقريباً موجودين في عمان ..

اما بالنسـبة للامتحانات .. في الجامعة الاردنية الامتحانات تكون بعد ما يبـدي الدوام .. يعني بعد ما تداومون يحددون مواعيد لتقديم الامتحان وتكون اعتقـد في اول شهر من بداية الدوام لأنها لتخفيف المواد الاختيارية ( عربي .. انج .. حاسوب ) فقط .. فما تأثر على القبـول ..

وأول ما توصلون الاردن اكيد بتكون في ناس تستقبلكم اهناك وبياخذونكم وبيودونكم للسـكنـات ..

بالتوفيــــق لكمـ جميـــعاً .. :ongue:

[رحيق الجنة]

ياريت تعطونا شرح مختصر عن الاحتياجات الضرورية الي المفروض ناخذها معانا
وبنكون شاكرين لكم :ongue:

[ام حيدر الكرار]

اخصائية نطق مشكوووووووووووووورة اختي و الله يعطيش الف عافية

بس بعدي عندي سؤال و اعرف انا ثقلنا عليكم

متى تبدي الجامعة ؟؟؟

[نسيم الفل]

أختي أخصائية النطق
حاسوب في الورد والبوربوينت والاكسل ؟؟
اوفي 2003 أو 2007

وشكرا عزيزتي::in_love::

[SLP]

السلام عليكم .. وعيدكم مبااارك

اممم بالنسبة لفتح الحساب ماعليكم من احد .. اول ماتروحون الاردن ان شاء الله .. الاستاذ محمد رباح والاستاذ أحمد مجحالي مابيقصرون معاكم .. بياخذونكم البنك العربي .. وراح يفتحون لكم حسابات ..

وبعدها إذا احتجتوا فلوس او اي شيئ .. تقدرون تتسلفون من الملحقية .. او ان اهلكم يدزون لكم حواله ..
بداية الدوام ان شاء الله بتكون يوم الاحد الجاي -- .. بس على الأغلب انتوا ماراح تداومون .. عشان بتكملون اجرارءات فتح الحساب.. وبيفرونكم على الجامعه .. وكلياتكم..

وبيعطونكم جداولكم.. وبياخذونكم على التسجيل لتعديل الجدول .. بس اهم شيئ تتاكدون ان (لاب البيو biology lab) نازل لكم .. عشان ماتتأخرون نفسنااا ..

نسيم الفل يفضل انش تستخدمين مايكروسوفت .. ..

salaam

[ام حيدر الكرار]

عادي ان احنا انداوم متأخر يعني بفوتنا شي

من المحاضرات ؟؟؟

[أخصائية نطق]

اتوقع اللي بيفوتكم اول يوم بس لان بياخذونكم تفتحون حسابات وبيراوونكم الجامعة او حتى لو اول يومين ..
بعض الدكاترة ما يحضرون اول يوم واللي يحضـرون أغلبهم ما يشـرحون .. يعني غالباً اول محاضرة تكون تعارف .. يعرفوونكم بالمادة ومضمون المادة اللي بيشرحونها .. يجوفون قائمة الاسماء .. ويعطونكم فكرة يمكن عن توزيع الدرجات واشياء جذي بس ما يشرحون شـي اساسي ..

[moon14]

أختي أخصائية النطق
حاسوب في الورد والبوربوينت والاكسل ؟؟
اوفي 2003 أو 2007

وشكرا عزيزتي::in_love::

الأفضل Micro-Office 2007 ...

2007 يشغل 2003

لكن 2003 ما يشغل 2007

و لما تجين تحفظين الملفات في حال استخدام 2007 تقدرين تحفظينها بصيغة 2003-1998 عشان تشتغل على الإصدارات القديمة ..

[نسيم الفل]

لا اني كان قصدي امتحان الحاسوي في 2003 او2007

[moon14]

2003 معقد أكثر من 2007 ...

تقسيم 2007 و طريقة استخدام الأدوات أسهل ... حتى لما تضربين على الجدول مثلاً بتلاقين إن خيارات التعديل تجي من نفسها بس المشكلة إن أحنا علمونا على 2003 فلهذا هو الأفضل .

كان كلامك مو واضح ... أعتذر :sweatdrop:

[نسيم الفل]

لو سمحتون ...
في أحد عنده نموذج لامتحانات المستوى للجامعة الاردنية ...؟؟
حتى نكون على علم بهيئة الاختبار

[نسيم الفل]

أخواتي أخصائية النطق وSLp
وش الاشياء اللي تنصحونه بها لتعديل الجدول ؟؟

[نبضٌ مقاوم]

لو سمحتون ...
في أحد عنده نموذج لامتحانات المستوى للجامعة الاردنية ...؟؟
حتى نكون على علم بهيئة الاختبار




خيتة شوفي هذا الرابط
http://forums.bsinjo.com/7446.html (http://forums.bsinjo.com/7446.html)

ان شاء الله تستفيدين منه :rolleyes:

[أخصائية نطق]

مرحبـــا ..

امتحـان الحاسوب احنـا عطونا على 2003 وتقريـباً كل اجهـزة الجامعة اتوقع اللي عليـها 2003 .. الامتحان سهـل ان شاء الله واشياء سهـلة وكلـها ماخذيـنها في المدرسـة ..

بالنسـبة للجـدول .. اول كورس بينزلون لكم مواد من متطلبات الجامعة ومتطلبات الكلية .. بينزلون لكم أحياء وفيزياء ومبادىء ارشاد نفسي ومادة اختيارية بتكون ثقافة اسلامية او نظام اسلام او أي مادة ثانية .. وفي مادة عملي للأحياء ( لاب ) .. اذا اخذتوا الجدول تأكدوا ان نزلوا لكم اللاب عشان تاخذونه في نفس الكورس ويا مادة النظري وما تتعطلون .. لأن احنا على دفعتنا ما نزلوه لنا اول كورس بس الدفعة اللي عقبنا نزلوه لهمـ ..

واذا ما نزلوه لكم تقدرون تروحون للتسجيل وتطلبون منهم ينزلونه لكمـ ..

[نسيم الفل]

:sweatdrop:ماعرفت الى الرابط

اللي ينزل امتحانات الجامعة الاردنية
يحط الينا فقط الامتحانات
وأكون شاكرة لكم ::in_love::

[moon14]

إذا الأختبار في مستوى هذا الأختبار أحسه عادي و سهل (:

^^^
تم رفع الملف

[نسيم الفل]

شكرا moon14
جعلة الله في ميزان حسناتك

[moon14]

أحببتُ لكم أن تشاركوني قراءة هذا الموضوع ::

أعتقد أن معظم المعلومات سبق و أن تم ذكرها باستثناء بعضها :

قال تعالى على لسان موسى عليه السلام (رب اشرح لي صدري ويسر لي أمري واحلل عقدة من لساني يفقهوا قولي) وقال رسول الله صلى الله عليه وسلم: (إن من البيان لسحرا).. الكلام أو النطق هو نعمة من نعم الله الجليلة التي وهبها سبحانه وتعالى لبني آدم فمن خلال الكلام يستطيع الإنسان ان يعبر عن كل ما يجيش في صدره وما يتطلبه جسده فالكلام هو أداة هامة في تواصل بني آدم مع بعضهم البعض، بل هو اساس هام في التعبير عن الحياة كلها بحلوها ومرها بصفوها وكدرها.. حتى انه اذا عرض الانسان كان اول تعبير أية.. ان الانسان ليس إلا لساناً..وقالوا قديما ان المرء مختبئ وراء لسانه فإذا تكلم ظهر، فاللغة هي أداة التواصل بين بني الانسان.. وقد يصاب بعض الناس بحالات من الاضطرابات اللغوية ـ النطقية، وعلاج هذه الحالات عند الاطفال عن طريق اكتشافها في مراحلها الاولى و اعداد برنامج للدخل المبكر في مثل هذه الحالات فائدة عظيمة ودور بارز في تقويم كثير من هذه الاضطرابات.

و في قسم التخاطب لدى العديد من المراكز المتخصصة يتم:

1ـ تقييم ومعالجة حالات الاضطرابات اللغوية ـ النطقية عند الاطفال مثل الاطفال الذين يعانون من تأخر لغوي نطقي نتيجة (العبط المنغولي Down snyndrome الشلل الدماغي Cerebtal Palsy ـ التخلف العقلي Mental Retardatoin).

2ـ تقييم ومعالجة اضطرابات الطلاقة الكلامية، سواء اكانت معروفة السبب والمنشأ، او كانت مجهولة السبب والمنشأ مثل التأتأة الكلامية، Stutteringـ السرعة في الكلام التي تؤدي الى عدم فهم المتكلم وحذف كثير من الاصوات اثناء الكلام stutuering ـ الابدالات الصوتية المتنوعة عند الكبار والصغار كذلك اذا استمر الطفل على استخدام اصوات بدلا من الاصوات الصحيحة بشكل متكرر (مع مراعاة العمر الزمني للطفل) كأن يقول الطفل:
ـ باب ــــ تاب
ـ سيارة ــــــ تيارة

3-تقييم ومعالجة اضطرابات الصوت والرنين الالفي مثل الانفية الزائدة في الكلام وهذا يتمثل في الشخص الذي يتكلم من انفه وعادة ما تكون هذه الأمور ناتجة عن شق سقف الحلق Cleft Palate بالاضافة الى الانواع الاخرى مثل البحة الصوتية المستمرة.

4ـ التقييم والتأهيل اللغوي ـ النطقي لحالات ضعاف السمع.

5ـ الارشاد الاسري والفردي في كيفية التعامل ومتابعة الحالة الخاصة على كافة المستويات والمواقف.

6ـ وضع وتسجيل السيرة الذاتية والمرضية والتشخيص اللغوي ـ النطقي ووضع اسس التشخيص والخطة العلاجية اللغوية ـ النطقية لكل من هذه الحالات على المستوى الفردي او المستوى الجماعي (نظام الملفات).

7ـ ولا تقتصر هذه الخدمات على الصغار فقط بل تتعدى ذلك الى تقييم ومعالجة حالات الاضطرابات اللغوية النطقية عند البالغين مثل: المشاكل اللغوية التي تنتج عند الكبار في السن بعد حدوث ما يعرف باسم الجلطة الدماغية وهذه المشاكل عادة ما تعرف باسم الحبسة الكلامية Aphasia.

من هو اخصائي التخاطب ؟

اخصائي التخاطب هو ذلك الشخص المؤهل والمدرب لكي يقوم بتلك الوظيفة التي تتطلب جانبا عاليا من الاطلاع والثقافة واللباقة والكياسة والقدرة على تكوين العلاقة الطيبة مع الطفل حتى يتسنى له النجاح في اداء مهمته.

ما السمات والخصائص التي يجب توافرها في اخصائي التخاطب؟

1ـ يجب ان يكون لديه الاحساس والتعاطف مع الطفل مع ملاحظة الاعتدال في كل هذه المشاعر والا يسرف في تعاطفه.
2ـ يجب ان يكون مرنا حتي يستطيع ان يغير ملاحظته اثناء الجلسة اذا وجد ان الطريقة المتبعة غير مجدية مع الطفل.
3ـ ان يكون صبورا.
4ـ ان يكون متفاعلا مع الطفل.
5ـ ان تكون لديه الثقة في نفسه.
6ـ ان تكون افكاره ومفاهيمه واضحة ومؤهلا للجلسات مع الاطفال.
7ـ ان يتسم بروح الفكاهة مع الاطفال حتى يحبوه.
8 ان يتسم بالابداع اثناء الجلسات في الادوات والوسائل.
9ـ ان يكون الدين الحافز الذي يشجع الاولاد على الكلام.

ما هي الادوات والوسائل التي يجب ان تشملها غرفة الاطفال الذين يعانون من تأخر في اللغة؟

في البداية لابد من استخدام الاشياء الحقيقية حتى يحس بها الطفل ويشعر بها ثم يأتي دور المجسمات ثم البازلات ثم الكروت والصور.
مثال: نريد ان نعلم الطفل ان يتعرف على التفاحة فنبدأ اولا بتعليمه بتفاحة حقيقية ثم نقوم بتقطيعها بالسكين ثم يتذوقها عن طريق مجسمات اقرب الى الحقيقة ثم عن طريق بازلات ثم العاب ثم كروت بحيث يكون الكرت به صورة تفاحة فقط حتى لا يحدث تشتت للطفل.

يجب ان نزود حجرة الطفل او المكان الذي تقام فيه جلسات التخاطب بالادوات الاتية:
المجموعات الضمنية كلها وتشمل:

مجموعة الحيوانات والفواكه والخضروات والاثاث والمواصلات وادوات المطبخ والالوان والاشكال (ويجب ان تشمل تلك المجموعـات بازلات وكروت ومجسمات وحقائق ثم كتب بها قصصا مصورة شيقة للاطفال لزيارة اللغة التعبيرية.

يجب ان تشتمل غرفة الجلسات على كاسيت وكمبيوتر وتلفزيون ثم بعض الالعاب التي لها اصوات معينة لزيادة الانتباه والتركيز.

تلعب اسرة الطفل دورا هاما بداية من ملاحظة عيوب النطق لديه ثم اللجوء الى المعالج لاستشارته فيما يجب عمله لاصلاحه تلك العيوب.

عل المعالج ان يستوضح من الاسرة باستفاضة عن تطور نمو اللغة لديه وهل كان لديه تأخر لغوي وهل كانت هناك اصوات كلامية ينطقها الطفل وتم اصلاحها مع توضيح الطريقة التي تم بها اصلاح الصوت الكلامي وهل كانت تلقائية ام نتيجة تدريبات حصل عليها الطفل.

يجب على المعالج ملاحظة اذا كان احد افراد الاسرة يعاني من مشكلة في نطق اي من الاصوات الكلامية فذلك قد يكون السبب في اكتساب الطفل لذلك السلوك الخاطئ نتيجة تقليده لمن حوله.

بعد ذلك على المعالج ان يستوضح عن صحة الطفل العامة والامراض التي اصيب بها ونموه العقلي والتحصيلي الدراسي لتوقع ما ستكون عليه استجابة الطفل اثناء الجلسة وبعدها يقوم باختبار الطفل بواسطة اختبار النطق لتحديد الاصوات التي لا ينطقها بصورة صحيحة وموضعها في الكلمات.. وفي بعض الاحيان قد نحتاج لتسجيل بعض الحوارات مع الطفل وموضعها في الكلمات.. وفي بعض الاحيان قد نحتاج لتسجيل بعض الحوارات مع الطفل لمعرفة عيوب النطق لديه اثناء الكلام التلقائي.

قد يحتاج المعالج لاجراء اختبار لقياس السمع لدى الطفل اذا كانت هناك اي شكوى من الاسرة من ان انتباه الطفل للاصوات ليس على مايرام او اذا تبين للمعالج اثناء اخذه للتاريخ المرضي من الاسرة انه يوجد تاريخ لاصابة الطفل باي من اختبارات اللغة وذلك لتحديد ما اذا كان هناك اي تأخر في نمو اللغة لأنه من الممكن ان يحتاج الطفل لتدريبات اللغة جنبا الى جنب مع تدريبات النطق.

ثم بعد ذلك يقوم بفحص اعضاء النطق ويطلب من الطفل نطق تلك الاصوات KA TA PA وذلك لقياس قدرته على عمل حركتين متتاليتين متضادتين ثم يقوم بفحص حركة اللسان، رباط اللسان، وحركة سقف الحنك واسنان الطفل وذلك لاكتشاف اي عيوب قد تكون هي السبب في تلك العلة.

واخيرا على المعالج ان يحدد برنامج التدريبات وشرحها للوالدين وتنبيههم بمراقبة الطفل عندما يصل لمرحلة اصلاح عيوب النطق في الكلام التلقائي وتنبيهه عند حدوث اي خطأ في نطق ذلك الصوت وتنبيههم بعدم التعجل والصبر على التدريبات.

[nashee6]

شكراً لك أخي على نماذج الإختبارات والمعلومات

وجزاك الله ألف خير


.....................................
............................
....................
............
.......
....
..
.


وبانتظار التذاكر "سس

يقول عادي يبرزون بكرا :11mmer3:

[سمـاء الـروح]

يعني شلون ؟؟
ماعطوكم له !!
للحين ما رحت انيصيث
الشهايد اللي يبونها أصلية ؟

[nashee6]

لا عادي نسخة منها ... وبخصوص التذاكر قالو بيتصلون

[نسيم الفل]

متى يعني تتوقعون يتصلون حق التذاكر ؟؟

واذا بكرة يعني يصير يتصلون بكرة وعقب مباشرة السفر ؟؟

[nashee6]

أي عادي ... يعطونا التذاكر اليوم ... وباشر السفر

لكن المفروض يحجزون تذاكر من العطلة الصيفية ... أول ما يقبلونا يحجزون تذاكر

وبعدين عاد يعطونا التذاكر أو يخبرونه عن موعد السفر بدقة



......... وزارة التربية والتعليم في مملكة البحرين مليئة بالمفاجئات ؛؛؛ لا تستغرب*



_أحس أنهم بخلونه نراكض على التذاكر بروحنا_



نسألكم الدعاء ... والسلام

[nashee6]

آخر الأخبار

والسفر يوم الجمعة

اليوم بيتصلون _ما أدري متى بالضبط_ عشان يقولون لينا نروح نستلم التذاكر من مكتب طيران الخليج

ما أطول عليكم ... بس صدق ظني فيهم


..والسلام..

[سمـاء الـروح]

^^
شلون عرفت ؟

اكو نحارس هالاتصال :sweatdrop:

[رحيق الجنة]

متأكد ؟؟؟؟؟

[nashee6]

أي متأكد 100% أنا اليوم رحت ليهم بنفسي ... وسألتهم

[سمـاء الـروح]

اتصلت من شوي وحدة
قالت اروح استلم التذكرة من مكتب طيران الخليج >> في وين هالمكتب ؟ صيث
من عند وحدة اسمها حصة >> متى نروح نستلمها ؟
:sweatdrop::sweatdrop:

[moon14]

^^
أنتي فهمتيها غلط ... بناية الشيخة حصة في المنامة ... أهناك في مكاتب لطيران الخليج من هناك تستلمين التذكرة..
أنا أستلمت التذكرة ... بنرجع بعد 10 أيام من شهر رمضان ...

[سمـاء الـروح]

اممممم
اني سألتها متى .. كان قصدي من الـ متى اروح اخذ التذكرة
قالت ليي 10 الا عشر
بس شكله السفر بيكون 10 الا عشر مااعتقد نستلمها هالساعة ..

انتون متى بتروحون ؟

[أخصائية نطق]

مرحبــا ،،

اختـي سمااء الروح تروحون تستلمون التذكرة اليوم لأن اذا سفركم باجر ما يمدي تروحين تستلميينها اذا رحلتكم 10 الا 10 الصبــح والمفروض تكونين في المطار قبـل .. اذا تقدرين روحي استلميها الحيـن ..

[moon14]

10 إلا 10 تطير الطائرة ... أحين روحي أستلميها

[رحيق الجنة]

^^^^^
اخوي شنو قصدك بأن بنرجع بعد 10 أيام من رمضان

[moon14]

^^^

طبعاً التذكرة ذهاب و إياب ... نروح بداية السنة ( يوم الجمعة) و نرجع بعد عشرة أيام من شهر رمضان ( يعني بناخذ 10 أيام من شهر رمضان في الأردن)

[رحيق الجنة]

اها
يعني من الحين يحددون موعد العودة

[أخصائية نطق]

مـوعد العودة اهم حاجزينه لكم بس جذي يعنـي بعـدين انتوا تقدرون تغيـرونه على حسـب الموعد اللي تخلصون فيه امتحانات والموعد اللي تبون ترجعون فيه .. وأول تغيير لكم يكون مجاني ..

وانتوا لكم حرية الاختيار .. تقدرون ترجعون فيها نهاية الكورس الاول او تخلونها لآخر السنـة .. بس الافضل انكم تخلونها لآخر السنة وتحجزون لكم تذكرة ذهاب و إياب لعطلة الربيع او اذا تبون في الباص ..

يــلا جهـزوا اغراضكمـ و استمتعـوا بآخـر يوم لكمـ في البحريـن وتوصـلون بالســلااامة ان شااء الله .. واحنـا بنلحقـكم يوم السبـت :ongue:

[moon14]

مساء الخير

رجعنا مرة ثانية لنفس السؤال في أي جامعة بنروح ؟!

أعرف بنت تدرس في عمان ... سألت الملحقية و قالوا لها أحتمال كبير يودونا الأردنية خصوصاً إن عددنا كبير ( 10 طلاب و طالبات ) فأنا ما أقتنعت في هذا الكلام خصوصاً أن العقد مكتوب فيه التكنو , قلت لها تتصل في الملحقية ... فقالوا لها أنهم بيخلونا في عمان ثلاثة أيام و بعدها بيشوفون وين يودونا ؟!

يقولون أحتمال يخلون البنات في عمان و الشباب في أربد ...

حيرونا معاهم:doh: !!!

[أخصائية نطق]

عمـان أريح لطلبة البعثـات للتواصل مع الملـحقية وعشان الملحقية تتابع معاكم أول بأول وتجوف اموركم .. انتـوا اهم شـي توصلون بالسـلامة وتستقـرون وإن شااء الله كل أموركم بتصيـر تمام :ongue:

[رحيق الجنة]

اخوي ابوي يوم نروح نوقع العقد سأل أستاذ وليد
وقال ليه ان كلنا نقلونا الأردنية - عمان -
والله أعلم ....

[SLP]

ان شاء الله وصلتون بالسلامة ..
بشروا كيف الأوضاع عندكم

[نسيم الفل]

الحمد لله
وصلنا بالسلامة

شكر ا على المساعدة أخوات

[moon14]

السلام عليكم ...
كيف حالكم ؟؟
إن شاء الجميع يكون بخير ...
أما عن أوضاعنا دمار ... ما في أنترنت ... و حتى لو حبيت أني أركب أنترنت لازم أعرف وين بصير ؟؟؟
و لحد هااي اللحظة ما سجلونا في جامعة !!
و لا ندري وين بنكون ؟؟
لما وصلت هنا أشياء واجد شفتها مخالفة للواقع اللي أنتو تعيشونه ...
أنتو البنات عليكم قوانين صارمة مو مثلنا لنا الحرية نروح وين ما نبي وقت ما نبي !!!
من أول يوم من وصلونا رحنا كل مكان ... رحنا السوبر ماركت ... المطاعم ... المجمعات ... أخذنا تاكسي ... زرنا البنايات السكنية و الفنادق و الحمد الله غيرنا سكنا ...
كنا سكنا القبلي 30 دينار الليلة و حالياً 25 دينار الليلة ...
إيجار السكن في حال أخذناه لمدة طويلة يعني أقصد دفع شهري بيكون 315 دينار ... عندنا 3 غرف نوم ...صالة ... مطبخ ... حمامين ... و الشقة مفروشة بس عيبها أن الكهرباء علينا p:
و طبعاً سكنا قريب من الجامعة الأردنية في منطقة الجبيهة في حي البلدية ...

أنا ما قهرتني إلا بطاقتي فيها 40 دينار أحترقت ... و طارت الفلوس كلها ...
الله كريم ... أنتو شنو أخباركم ؟؟؟

[سمـاء الـروح]

من وصلنا توني افتح الملتقى

احنا البنات الحمدلله اوضاعنا تمام
وسكنا على قولتهم ارقى واغلى واحد
325 ما بيظل شي لينا:11mmer3:
الكهربا والماي والانترت من ضمن العقد يعني

انزين شلون عقب شهر ولا شهرين ؟؟

[نسيم الفل]

احتمال بس نقعد هالكورس
لان 325 مابيظل كلش الينا شي no213
ان شاء الله ادعوا الينا نحصل سكن افضل

[Blue wave]

moon14 (https://students-bh.com/vb/member.php?u=4475)
خوي لا تخاف من شيء انت رجال وتقدر تعتمد على روحك خبر اابوك يفتح لك والاربعين ماتروح لاتخاف
انت متاكد للحين ماتدرون انتو في اي جامعة

[Albalushi]

بالتووفيق شباب وشابات البحرين
ان شاء الله تبيضون ويوهنا :ongue:

* تم تغيير عنوان الموضوع ليكون مناسبا ويتيح للجميع النقاش والاستفسار هنا :laugh:

[moon14]

هذا أنتو بتروحون أربد دوروا لكم شقق ...

يعني لو تاخذون لكم شقة فيها 3 غرف مثلاً إيجارها 300-320 دينار

بيطلع لكم الإيجار 100-120 لكل وحدة منكم ...

و الغرف في شقتنا كبيرة ... با ختصار يعني وجودكم مع بعض ما راح يؤثر في الدراسة

ســـــــــ لام

[أخصائية نطق]

تمنــينا انكمـ تظلـون معـانا في عمـان ولكـن شـاءت الظـروف انكمـ تروحـون اربد

بالتــوفيـــق لكمـ اخوانــي واخواتــي .. تحمـلوا بروحكمـ وانتبـهوا لدراستكمـ .. اهمـ شي الدراسة أول بأول .. حتـى لو ما كنتـوا معانا بنفس الجامعة ترا كلـنا تخصص واحـد .. أي شي تحتاجوونه من اسئلة .. ملخصات .. كتب او أي شـي ثاني لا تترددون .. احنـا بنكون إن شاء الله على تواصل معاكمـ اهنـي في المنتـدى وبنساعدكم في اللي تحتـاجونه ..

الله يــوفقكمـ و تتيســر كــل أمــوركمـ :laugh:

[نسيم الفل]

ماقصرتون والله يا أخصائية النطق
نادرا وجودكم في مثل هذا الزمان

ولنا زيارات متبادلة ان شاء الله

الله يعطيكم العافية
وجعله الله في ميزان حسناتكم ان شاء الله

بالتوفيق عزيزاتي

[SLP]

موفقين اخواني وخواتي .. وعسى نقلكم يكون فيه صلاح ليكم ..
و اي مساعدة في أي شي ترى احنا حاضرين وبالخدمة ..



بناات نوع الا وحشتونااا :'(

[نسيم الفل]

ترى لاتخافون كل ويكند
ان شاء الله بنجي ادرسونا بنمللكم :laugh:

[moon14]

الله كريم أحنا الشباب ما في أحد تصير لنا وحشة عنده cry982

إذا أحد يبي دروس خصوصية أو ملخصات سواء من الشباب أو البنات و من أي تخصص يقدر يروح أكاديمية القصور ...

أشكره يعني هذا الكلام صار قديم ... البنات أتوقع يطلعون أكثر منا :sweatdrop:



شكراً للأخوات لتواجدهم معنا و ما تقصرون ::in_love:: .... بالتوفيق للجميع :smailes60:

[SLP]

::in_love::نسيم الفل عزيزتيي ما عاش اللي يتملل منكم ...
moon: هههه مكانكم و اضح كلكم . وخاصة انكم كنتون بتكونون الشباب الوحيدين بالاردنية:11mmer3:

موفقين جميعاا

[Azhar M D]

سلام عليكم
شخباركم عساكم بخير
حدوني البنات على الموضوع :ongue:

ترى لاتخافون كل ويكند
ان شاء الله بنجي ادرسونا بنمللكم :laugh:


مامدانا استقرينا يبون يروحون عمّان
دراسه ها خيو!no213
للحين حتى ماداومنا
يللا ادعولنا المهم

[نسيم الفل]

azhar m d اي بندرس وش المانع خيو :ongue:
بس انتون برزوا العشاء في شقتكم
حق نأكل الايسكريم في شقتنا وندرس

[أخصائية نطق]

الســلام عليــكمــ ،،

شخبــاركم شبــاب .. وينكمـ مالكم حس ولا خبــر .. شخبـاركم ويا الجامعة والمواد والدراسة .. إن شااء الله كل اموركم تمـام ..

إذا احتجتوا اي شــي خبـرونا وإن شـاء الله نقـدر نساعـدكم .. وبنكون على تواصـل معاكمـ دائماً في المنتـدى ..

موفقــين جميــعاً

[moon14]

^^^

لحد ألحين ما ركبنا إنترنت من جذي ما نقدر نتواصل معاكم ...

لحد ألحين كل شئ أوكي ... بس بالنسبة لي مضايق من Bio>>> واجد حفظ

كبداية شووي في صعوية في حفظ الكم الهائل من المصطلحات الجديدة ...

أنتو شلون كنتوا تدرسون لهاي المادة ؟

[شذرة مطر!]

السلآم عليكم ..

أمممممم انا اخر سنه .. بس ادبي ..
وحبيت هالتخصص .. حبييت استفسر يصير ادرس هالتخصص على حسابي ..

وانا المشكله مو علمي أدبي ..

:(

[أخصائية نطق]

اخوي moon14 ..

بالنسبـة للبيو هذا وضع طبيعي جداً في البداية لان مادة ومصطلحات جديدة وطبيعة دراستها تختلف عن دراسة مواد المدرسـة ..

احنـا كنا اول شـي نقرأ الصفحة او الموضوع واحنا نترجـم وناخذ فكرة عامة .. واذا خلصنا ترجمتها نرد نقرأها مرة ثانية بتركيز ونفهم ونحفظ الاشياء اللي تحتاج حفظ .. أغلبية المادة تحتاج الى فهم حاولوا تفهمون تاخذون الفكرة الموجودة في الصفحة ..

يمكن تحسون الحين بصعوبة في دراسة المادة او تحسون انكم تنسون كل ما درستون بس هذا وضع طبيعي .. انتوا سوو اللي تقدرون عليه وبعد اول امتحان إن شاء الله بتتعودون على طريقة الدراسة وبتعرفون شلون تدرسون .. وحاولوا تتعرفون على شباب بحرينيين ماخذين هالمواد من قبل عشان يخبرونكم بطريقة الدراسة لان يعرفون طريقة الامتحانات .. واخذوا اسئلة امتحانات لان دائماً يكررون في الاسئلة ..

والله يوفقـــكمـ

[رحيق الجنة]

شكرا اختي العزيزة اخصائية نطق
وحشتونا تعونا عليكم يومين :ongue:
اليوم حددوا موعد امتحان الفيرست ما البيو
23- 10
وقال الدكتور درسوا من الكتاب
بس هم يجيبون اشياء من بين السطور ؟؟؟

[moon14]

السلآم عليكم ..

أمممممم انا اخر سنه .. بس ادبي ..
وحبيت هالتخصص .. حبييت استفسر يصير ادرس هالتخصص على حسابي ..

وانا المشكله مو علمي أدبي ..

:(

مرحبا..

ما في شئ مستحيل ...

بس واجد بيكون صعب عليك ...ما أنصحك تقربين من التخصصات العلمية

بالتوفيق

[أخصائية نطق]

smile1: اخــتي رحيق الجنه وحشتـووونا اكثــــر ..

امتحان البيو نفس ما قلنا لكم يعتمد على الفهم .. حاولوا تفهمون وتاخذون الاشياء المهمة من الدرس .. في الامتحان شي طبيعي بتلاقون صعوبة في بعض الاسئلة لأن مو كلها تكون مباشرة بس حاولوا تفهمونها وتربطونها باللي درستونه .. و اخذوا اسئلة امتحانات لان اكيد بيعطونكم اسئلة مكررة ..

و موفقــــين جميـــعاً .. smile1:

[نسيم الفل]

أخصائية النطق
تقصدين اسئلة سنوات سابقة (نهائي)؟؟؟

ادعوا الينا اخواتي يوم السبت اختبارنا

[أخصائية نطق]

نسيم الفل يبيعون اسئلة امتحانات first يعني تكون خاصة بمادة الفيرست تقريباً
تحصلوونهم في المكتبات او في الاكاديمية اللي عندكمـ

[ِAsrar]

[ عجبني هالتخصص ] العجيب !!

إلي مبتعثين .. في حدود جم نسبكم !!

[SWEET HOOR]

صدق اني بعد ؟؟؟؟؟؟ظ
:ph34r::ph34r::ph34r:

[بنت القبايل]

السلام عليكم

انا حصلت بعثه ع الجامعه الاردنيه بس ابي اعرف تنصحوني بهالتخصص ولالا لاني كلش كلش ماكان في بالي وتفاجات بالتخصص الي نزلوه لي مع العلم اني لي فرصه بدراسة طب عام اشتنصحوني ادرس طب ولا هالتخصص ؟؟

ردواا علي تكفووون وابي اعرف من هالسنه حصل بعثه لهالتخصص ؟؟

[بحرانية طموحة]

اني حصلت بعثة في هالتخصص السنة

انصحش فيه تخصص ممتع وحليو , وليه مستقبل

لا تضيعين على روحش الفرصة خيو

ولا تخافين شي طبيعي تخافين في البداية شوي لان الوضع غامض بالنسبة لش

بس توكلي على الله

[شوآآخ]

السلآإم عليكم

آنه طلع لي اطرآإف صنآإعية اللي اهو في نفس الكلية اللي فيهآإ تخصص علوم نطق وسمع كلية [ علوم التآهيل ] .. يآ ريت اللي يعرف شي عن هالتخصص يخبرني "سس

[بنت القبايل]

يعني احسن من الطب ولا اشلون ؟؟؟ حدي مو عارفه هاذي التخصص احسه سنوات اقل وراتب حلو ودوامه اريح من الطبيب بس مافي مقارنه بين دكتوور واخصائي ولا اشرايكم ؟؟ نبي انعرف من الطلبة الي ويانا من الحين عشان نتناقش قبل لا انثبت البعثه

[dark knight]

انا بعد حصلت هل تخصص زين و حلو خصوصا انه في الأردن و في العاصمة
انا شوي متردد ناس اتقول توكل على الله و ناس اقولون تخصص ماليه مستقبل في البحرين بس ليه في الخارج و اقولون انه الأخصائي في كندا او أمريكا يستلم ليه 60 الف دولار سنويا بس بعدي متردد

[ArsenalBAH]

:smailes60: تخصصي الجديد

[حبڪَ يدآويني~]

:smailes60: تخصصي الجديد


اللهم صل على محمد وال محمد

دراسة ممتعه

[ArsenalBAH]

اللهم صل على محمد وال محمد

دراسة ممتعه

شكراً جزيلاً

[خوك]

بارك الله فيكم جميعا و وفقكم الله


الى الشباب و الشابات الخايفين من التوظيف، نصيحة اخوية.


هذا التخصص مهم جدا في المجال الطبي، بس لا يعلم فضله الكثير. يعني مثلا اخصائيين علوم النطق و السمع يعتبرون اليد اليمنى لأخصائيي جراحة الانف و الاذن و الحنجرة، الفرق ان الاولي ليه اكثير بالتاهيل و المتباعة الدورية اما الطبيب المتخصص فليه بالجراحة و التشخيص. يعني ببساطة لو واحد منهم مو موجود، الثاني ماليه داعي.


اما من ناحية التوظيف، فالوظيفة موجودة و مو شرط البحرين. لان هذا التخصص مطلوب و خريجيه قليلين جدا. نفس ما قالوا الي قبلي، اخصائي نطق و سمع يحصل على 60،000 دولار كندي سنويا اي ما يقارب 1300 دينار بعد الضرايب (طبعا هذا يمكن بس مع شهادة باكلوريوس)، و نفس الشي في الدول الأخرى. اما البحرين مشوا بوزكم تحصلون 1300.

لذلك لا تتخاذلون و لا تتدلعون، اذا الغربة بتنمي من مهاراتك و بتمنحك عيشة كريمة و حالة مادية جيدة فالاغتراب يستاهل واقعيا.


اطلب من جميع الشباب و الشابات المقبلين على التخصصات الطبية و المساندة. لا و اعيد لا الف مرة، لا تضيقون افق الحصول على الوظيفة داخل البحرين (و تتخوفون من كل التخصصات ما عدا الطب و التمريض لان الوظيفة شبه شاغرة)، بل ثابروا شوي و دوروا و صدقوني بتحصلون فرص كثيرة يحلم فيها من حدد و ضيق افقه في البحرين فقط.

جوفوا هل روابط (وزارة العمل في امريكا) و تقدرون تجوفون التطلعات المتوقعة لهذه التخصصات و المجالات بالاضافة الى سرعة ازدياد الخريجين و تلبية الطلب على هذه التخصصات و الرواتب السنوية (قبل الضرائب)

علوم نطق و سمع
http://www.bls.gov/ooh/healthcare/audiologists.htm

اطراف صناعية
http://www.bls.gov/ooh/healthcare/orthotists-and-prosthetists.htm

صيدلة
http://www.bls.gov/ooh/healthcare/pharmacists.htm