شــوربة الفـ ط ـر الساخنة .. [الأرشيف]

مشاهدة النسخة كاملة : شــوربة الفـ ط ـر الساخنة ..

قيثارة من الورد

09-08-2010, 11:34 PM

السلام عليكم ورحمة الله وبركاته
اليوم قبل الفطور دخل في خاطري شوربة ..
فدورت في النت وصفة شوربة الفطر .. وطلع لي تبع منال العالم
وطبعا معروفة شوربة الفطر مالت الابراج لذيذة

نبدأ بالمقادير
شوي بصل مفروم .. شي قليل جدا
3 كاسات حليب
3 ملاعق اكل دقيق
مشروم مقطع ( علبة صغيرة )
1 مكعب ماجي دجاج
ملح وفلفل اسود

طريقة الاعداد ..
نشوح البصل على النار باستخدام القليل من الزيت
نضيف ليه شرائح المشروم ونشوحه بعد
ومن ثم نضيف مكعب الماجي
ومن ثم الدقيق
وبعدين نضيف الحليب ونخلي الدقيق يذوب فيه
ونحط على الرغبة ملح وفلفل اسود
ونخليها لين تثقل على النار

وبعدين تقدم ساخنة وبالهنا والعافية

ملاحظة : أول مرة اجربها وكانت لذيذة ولكن الفلفل الاسود صارت الكمية كبيرة لأن كنت بحط شوية بس نزل واجد من الغرشة

وهذي صورة الشوربة في احدى الكوب << خخ تمللت تحطه في طاسة حطته في كوبة

http://i36.tinypic.com/2hi2sgk.jpg

انتظر آرائكم ..

شمعه الغلا

10-08-2010, 04:26 PM

:smailes60:

ما جربت شوربه الفطر ان شا الله انجربها برمضان

مشكوورة ع الطريقة و الصورة

قيثارة من الورد

10-08-2010, 06:06 PM

جربيها ترى من شورباتي المفضلة

بالعافية مقدما ومشكورة على المرور

عزرائيلة

12-08-2010, 03:24 PM

تسلم أياديش خيوو !

أحب الفطر أني ..!

وشوربة الفطر بعد ..!

تقريباً أكثر أنواع الشوربات أحبها ::in_love::

قيثارة من الورد

12-08-2010, 10:59 PM

الله يسلمش خيووتي
عليش بألف عافية ..
نشتريها من الابراج ماتسوى ولا فيها مشروم
ريحة المشروم بس

قلب قرمزي

13-08-2010, 02:59 AM

اليوم طبقت شوربة الفطر و هذي الصورة ::in_love::

http://www13.0zz0.com/2010/08/12/23/161024441.jpg (http://www.0zz0.com)

الطالبة الطموحة

13-08-2010, 03:01 AM

وااجد نسويها في البيت
قمّة في اللذة..
يعطيش العافية خيوو :zz:

قيثارة من الورد

13-08-2010, 03:38 AM

خيتو القلب القرمزي ..
صراحة شكلها مغري .. بس وش خبر الطعم
تسلم ايدش خيوو .. ويعطيش الف عافية

خيوو الطالبة الطموحة ..
عليكم بألف عافية .. احسها من الشوربات الخفيفة على القلب والمعدة

شاكرة ليكم مروركم الكريم

شعاع الروح

13-08-2010, 04:11 AM

شكلها لذيذة ..

تسلم ايدش يا حلوة

قيثارة من الورد

13-08-2010, 04:27 AM

الله يسلمش خيتوو شعاع ..
ومنكم نستفيد ..

يعطيش العافية على المرور الحلو

الطالبة الطموحة

13-08-2010, 02:47 PM

خيّو جربي تحطين فيها قطع من جبن الكيري
أو حتى جبن مبشوور مقطّع يصير >> بس تصير أملح شوي
تطلع أحلــــى
شكراً مرة ثانية ::in_love::

قلب قرمزي

13-08-2010, 06:05 PM

لذيذة طلعت .. بس لو ما الوالدة الله يهديها حطت ملح زيادة .. صيث

بس عادي .. مشت العزه :smailes60: