المساعد الشخصي الرقمي

مشاهدة النسخة كاملة : تمريض ام تربية رياضية


الماتدور
08-09-2010, 05:48 AM
السلام عليكم
مبارك عليكم الشهر
اخواني واخواتي انا انقبلت في كلية العلوم الصحية تمريض وفي نفس الوقت
انقبلت في جامعة البحرين تربية رياضية و التمريض على حساب تمكين
فما هو التخصص الذي تنصحوني به مع الاسباب



ارجو الاجابة سريعا

سمـاء الـروح
08-09-2010, 05:53 AM
التمريض احسن
1. بتحصلين شغل 100%
2.على حساب تمكين
:laugh:

الماتدور
08-09-2010, 05:56 AM
ارجو اضافة الاسباب و بعض التوضيح

هويتي مبهمة
08-09-2010, 05:58 AM
أعرف ناس تربية رياضية قاعدين في البيت
بينما التمريض بسرعة ياخذون
و بعد انه التمريض تقولين بعد على حساب تمكين
يعني لو كان الخيار بالنسبة ليي اخذت تمرييض

موفقة اختي =)

الماتدور
08-09-2010, 06:05 AM
ومن الناحية الدراسة هل هي صعبة ام سهلة
وانا ليس بمستوى الانجليزي المطلوب ارجو الافادة

البرنسيسة
08-09-2010, 06:16 AM
الصراحة الخيار يكون لك فلكل تخصص مميزاته فالتربية الرياضية تعني دوام مريح و جو عمل مناسب لفتاة و اجازات سنوية مضمونة و راتب جيد
بينما التمريض يعلوه في الراتب و لكن في المقابل طبيعة العمل مختلفة تماما في المستشفيات و بين المرضى >>بمختلف الفئات ذكور و إناث و بجنسيات مختلفة و أعمار متفاوتة و جانب آخر في التمريض و هو دواام متعب يتضمن نوبات مختلفة أول ليل آخر ليل نهار (نظام الشيفتات )و لكن كما سبق و قلت لكل ايجابياته و سلبياته و لابد ان تحددي ميولك.
و في الختام لكي حرية الاختيار
فالقرار الأول و الأخير لكِ أنتِ
تقبلي مروري

الماتدور
08-09-2010, 06:20 AM
اختي انا ابي استفسر عن الدراسة و اللغة الانجليزي بالخصوص هل هي صعبة ام سهلة وثانيا انا صبي
مسامحة

»[ ᴙάᴛн͜͡͡αα ♪
08-09-2010, 06:20 AM
تربية رياضية أريح لأن
شلج بوجع الراس
و الحالة

. .
:laugh:

البرنسيسة
08-09-2010, 06:31 AM
التربية الرياضية أبدا ما فيها صعوبة كل اللي محتاجه اللياقه لأني حسب ما اعرف انها اكثرها جزء عملي و الباقي نظري بسيط عن تاريخ الرياضة و مقررات بسيطة
لكن التمريض الانج اكثر بس بسيط مو داك الزود و مو صعب وااايد يعني اذا من جهة الاسهل في الدراسة و الشغل تربية رياضية اما اذا اكثر في الدخل لما تتوظف التمريض كل شي بثمنه بتشتغل دوامات و جذي
بس الرياضة اريح و خصوصا انك راح تلعب صبيان بس افلت لهم الكورة و خلهم ههههه ما يحتاج بعد اي نوع من المقررات الاخرى ريشة و سلة و إلخ.........

هويتي مبهمة
08-09-2010, 06:32 AM
اعتقد التمريض بحاجة للغة الانجليزية
بالتربية الرياضية أفضل لك
من حيث الدوام المريح
من حيث انه انت تقول مو اوكي عدل في الانج
بس الوظيفة يبي ليها صبر مو سيدة بتشتغل في ناس اعرفهم تقريبا اربع سنوات بدون شغل :nea:

موفق

الماتدور
08-09-2010, 08:55 AM
ابغي ردود بعد ومشكورين جزاكم الله خيرا

c_ronaldo2010
08-09-2010, 09:35 AM
من وجهة نظري

الرياضة دراستها أسهل وأحلى والموآآد بالعربي ..

أما التمريض موااده كلها بالانج

يعني لو انت ضعيف بالانج وماتتوقع تتحسن دش رياضة أفضل ..

أحاآسيس
08-09-2010, 06:02 PM
في رأيي

تمريض احسن

اولا الشغل مضمون بتخلص الدراسة و بتتوظف دايركت

و بعدين الراتب حوالي 800 دينار و بعد مده يوصل الف بعد...

و اذا على اللغة الانجليزية اذا انت اجتزت امتحان القبول

يعني تقدر تدرس تمريض لان الانج فيه مو صعب و اضافة الى هذا في

برنامج تمهيدي يعودونك على المصطلحات الانجلينزية

اما التربية الرياضيه اعرف ناس وااجد قاعدين فيبيوتهم (( يعني اذا

الحين جذي في المستقبل شلون ؟؟)) و الراتب في البداية تقريبا 400

دينار وش تسوي هال 400 في زمنا هذا !!!



تحياتي

بحرينية 2
08-09-2010, 10:25 PM
على قدرتك بالنسبة للمستقبل الوظيفي التمريض أحسن يعني
كلها كم سنة وانت متوظف واما الرياضة يمكن تكون سهلة
جدا بس بالتوظيف ما بتتوظف بسرعه

بنت العلمي
08-09-2010, 10:34 PM
أني أأقولك روح تمريض بدون تفكيير ..
لأنه الفرق واضح بين الوظيفتين
انته مستعد بعد ما تتخرج تنتظر أربع سنين ؟؟؟:nea:
كلية العلوم بتوفر لك الشغل دايركت ومعاشك اذا صرت ممرض دبل المعاش الي بتاخذه في التربية الرياضية ..
ومن رايي الرياضة شنو بتقعد تلعب كورةصيثصرااحة التمريض واااجد أحسن شي انساااني وكل الحوافز الي قدامك اتخليك تاخذ تمريض
لا تفكر بالأسهل في الدراسة اذا حبيت التخصص بتعطي فيه كل شي تقدر عليه لا تقول ما أعرف انجليزي طالما انقبلت معناته انته مؤهل تدرس في هالكلية والا جان ما قبلوك
لا تستهين بقدراتك والي يقولك لاتختار الكلية انجليزي وما أدري شنو يبي يحبطك صراحة
في ناس واايد اتدش الكلية ما اتعرف كوعها من بوعها وكل شي بالتعود يصيير أسهل
وعندك كورس كااامل اول ما تدش بيدرسونك انجليزي يعني كأنك رايح معهد تتعلم انجليزي
اش تبي أحسن من جذي:laugh: ..
لا تخلي مستقبلك محصور في رياضة وكرة ..
لو كنت مكانك بختار تمريض على طوول ::in_love::
أتمنى لك التوفيق:laugh: سواء اخترت تمريض ولا تربية رياضية

SURGEON
08-09-2010, 10:36 PM
التمريض .. وانت مغمض:smailes60:

09-09-2010, 01:11 AM
التمريض اخوي:ongue:

حبڪَ يدآويني~
09-09-2010, 01:23 AM
دامك صبي لا تفكر
روح تمريض

اخواتي ممرضات
مستوى الانجلينزي مستوى عادي تقدر تمشي فيه
ما عدا شوي المصطلحات الطبية بتتعود عليها
اول كورس لا بيقوون لغتكم وغيره

وشسمه بعدين بالوظايف كلش ما تتعطل
صبي والشغل لابد منه اليك
ومعاشاتهم اوك وغير علاوات
يعني بكالريوس معاشاتكم بالساهل توصل 700 او 800
وحتى لو شفتات لصبي عادي
واذا ما تبي شفتات تقدر تطلب توظيف على مراكز :smailes60:

بعكس الرياضة مو بسرعة تحصل وظيفة
الشهادة عندك على قلة الفايدة

الله يوفقك اخوي

آلعيون
09-09-2010, 03:26 AM
انت لاتفكر شنو لي اسهل وشنو لي اصعب
كل شي في السهل والصعب
ولو حطيت بالك ودرست اكيد ببتعود وبصير عندك سهل
انت الحين فكر في المستقبل
لي درست تربيه رياضيه صعبه تشتغل في واجد قبلك دارسين وقاعدين
بس التمريض على طول بشغلونك يعني اضمن لك

لكربلاء
09-09-2010, 03:45 AM
نفس مشكلتي بالضبببببط....

انا توه قابليني من الويتنج لست كلية العلوم الصحيه قبل شم يوم
وحيروني عدل كنت مخير ما بين

تمريض في كلية العلوم و عربي في جامعة البحرين

كنت محتار عدل لان خيارين كلاهما مر :

-كلية العلوم الصحية : دوام 8 ساعات+معاش قوي + شفتات (يعني ما بشوف اهللك عدل في المستقبل يمكن دوامك فليل ودوام زوجتك في المستقبل:laugh: الصبح فبيتصير كأنك بدون زوجة واولاد لانك ما تشوفهم واجد)
من ناحيه شرعية فهناك اختلاط ولا تنسى ان اغلب الي في التمريض بنات)+38 اجازة في السنه+يبليك تحمل وصبر على المرضى بشكل مو طبيعي+انا اطلعت على بحث واحد امسونه يقول ازيد شغله فيها تعب نفسي التمريض
-باكرليوس عربي: يصلح للعياره نفسي + دوام 6 ساعات ادا بصير مدرس+4 شهور اجازة السنة+معاش متوسط يعني ما بتصير فقير فقير ولا غني غني تمشي حياتك الزوجية ابه + يبليك مزاج حق الطلبه:1211:

في النهايه سويت خيرة من زود ما انه متحير وطلع لي مو زين اروح
كلية العلوم الصحيه
اتمنى انك اتشوف المعطيات وتختار الخيار الجيد
وسلام

روح أنثى
09-09-2010, 03:50 AM
نفس مشكلتي بالضبببببط....

انا توه قابليني من الويتنج لست كلية العلوم الصحيه قبل شم يوم
وحيروني عدل كنت مخير ما بين

تمريض في كلية العلوم و عربي في جامعة البحرين

كنت محتار عدل لان خيارين كلاهما مر :

-كلية العلوم الصحية : دوام 8 ساعات+معاش قوي + شفتات (يعني ما بشوف اهللك عدل في المستقبل يمكن دوامك فليل ودوام زوجتك في المستقبل:laugh: الصبح فبيتصير كأنك بدون زوجة واولاد لانك ما تشوفهم واجد)
من ناحيه شرعية فهناك اختلاط ولا تنسى ان اغلب الي في التمريض بنات)+38 اجازة في السنه+يبليك تحمل وصبر على المرضى بشكل مو طبيعي+انا اطلعت على بحث واحد امسونه يقول ازيد شغله فيها تعب نفسي التمريض
-باكرليوس عربي: يصلح للعياره نفسي + دوام 6 ساعات ادا بصير مدرس+4 شهور اجازة السنة+معاش متوسط يعني ما بتصير فقير فقير ولا غني غني تمشي حياتك الزوجية ابه + يبليك مزاج حق الطلبه:1211:

في النهايه سويت خيرة من زود ما انه متحير وطلع لي مو زين اروح
كلية العلوم الصحيه
اتمنى انك اتشوف المعطيات وتختار الخيار الجيد
وسلام

الدرااااااااسة مافيها خيرة

اني عن نفسي اتصلت الى شيخ وسألته

قالي مو كل الاموره فيها استخاره

روح أنثى
09-09-2010, 03:51 AM
لو اني بمحلك بختاااار تمريض اكيييييييد

شغله مضمونه تدرس وفي شغل ينتظرك

صح انه متعب بس فالنهاية بترتاااح

mmk
09-09-2010, 04:05 AM
الرياضة مستقبلها ضعيف اضافة الى ان التخصص نفسه مو مهم داك الزود
المعاش بيكون اقل بكثير من التمريض اضافة الى ان فترة انتظار التوظيف بتكون كبيرة لان الرياضة صار تقريبا مثل علم النفس وعلم الاجتماع مافي وظايف وحتى انهم قفلو التخصص لفترة بعدين ردو فتحوه.

التمريض دراسة مو سهلة وبتكون بالانجليزية البحتة لكن الانجليزية مو مشكلة كبيرة لان راح تدرس معظم الدراسة مصطلحات طبية راح تتكرر وياك على طول
المعاش اقوى وشغلة انسانية بس متعبة وااااااااااااايد وتحتاج الى صبر

على العموم القرارات المصيرية مثل التخصص الدراسي ماتعتمد فقط على كلام الناس الاهم انت في شنو تفكر لازم تدرس ظروفك الشخصية من ناحية:

ميولك الشخصية:هل من جانب الطب والصحة والعلوم والاشياء العلمية الي تعتمد على الحفظ والفهم والجانب العلي بشكل رئيسي.
ام ميولك حفظ ارقام ولياقة بدنية ولعب وغير هذا ايضا انت مطالب بجزء كبير عملي واتقان للالعاب المختلفة.

امكانياتك الدراسية:
يعني مستوى التمريض يحتاج معدل محترم وتمكن من مواد العلمي بشكل عام واتقان للمهارات الصحية بشكل محدد.
اما الرياضة اتوقع مستواك مو لازم يكون مرتفع وايد لان الدراسة بتكون بتكون بالعربي.

وظروفك الشخصية الاخرى اللي لازم تدرسها بدقة
وماعليك من التحبيطات اللي من الناس لان لازم بتصير لك

لكربلاء
09-09-2010, 04:06 AM
الدرااااااااسة مافيها خيرة

اني عن نفسي اتصلت الى شيخ وسألته

قالي مو كل الاموره فيها استخاره

اختي انا اعلم هدا الكلام لاكن في حالت تساوي المعطيات يعني
هذا مسقبل مو لعبة
او انا كنت خايف ان ادا رحت مدرس اضيع فرصة
من ذهب وهية الدراسة في كلية العلوم الصحية والي بكون مستقبلي فيها جيد من ناحية المعاش لاكن مقابل هدا الامر هناك سلبيات حيرتني جدا من مناحية صلة الرحم حيث ستقل بسبب نضام الشفتات و ايضا الأختلاط الذي يضع المرء في مواضع شبه و لا ريب في ذالك
فكان نسبة رغبتي 50%
و في نفس تخصص عربي كنت امبي اروح ليه من ناحية انه الدوام قليل وصباحي و منعدم الأختلاط ومعاشه متوسط ((يمشي الحال))فكانت نسبت رغبتي 50%
في حالت تساوي الرغبات وجدة عندي الحيرة التي تستلزم الخيرة ففي حالت اختياري اي الخيارين سيكون لي اشياء سافقدها واشياء ساكتسبها من هدا المنطلق استعملت الخيرة التي هي الحل الوحيد لاعرف ما هو في خيرٌ لي فلم اعمل خطاء

ومن ناحية انش سألتين شيخ فانا اعلم وسمعت لاكن كان الرد من فضيلة الشيخ هكذا لأن البعض يستعملون الخيرة مع وضوح الافضل لهم والخيارات المناسبه

وشكرا

ميرا
09-09-2010, 04:21 AM
التمريض افضل

زيزفون
09-09-2010, 04:51 AM
انصحك بالتربية الرياضية
واذا على الوظيفة لازم بتتوظف لانك صبي
واجازة شهرين
ودراسة اوكي سهلة بتمشي فيها
والتمريض ماوراه الا وجع راس
وتعب وخصوصا انه شفتات
ومشاكل ويش يخلصك منها
وغير الامراض اللي ينعدي واللي يجيه الدسك
والراتب كلش مو اوكي
يمكن 450 او 500 ومايوصل بعد
عمتى ممرضة تعاني وااجد وفوق هاده الراتب مايسوى

nainawa
09-09-2010, 08:09 AM
بالصرآحة
كونك صبي أخوي
أحس الرياضة بتناسبك أكثر
لأنه بتحبها وبتحب تمارسها وانته بعد جوووف شنهو ينآسبك اكثر وترتاح فيه وتوكل على الله وروحه
ومن ناحية المعاش روآتب البحرين اغلبها في الهوآ سوآ وفالنهاية لك الاختيار:sweatdrop:

mm
09-09-2010, 10:27 AM
من قال راتب التمريض مو اوكي :sweatdrop: !!

اصلا هو من اكثر التخصصات اللي معاشاتهم قاابلة للزيادة !!

وبعدين سالفة الاختلاط هذي بتلاقيها فكل مكان :doh:

وبالنسبة للي يقولون تعب وحالة .. الواحد لما يبي هذا التخصص وراغب فيه احيانا يصف السلبيات على جنب ومايلتفت لها

لكن اذا مو راغب للتخصص اكيد بطالع من الجانب المظلم للتخصص !!

فيعني جوفو رغباتكم اول ووين ميولكم عقب اختارو

لاتختارون على تعب او على معاش !!

moon14
09-09-2010, 02:20 PM
التمريض أفضل ...

مدرس الرياضة حسب اللي أعرفه أنه ما يطور يعني ما يمكن أنك تصير مدير مدرسة أو مساعد مدير في يوم من الأيام ... غير متأكد من صحتها

- من مدة شفت في الجريدة أعتصام لعاطلي التربية الرياضية أمام مبنى وزارة التربية .

- لازم تدرس حال سوق العمل و تسأل عنها الأشياء المطلوبة حالياً يمكن تصير غير مطلوبة بعد 4 سنوات فهذا الشئ لازم تاخذه في عين الأعتبار .

- في نصف 2011 بيتم أفتتاح مستشفى الملك حمد بالإضافة إلى بعض المراكز الصحية كما ذُكر في الصحف كمستشفى باربار .

موفق إن شاء الله (:

ميامي وبس
11-09-2010, 08:43 PM
الصراحة انصحك بالتربية الرياضية
ياليتني مكانك
تدري ان كانت رغبتي الاولى رياضة بس على حظي ما اقبلووا الا صبيان هالسنة
الا قالوا لك بتقعد في بيتكم
ترا تقدر تدرس في نوادي
مثلا نادي بابكوو يطلبون واحد دارس تربية رياضية
وما يحتاج اقولك لك عن المعاش
والبنات مو مثل الصبيان بسرعة يتوظفون
انه الا البنت وكنت ناوية اورح
بالتوووفيق لك ان شااااء الله

أميرة بأحلآمهآ
12-09-2010, 12:08 PM
no213

خلآص الماتدرو .. عندي حل لمشكلتك
:smailes60:


أدرس التخصصين في نفس الوقت ..
دام الرياضة سهل و ما راح ياخذ من وقتك واجد في الدراسة
و راح تدرسه الصبح ..
و التمريض اوردي على حساب التمكين و راح يكون مكثف بنسبة بسيطة
:smailes60:
و بهذا انت تتخرج بتخصصين ..
و اهم شي تتأكد من عدم تعارض مواد في الإمتحان ،،

bounce233


و خلآص و لآ تحتآر

الـوردة
13-09-2010, 03:28 AM
اكيييييييييييييييييييد التمريض

سمـاء الـروح
13-09-2010, 11:39 PM
أدرس التخصصين في نفس الوقت ..
جى على كيفهـ
مااعتقد يصير..
بيدرس على حساب تمكين :sweatdrop:

أميرة بأحلآمهآ
23-09-2010, 01:24 AM
جى على كيفهـ
مااعتقد يصير..
بيدرس على حساب تمكين :sweatdrop:

لا عادي يصير ..
لأنه التمكين راح يكون في الليل ..
و جامعة البحرين الصبح

صيث

يكمل اجرآءآت الجامعة ثنتينهم !