المساعد الشخصي الرقمي

مشاهدة النسخة كاملة : طلبة نظم المعلومات ... أهلا بكم :)


Candle
23-08-2010, 06:03 PM
/
/

بسم الله الرحمن الرحيم
السلام عليكم و رحمة الله وبركاته
أهلا وسهلا بكم طلبة نظم المعلومات ..

وضعت هذا الموضوع حتى نتناقش و نتعرف
أكثر على تخصصنا وحتى نفيد ونستفيد .. :)

بانتظاركم طلبة نظم المعلومات

/
/

::in_love::

سهلة يجرحوني
23-08-2010, 10:10 PM
اول وحدة من شعب " البي اي اث"
ان شاء الله نعرف اكثر عن التخصص اياكم خصوصا للداشين على التخصص دايركت بدون تمهيدي & طريقة شرح الدكاترة باانج لو عرب
امممم حابة تعرفونا على مرافق الكلية واي صوب تصير وشنو فيها bounce233bounce233
وان شاء الله نتعرف عليكم اكثر في الجامعة

سقط الفن
23-08-2010, 10:46 PM
اهلا..:laugh:
اذا ماعليكم أمر خبرونا عن طبيعة شغلة المستقبل:smailes60:

سهلة يجرحوني
24-08-2010, 01:17 AM
اهلا..:laugh:
اذا ماعليكم أمر خبرونا عن طبيعة شغلة المستقبل:smailes60:

والله سمعت يقولون في كل مكان نشتغل :ongue:
يعني البنوك & الشركات
اما الحكومة من اربع سنوات مبندين التوظيف لمال نظم ملعومات والعهدة على الراوي bounce233
ومني ل4 او 5 سنوات الحال تغير ولا يندرى وش يصير
على العموم ماعليكم من شغلة المستقبل كل واحد مابحوش الا رزقه

حور الجنان
24-08-2010, 01:28 AM
اهلا وسهلا

من منكم راح يدش تمهيدي ومنو منكم بقدم الامتحان

سقط الفن
24-08-2010, 02:17 AM
اني باروح تمهيدي
وماليي نية اقدم الامتحان يمكن افلح شوي
وانتين ويش؟

حور الجنان
24-08-2010, 02:59 AM
اني ما ادري بيتنا يقولون ليي قدميه واني صراحه ابغي ادش تمهيدي عشااااااان اتعود على جو الجامعه

a-ssel
24-08-2010, 04:42 AM
هآآي وانا من ظمنكم ,,

بس انا بقدم الامتحان لان مو ضارني شيء ان رسبت قدمت التمهيدي وان ما رسبت كان الله غفور رحيم ,, رحت اول كورس لان ما يسوى اضيع كورس على شيء فاشل ,,

بس في احد عندة امثلة ع الامتحان مال التمهيدي ,,

تقبلو مروري

Ma7RoMa
24-08-2010, 01:50 PM
احد يقولي عن هندسة حاسوب !!
شنو ندرس ؟؟ وشلون بيكون حالتنا في الشغل ؟؟ :ph34r:

Ma7RoMa
24-08-2010, 01:54 PM
وووو سؤال حق جماعه البعثات
انا اليوم رحت الوزاره وجفت حاطيين لي 5 سنوات في العقد .. يعني دراسه هندسه حاسوب 5 سنوات ؟؟؟؟:smailes105:

Candle
24-08-2010, 07:36 PM
أهلا بكم .. :)

Candle
24-08-2010, 07:39 PM
أنا تمهيدي ..
لكني ان شاء الله بقدم الامتحان ..
و ان شاء الله نجتازه ..

وصح كلام a-ssel
ما في ضرر اذا قدمنا الامتحان ..

Candle
24-08-2010, 07:49 PM
http://www.uob.edu.bh/pages.aspx?module=pages&id=528&SID=71

هذي الخطة الدراسية لتخصص نظم المعلومات ..

Candle
24-08-2010, 07:56 PM
Ma7RoMa


هندسة الحاسوب
هذي نبذة بسيطة عن تخصص هندسة الحاسوب
صحيح ان بعض من هالمعلومات قديمة
لكن اتمنى انها تفيدج ..


.:. هندسـة الحــاسوب CE .:.

يعتبر احدث تخصص في الجامعة,,,

دراسته في اربع سنوات,,,

اذا كنت من محبي مادة الرياضيات او الدوائر الالكترونية في الكمبيوتر..فأعلم انك في التخصص المطلوب ..

هندسة الحاسوب في البداية كان تخصص فرعي !
لكنه اصبح بعد ذلك تخصص قائم بذاته ..مع ثورة المعلومات ..

هندسة الحاسوب=الهندسة الالكترونية + علم الحاسوب..

كحال التخصصات ... تتغير خطة هذا التخصص ليواكب كل ماهو جديد في المجالات التي يعنى بها..للحفاظ على مستوى مميز يوازي ماتقدمه الاقسام المماثله في الجامعات العالمية...

تسعى عمادة الكلية من اجل طرح برنامج الماجستير في هندسة الحاسوب..نظرا لحاجة السوق المتزايدة لهذا التخصص...

هذا التخصص لايعتمد على التركيز في مجال دون الاخر ..فهذه ميزة لهذا التخصص...



قسم هندسة الحاسوب :

قسم هندسة الحاسوب هو احدث الاقسام في كلية تقنية المعلومات في جامعة البحرين،وهندسة الحاسوب هو تخصص يدرس فيه الطالب عن انظمة الاجهزه وشبكات الحاسوب فيتخرج منه الطالب وهو مهندس ذو قدرة جيدة على التعامل مع مختلف الاجهزة الرقمية وشتى شبكات الحاسوب، ومنها شبكة الانترنت العالمية ، وقد بدأ تخصص هندسة الحاسوب في العديد من الجامعات كتخصص فرعي في قسم الهندسة الكهربائية او تخصص فرعي في قسم علوم الحاسوب/ومع مرور الوقت بدأ هذا التخصص بالنضوج والاستقلال حتى اصبح تخصصا متميزا قائما بذاته ،ولقد كان لثورة المعلومات الاثر الكبير في ذلك.

يقدم هذا التخصص كوادر بشرية ذات قدرات ذهنية عالية ،تلك القدرات المتمثلة بالقدرة على ربط نظام ما بعلم الرياضيات، للوصول الى فهم علمي لآلية عمل النظام،والتكهن بأدائه والبحث في تطويره ,ان خريجي هذا التخصص ينظرون الى التقنيات المعلوماتية كتجهيزات الكترونية،وهذه هي النظرة الاعمق التي تهتم بدور التفاصيل الدقيقة في اداء وسير عمل النظام ، وهم بالطبع على صلة وثيقة بعلم الهندسة الالكترونية وعلم الاتصالات اللذان يشكلان الاساس التقني لتصميم التجهيزات الحاسوبية.

يعني التخصص بــ :
تصميم الانظمة الرقمية .
الانظمة الرقمية الكامنه في شتى مجالات الحياة .
انظمة شبكة الانترنت.
تصميم الدوائر الرقمية.
شبكات الحاسوب.
انظمة الوسائط المتعددة.



مجلات العمل لخريجي هذا التخصص :
اعداد برامج الحاسوب .
تصميم الشبكات .
تصميم الانظمة الرقمية.
تصميم اجهزة وبرامج التحكم في عدة قطاعات كالقطاع الحكومي والخاص والشركات والمصانع.
العمل في مجال انظمة الوسائط المتعددة.

كيم و حيا
24-08-2010, 08:33 PM
اهلا وسهلا

من منكم راح يدش تمهيدي ومنو منكم بقدم الامتحان

أهــلاً بشعــب الــ B!S ~ ::in_love::

أني بقدم إمتحان التمهيدي ,, أدعوا لي أنجــح فيه :sweatdrop:

موفقــين لمـا يحب ويرضـى !

Candle
24-08-2010, 08:39 PM
الأمتحان تاريخ 5-9 الساعة 9 في قاعة 18 في جامعة البحرين بالصخير ..

sabeel
24-08-2010, 10:49 PM
من جماعتكم ان شاء الله bounce233

Ma7RoMa
26-08-2010, 01:21 AM
شكراً candle على المعلومات
ربي يعطيج الف عافية
.
بس حبيت اسأل ليش حاطين لي سنوات في الاتفاقية مالت البعثه ؟؟
غلطتي بعد ما سألت اهناك :ph34r:

شظايا حلم
28-08-2010, 03:41 AM
سجلو اسمي وياكم :laugh:

Candle
29-08-2010, 11:29 PM
شكراً candle على المعلومات
ربي يعطيج الف عافية
.
بس حبيت اسأل ليش حاطين لي سنوات في الاتفاقية مالت البعثه ؟؟
غلطتي بعد ما سألت اهناك :ph34r:

في الخدمة .. :)
ما ادري .. لكن في فرصة تستفسرين لمات تروحين الجامعة تسجلين مواد ..
و بالتوفيق .. :)

Candle
29-08-2010, 11:47 PM
sabeel و شظايا الحلم ..
أهلا فيكم ..

:ongue:

Candle
30-08-2010, 12:02 AM
هذي خطة تخصص نظم المعلومات من موقع جامعة البحرين ..
http://www.uob.edu.bh/pages.aspx?module=pages&id=528&SID=71
و ان شاء الله تفيدكم ... :)

ميامي وبس
30-08-2010, 12:28 AM
وياكـــــــــــــــــم

أمونآآت
30-08-2010, 02:09 AM
هذي خطة تخصص نظم المعلومات من موقع جامعة البحرين ..
http://www.uob.edu.bh/pages.aspx?module=pages&id=528&sid=71
و ان شاء الله تفيدكم ... :)


ثنكس وآيد .. ~

a-ssel
30-08-2010, 02:38 AM
يا جماعة في احد عندة او يستفسر لينا عن امتحان التمهيدي ,, اذا احد يعرف ناس يستفسر لينا ويقول شنو يجيبون لينا ,,

حور الجنان
30-08-2010, 02:41 AM
شابات وشباب

من منكم بروح يقدم الامتحان

انا مابروح اقدمه

BraveHeart
30-08-2010, 02:41 AM
قبل لا أقدم في بوليتكنك كنت مختار هالتخصص كرغبة أولى في جامعة البحرين :laugh:

MEMO~
30-08-2010, 04:34 AM
:smailes60::smailes60::smailes60: معكم اينما ذهبتم ايها الكرامم ::in_love::::in_love::

miss.joory
30-08-2010, 05:06 AM
:smailes60:معااااااااااااااااااااااكم
نظم معلومات اداريه

Candle
30-08-2010, 09:37 PM
بالنسبة للتمهيدي أعتقد بأنه لما يوم الأمتحان يصير جريب
يمكن الجامعة تحط أختبارات سابقة لامتحانات الأعفاء من التمهيدي في الموقع ..

Candle
30-08-2010, 09:45 PM
أهـلا :smailes60: وسهلا بكم ..
باجر دورنا حق المواد و الدفع ..
بالتوفيق للجميع .. :ongue:

حور الجنان
31-08-2010, 02:19 AM
سلام شعب

احنا بكرا اني بروح الساعه9 ان شاء الله قبل قلت بروح عقب الصلاه بس اخوي يقول باوديش الصبح عشان تفتكين

سقط الفن
31-08-2010, 02:20 AM
عليكم السلام...

اما اني بطلع من الساعة 7 :mad2:
ويالله يالله انوصل البيت قبل الادان :doh:

حور الجنان
31-08-2010, 02:22 AM
ان شاء الله اوصل قبل الادان عشان ما يصير عليي افطار

بنوتة العهد الزاهر
31-08-2010, 02:31 AM
ان شالله خير خب انا مستانسة 10 دقايق اموصله الجامعة بس بعد بطلع من وقت عشان الزحمة - ترى بكون في الصالة الرياضية وان شالله ينزلون لنا 4 مواد

حور الجنان
31-08-2010, 02:36 AM
بنوته اني بادش تمهيدي عباره

ماليي زاغر اقدم الامتحان مشوار صراحه

سهلة يجرحوني
01-09-2010, 02:46 AM
مسخرة اليوم no213

المراة الا في التسجيل عطتني جدول مو مالي وماانتبهت الا يوم رحت بحاسب ان في الجدول مادة وحدة :smailes105:

ورديت رجعت وطبعت لي جدولي
ويوم رحت بدفع الا المحاسبة تقول لي 128 عاد اني بطلت عيوني :smailes105:
طلع ان منزلين لي خمس مواد نفس الخطة
ورديت رحت حذفت مادة العرب
ورحت حاسبت وطلع ب 104 واخذت الجدول الا مافيه رقم سري :ph34r::smailes105:
ورديت رجت يطبعون لي جدول مرة ثالثة :ph34r:
ورديت رحت ختمته :1213:

طبعا الاوقات لاتعليق
عندي يو تي اج 8 و11 و12
وام دبليو محاظرة وحدة بس الساعة 1 ويوم الخميس 3 cry982

امبى اغير وقت محاظرة ITCS
لان صراحة بروح على حسابها يوم الاثنين لا ومتاخر وقتها
على الاقل الصبح مو العصر no213

sabeel
01-09-2010, 03:27 AM
سهلة يجرحوني: هههه معاناة اليوم عندج

اني بعد أوقات ITCS أبــدا مو عاجبتني

الساعة 3 و 1 cry982

سويت لي جدول من جديد

و ان شاء الله وقت التسجيل أطبقه :ph34r: <<< في الأحلام تحصلين مجال

كيم و حيا
01-09-2010, 03:35 AM
بنات الـ bis

اليوم التثبيت في احد جدوله نفسي جذي !


الدكتور Sec. [ 85 ] => To be announced, << يعلن عنه لاحقاً
واليو تي اج الرووم -

تمهيدي bis اني

بنوتة العهد الزاهر
01-09-2010, 03:46 AM
انا مثلش 5 موااد بس خليت العرب وحذفت الماث .. ترى itis & itcs هاي جدد واحنا بنمشي ع خطة جديدة .. ان شالله مايكونون صعبين عاد .. ع الفكرة غيروا مسمى تخصصنا لو تلاحظون فووق الجدول مكتوب اسم تخصصنا (ITIS (NEW)

سهلة يجرحوني
01-09-2010, 06:29 AM
سهلة يجرحوني: هههه معاناة اليوم عندج
اني بعد أوقات ITCS أبــدا مو عاجبتني
الساعة 3 و 1 cry982
سويت لي جدول من جديد
و ان شاء الله وقت التسجيل أطبقه :ph34r: <<< في الأحلام تحصلين مجال


شكل جدولش نفسي اني بعد هالمادة ثقيلة الطينة الساعة 1 الاثنين والاربعاء 3 cry982

وبروح على حسابها

خالتي تقول صعب صعب نحصل مجال نغير الوقت او اذا حصلنا ساعات يتاعرض مع المواد الموجودة

خيو حذفتين لش مادة لو خليتينهم 5 ؟؟

سهلة يجرحوني
01-09-2010, 06:33 AM
انا مثلش 5 موااد بس خليت العرب وحذفت الماث .. ترى itis & itcs هاي جدد واحنا بنمشي ع خطة جديدة .. ان شالله مايكونون صعبين عاد .. ع الفكرة غيروا مسمى تخصصنا لو تلاحظون فووق الجدول مكتوب اسم تخصصنا (itis (new)
خيو اني سالت هناك واحد من الاهناك مقعدين على الكمبيوترات "قايلين لي اروح له "
عن يازعم هو يفهم ايهو احسن احذف
قال لي المواد التخصصية لاتحذفين لان عليهم متطلبات تالي والانج والماث بعد
بس العرب ماعليه اي متطلب فعادي حتى لو ناخذه صيفي مو مشكلة
فمن جدي حذفت العرب

بنوتة العهد الزاهر
01-09-2010, 02:26 PM
^

اي مواد التخصص مايصير نحذفهم .. انا خليت العرب عشان يصير اخف .. لان موادي دسمين الله يسلمش صيث

حور الجنان
01-09-2010, 03:10 PM
بنات في احد جدوله نفسي

mwمن8 الى 9:40

uthمن 4 الى 4:50

تمهيدي

miss one
01-09-2010, 05:34 PM
انا معاكم

بدون تمهيدي

sabeel
01-09-2010, 08:27 PM
شكل جدولش نفسي اني بعد هالمادة ثقيلة الطينة الساعة 1 الاثنين والاربعاء 3 cry982
وبروح على حسابها
خالتي تقول صعب صعب نحصل مجال نغير الوقت او اذا حصلنا ساعات يتاعرض مع المواد الموجودة
خيو حذفتين لش مادة لو خليتينهم 5 ؟؟

الظاهر انتي وياي في السكشن اذا ماغيرته ان شاء الله

سكشن 19

خليتهم 5 مواد

و الجدول غيرته بالكامل صيث كأنه على كيفي

بنوتة العهد الزاهر
02-09-2010, 01:56 AM
الي يدرس اول كورس ع طوول .. اذا عنده ماث يقول لي شنو رمزه ؟؟

سهلة يجرحوني
02-09-2010, 02:18 AM
7
7

ماث 101 كولاكس

~ هتامي ~
02-09-2010, 02:47 AM
ياعرب انا الخطة ماغيرتها وماحذفت شي مثل اللي عطوني

بس يكفي بين كل سكشن وسكشن 10 دقايق ولا ربع ساعه؟ !!

بنوتة العهد الزاهر
02-09-2010, 03:02 AM
ماث 101 كولاكس

هذا الدليل ان بنمشي ع خطه جديده .. اساسا في الخطة القديمة ماعندنا هالمادة .. يالله :11mmer3:

سهلة يجرحوني
02-09-2010, 07:27 PM
هذا الدليل ان بنمشي ع خطه جديده .. اساسا في الخطة القديمة ماعندنا هالمادة .. يالله :11mmer3:
اي شكلهم مغيرين الرموز بعد
او ان ديك الخطة من زمن دزني واطيح صيث
بروج اني اول يوم بشوف سالفتهم
بقول ليهم يعطوني الخطة

نبض القصيد
03-09-2010, 03:51 AM
وش رايكم .. نظل ع 5 مواد او احسن نحذف وحدة؟؟

~ هتامي ~
03-09-2010, 04:19 AM
انا كنت باحذف بس وحدة تشتغل هناك قالت لي خلج عليهم احسن
العربي حضرتي ولا ماحضرتي كل واحد
ووالانجليزي تمشين اذا انتي اوكي فيه

يبقى عليج بس 3 موااد وجي
واوردي اول كورس يعطووونج عن المايكروسوفت وهالسوالف ان سهل

خليتهم انا

شظايا حلم
03-09-2010, 05:52 AM
ماشاء الله التخصص كامل بنات مافيه ولا نتفه صبي cry982

انا اول فصل تمهيدي "سس

وافكر اضيف ماده وياه ومحتار بين الاسلاميك والعرب :11mmer3:

miss one
03-09-2010, 06:04 AM
انا جدولي خليته ما سويت فيه شي

عندي 16 ساعه

احسهم واجد:sweatdrop:

نبض القصيد
03-09-2010, 06:10 AM
انه كنت ما بغير ولا بحذف ..

لكن الاوادم عقدوني !!

يقولون 5 وااجد .!.

بس عجل ما بحذف شي :11mmer3:

بنوتة العهد الزاهر
03-09-2010, 05:27 PM
انا حذفت وصارت عندي 13 ساعة :)

• îss.. •
03-09-2010, 09:14 PM
لييش تحذفوون
احس اوكي 5 موااد
.
.

الله يستر بس
يوم الاثنين للساعه 5 العصر cry982

sabeel
04-09-2010, 02:51 AM
خليتهم 5 مواد

بس قاعدة أفكر أخليهم 4

يمكن لأنه أول كورس و مهم

و احنا مو متعودين

شرايكم ؟ 4 أو 5 مواد :1211: ؟

بنوتة العهد الزاهر
04-09-2010, 03:00 AM
اذا تحسون حالكم تقدرون ع 5خلووه .. :)

sabeel
04-09-2010, 03:03 AM
قلت باخذ خيره :laugh:

هذي الخطة

http://www.uob.edu.bh/english/pages.aspx?module=pages&id=540&SID=203

سهلة يجرحوني
04-09-2010, 02:29 PM
خليتهم 5 مواد
بس قاعدة أفكر أخليهم 4
يمكن لأنه أول كورس و مهم
و احنا مو متعودين
شرايكم ؟ 4 أو 5 مواد :1211: ؟

على حسب لين انتين شطورة وتدرسين اول بأول ومابتراكمين شيء احس اوكي والله مابيضيع تعبش "مو نفسي لنهاية الكورس يالله ادرس "

وعلى التعويدة اسألي ناس اكبر منا فب الجامعة اذا في فرق واجد بين المدرسة والجامعة

بالنسبة لي احس بيصير فرق واجد واحس كل المواد يتصير لينا ذاتي صيث

سهلة يجرحوني
04-09-2010, 02:35 PM
قلت باخذ خيره :laugh:
هذي الخطة
http://www.uob.edu.bh/english/pages.aspx?module=pages&id=540&sid=203

هذي الخطة غير خيو عن جدولنا

لاحظي الماث مالنا 101 والا في الخطة 107

وفي في الخطة منجمنت واحنا عندنا بدله اي تي اي اس
واحنا اي تي سي اس 4 ساعات مو 3 نفس الجدول

بس الانج والعرب نفس الشيء

بنوتة العهد الزاهر
04-09-2010, 02:42 PM
قلت باخذ خيره

هذي الخطة

http://www.uob.edu.bh/english/pages....id=540&sid=203

الخطة اتغيرت لدفعتنا الجديدة .. نطروا اول يوم وسألوها عنها لان للحين مانزلت ع موقع الجامعة

sabeel
04-09-2010, 05:20 PM
أهاا ... يعني هالخطة قديمة :sweatdrop:

لحد الحين قلت بخليهم 5

و من الحين إلى تاريخ 17 يصير خير ان شاء الله :sweatdrop:

سقط الفن
06-09-2010, 02:11 AM
مااشووف اوادم الا قالو عنه صعب عدل :ph34r:
الله يساعدنا بس

نبض القصيد
06-09-2010, 04:24 AM
لحد ياخذ كلام الناس !!

ما يضيع الا كلام الناس !
كل واحد و قدراته .. ناس تشوفه صعب و ناس تشوفه سهل !

,, ’،~ وياكمــ ان شاء الله::in_love::

ميامي وبس
06-09-2010, 06:41 AM
http://www7.0zz0.com/2010/09/06/03/242141757.png (http://www.0zz0.com)

من جدوله نفسي

إبتسامة جرح
06-09-2010, 04:56 PM
<< ميامي وبس >>


ترى جدولنا مثل الشي بالضبط

A.Hussain 9
06-09-2010, 05:17 PM
الخطة اللي خليتونها هذي الخطة القديمة ..

حاولوا تروحون القسم وتاخدون الخطة الجديدة ..

الخطة فيها تغيرات واجد من أول فصل .. أستحداث مادة ITis و تبديل ماث 107 ب101 و itcs101 ب 103 (بس مثل المضمون مافي فرق بس المسمى أختلف ..

العرب و الأنجليزي مثل أي عرب وأي أنجليزي ..

بالتوفيق لكم

تحياتي

ميامي وبس
07-09-2010, 05:17 AM
<< ميامي وبس >>
ترى جدولنا مثل الشي بالضبط


عيل نشووفج فالجامعة ان شااء الله

نبض القصيد
07-09-2010, 11:20 AM
اشوف اول كورس كل المواد it !! ,,~
مافي مواد بزنز !!

وش يعني ,, هل هالتغيير يعني انهم يرجعونه او يخلونه بس is
بدون bs .؟!!

:ph34r:

بنوتة العهد الزاهر
07-09-2010, 02:34 PM
اهو نفس التخصص بس بعض المواد جددوها وغيروها لدفعتنا والمسمى صار is

ميامي وبس

نفس الجدول بس انا شلت الماث صيث .. ع فكرة طلبة نظم معلومات اول فصل تقريباً كلهم نفس الجدوول

نبض القصيد
07-09-2010, 07:15 PM
اي المسمى صار is
مش bis

يعني يمكن بس خلوه مواد it
وشالوا مواد البزنز .!!!

سهلة يجرحوني
07-09-2010, 11:56 PM
http://www7.0zz0.com/2010/09/06/03/242141757.png (http://www.0zz0.com)
من جدوله نفسي
اني جدولي حده غير
بس الماث لكن مو في نفس السكشن
شكل الا اياي كلهم ماعرفهم

نبض القصيد
08-09-2010, 02:00 AM
يصير أحد يفهمني شسالفة تغيير مسمى التخصص و المواد؟؟!

هل يعني بكون التخصص بدون مواد البزنز او شنوو؟؟!!!!!!!!!!!!!!!!!!!!

بنوتة العهد الزاهر
08-09-2010, 02:10 AM
^

مايندرى خيوو .. بما إن حطو لنا ماث 101 مال cs فمو غريبة يشيلون مواد البزنز ويحطون بدالهم فيز وكيم .. خل تفتح الجامعة وناخذ الخطة .. ان شالله خير

سهلة يجرحوني
08-09-2010, 03:15 AM
يصير أحد يفهمني شسالفة تغيير مسمى التخصص و المواد؟؟!
هل يعني بكون التخصص بدون مواد البزنز او شنوو؟؟!!!!!!!!!!!!!!!!!!!!
الاخ ابو حسين يقول بس المسميات تغيرو ولكن المحتوى نفس الشيء

نبض القصيد
08-09-2010, 04:51 AM
والله ماادري
ياليت احد يشوف لنا الخطة الجديدة
cry982

لأن صراحة مادري يعني وش السالفة !!

A.Hussain 9
08-09-2010, 04:56 AM
الاخ ابو حسين يقول بس المسميات تغيرو ولكن المحتوى نفس الشيء

هذا الكلام بالنسبة للمادة الcs 103 >>

والله ماادري
ياليت احد يشوف لنا الخطة الجديدة
cry982

لأن صراحة مادري يعني وش السالفة !!

حاولت الأتصال بممثل الكلية علي عبدالجليل لكن كل المحاولات كانت فاشلة .. أن شاء الله على بكرة احصل الخطة الجديدة وأنزلها ليكم هني ..

تحياتي

نبض القصيد
08-09-2010, 07:02 AM
مشكور اخوي وما قصرت

جزاك الله خير حاول انك تشوفها لنا

لان على اعصابنا مع التغيير ما ندري يعني وش صاير

سهلة يجرحوني
08-09-2010, 09:16 AM
هذا الكلام بالنسبة للمادة الcs 103 >>



حاولت الأتصال بممثل الكلية علي عبدالجليل لكن كل المحاولات كانت فاشلة .. أن شاء الله على بكرة احصل الخطة الجديدة وأنزلها ليكم هني ..

تحياتي

شكرا لجهودكم :laugh:

بنوتة العهد الزاهر
08-09-2010, 02:38 PM
حاولت الأتصال بممثل الكلية علي عبدالجليل لكن كل المحاولات كانت فاشلة .. أن شاء الله على بكرة احصل الخطة الجديدة وأنزلها ليكم هني ..

ننتظرها على احر من الجمر :11mmer3:

نبض القصيد
08-09-2010, 07:35 PM
منتظــرين ,, و كلنا امل ان ما يعفسون الدعــوه بالخطة الجديدة

miss one
08-09-2010, 09:51 PM
ميامي و بس

معاي في العرب بس:laugh:

A.Hussain 9
09-09-2010, 12:25 AM
عليكم السلام
بخصوص الخطة الجديدة رحنا لهم القسم طلبنا منهم الخطة الجديدة
بس خبرونا ان للحين مو موجودة عندهم
والسكرتيرة بنفسه ماتدري عن شي بخصوص الخطة الجديدة
يعني يوم رحنه نستفسر عن التغييرات ماحصلنه اي رد
متى ما حصلنه خبر بهالخصوص راح نخبركم ان شاء الله


هذا نص المسج من عند علي عبد الجليل ..


تحياتي

نبض القصيد
09-09-2010, 12:52 AM
مشكور اخوي ,,

بس والله ما يندري متى بنزلونها !! ,,

احنا نبي بس نتطمن ,,هل شالوا مواد البزنز يعني هل سووا تغيير جذري او لا !

سهلة يجرحوني
09-09-2010, 03:45 AM
عليكم السلام
بخصوص الخطة الجديدة رحنا لهم القسم طلبنا منهم الخطة الجديدة
بس خبرونا ان للحين مو موجودة عندهم
والسكرتيرة بنفسه ماتدري عن شي بخصوص الخطة الجديدة
يعني يوم رحنه نستفسر عن التغييرات ماحصلنه اي رد
متى ما حصلنه خبر بهالخصوص راح نخبركم ان شاء الله


هذا نص المسج من عند علي عبد الجليل ..


تحياتي


شكرا لمساعيكم انتم والاخ علي عبد الجليل

وهذا ديدن هذه الجامعة العريقة

تتعمد إضلال الطلبة في اتفه الامور

ولن نكون افضل من طلبة العلاج الطبيعي

نبض القصيد
09-09-2010, 04:44 AM
لكن بصراحة مو حركة يسوونها فينا !!

ما نقدر نرسي على بر و يخلونا نحاتي و يفاجؤناآآ , ,!

الله يستر

سهلة يجرحوني
09-09-2010, 09:46 AM
لكن بصراحة مو حركة يسوونها فينا !!
ما نقدر نرسي على بر و يخلونا نحاتي و يفاجؤناآآ , ,!
الله يستر

اختي لاتخافين
والموتة وحدة صيث

ومااتوقع يعني تغير جذري بصير في التخصص بدون مااحد يدري

امكن بس تغير في الاسامي لا غير

sabeel
09-09-2010, 05:29 PM
امم بنت خالتي شافت جدولي و قالت يمكن itis تخصص فرعي :1211:

بنوتة العهد الزاهر
09-09-2010, 06:33 PM
لا انا اعرف وحدة شخصياً سالت التسجيل وقالوها لها نفس التخصص بس المسمى اتغير + بعض المواد بالـ الخطة ..

A.Hussain 9
09-09-2010, 09:50 PM
امم بنت خالتي شافت جدولي و قالت يمكن itis تخصص فرعي :1211:



نظم معلومات من التخصصات اللي مافيها فرعي .. ومايصير فرعي من أول كورس ..

لا انا اعرف وحدة شخصياً سالت التسجيل وقالوها لها نفس التخصص بس المسمى اتغير + بعض المواد بالـ الخطة ..

أعتقد جدي .. وما أظن حذفوا مواد البزنز لأن مادة itis101 PERSONAL PRODUCTIVIT يعني أحتمال تتكلم عن المشاريع و إدارتها (منيجمنت) بالأضافة إلى اللاب ..

مجرد توقع ..

تحياتي

نبض القصيد
10-09-2010, 11:23 PM
:1211:

ما في خبر new ..!؟

A.Hussain 9
10-09-2010, 11:26 PM
:1211:

ما في خبر new ..!؟


الجامعة في إجازة .. يعني الأخبار يتكون بعد العيد .. عيديتكم ..

تحياتي

نبض القصيد
13-09-2010, 06:30 PM
up


:ph34r:

سهلة يجرحوني
13-09-2010, 08:30 PM
إن شاء الله خير

كلها 5 ايام واحنا في ربوووع الجامعة وبنسألهم عن القصة

في منتدى فاني وحدة تقول يوم سالتهم قالو خطة جديدة بعدهي مانزلت bounce233

صبرر جميل وبالله المستعان

نبض القصيد
15-09-2010, 04:09 AM
up

:ph34r:

كبرياء الحداد
18-09-2010, 07:06 PM
سلام عليكم
انا مالي دخل في هالتخصص :sweatdrop:
بس صديقتي قالت لي أستفسر منكم
اهي سامعة من وحدة من اهلها ان هالدفعة النظم معلومات صار بدون بزنز .. يعني اهو كان اسمه نظم معلومات ادارية .. الحين اسمه بس نظم معلومات يعني ماله شغل في البزنز ولا شي .. فهالخبر صحيح او لاا ؟:doh:

A.Hussain 9
18-09-2010, 07:20 PM
سلام عليكم
انا مالي دخل في هالتخصص :sweatdrop:
بس صديقتي قالت لي أستفسر منكم
اهي سامعة من وحدة من اهلها ان هالدفعة النظم معلومات صار بدون بزنز .. يعني اهو كان اسمه نظم معلومات ادارية .. الحين اسمه بس نظم معلومات يعني ماله شغل في البزنز ولا شي .. فهالخبر صحيح او لاا ؟:doh:
ما حد يقدر ينفي أو يأكد الخبر ..

تم أستحداث خطة جديدة لطلبة نظم المعلومات لكن هل هناك تغير جدري أم لا ،، الله أعلم ..

أرجعي الى الصفحات القبلية بتشوفين بعض النقاشات بهذا الخصوص ..

تحياتي

سقط الفن
18-09-2010, 07:39 PM
مثلا لووو مشينا ع الخطة الاولية جم بتكوون مدة الدراسة وجم مادة ناخد كل فصل؟

بنوتة العهد الزاهر
18-09-2010, 08:35 PM
صديقتي عندها الخطة الجديدة لنظم المعلومات قلت لها سويها سكان اتقول ماعندها بس الي عرفته ان في مواد بزنز

sabeel
19-09-2010, 05:43 PM
أخذت الخطة الجديدة

ان شاء الله أسويها لكم سكان

sabeel
19-09-2010, 07:22 PM
هذي الخطة الجديدة bounce233

نبض القصيد
20-09-2010, 06:06 PM
شكراً ع الخطــة

مشكوورة مشكورة ع الاقل شوي خف التوتر الحين

ماقصرتي

sabeel
20-09-2010, 10:30 PM
العفوو :)

بس شنو الفرق بينها و بين القديمة :1211: ؟

بنوتة العهد الزاهر
20-09-2010, 10:40 PM
الفرق ان كانوا يدرسون ماث 107 والحين ندرس احنا بداله 101 + مواد تخصصية جديدة وزادوهم بعد

بنوتة العهد الزاهر
21-09-2010, 06:55 PM
الي يدرسوون itis ممكن يخبرووني عن اوقاتهم + السكاشن لان يمكن احضر لسنر عن دكتوور ثاني ..

sabeel
21-09-2010, 09:29 PM
الـ IS سكشن 4
M:
09:30-10:45
(S40-030)
11:00-12:40
(S40-2013)
W:
09:30-10:45
(S40-030)
Dr. Orlando Jr Sion Catuiran

بنوتة العهد الزاهر
21-09-2010, 09:37 PM
اوووووووه لاسف عنددددددددي cs نفس الوقت .. يالله cry982
طيب من عنده غيييير سكشن ووقت :( .. انزين اووكي دكتوركم ؟؟ احنا تبعنا حالته لله لانفهم له لا عربي ولا نجليزي :11mmer3:

sabeel
21-09-2010, 09:56 PM
في مثل الدكتور uth الساعة 8

و اعتقد في الساعة 10 و في الساعة 9 بعد (شفت من وصلة السكاشن بس مو مكتوب الدكتور)

دكتورنا مادرسنا للحين فما أقدر احكم عليه :sweatdrop:

لغته أحسها مو معقدة

بحثت عنه و ماشفت آراء واجد عنه

بس يقولون عليه شكوى هع

بس بعد مانقدر نحكم عليه

بنوتة العهد الزاهر
21-09-2010, 10:03 PM
ياسلام حصلت عنده دكتورتكم uth .. الساعة 8 .. :)

نجم الدراز
25-09-2010, 10:41 AM
Dr. Orlando Jr Sion Catuiran

شرحه زين ؟؟

وويش جنسيته ؟

النوراء
25-09-2010, 10:51 AM
dr. Orlando jr sion catuiran


شرحه زين ؟؟


وويش جنسيته ؟



يقولون شرحه زين ..

وجنسيته فلبيني ..

نجم الدراز
25-09-2010, 11:00 AM
أحنا سكشن 3

الدكتور اسمه عبد العزيز قروات .. من الجزائر


ولا نفهم شنو يقول ...


سكشن 2 ، منهو يدرسهم ؟

بنوتة العهد الزاهر
25-09-2010, 11:05 AM
انا سكشن 2 ونفس الشي يدرسني هالعبدالعزيز عطانه يازعم ورقة مال اليوونت 1 ع ماعتقد .. قام يهدر يهدر نفخ راسي ع ولاشي ولابعد خلصها .. مافهمت منه ولاشي مادري شنو طبيعة هالمقرر وش المطلوب منه نحفظه :(

نجم الدراز
25-09-2010, 11:08 AM
أحنا بعد عطانا هذي الورقة ...

كلامه كله بالإنجليزي ، ولا نفهم شنو يقول ،،
يا أخي ترجم لينا شويّ عربي عاد خلنا نمشي وياك ...


وكتب هذي المادة مافي في الجامعة ؟؟!!!

sabeel
25-09-2010, 11:15 AM
ماعتقد موجودة الكتب <<< هو في شي أصلا في البوك شوب "سس ؟!!

بس اذا انته تبي دكتور تفهم للغته

فاعتقد لغة الفلبيني أحسن من لغة الجزائري :laugh:

مع اني ماسمعت كلام دكتوركم الجزائري :sweatdrop:

سؤال : كتاب الانج 154 عادي نستخدم قديم ؟ أو الانج المطلوب طبعة جديدة ؟

بنوتة العهد الزاهر
25-09-2010, 11:22 AM
سؤال : كتاب الانج 154 عادي نستخدم قديم ؟ أو الانج المطلوب طبعة جديدة ؟

اي احنا دكتورتنا قالت ان بجددونا هالكتاب وعشان جذي مو موجود حاليا في البوك شووب قالت لينا ياتاخذون كتاب قديم او بعطيكم نسخ وانتون تطبعوونهم ..


أحنا بعد عطانا هذي الورقة ...

كلامه كله بالإنجليزي ، ولا نفهم شنو يقول ،،
يا أخي ترجم لينا شويّ عربي عاد خلنا نمشي وياك ...


وكتب هذي المادة مافي في الجامعة ؟؟!!!

لا عربي ولا انج ماينفهم له جنه يتكلم فرنسي .. لا مو متواجدين حالياً

sabeel
25-09-2010, 11:26 AM
ناخذ كتاب قديم بس مؤقت يعني ؟

كأني سمعت عن سيرة حياة دكتوركم و سيرته فيها فرنسا اذا ماخاب سمعي :1211:

نجم الدراز
25-09-2010, 11:27 AM
إي والله ، أول مرة في الحياة يدرسنا جزائري

جربنا كل شيء ( مصري ، تونسي ، فلسطيني ، أردني ، جزائري ، سوري )
جميع أقطار الوطن العربي جربنا مدرسينهم ...


بس اذا انته تبي دكتور تفهم للغته

فاعتقد لغة الفلبيني أحسن من لغة الجزائري

مع اني ماسمعت كلام دكتوركم الجزائري


خسآرة الحين ما يصير نغيّر السكشن ...
بجرب أحضر ليه ليسنر ...

نجم الدراز
25-09-2010, 11:29 AM
كأني سمعت عن سيرة حياة دكتوركم و سيرته فيها فرنسا اذا ماخاب سمعي


هذا الدكتور الله يسلمش

من أصل جزائري ( وأغلب الجزائرين يتكلمون فرنسيين )
ودارس في ليبيا

وعايش في ألمانيا لفترة طويلة

والحين في البحرين

بنوتة العهد الزاهر
25-09-2010, 11:33 AM
اصلا احس حتى كلامه مادري شلون يالله يالله تطلع الكلمة ويقعد يفكر في أي كلمة يقولها .. حتى مرة احد ساله شنو اختصار لكلمة < مو متذكرتنها .. ماعرف شنو يجاوبه قام يبحث يبحث حتى الي يسال طلع الجواب وهو للحين ..

بنوتة العهد الزاهر
25-09-2010, 11:35 AM
ناخذ كتاب قديم بس مؤقت يعني ؟

كأني سمعت عن سيرة حياة دكتوركم و سيرته فيها فرنسا اذا ماخاب سمعي

قالت الفصل الثاني بينزلوون .. اخذي قديم مافي فرق

sabeel
25-09-2010, 11:35 AM
صيث مايعرف يقعد في مكان هالدكتور

اذا تبون تحضرون ليسينر عند اورلندو في mw هذا الموقع ماله : S40-030

والـ UTH هني : S40-2012

هو صدق ينكت بس ذاك اليوم نفخ راسي من الهذرة :sweatdrop:

نجم الدراز
25-09-2010, 12:32 PM
ممكن رقم مكتب الدكتور ؟؟

أو نحضر ونقوله نبى نقعد معاك ليسنر قبل ما يبدي المحاضرة ؟؟؟

sabeel
25-09-2010, 01:13 PM
مكتب الدكتور : S40-2025

مادري كيفك بتستأذن أو لا :sweatdrop:

نجم الدراز
25-09-2010, 02:10 PM
لازم نستأذن أفضل ...

فيه مجال سكشن رقم 1 ؟ uth ؟؟

sabeel
25-09-2010, 02:36 PM
قصدك تغير السكشن ؟ او بس ليسينر ؟

اعرف بنات في سكشن 1 بس مادري اذا في مجال أو لا

النوراء
26-09-2010, 07:00 PM
اذا في أحد يدرسه اورلاندو itis101 .. اذا ماعليكم امر .. ابي اعرف ويش عطاكم الاسبوع اللي راح .. واذا كاتبين شي اذا تقدرون تصورونه و تخلونه .. لان توني اروح ليه ومضيعه ..

و اذا بعد شسمه تاخذون ITCS103 عند يعقوب عاشير .. ابي نوتاتكم ..

sabeel
27-09-2010, 12:42 PM
اورلندو عطانا أوراق مال جبتر 1

و اللاب تمرين بسيط في الوورد

النوراء
27-09-2010, 03:11 PM
اورلندو عطانا أوراق مال جبتر 1



و اللاب تمرين بسيط في الوورد




اها .. عطاكم كلكم لو عطى بعضكم والباقيين يطبعونهم ؟

sabeel
27-09-2010, 10:51 PM
عطانا كلنا يوم الاربعاء

بس اليوم كان فيه بنات جدد اعتقد قال ليهم يطبعونهم

سهلة يجرحوني
28-09-2010, 10:40 AM
لازم نستأذن أفضل ...
فيه مجال سكشن رقم 1 ؟ uth ؟؟

اني فس سكشن 1 في مجال لجمن واحد

السكشن مو متروس

سهلة يجرحوني
28-09-2010, 10:43 AM
بسالكم عن مادة is

وش موضوعها هالمادة
اورلاندو يشرح واني علامة ؟؟؟ على وجهي

نحفظ مثلا كل شيء لو شنو

اني استلمت الورقة مالت اول جابتر وترجمت نصها عن يازعم عشان اسهل للحفظ

بس بنات يقولون فهم

قولو لي شسوي لاني ما افهم للدكتور يبلع في الحجي

وخصوصا السكشن الساعة 8 يعني بعدهي النومة :1213:
الله اللمستعان

sabeel
28-09-2010, 07:28 PM
اني بعد أترجمها صيث

ان شاء الله ناوية أحفظها :laugh:

نبض القصيد
28-09-2010, 07:48 PM
بالنسبه للتمرين اللي اليوم حق الوورد !
itis ,, ~

بس نقلد على اللي مسويه هو بالضبط؟

لأن تكلم عن شي missing لازم نكمله وما فهمت وش يقصد:sweatdrop:

سقط الفن
28-09-2010, 08:12 PM
السلام عليكم ناس

شحوال التخصص سهل صعب لو ويه؟خاصة للاوادم الا مايفهمون انج نفسي..؟

sabeel
28-09-2010, 10:27 PM
نبض القصيد : بصراحة مادري شسالفة التمرين بالضبط

لأن من ضمن الملفات اللي طرشها لنا واحد محلول له :nea: ؟

يمكن قصده ان نص الفقرة من ملف و النص الثاني من ملف غير صيث

ههه مادري يعني :sweatdrop:

سقط الفن : الـ cs لحد الحين حليو

بس الـ is ماعجبني واجد يمكن لأني مثلج مافهم واجد للانج :laugh:

سهلة يجرحوني
29-09-2010, 11:14 AM
التمرين الا عطانا اياه بعدي ماشفت وش سالفتع
بس هو جن نتمرن على الكيبورد وهالسوالف
والسبيسات
بروح اشوف وش سالفته

نبض القصيد
29-09-2010, 12:59 PM
التمرين احسه هرار !!
,~
يعني هو محطوط معاه تمرين محلول كآآمل !! .~

يمكن بس نقلد عليه :smailes60:

و اوردي انزين يعني حتى الفقرات مكتوبة و مرتبه

وش نسوي مثلا؟! ما في شي نتيبه"سس

sabeel
29-09-2010, 02:34 PM
شدراني صيث

و اني في اللاب أسمع صوت الماوس

أقول وش يسوون الناس :1211:

النوراء
29-09-2010, 02:41 PM
اذا عرفتون ويش تسوون علموني :sweatdrop: ..

وبسألكم بعد .. مهم الكتاب ؟ .. يعني نشتريه لو مايحتاج ؟!

sabeel
29-09-2010, 05:36 PM
هو ماقال نشتري كتاب لأن الظاهر ماوصل

و اذا بنراجع للكويز نراجع من الأوراق اللي عطانا اياها و السلايدات اللي يشرح فيهم

بس نعطيه فلاش حتى يخليهم لنا :)

سهلة يجرحوني
30-09-2010, 10:06 AM
السلام عليكم

اكو يقول التمرين فيه مادري شنو غلط اليوم بيرد يطرش لينا مرة فانية

وعندنا اكوز يوم الخميس الجاي cry982
في جبتر 1 الا في الورقة و5 من السلايدات

مادري وش اسوي من باجر براجع no213

الله يسهل

نبض القصيد
02-10-2010, 06:51 PM
wait >>

رسل لكم التمرين مرة ثانية؟؟

لأن ما وصلني الا جبتر 5
بس التعديل تبع التمرين مآ وصلني

النوراء
03-10-2010, 04:46 PM
لا ماطرش شي غير جبتر 5 ..

sabeel
04-10-2010, 10:30 PM
طلع التمرين مايبغيه "سس

ميامي وبس
05-10-2010, 04:51 PM
في احد يعرف اوقات دكاترة cs101 غير دكتور يوسف الحراث؟

بنوتة العهد الزاهر
05-10-2010, 07:37 PM
ممكن الي عند دكتور اورلندو اطرشوون لنا سلايداات مال جبتر 1 آند 5 نبي نستفيد منهم ..

sabeel
06-10-2010, 01:08 PM
في احد يعرف اوقات دكاترة cs101 غير دكتور يوسف الحراث؟

الساعة 8 في الـ mw

دكتور فيصل القائد

الموقع : S40-1047

sabeel
06-10-2010, 01:18 PM
ممكن الي عند دكتور اورلندو اطرشوون لنا سلايداات مال جبتر 1 آند 5 نبي نستفيد منهم ..

جبتر 1 موجود في أوراق ... مو في سلايدات

و جبتر 5 في المرفقات

بنوتة العهد الزاهر
06-10-2010, 03:23 PM
يؤؤ نفس مال الي عطانا اياه دكتورنا ... احنا قال لنا في الكويز راجعوا من لسلايدات بس ..

sabeel
06-10-2010, 05:27 PM
و احنا راجعنا من الاوراق و السلايدات

الله يسامحه بس :11mmer3:

بنوتة العهد الزاهر
06-10-2010, 10:34 PM
عطاكم اياه الكويز ؟؟

نبض القصيد
06-10-2010, 11:21 PM
عطاكم الكويز؟؟!

cry982

احس ان بجيب f"سس

sabeel
08-10-2010, 11:07 AM
اي عطانا

بصراحة اني ماراجعت زين :(

لو كنت مراجعة أتوقع بيكون سهل

هو كان Multiple choice و صح و خطأ

النوراء
08-10-2010, 12:03 PM
هو سهل كان بس شسمه احنا دارسين حجي واجد خصوصا جبتر ون كله حجي .. و مو متعودين على اختبارات جدي .. يعني نحفظ بالانج ونجي نقدم :sweatdrop: ..

اني خربطت فيه .. بس يلا مو مشكلة .. هو قال بيعطينا كويزات ازيد بعدين عشان نعوض .. فإن شاء الله الكويزات الجاية نسوي فيهم زين كلنا و بعدين نجيب A :happycrying[1].: ..

sabeel
08-10-2010, 03:38 PM
كأنه قال على حسب مزاجه بيعطي كويز زيادة :1211:

سهلة يجرحوني
09-10-2010, 12:27 PM
والله ما يندرى اياه هالاورلاندو

اني الترو وفولس كلهم اتوقع اسوي فيهمم فولس :11mmer3:
ولا وحدة عرفت بس الدوائر اوكي

الله يسهل علينا ان شاء

سهلة يجرحوني
09-10-2010, 12:29 PM
صحي شخبار درزن الاكسرسايز الا عاطنا انسويهم :11mmer3:

اني ولا بديت فيهم

ولاومادري شنو يبانا نكتب عن روحنا "سس
اذا وحدة كتبت تفهمني الزبدة لاان مو هاضمة عالموضوع

بالتوفيق

كيم و حيا
12-10-2010, 07:44 PM
طلاب bis


في محاضرات تكون لمواد bis من 10 الى 1 في الام دبليو ,,



أمبي أحضر ليسنر

sabeel
12-10-2010, 10:19 PM
الساعة تسع و نص محاضرة is في s40-030

كيم و حيا
13-10-2010, 10:42 AM
مشكورة أختي بس s40-030 في وين يكون ؟؟

وهل الدكتور/ة عادي نحضر عندها ليسنر ؟!

sabeel
13-10-2010, 05:22 PM
الطابق الأول :sweatdrop:

اعتقد اي

الدكتور : اورلندو

كيم و حيا
13-10-2010, 07:45 PM
مشكورة أختي مااتقصرين ..


الله يوفقش ,,

نملة سوداء
13-10-2010, 07:48 PM
اني باجر كويز مالي في is

ولايندرى ويش يجيب لينا :11mmer3:

بنوتة العهد الزاهر
14-10-2010, 11:36 AM
الحمدالله لكويز اليوم كاان سهل مال عبد العزيز is بس قهرني قال لنا راجعوا بس من لسلايداات بس هو في الترو والفوولس جاب لينا اشياء موموجودة في لسلايدز بس يلا الحمدالله سويناا طفنا بها هالمرة :smailes60: :laugh:

أنامل
16-10-2010, 11:04 PM
سلام
بغيت أسأل عن ex16 شلون انسوي ( التمارين مال اورندوا)

النوراء
18-10-2010, 05:27 PM
^^^

اي واحد فيهم ؟! .. لأن فلاشي عنده وفيهم الإكسرزايزات ..

سهلة يجرحوني
21-10-2010, 07:28 PM
هذاك سلمناه احنا من داك الاسبوع

هالاسبوع عطانا البور بونت العلة كل اكسرسايز يبى له سنة

على العموم اكسرسايز 16 تسوينه بتقنية الميلنج :laugh:

تدخلين الاسم و وظيفة الشخص

bounce233

أنامل
22-10-2010, 06:01 PM
سلمت اكسر سايز ...
بس بغيت اعرف شلون انطرش ليه على الإيميل الي يطلع ويا الإكسر سايز 16
( الي مكتوب فيه أسماء الموظفين و وظايفهم )) ؟؟؟ ....

أنامل
20-11-2010, 05:01 PM
سلام ..
الطلبه الي عند د. أورلندوا ..
يفتح عندهم البوربونت ... اذا يفتح ايصير اطرشونه لي ..
لان ما يفتح عندي ..no213

النوراء
20-11-2010, 05:08 PM
سلام ..
الطلبه الي عند د. أورلندوا ..
يفتح عندهم البوربونت ... اذا يفتح ايصير اطرشونه لي ..
لان ما يفتح عندي ..no213

وعليكم السلام ..

أي بوربوينت ؟! ..

اذا تقصدين الجباتر اللي أخذناهم .. كلهم موجودين في القروب اللي سواها لينا ..

sabeel
20-11-2010, 09:23 PM
يفتح عندي

موجود في المرفقات

النوراء
14-12-2010, 04:14 PM
شعب الآي اس سكشن 1 .. شعطاكم اورلندو في اللاب اليوم لو ما رحتون ؟!

سهلة يجرحوني
14-12-2010, 05:06 PM
شعب الآي اس سكشن 1 .. شعطاكم اورلندو في اللاب اليوم لو ما رحتون ؟!

عطانا مايكرسوفت اكسس

النوراء
15-12-2010, 02:20 PM
عطانا مايكرسوفت اكسس

صعب لو سهل :laugh:..

وعطاكم اكسرسايزات تسوونها ؟ ..

سهلة يجرحوني
18-12-2010, 03:57 PM
صعب لو سهل :laugh:..

وعطاكم اكسرسايزات تسوونها ؟ ..

هلا خيو

لحد الا عطانا كله سهل

والحجي ماعطانا ولا اكسرسايز
عبارة بعده ماكمل شرح

النوراء
28-12-2010, 05:38 PM
الآي اس ..

ويش الجباتر اللي ويانه في الفاينل ؟

sabeel
28-12-2010, 08:00 PM
الآي اس ..

ويش الجباتر اللي ويانه في الفاينل ؟

final exam will cover the following chapters:
1. software as a personal productivity tool
2. personal productivity
3. knowledge work and the knowledge worker
4. time management
5. database topic 6.1 and topic 6.2

النوراء
28-12-2010, 08:30 PM
كلهم يعني ..

يقول يازعم بيحذف جم جبتر "سس ..

A.Hussain 9
30-12-2010, 07:11 PM
شخبار البي اي اسيووون ..

من زمان ما مرينه هني .. جهزوا حالكم الى الفصول الجاية ..

بالتوفيق جميعاً ..

تخياتي

النوراء
02-01-2011, 08:54 PM
^^

مستانسين بأول كورس .. لا بروجكتات ولا بطيخ :laugh: ..

A.Hussain 9
04-01-2011, 10:04 PM
^^



مستانسين بأول كورس .. لا بروجكتات ولا بطيخ :laugh: ..


أي و الله

برزو روحكم ..

البروجكتات لاترحم ..

تحياتي

بنوتة العهد الزاهر
13-01-2011, 06:17 PM
final exam will cover the following chapters:
1. Software as a personal productivity tool
2. Personal productivity
3. Knowledge work and the knowledge worker
4. Time management
5. Database topic 6.1 and topic 6.2

بسألكم ياجماعة شنو المواضيع الي ويانا سمعت يقولون انحذف اول جبتر؟؟؟؟؟..

sabeel
13-01-2011, 08:30 PM
بسألكم ياجماعة شنو المواضيع الي ويانا سمعت يقولون انحذف اول جبتر؟؟؟؟؟..

الجباتر اللي كتبتها منقولة من قروب السكشن و هي المطلوبة

يعني اول جبتر اخذناه مو مطلوب

بنوتة العهد الزاهر
15-01-2011, 12:28 AM
وحدة قالت لي ان حذفوه بس مادري اذا صح او لا :( ..

حوّاء
19-01-2011, 09:50 AM
عادي ادخل عرض :1211:

اني عاجبني التخصص وافكر ادشه
ويش تنصحوني ؟؟!
لا تحبطوني صيث

+ ابي جم معلومة بسيطة :laugh:

بيتر كيك
19-01-2011, 12:15 PM
^
بنوتة العهد الزاهر بتفيدج .. ذكية حدها ما شاء الله عليها :ongue:

بنوتة العهد الزاهر
20-01-2011, 11:53 PM
شكرا بيتر هذا من ذووقك .. شهادة واعتز فيها صراحةً ..
بالنسبة لمكية .. احنا بصراحة اول كورس والمادة تماام وكان مدمووجة بين البرودكتفيتي والكمبيوتر سيستم .. :p .. هاي المادة التخصصية الوحيدة الي اخذناها .. اما باقي المواد يقدر يفيدش علي حسين ::in_love::

A.Hussain 9
22-01-2011, 02:08 AM
عادي ادخل عرض :1211:

اني عاجبني التخصص وافكر ادشه
ويش تنصحوني ؟؟!
لا تحبطوني صيث

+ ابي جم معلومة بسيطة :laugh:

عادي تدخلين عرض وطول مو مشكلة ..

التخصص من التخصصات المطلوبة و اللي يجمع بين البزنز و الأي تي لعدة أغراض منها تحليل السيستم و توضيح نقاط الضعف و القوة والمتطلبات اللازمة لجعل هدا النظام أكثر فاعلية ..

التخصص متعب وليس بصعب يعني كل مادة bis ليف3 وبعض مواد ليفل2 فيها بروجكت و بعض البروجكتات مو سهلة مثلاً أحد بروجكتات هدا الفصل أن نروح شركة ونسوي تحليل الى السيستم شي متعب صراحة ..

التخصص يعتمد على الحفظ في مواد كثيرة .. بس مو الحفظ اللي نتصورة مثل الأسلاميك والهيستوري .. الخطة الجديدة فيها تغيرات كبيرة وتبديل في بعض المواد مو مطلعة عليها ..

لأي أستفسار حاضرين و الجماعة مابقصرون ..

تحياتي

A.Hussain 9
22-01-2011, 02:09 AM
كأني ما أشوف نقاشات تسجيل المواد ..

تحركوا على روحكم شعب ترى الشغل كقروب في التخصص مو كل واحد بروحه ..

تحياتي

جنة علي
22-01-2011, 10:58 AM
حبيت استفسر

إي احسن الخطة القديمة لو الخطة الجديدة لـ 2010


من حيث جميع الجوانب؟


موفقين

سقط الفن
24-01-2011, 03:54 PM
السلام عليكم

سؤال:

engl154

نفس مال المدرسة لو فيه حفظ وهرار؟وعن ويه بالضبط؟

:laugh:

sabeel
24-01-2011, 04:16 PM
و عليكم السلام

الانج حفظ vocab كل جبتر
و شوية رايتينغ (تلخيص+مقارنة+كتابة خطوات لأي عملية)

:)

Candle
24-01-2011, 04:42 PM
من أفضل دكتور لمقرر itis 101

Orlando Jr Sion Catuiran
أو
Dr. Abdelaziz Guerrouat
من ناحية الشرح و الدرجات و معاملة الطلبة ..

sabeel
24-01-2011, 10:37 PM
اورلندو افضل

بنوتة العهد الزاهر
24-01-2011, 10:43 PM
اكيد اورلندوو .. ياجماعة لاحد يفكر ياخذ عن عبدالعزيز

Candle
24-01-2011, 10:54 PM
اذن سوف يقع اختياري على أورلندوا ..
شكراا لكما سبيل و بنوتة ...
وفقكما الله ..

سقط الفن
24-01-2011, 11:43 PM
ومحمد صديقي زين لو لا؟

sabeel
25-01-2011, 12:00 AM
محمد صديقي بحثت عنه في قوقل من قبل

اعتقد كان اوكي :)

A.Hussain 9
25-01-2011, 01:55 AM
ومحمد صديقي زين لو لا؟

محمد صديقي هالفصل كانت عندي عنده مادة ،، هو طيب ومحترم و تعامله عجيب ويا الطلاب بس في درجات الأمتحان قصف يساعدك بس ادا كنت محتاج الى بعض الدرجات أخر الفصل .. هو بشكل عام أوكي و أفضل من دكاترة واجد في القسم ..

تحياتي

بنوتة العهد الزاهر
25-01-2011, 01:06 PM
علي زوليت تماام او لا ؟

حور الجنان
25-01-2011, 03:30 PM
انا منزلين لي مواد
شلون اذا ابغي اعرف الدكاترة؟؟؟؟؟

سقط الفن
25-01-2011, 03:35 PM
شوفي هالموقع
http://www.online.uob.edu.bh/cgi/enr/schedule2.class_schedule?progtype=1&cyer=2010&csms=2

A.Hussain 9
25-01-2011, 03:46 PM
علي زوليت تماام او لا ؟

نصيحة أخ لأخته أخدي عنده بدون تفكير لو تبدلين كل سكاشنش ..

طيب متساعد لأبعد الحدود .. درجات بلاش يوزع ،تصحيحه متساهل ..

تحياتي

حور الجنان
25-01-2011, 04:00 PM
السلام عليكم
عندي دكتور علي الصفار حق itcs103
ودكتور عبد العزيز حق ITIS101
شرايكم فيهم

سقط الفن
25-01-2011, 04:01 PM
والitis101
يعتمد على شرح الحجي؟ لو حفظ ؟

النوراء
26-01-2011, 08:52 PM
السلام عليكم
عندي دكتور علي الصفار حق itcs103
ودكتور عبد العزيز حق itis101
شرايكم فيهم


دكتور علي الصفار .. يقولون عنه حدده تمام ..

sabeel
26-01-2011, 09:13 PM
سمعت عن علي الصفار اوكي

و حصلت هذا الرأي عن عبدالعزيز

د. عبدالعزيز

المقررات اللي درستها عنده : Is101
مميزاته : امم طيب

سلبياته : نصييييييييييييحة لاحد ياخذ عنده .. شرحه ممل ولا ينفهم له .. المادة كلها درستها ذاتي وفيه شي كريه ان اذا نساله سؤال ف الامتحان يقول ماعليه عادي حطوا اي مابحسابكم عليه وف الدرجة ننصعق .. وكل يعطينا اشياء مادرسناها ف الاب .. ولكويز يقول بجيب ليكم بس دفنشنز & ملتبل جويز ويخلينا ندرس عقب يطلع العكس

نصيحة شخصية : ولا تفكرون بعد:laugh:

سقط الفن
28-01-2011, 10:57 PM
والitis101
يعتمد على شرح الحجي؟ لو حفظ ؟

:sweatdrop:

sabeel
29-01-2011, 12:07 AM
:sweatdrop:

نسيت :sweatdrop:

الجزء النظري من الـ IS يحتاج حفظ (أصلا المواضيع و لا لها علاقة بالـ IT الا آخر جبترين )

لكن اللي احنا أخذناه اعتقد بيكون مختلف عن اللي بتاخذونه
لان ماوصلت الكتب الا بعد فترة من بداية الكورس

الجزء العملي سهل (وورد و بوربوينت و اكسل و اكسس )

سقط الفن
29-01-2011, 02:00 PM
^^
مشكورة سبيل

sabeel
29-01-2011, 09:50 PM
العفوو :)

للعلم :

الـ IS ما فيه منتصف و درجاتنا النهائية (اللي كانت معلقة) كانت من 65

توزيع الدرجات اللي مكتوب في الخطة :

Quiz 5% (اخذنا كويزين و واحد تعويضي)
Group Assignment 10%
Practical Test 1 15%
Practical Test 2 20%
Practical Test 3 25%
FINAL EXAM 25%

سقط الفن
29-01-2011, 10:02 PM
Group Assignment 10%

حتى الجامعة فيها مجموعات!
+
احسن العملي

sabeel
30-01-2011, 02:13 PM
بصراحة مادري شنو المقصود بـ Group Assignment

الدكتور كان في اللاب يشرح و يعطينا اسايمنت نحله في البيت و نطرشه له

بس بعدين البنات قالوا لي ان هالاسايمنت ماعليه درجات "سس فما طرشت له كل شي

و اعتقد ما نقصني

فماادري وش سالفة الـ Group Assignment

بس مو يعني مجموعات و شغل :)

النوراء
30-01-2011, 03:15 PM
هو كان مكتوب قروب اسايمنت بس ما سوينا شي .. ولا ندري شسالفته ..

وحتى توزيع الدرجات بعدين تغير ..

والفاينل صار عليه 35 ..

سقط الفن
30-01-2011, 03:56 PM
مشكورين على التوضيح..
بس (الاكسس) محطوط هالشي في الكمبيوتر ؟لو اختراع جديد؟

حور الجنان
30-01-2011, 03:59 PM
مشكورين على التوضيح..
بس (الاكسس) محطوط هالشي في الكمبيوتر ؟لو اختراع جديد؟

نفس سؤالي ؟؟

حوّاء
30-01-2011, 04:02 PM
شكرا بيتر هذا من ذووقك .. شهادة واعتز فيها صراحةً ..
بالنسبة لمكية .. احنا بصراحة اول كورس والمادة تماام وكان مدمووجة بين البرودكتفيتي والكمبيوتر سيستم .. :p .. هاي المادة التخصصية الوحيدة الي اخذناها .. اما باقي المواد يقدر يفيدش علي حسين ::in_love::

عادي تدخلين عرض وطول مو مشكلة ..

التخصص من التخصصات المطلوبة و اللي يجمع بين البزنز و الأي تي لعدة أغراض منها تحليل السيستم و توضيح نقاط الضعف و القوة والمتطلبات اللازمة لجعل هدا النظام أكثر فاعلية ..

التخصص متعب وليس بصعب يعني كل مادة bis ليف3 وبعض مواد ليفل2 فيها بروجكت و بعض البروجكتات مو سهلة مثلاً أحد بروجكتات هدا الفصل أن نروح شركة ونسوي تحليل الى السيستم شي متعب صراحة ..

التخصص يعتمد على الحفظ في مواد كثيرة .. بس مو الحفظ اللي نتصورة مثل الأسلاميك والهيستوري .. الخطة الجديدة فيها تغيرات كبيرة وتبديل في بعض المواد مو مطلعة عليها ..

لأي أستفسار حاضرين و الجماعة مابقصرون ..

تحياتي


بنوته العهد & A.Hussain
شكــرا شكــرًا

نقطة الحفظ خوفتني شوي :sweatdrop:
يعني حفظ حفظ واجد ولا سهل في الحفظ يعني ينفهم وينحفظ بسرعه
لاني ماحب مواد الحفظ ابدا !


موفقين =)

النوراء
30-01-2011, 05:14 PM
الاكسس تبع المايكروسوفت اوفيس ..

sabeel
30-01-2011, 05:24 PM
final exam will cover the following chapters:
1. software as a personal productivity tool
2. personal productivity
3. knowledge work and the knowledge worker
4. time management
5. database topic 6.1 and topic 6.2

هذي المواضيع اللي كانت للنهائي الفصل الاول و يمكن بيتغير المحتوى لأن الكتاب وصل

لو بتشوفين العناوين مالها علاقة بالـ IT الا الـ database

يعني اشياء من واقع الحياة
يمكن مابتحفظينهم بالسرعة اللي بتفهمينهم فيها (اكيد الفهم اسهل)

الـ Access سهل يعني ما أخذنا اشياء واجد فيه
و تستخدمينه حتى تسويين database

:)

A.Hussain 9
02-02-2011, 03:59 AM
بنوته العهد & a.hussain
شكــرا شكــرًا

نقطة الحفظ خوفتني شوي :sweatdrop:
يعني حفظ حفظ واجد ولا سهل في الحفظ يعني ينفهم وينحفظ بسرعه
لاني ماحب مواد الحفظ ابدا !


موفقين =)

ذكرت أن الحفظ مو مثل حفظ الهيستوري و الأسلاميك حفظ أعمى .. الدرجة الأولى فهم وبعدين حفظ ..وادا لغتش قوية تقدرين بس تفهمين و تكتبين المفهوم من عندش ..

أتمنى وصلت الفكرة

تحياتي

بنوتة العهد الزاهر
03-02-2011, 02:52 PM
نصيحة أخ لأخته أخدي عنده بدون تفكير لو تبدلين كل سكاشنش ..

طيب متساعد لأبعد الحدود .. درجات بلاش يوزع ،تصحيحه متساهل ..

تحياتي


ثانكس اخوووووووي والحمدالله اخذته عنده :smailes60:



والitis101
يعتمد على شرح الحجي؟ لو حفظ ؟

حفظ اني هالمادة مانتبهت ولا حصة فيهاا

حوّاء
07-02-2011, 04:39 PM
كلها سنه وكورس وننضم اليكم ::in_love::

موفقين !

طالبة الإستقلال
09-02-2011, 07:11 PM
يأأأ جمـآعه بغيت منكم مسآعده ضروري حق رفيجتي ..~

اهية تبي المناسبة اللي قيلت فيهاا القصيدة اراك عصي الدمع ...~