نقاش المعدل هنا فقط ..!

[مادري]

السلام علييكم ورحمة الله ..
اخوااني انا حسبت معدلي التراكمي طلع 89.84

كم يحسبونها
89.8
او 89.9 ؟؟؟؟؟

[ALEX-17]

89.85 اعتقد

التقريب بالخمسات مالهم

بس ترا ماتفرق :playful:

[AHJ]

89.8 متأكد ..

[ALEX-17]

طيحت بالمعدل ahj :smailes60:

انته جذي نقصت 4 بوينتات من المجموع !

[AHJ]

أوه خطأ مطبعي ..

تم التعديل ..

[المقهور]

الحل الوحيد احسبي النتائج بالاكسل و حطيها منزلة عشرية واحدة :zzzzzz:

[Miss]

السلام عليكم و الرحمه

بس لو سمحتون عندي سؤال محتاجة الى جواب اكيد فيه

لين بنطلع المعدل التراكمي للفصل الثالث ، شلون نسويه

هل نجمع المعدل الفصلي لكل الفصول و نقسمه على الفصل اللي احنا فيه

او ناخذ المعدل الفصلي لآخر فصل مع التراكمي آخر واحد و قسمة 2 ؟؟

مع جزيل الشكر لكم

تحياتي / Miss

[المقهور]

( المعدل الفصلي للفصل الاول + المعدل الفصلي للفصل الثاني + المعدل الفصلي للفصل الثالث ) ÷ عدد الفصول = المعدل التراكمي للفصل الثالث

قسمة المعدل التراكمي للفصلين الاول و الثاني على المعدل الفصل للفصل الثالث خطأ ..

[AHJ]

نجحتين في ريض 201 ؟ :ph34r:

[Miss]

اشكركَ اخي المقهور

و لكن انت مجرب هالطريقة وطلعت صح ؟

اي الحمدالله ناجحة في كل المواد

وانتم كيف هي نتائجكم ؟؟

وفقنا و اياكم الباري

تحياتي / Miss

[Salmanz.com]

كل ما ذكر غير صحيح
إنما
1- نقوم بحساب النقاط التي نحصل عليها من كل مقرر كالآتي: ننضرب الدرجة في عدد ساعات المقرر
2- نجمع النقاط السابقة
3- نقسم ما حصلنا عليه في (2) / عدد الساعات الكلي

هذه طريقة حساب المعدل، فإذا كانت مقررات الفصل الواحد قلنا أنّه (معدل فصلي)، ولو كانت مقررات كل الفصول كان (معدلاً تراكميًّا) بعد الضرب في 100

ملاحظة:
1- إذا علمنا عدد الساعات التي قمنا بدراستها في الفصول السابقة، وعلى المعدل التراكمي السابق أيضًا (قبل هذا الفصل) فإنّنا نضرب عدد الساعات × المعدل التراكمي السابق، ثمّ نجمعها مع (عدد الساعات للفصل الحالي × مجموع النقاط لمقررات الفصل الحالي) ثم نقسم على عدد الساعات الكلية (الفصول السابقة مع الفصل الحالي) وتظهر النسبة كمعدل تراكمي مع هذا الفصل بعد الضرب في 100.

2- إذا كان هناك مقرر معاد تحسينًا فإنّنا نقوم بحذف الدرجة الأقل من الحساب نهائيًّا، أما الرسوب أو الغياب فإنّه يحسب ضمن الحساب إلا إذا عيد فيما بعد...

[AHJ]

كل ما ذكر غير صحيح
ماذكره المقهور صحيح ،، لأن عدد ساعات جميع الفصول متساوياً في حال عدم وجود تحسين لمقرر، ولو وجد تحسين لمقرر في الفصول السابقة .. فالمعدل التراكمي =
[ ( المعدل التراكمي السابق × ترتيب الفصل السابق) + المعدل الفصلي الحالي ] ÷ ترتيب الفصل الحالي
>> هذا في حال عدم وجود تحسين لمقرر في الفصل الحالي ..
[hr]
هذه طريقة حساب المعدل، فإذا كانت مقررات الفصل الواحد قلنا أنّه (معدل فصلي)، ولو كانت مقررات كل الفصول كان (معدلاً تراكميًّا) بعد الضرب في 100
إذا كانت القسمة على عدد الساعات فلا داعي للضرب في 100 :smoking:

[Miss]

اشكركم جزيل الشكر على عبق تواجدكم . .

و لكن ما زلتُ في حيرة من ذلك

سألت وحدة في توجيهي قالت حقي ان الطريقة الثانية ألا وهي
ان ناخذ التراكمي للفصل الثاني + الفصلي للثالث قسمة 2 هي الاصح

سألتها ان كانت جربت الطريقة على نسبتهاا جاوبت بنعم !

و جربتُ الطريقتين كل طريقة يطلع المعدل غير !
لا ادري اعتمد على أية واحدة منهما !:confused88:

وفقنا و اياكم الباري

تحياتي / Miss

[قررت أصير عبقرية]

سلآم شعب
بس بغيت اسألكم شلون اعرف كم لازم اجيب معدلي الفصلي في الفصل الجاي منشان اوصل للمعدل التراكمي اللي ابيه؟
يعني مثلا الحيين اني نسبتي 93.7
والفصل الجاي ابي معدلي التراكمي يوصل للـ 95 >> منشان البعثات طبعا :smailes57:
فكم لازم يكون معدلي الفصلي عشان اوصل لهذي النسبة؟
وابي الطريقة بلييز

سويت كذا طريقة وطلع لي الناتج 101 .. معقولة لازم اجيب هالنسية عشان اوصل للـ 95 :ph34r:
اي بمعنى.. مستحيل اوصل للهنسبة؟ معقوولة؟ :mad2:

مع العلم اني طالبة توجيهي يعني هذا خامس فصل
وماخذة مادة تحسين في ريض 201 :11umbup:

انطر ردودكم بفآرغ الصبر

مع السلامة

[المقهور]

جمع المعدل التراكمي مع المعدل الفصلي و قسمتهم على 2 خطأ ..

و في حالها بيطلع المعدل التراكمي أعلى >> و هو الي يتمناه الطلاب

[AHJ]

و في حالها بيطلع المعدل التراكمي أعلى >> و هو الي يتمناه الطلاب

هذا إذا كان الفصلي أعلى من التراكمي ..

[AHJ]

93.7 هذا التراكمي لهذا الفصل ؟
إذا كان لهذا الفصل مستحيل توصلين 95 في الفصل الجاي بدون تحسين .

[قررت أصير عبقرية]

شلون عرفت؟ >> ابي الطريقة اللي استخدمتها

احبطتوني :smailes41:

[AHJ]

http://latex.codecogs.com/png.latex?\200dpi%20(95)(6)%20-%20(93.7)(5)%20=%20570%20-%20468.5%20=%20{\color{red}101.5%20}

[ALEX-17]

مابقى الا فصل واحد ولايكفي لرفع هذا القدر

اكبر شيء ممكن هو 94.75 هذا إذا جبتين 100 الفصل القادم ..

[المفكر]

امممم الفصل الأخير صعب جداً يرتفع فيه المعدل بشكل كبيرة :zz:
لكن من ناحية ثانية صعب جداً ينزل فيه المعدل بشكل كبير :smailes60:
عموماً التحسين يمكن يلغي هذا الشي مثلاً إذا عندش مادة مزفتة فيها من قلب
يعني جايب فيها تحت 75 و اخذتينها تحسين وجبتين في التسعين هذا الشي راح
يرفع معدلش بصورة كبيرة ....
بس ما اعتقد احد معدله في التسعين عنده مقررات تحت 75 غيري :smailes105:

[قررت أصير عبقرية]

ههههههههههههههه
من وين بجيب 100 عشان بجيب الـ 101 ؟ هههههههههههههههههه
والمووشكلة اني ماعندي مواد تستاهل اعيدها يعني كلهم في الستعين ودرجاتي اوكي فيها ماعدا الانج والعرب جايبة فيهم في الثمانين وهذا مستوايي فيهم ومابيتغير.. ومقرر الكهربا جايبة فيه 82 بطلعة الروح يعني اذا عدته تحسين احتمال انقص مو ازيد :smailes41:
والفصل الجاي عندي 12 مادة كلهم ابو ساعتين ماعدا مادة وحدة بو اربع ساعات ووقتي مايستحمل مآدة اضافية
والقهر ان كلهم حفظ .. يعني نحفظ ونتعب عمرنا عالفاضي

عالعموم شوكرن على ردودكم
ماقصرتون
الله يعطيكم العافية

[المفكر]

ههههههههههههههه
من وين بجيب 100 عشان بجيب الـ 101 ؟ هههههههههههههههههه
والمووشكلة اني ماعندي مواد تستاهل اعيدها يعني كلهم في الستعين ودرجاتي اوكي فيها ماعدا الانج والعرب جايبة فيهم في الثمانين وهذا مستوايي فيهم ومابيتغير.. ومقرر الكهربا جايبة فيه 82 بطلعة الروح يعني اذا عدته تحسين احتمال انقص مو ازيد Smailes41
والفصل الجاي عندي 12 مادة كلهم ابو ساعتين ماعدا مادة وحدة بو اربع ساعات ووقتي مايستحمل مآدة اضافية
والقهر ان كلهم حفظ .. يعني نحفظ ونتعب عمرنا عالفاضي

عالعموم شوكرن على ردودكم
ماقصرتون
الله يعطيكم العافية
انزين مو لازم اجيبين 95 اعتقد 94 حلوة ما فيها شي ...
امممم جدي مشكلة إذا ما عندش مواد تستاهل تعيدنها ... انا عندي 4 مواد في الستين
ومادة في السبعين كلهم هاذلين انجليزي و معدلي في التسعين ... إذا اعيد وحدة واجيب فيها
درجة عدلة راح يساعد معدلي بشكل خيالي :smailes64:
الفصل الجاي اعتبره فصل لا بأس به خصوصاً ان العربي و الإنج ساعتين ...
وعندنا 6 ساعات اختياري بينزلون لينا مقرر بدن ومقرر اسر و مقرر فيز (سهل)
و بعد عندنا اجا و علم وهذه المواد ترى مو صعبة سهلة ...
اما عن الحيا اعتبره وسط ... و الفيز و الكيم و التكامل و الإحتمال هذه هي المواد
اللي راح تحدد المعدل كلها مواد صعبة لكن الحمد لله إنها ساعتين ...

[barca4ever]

صحيح انش توصلين لل95 بمواد الفصل الأخير فقط من الإستحالة حاولة تاخذين تحسين بمواد ابو 4 ساعات بحيث تساعدش على رفع المعدل
و نتمنى توصلين للشي الي تطمحين له :11umbup:

[mohd]

الحين ويش هي طريقة حساب المعدل التراكمي ؟!!! :smailes105:

[نوار]

خذ المجموع مال كل الفصول ..
وأقسمهم على عددهم ..

الفصل الأول + الثاني + الثالث + الرابع + الخامس قسمة 5 لو كنت في الفصل الخامس

[Salmanz.com]

غلط
كم مرة نشرح !! :mad2:
يرجى مراجعة الموضوع في مظانّه

[المفكر]

انزين المعدل يقرب إلى اقرب منزلة عشرية صح
يعني إذا كان 88.86 يصير 88.9 صح كلامي او لا ؟؟:smailes105:

[Salmanz.com]

إذا كانت القسمة على عدد الساعات فلا داعي للضرب في 100 :smoking:

نعم كلام صحيح :11umbup:
خب رحت أنا لموضوع ثانٍ (اشتباه).. للدرجات الصغرى والعظمى :smailes41:
عمومًا نأسف على الخلل الفني والشكر موصول لك ahj :lol:[hr]

انزين المعدل يقرب إلى اقرب منزلة عشرية صح
يعني إذا كان 88.86 يصير 88.9 صح كلامي او لا ؟؟:smailes105:

كلامك صحيح من حيث المبدا
يعني إذا التزمت بكلامنا وجمعت كل الدرجات بيكون صحيح 100 %
بس لو استخدمت الطريقة (الخاطئة) والصحيحة لو كانت بدون تحسين واتفاق الساعات فهناك نسبة خطأ، حيث أن كل فصل يتم تقريبه لأقرب منزلة، فبالتالي الناتج لا تصح معه التقريبات السابقة، إذ يتم الحساب من جديد ويتم التقريب وفقًا لذلك

[المفكر]

طرقككم معقدة صراحة
انا شلون احسب المعدل التراكمي
(معدل الفصلي الأول * عدد الساعات) + (معدل الفصلي الثاني * عدد الساعات) +
...... \ مجموع عدد الساعات ..!!

[المفكر]

اممم قمت بحساب المعدل التراكمي بالطريقة الطويلة العريضة
ولو كانت مقررات كل الفصول كان (معدلاً تراكميًّا)
ضربت كل مقرر في عدد ساعاته و جمعت الناتج الإجمالي وقسمته على عدد الساعات الكلي
طلع المعدل التراكمي بعد التقريب مثل ما هوه موجود في المنظومة

ماذكره المقهور صحيح ،، لأن عدد ساعات جميع الفصول متساوياً في حال عدم وجود تحسين لمقرر، ولو وجد تحسين لمقرر في الفصول السابقة .. فالمعدل التراكمي =
[ ( المعدل التراكمي السابق × ترتيب الفصل السابق) + المعدل الفصلي الحالي ] ÷ ترتيب الفصل الحالي
>> هذا في حال عدم وجود تحسين لمقرر في الفصل الحالي ..
اما بهذه الطريقة طلع المعدل بعد التقريب ازيد بـ 0.1 من الموجود في المنظومة

(معدل الفصلي الأول * عدد الساعات) + (معدل الفصلي الثاني * عدد الساعات) +
...... \ مجموع عدد الساعات ..!!
اما بهذه الطريقة طلع المعدل التراكمي بعد التقريب ازيد من الموجود في المنظومة بـ0.1


انا احترت صراحة اي طريقة اصح ..!! انا دائماً استخدم الطريقة الثالثة واشوف اغلب الطلاب
يستخدمونها ... حتى قسم الإرشاد اذكر علمونا على هذه الطريقة ...
الحين يعني المعدل صح او المفروض اعلى ...؟؟؟

[عبدالله 91]

انا الطريقة الي استخدمها

اخذ المعدل التراكمي للفصل الأخير واضربه × 4

واجمع العدد مع معدل الفصل الخامس واقسمهم على 5


وانتهى الأمر :zzzzzz:

[Salmanz.com]

هذا صحيح إذا كان عدد الساعات متساوٍ لكلّ من الفصول الخمسة...
عمومًا تم وضع سجل الدرجات في المنظومة اليوم
يمكنكم مراجعة معدّلاتكم :smailes60:

[ALEX-17]

الوسط الحسابي ..

مجموع القيم / عددها :smailes64:

وهذا ما استخدمه !!!!!!!!

[Salmanz.com]

هذا مو وسط حسابي، هذا الوسط المرجّح :smailes60:

[المفكر]

يعني شنو الحين ..!! ؟؟
شلون نحسب المعدل عشان يطلع مطابق للأصل بالضبط ؟؟
بأي طريقة ؟؟
بهذه الطريقة ؟ ان نضرب كل مادة درسناها في عدد ساعتها و نقسم الناتج
على مجموع هذه الساعات ... ؟؟؟ اعتقد هذه الطريقة واجد طويلة يعني
معقولة نقعد نحسب الناتج لأكر من 30 مقرر ..!!

[نوار]

السلام عليكم ..
الحين معدلي التراكمي 90
جم تعتقدون أنزل مجموع فصلي أجيبه وابقى في التسعين ؟!
خايفة حدي ..

[AHJ]

في ثالث ثانوي ؟

85.5

[نوار]

أي ..
بشركم الله بالخير ..
ومشكورين ..

[الفارس]

الناس تحاول ترتفع و انتين تحاولين تتشبثين
شدي على روحش :lol: >>> وش عنده اللي مشقق الكتب

[نوار]

ما سمعتون المثل اللي يقول ..
" تأتي الإمتحانات بما لا تحتوي الكتب " ..

/

هذا أني بطلعة الروح رفعته لي التسعين ..
فأخاف ينزل ..
وما شاء الله موادنا .. مجموعة من النوادر ..
الله يسهل ..

[بنوتة العهد الزاهر]

خخخ أي ولله .. رفعيي معدللج >> اسممعععع من يتكلم قوولي حق روحج
والله انا بعد معدلي في التسعيين بس تحت ودائما احاول يااثبته او ارفعه وان شالله خيرر

[نوار]

الله كريم يختي .. الله كريم ..

[wentworth miller]

خخخ أي ولله .. رفعيي معدللج >> اسممعععع من يتكلم قوولي حق روحج
والله انا بعد معدلي في التسعيين بس تحت ودائما احاول يااثبته او ارفعه وان شالله خيرر



و المطلوب؟

[Red]

تجاري ؟؟
اذا تجاري لا تخافين بترتفعين ماتنزلين
اما اذا علمي .. فالعوض على الله .. شدي على روحج ^^

[نوار]

المشكلة مو في التخصص ..
المشكلة في المعلمات العلل ..

لا وطالعة لينا معلمة أمس ..
تبه نسوي ليها تقريرين .. !
وما باقي إلا أسبوع ونخلص !! :ph34r:

منه العوض وإليه العوض ..
يالله آخر سنة ونبطل عوار راس ..

[ما يعلمون]

مجموعي التراكمي 94.5

[Red]

للعلم

مجموعي نفسج

90.9

نزل نزلة قوية من 95 !!
وترك قلبي اليوم متبول :playful:

الله كريم ..

بالتوفيق للجميع ان شاءالله

[wentworth miller]

هي صعب تصدق ياكن ماعليه انصدقة

[Red]

هي صعب تصدق ياكن ماعليه انصدقة

تحاجيني ؟ :playful:

[نوار]

أني ما نزل ..
أني أرتفع من 86 إلى 90 .. : )
لأن أول ما دخلت المدرسة .. صارت ليي أزمات عاطفية واجد فيها .. وما كنت متعودة عالجو ..
فما كان ليي مزاج أدرس ..

عاد بعدين يوم تعودت على الجو قصفت روحي دراسة ..

[wentworth miller]

تحاجيني ؟ :playful:


لا... اقول ل ما يعلمون

مو اقصدش انتين

[مترجم ولد زهير]

يقصد ولد زهير "موكلي" أنه لا يقصدك بالكلام انما يقصد عضواً آخر

[المقهور]

يقصد ولد زهير "موكلي" أنه لا يقصدك بالكلام انما يقصد عضواً آخر


http://up.z7mh.com/upfiles/3B158852.jpg

؟؟؟ :lol:

[نوار]

مو كأنكم مصختونها ..
ولا تنابزوا بالألقاب ..
إذا بتتطنزون على ولد زهير لا تطنزون عليه في مواضيعي :mad2:

[Red]

ههههههههههههههههههههههه
فهمت .. مايحتاج تترجم يا حضرة الوافي :playful:

[ALEX-17]

http://up.z7mh.com/upfiles/3B158852.jpg

؟؟؟ :lol:






:lol: :lol: :lol: :lol: :lol: :lol: :lol: :lol:

[موجه مهني]

الحالة الألولى : إذا كان الطالب لم يأخذ أي مواد تحسين ولم يرسب في اي مقرر ودرسه ذاتياً ونجح فيه في فصل آخر (هذا يعني أن جميع الفصول لها وزن واحد 26 ساعة أكاديمية معتمدة) فإن طريقة المقهور سهلة وصحيحة ويمكن الإعتماد عليها.
الحالة الثانية: إذا الطالب درس مقررات تحسين أو رسب في مقررات وتغيرت درجته حيث أن المقرر أحتُسب في فصل آخر وأعتبر المقرر في الفصل الأصلي غير محتسب لذا فإن أوزان الفصول تتغير ولذلك تعتبر طريقة المقهور غير صحيحية ولايمكن الإعتماد عليها في هذه الحالة.

[اسد العراق الغريب]

الـــــــــســـــــلامـ عـــــلــــــــــيـــكــــمـ
بس اذا ممكن عندي سؤال واتمنى ساعدوني
اني اول سنة الي بالبحرين وماعندي معدل تراكمي
هل ياخذون معدل الثالث ثنوي فقط لو كيف بالضبظ
اتمنى الرد ولكم جزيل الشكر :smailes105::smailes105:

[barca4ever]

يعني انت جاي مباشرة على التوجيهي ما درست بالبحرين اول و ثاني ثانوي

[اسد العراق الغريب]

لا اني حاليا ثاني ثنوي مو توجيهي

[barca4ever]

اتوقع المعدل بكون تراكمي من الفصل الي فات
يعني بعد ما تطلع نتيجة هالفصل بيطلع لك معدل تراكمي للفصلين و هكذا لين ما توصل لمستوى ثالث آخر فصل هذا و الله أعلم

[اسد العراق الغريب]

اهااااا
في اشخاص بقولون معدل الثالث ثنوي بس
وفي ناس بتقول بتجيب معدل الاول ثنوي من العراق وبحسوبن معدل هذه السنة وبعده
واني حاليا ما اعرف منو الصح
على العموم مشكور استاذ تعبتك معاي

[barca4ever]

ان شاءالله أ.فاضل المرشد الأكاديمي إذا دخل المنتدى برد بشكل أفضل و أصح ربما مني
و الأفضل ان تستفسرين من الارشاد عندكم او قسم التسجيل لان هالشغلة ممكن تكون خاصة و غير خاضعة لقواعد عامة و بالتوفيق لك

[الفارس]

كم معدلك ؟
و ليش جاي تدرس
بصفة مقييييم؟؟؟؟؟؟؟
أو بصفة فترة و تعدي

[اسد العراق الغريب]

ان شاء الله
اني رحت الارشاد وقالوا لازم تروح للوزارة الحقيقة بعد ما رحت بس ان شاء الله اروح باقرب وقت

[MAX]

الـــــــــســـــــلامـ عـــــلــــــــــيـــكــــمـ
بس اذا ممكن عندي سؤال واتمنى ساعدوني
اني اول سنة الي بالبحرين وماعندي معدل تراكمي
هل ياخذون معدل الثالث ثنوي فقط لو كيف بالضبظ
اتمنى الرد ولكم جزيل الشكر :smailes105::smailes105:



أعتقد هوي هيجي يابة
بس اتأكد من أهل الإختصاص

وش عندي أتكلم عراقي :LolLolLolLol:

[reemy]

مرحبآآ

عندي سؤال
ألحين اني التراكمي 85.5
والفصلي 87.5
في أمل انه يرتفع للتسعين؟
مع العلم اني توحيد تجاري ..

[نوار]

إذا كنتين سنة ثانية في أمل ..
أما إذا كنتين سنة أخيرة الأمل معدوم ..

وإذا تبين ترفعينه هالله هالله في التحسيني ..
لأنه كان مجموعي 86 ورفعته لي التسعين .. :rolleyes:

[Pure Bored]

لاشيء مستحيل ! ...
لكن خلنا نكون واقعيين لان هذي يلعب فيها دور القسمة والضرب
لان حتى لو صار فصليّش 100 .. ماراح يوصل تراكميش 90 :rolleyes: ! هذا طبعا لو كنتين المستوى الثالث...

اني بس مو قصدي احبطش.. ويالله اختي ان شاء الله تعوضين في الجامعة :playful: ! وتجيبين احسن الدرجات !

[البرتقال]

بسم الله الرحمن الرحيم

هلا،،شخباركم
عندي استفسار
انا معدلي في الفصل الاول 81.9
و كنت قد تغيبت عن 3 امتحانات بسبب مرضي

الاستفسار هنا:
الحين انا بقدم الامتحانات اللي تغيبت عنهم عقب هالامتحانات
ويا طلاب الاعادة شلون بيصير المعدل والدرجات بنحسبون ويا اي فصل؟
وبغيت اسأل عن الامتحان يجيبونه سهل لو صعب؟:smoking:
وشكرا

[barca4ever]

من الطبيعي الدرجات بتنحسب في الفصل الأول و بيتغير بعدها معدلك الفصلي في هذا الفصل و بيتغير نتيجة لذلك المعدل التراكمي للفصلين

عاد الاهتبار سهل لو صعب هذا بعلم الغيب و لا تتوقع لان دور ثاني بكون اسهل
بعض الأحيان يجي الاختبار اقوى فلا تنتبه لهالأمور و تتوقع اي شي

[reemy]

سنة ثالثة :smailes41:

يلا ان شاء الله يوصل حتى لو 89
=(

[Pure Bored]

89 بعد مايوصل :playful:
ما امبي احبطش خيوو

[اسد العراق الغريب]

كم معدلك ؟
و ليش جاي تدرس
بصفة مقييييم؟؟؟؟؟؟؟
أو بصفة فترة و تعدي

نعم اني مقيم
أعتقد هوي هيجي يابة
بس اتأكد من أهل الإختصاص

وش عندي أتكلم عراقي :LolLolLolLol:
تماااااااام تتكلم عراقي اوكي :D

مشكورين:11umbup:

[( نور الدنيا )]

السلام عليكم

عندي سؤال راح يموتني

انا محتاجه ازيد 8 بوينتات

هل هذا الشي معقول الحين على آخر فصل ؟؟ ولا مستحيل ؟؟

[madridi4ever]

تقدرين بس اذا 100 بل 100 هه

[Pure Bored]

سويت الكليشن مالتي
طلع اذا معدلش مثل 89.2
وجبتين هالفصل وجبتين فوق الـ 95 كمعدل فصلي
التراكمي مالش يرتفع لـ 90.2 :)

اما اذا كنتين 94.2 .. وتبين ترفعينه لـ 95
فلازم على الاقل فصليش 99 وهذا شي اعتقد انه صعب.. مو مستحيل بس صعب

[barca4ever]

لو كانت عندش مواد تحسين ابو 4 ساعات و مو مسويه فيهم زين
و حصلتين درجات فيهم فوق التسعين و درجاتش الباقية فوق ال95 ممكن يزيد
بس اتوقع من الصعوبة لو ما كانت عندش مواد تحسين

[Dr.Baby Soul]

من خبره السابقين
احدهم كان معدله 95.2 اخر فصل قدم انجليزي عاده كان جايب فيه 82 صار 95
ارتفع معدله 0.7 وصار في النهاية 96.9 < التراكمي :smoking:

ما قلت شي جديد , مثل ما قالوا لج الاخوة
مواد التحسين بالاخص 4 ساعات هي اترفع
وانا قاعده اعيد اللحين عشان ارتفع :11umbup:
وبالتوفيق وان شالله ترتفعين

[Dr.Baby Soul]

بالتوفيق :smoking:

[اسد العراق الغريب]

للجميع ان شاء الله

[موجه مهني]

كما هو واضح أن المستوى الأول يعتبر غير محتسب (معفي من دراسته) لذا يبدأ المعدل التراكمي من المستوى الثاني- الفصل الثالث التسلسلي ، يعني أن المعدل التراكمي يحتسب للسنتين الثانية والثالثة فقط لأربعة فصول.


الموجه المهني: فاضل عباس

[اسد العراق الغريب]

اهاااااااااا
مشكور استاذ ومتقصر

[stylish girl]

السلآآم عليكم

عنددي سؤال بسيط

في وحده سألتني وحبيت استفسر لها

اهي يآآيبه معدل في نهاية السبعين

وهي اول سنه

يعني باقي لها 4 فصول

هل ممكن اذا يابت اللحين معدل في هالفصوول تمام وسوت تحسين لجم ماده ابو اربع ساعات انها توصل للتسعين !!


اوو مستحيل

خخخخخخخخخخخخ


وسؤال ثاني اذاآ سوت تحسين مال سنه اولى يحسبونه شلون على اي فصل !!

يعني اذا عادت ريض 106 وعادت انج 101 شلون على اي فصل ينحسبون وهل في امل تزييييد !!


:bleh:

وثآآنكيوا

[Jumana]

انا الحين معدلي التراكمي 91.5 .. كم لازم اييب في هالفصل ( الاخير ) عشان ارتفع ل 92 او 92.5 ؟؟

سؤال ثاني .. كل المواد الي عندنا ابو ساعتين معدا مادتين .. اذا يبت فيهم كلهم فوق ال93 .. و واحدة من المواد ابو اربع ساعات يبت فيها 88 تقريبا .. يرتفع المعدل و لا لاء ؟؟

مع العلم اني مو ماخذة و لا مادة تحسين

اتمنى من كل قلبي ان اي احد يساعدني و يريحني شوي

شاكرة لكم مقدما :d

[stylish girl]

شكله محد برد علي خخخخخخخ

:hmm: :hmm:

[Jumana]

بلييييز .. اذا في احد يعرف حساب هذي الاشياء .. رجاءا يساعدني و تعبه ما راح يصيع ان شاء الله :)

[AHJ]

انا الحين معدلي التراكمي 91.5 .. كم لازم اييب في هالفصل ( الاخير ) عشان ارتفع ل 92 او 92.5 ؟؟

اذا 92 لازم الفصلي يكون 94.5 وإذا 92.5 لازم الفصلي يكون 97.5

سؤال ثاني .. كل المواد الي عندنا ابو ساعتين معدا مادتين .. اذا يبت فيهم كلهم فوق ال93 .. و واحدة من المواد ابو اربع ساعات يبت فيها 88 تقريبا .. يرتفع المعدل و لا لاء ؟؟
يرتفع .

[stylish girl]

معقوووله محد يعرف

لا لا مو معقوول

انزين خلنا نقول معدلها التراكمي 73 يعني مو نهاية السبعين

وهي اول سنه

وفي ثاني سنه

عادت جم ماده ابو اربع ساعااات عشان تزيد معدلهااا

جم لازم تجيب عشان تووصل في ثاني سنه 85 يعني في امل او بح بح !!!!!!

وسلام

[barca4ever]

المشكلة شلون تبين نرد على مثل هالشغلات الي تتطلب حسبات دقيقة و معرفة بعدد الساعات و المواد
عشان تستفيدين شوفي هالموضوع بفيدش عن حساب المعدل التراكمي :

حساب المعدل التراكمي (https://students-bh.com/vb/showthread.php?t=1872)

[أمـل الحـياة]

السلام عليكم

اخباركم ؟ وشخبار النتائج

عندي سؤال بخصوص المعدل التراكمي

اذا احد يقدر يفيدني


اهم مخلين ليي في الشهادة التراكمي 94

انا حسبته بنفسي طلع 94.05 :smailes105:
< < مو المفترض تتقرب!


وبالاكسل طلع 94.1 :smailes105:


الحين شلون يعني شسالفة ؟ وما العمل ! :ph34r:

ارجوكم ابي حل سريع وشنو اسوي؟

انتظركم

و موفقين :)

[MEmO Dalo0o3a]

روح المدرسة احسن .. وراجعهم .. وشوف شنو السااالفة ..

[barca4ever]

السلام عليكم

اخباركم ؟ وشخبار النتائج

عندي سؤال بخصوص المعدل التراكمي

اذا احد يقدر يفيدني


اهم مخلين ليي في الشهادة التراكمي 94

انا حسبته بنفسي طلع 94.05 :smailes105:
< < مو المفترض تتقرب!


وبالاكسل طلع 94.1 :smailes105:


الحين شلون يعني شسالفة ؟ وما العمل ! :ph34r:

ارجوكم ابي حل سريع وشنو اسوي؟

انتظركم

و موفقين :)
بالاكسل مدي عرض العمود بتشوفينه 94.05
بس ما عندي فكرة عن كيفية التقريب بالنتايج و بالتحديد متى يزيدون
يمكن ليهم حسبتهم الخاصة

[أمـل الحـياة]

اهلا اخواني
شكرا لتواجدكم

مددت العمود ما تغير 94.1

وفي الالة الحاسبة يطلع ليي94.05

المفروض تتقرب وتصير بوينت 1 حسب علمي

اروح المدرسة لمن

قسم التسجيل او الارشاد الاكاديمي !

[barca4ever]

اوكيه ما اختلفنا بالتقريب لأقرب منزلة عشرية تصير 94.1
بس مثل ما قلت يمكن بالرصد ليهم تقدير ثاني من هالناحية

[أمـل الحـياة]

يعني شلون لهم تقدير ثاني :ph34r:

اهم يقربون او لا !

المعذرة على الازعاج :rolleyes:

[ملاك92]

الأخـت أمـل،،

ممكـن أعـرف شلـون حسبتـي النسبـة..؟


هل مجـرّد جمعتـي الدرجـات وقسمتيهـا على عـدد المواد.؟

[أمـل الحـياة]

جمعت نسبتي في كل فصل وقسمتهم على 4 (انا في الفصل الرابع)
يطلع 94.05


واستخدمت برنامج برنامج الاكسل ( الموضوع الي فيه لحساب معدلك التراكمي فيه شريحة اكسل خليت فيها الدرجات وطلع 94.1)

:confused88:

[ملاك92]

لا أعلـم ما هـو موضـوع الاكسـل،،

ولكـن استبعـد الخطـأ في الدرجـة..

وبالعـادة تقـرّب النسبـة..!!

[أمـل الحـياة]

https://students-bh.com/vb/showthread.php?t=1872

هذا موضوع الاكسل


ما العمل الآن ، مو عارفة شسوي؟!

ما ليي مزاج اروح المدرسة:b:
واخاف يفشلوني :D

والمنظومة مو راضية تفتح:b:

[ملاك92]

جفـت الموضـوع،،

وحقيقـة شغـل مضبـوط..

واستغـرب انهـم ما قـربوا الدرجـة.. مش بالعادة!!

عمـوما مـا لش إلا المدرسـة.. اتصلـي فيهـم واستفسري..

مـش لازم تـروحي..

موفقـة عزيزتـي.. :)

[أمـل الحـياة]

بكرة ان شاء الله اتصل او اروح

وان شاء الله خير ، دعواتكم

مشكورين على المساعدة

وعذرا على الازعاج

وفقكم الباري :)

[AHJ]

شلون حسبتين المعدل التراكمي ؟؟ :confused88:

مجموع المعدل الفصلي للفصول قسمة عدد الفصول :oh: ؟ إذا بهالطريقة خطأ .. :b:
لأن المعدل الفصلي يقرب لمنزلة عشرية واحدة .. :playful:
مثلاً ... لو كان المعدل الفصلي = 93.06 يخلونه في الشهادة 93.1


وانتين اعتبرتينه 93.1 في حسابش للمعدل فهذا سبب الخطأ . :ph34r:



الطريقة الصحيحة لحساب المعدل التراكمي ..
الدرجة × عدد الساعات

بعدين المجموع تقسمينه على عدد الساعات وتقربين لأقرب منزلة عشرية واحدة ويطلع المعدل التراكمي الصحيح ..

عموماً .. المعدل الموجود في الشهادة هو الصح أكيد .. :D

[كرستآلهـ]

نفس حالتي لازم أزيد بوينت !!

خبريني شنو قالوا حقش المدرسة ؟

[كرستآلهـ]

شلون حسبتين المعدل التراكمي ؟؟ :confused88:

مجموع المعدل الفصلي للفصول قسمة عدد الفصول :oh: ؟ إذا بهالطريقة خطأ .. :b:
لأن المعدل الفصلي يقرب لمنزلة عشرية واحدة .. :playful:
مثلاً ... لو كان المعدل الفصلي = 93.06 يخلونه في الشهادة 93.1


وانتين اعتبرتينه 93.1 في حسابش للمعدل فهذا سبب الخطأ . :ph34r:



الطريقة الصحيحة لحساب المعدل التراكمي ..
الدرجة × عدد الساعات

بعدين المجموع تقسمينه على عدد الساعات وتقربين لأقرب منزلة عشرية واحدة ويطلع المعدل التراكمي الصحيح ..

عموماً .. المعدل الموجود في الشهادة هو الصح أكيد .. :d

شلون بطلع التراكمي !! في الطريقة الثانية يطلع الفصلي !!

[error]

اذا بتحسبين المعدل التراكمي ..
اول شي احسبي كل فصل بروحه .. مثلا اول شي طلعي كل مادة في عدد ساعاتها .. و اجمعي كل مواد الفصل الاول
فرضا طلع العدد 2556 و عدد الساعات 26 .. هذا للفصل الاول مثلا

و الفصل الثاني مثل الشي .. درجات المادة في عدد ساعاتها و بعدين تجمعينها ..

و اذا خلصتي كل الفصول .. تجمعين كل الدرجات ( المضروبة في عدد ساعاتها ) قسمة مجموع كل الساعات مال الفصول

و سالفة التقريب .. لين كان المعدل 94.05 يخلونه 94
و لين كان 94.06 تتقرب إلى 94.1

[أمـل الحـياة]

شكرا لكل من تواجد :)

طريقة الحساب صحيحة مثل ما اسوي



و سالفة التقريب .. لين كان المعدل 94.05 يخلونه 94
و لين كان 94.06 تتقرب إلى 94.1

اهاا ، جذي السالفة يعني

شكرا اخوي افدتني

لان وحدة من ربعي قالت ليي ان لازم يتقرب من ال5 ورايح

يلا ما على بوينت واحد نعضوها باقي فصلين :playful:

شكرا لكم مرة اخرى

:)

[مريــوم]

يمكن سؤالي مايخص الي بيدشون الثنوي لأن انة في التوجيهي الحين
بس ابي اعرف معدلي في الثمانين وتقريبا 86 وابي ادش التسعين يعني تفوق اقدر ارفعه ولا صعب اني ارفعه يعني ابي اي تحفيز يخليني ما افقد الأمل في التفوق

[Zlatan Ibrahimovic]

يمكن سؤالي مايخص الي بيدشون الثنوي لأن انة في التوجيهي الحين
بس ابي اعرف معدلي في الثمانين وتقريبا 86 وابي ادش التسعين يعني تفوق اقدر ارفعه ولا صعب اني ارفعه يعني ابي اي تحفيز يخليني ما افقد الأمل في التفوق

اكيد في أمل حطي على روحج الفصلين الجايين + عيدي مواد تحسينيه ابو 4 ساعات :smailes60: بالتوفيق

[مريــوم]

تسلم لي انشالله انة ناوية اعيد الانج وبس لان الباقي ما باحصل وقت ادري

[حبوب]

شباب انا ما خذ ذاتي ريض 106 منتصف 30 والنهائي 70 بس ابغي اعرف مثلا من 20 حصلت 14 كم يصير من 30 واذا في النهائي مثلا 25 من 50 اذا من 70 كم يصير والمجموع ارجوكم حتى يرتاح ضميري في الحسبه :sweatdrop:

[المقهور]

14 من 20 = 21 من 30

25 من 50 = 35 من 70

ساعات يجي الامتحان من 30 لين انت تقدم المنتصف تحسين

[حبوب]

مشكور اخوي :ongue: يعني في النهائي لو حصلت 20 يصير 30 من 70 :smailes60: كوووول انشاءالله اجيب اكثر

[ِAsrar]

عندي سوال ..؟؟ :laugh::laugh:
سمعت معلمة الرشد مالتنا اتقول إن المعدل إلى تطلعين منه من اول ثنوي اهو نفسة المعدل إلى تطلعين منه من توجيهي ..
صج يعني ؟؟
بصراحة انه خايفة .. لاني انه مسوية ززين بس مو لدرجة يعني اني اوكي ..
خايفة لان مرحلة جديدة وصاير علي صعب اتقلم ..
حتى الامتحانات المنتصف حدها سهلة .. انخربط فيها .. لازم نحط بصمة غباء ..
حتى الاولى ع المدرسة العام تطلع من كل امتحان اتصيح .. ) كله من التزفيت )
بس الحين صج يعني ان المعدل يضل ثابت .. هل نقدر نرفعة في ثاني وثالث ..؟؟


في انتضار ردودكم ... و وجهات نظركم حول الموضوع ...

[نفحات الجنان]

على حسب التخصص الا بتتخصصينه ..
المعدل في العلمي يسقط الى الحضيض .. cry982
و في التجاري يرتفع الى العلالي ..

المحافظة على المعدل تحتاج جهد صراحة .. مابي احبطش ..
بس انتين في اول و موااد اول مااي بالنسبة لثاني و توجيهي .. فحاولي تجيبين معدل مرتفع عشان ما يأثر عليش بعدين ..

ربما اعود .. :1211:

[мαgιc Đяεαм]

خخ من وين هالخرافات :lollol:

خيو نفحاات

مو شرط اللي يدخلون العلمي تنزل معدلاتهم

اعرف ناس وااجد دخلوا علمي و ارتفعوا وااجد عن أول ثنوي :ongue:

اذا الواحد يحب المواد اللي يدرسها و صدق يدرسها من قلب أكييد بيرتفع :ongue:

امم أسرار

تره في أول ثنوي تسمعون كلام وااجد بس مو كلشي تصدقونه :sweatdrop:

حتى في ناس يقولون عن مقررات صعبه و اذا درستينها تلاقينها سهله :laugh:

بالتوفيق خيوو

[محامد]

خخ من وين هالخرافات :lollol:

خيو نفحاات

مو شرط اللي يدخلون العلمي تنزل معدلاتهم

اعرف ناس وااجد دخلوا علمي و ارتفعوا وااجد عن أول ثنوي :ongue:

اذا الواحد يحب المواد اللي يدرسها و صدق يدرسها من قلب أكييد بيرتفع :ongue:


كلام 10 على 10
وللجزم انا وحدة من الي ارتفع معدلاتهم وفي العلمي
زاد معدلي عن اول ثانوي درجة و4 بوينتات ...مع تقدم الفصول

[ِAsrar]

يعني خرافات ؟؟؟
المشكلة انه في صف ما يشجع ع الدراسة ،،
البنات معظمهم رايحة عليهم ..
والبنات إلى ينافسونج ينافسونج بكل غيرة و حقد ويغرون من اي كلمة المعلمة اتقوله لج ..
بس انه خايفة
في الدين نقصت درجة في المنتصف والاجا بعدنقصت درجة وهم المادتين الوحيدتين إلى اقدر اجيب فيهم 100 في النهائي يعني اضمن روحي مابجب درجة كاملة في النهائي ..
الله يستر بس ..
إنشاءالله ما يأثر على ..

[мαgιc Đяεαм]

^^ اذا اهتميتين لصفكم و مشااكله ما بتجيبين درجات أوكي :sweatdrop:

طنش تعش تنتعش :laugh:

و على المنافسه ,, أحس الثنوي مو نفس الاعدادي في المنافسة و لا تعتمدين على هالشي

حق تجيبين درجات أوكي ,, اعتمدي على روحش و مو تحبطين روحش من البداية

توش في بداية المشوار :sweatdrop:

[Red]

لا منوو قال المعدل ثابت ! :sweatdrop:

اول ثانوي اغلب البنات يكون المعدل مرتفع

بس مع مرور الفصول تتفاوت صعوبة الفصول فالمعدل تشوفينه يا ينزل يا يرتفع
والشاطر اللي يعرف شلون يثبت معدله ومايخليه ينزل .. cry982

بس العلمي ينزل المعدل - حق اللي معدلهم فوق - :sweatdrop:

[мαgιc Đяεαм]

^^ مو شرط :sweatdrop:

في توجيهي نااس وااجد يرتفعون خصوصا مال فيز و ريض :laugh:

[ِAsrar]

والكيم والحيا ؟؟
اني مقررة اروح كيم ..
بس معلماتنا وايد محبطينا ..
ماعندهم إحساس والله ؟؟؟ :mad2:
والمشكلة انه المعلمات واجد يميزون بنات عن بنات ،، مع إن الكل يتعب ويجد واخرتها التمييز والتفضيل يكون لوحدة بس .. صج قهر

[мαgιc Đяεαм]

^^ التمييز شي طبيعي في الثنوي :1213:

بس الحمد لله السنة أجووف مافي تمييز نفس اللعام :1211:

امم أني ما قلت كيم و حيا ما يرتفعون ,, يرتفعون بس مو نفس فيز و ريض

فيز و ريض يرتفعون بشكل ملحوظ :laugh:

غادة المولاني الكورس الخامس كان معدلها 98.2 و الكورس السادس 98.8

6 بوينتات شي عظيم في عالم الثنوي :1515:

هع الكورس الاخير كله مواد ساعتين اعتقد بس ماده وحده 4 ساعات

من جذي يرتفع المعدل :ongue:

[ِAsrar]

انتي حيا وكيم
برايج سهل ولا صعب
وهل نقدر نرتفع فيه ولا لا ؟
معلش .. بس حابة افهم الموضوع ؟

[мαgιc Đяεαм]

^^ يعتمد على الفصل اللي انتين فيه

درجاتي في الكيم و الحيا اثنينهم و الريضين و الفيز تماام

بس باقي المواد مو كلش أوكي :sweatdrop:

لا تنسين ان هالشي يعتمد على قدرات الطالب نفسه :ongue:

انتبهي أكثر لمواد 4 ساعات لان هي اللي تنزل و ترفع المعدل :laugh:

[Red]

في توجيهي نااس وااجد يرتفعون خصوصا مال فيز و ريض

هذا الكلام عن توجيهي ،،

لكن في ثاني ثانوي .. اهني الشطارة ،،
ان تحافظين على المعدل عشان ماينزل ..
لان الكورس الثالث اصعب كورس والمعدل ينزل بسرعه 4 كم \ ث :laugh: !

====

اسرار

اذا في الريض كنتي تمام
ففيز وريض الخيار الافضل

لا يغرج الكيميا والاحياء مال اول ثانوي .. ترى ولا شي مقارنة بالحيا والكيميا اذا تخصصتي علمي بعدين :laugh:

[мαgιc Đяεαм]

خيوو red

أعرف ان في ثاني ينزل المعدل :sweatdrop:

بس في نفس الوقت في ناس يرتفعون ,, حتى لو كانوا بنسبة 1%

يمكن نكون من هالـ 1 % :lollol:

^^ مستحيل :1515:

تره المقررات الجديدة أسهل

كيم 102 ما فيه التوزيع الالكتروني

بيكون التوزيع في الكيم اللي بياخذونه بدل 111 :sweatdrop:

سمعت ان الفيز بيصعبونه ليهم :doh:

يعني لازم ما نقيس المواد اللي أخذناها باللي ياخذونها هم :laugh:

[Red]

طير العذاب

على ايامنا

تقارنين سهولة وكمية حيا 101 و كيم 101

بـ كيم 111 و حيا 212 و حيا 111 ؟!!

اكيد مافي وجه للمقارنه :nea:

ونسبة قليلة اللي يرتفعون في الكورس الثالث .. قصفني هالكورس cry982

[شمس الأصيل]

لان الكورس الثالث اصعب كورس والمعدل ينزل بسرعه 4 كم \ ث !
اي والله
ما قصفنا الا الكورس الثالث
نزلت فيه 6 بوينتات في التراكمي
أما الفصلي نزل درجة و4 بوينتات :ph34r:

\

بالنسبة للمعدل فهو ينزل ويرتفع
أني معدلي نزل الكورس الثالث ورد ارتفع الكورس الرابع
رجع مثل ما كان في الكورس الأول
هو أهم شي ان الواحد يرفع معدله من أول كورس
علشان لو نزل في الكورسات الجاية لا سمح الله ما يتأثر المعدل وااجد

بالتوفيق
:laugh:

[صدى الذكرى]

آخ ع المعدل

أني وحدة هالكورس مو مهيأة لنفسي عشان ارتفع

ما ادري عندي احساس اني بطب >> الله لا يقوله

بالنسبة للمنافسة ما لها اي اهمية

اللعام في صفنا ما احد فوق ال95 غيري والسنة الاوائل اللي على الثاني ثانوي مجمعينهم نصهم في صفنا !

والحال واحد يعني المنافسة ما لها اي تأثير على المعدل

أهم شي ان يكون اساس المعدل من اول ثانوي قوي

والامر المهم الثاني أن مو تحطين في بالش سالفة التحسين من البداية الا في احلك الظروف

لأن الضغط بيزيد في الصفوف الجاية وما في مجال الا بطلعة الروح للمواد الباقية

[سمـاء الـروح]

بالنسبة للمنافسة ما لها اي اهمية

اللعام في صفنا ما احد فوق ال95 غيري والسنة الاوائل اللي على الثاني ثانوي مجمعينهم نصهم في صفنا !

المنافسة تسوي شغل ترى..
يعني احنا صفنا يمكن اكثر المتفوقات فيه وكلنا ربع وكلنا نتنافس..
ولا عاد في الريض نفس الحرب عدنا ههههه

بس لا تحطينه في بالش كلش ان ما في احد تنافسينه..في هالحالة نافسي روحش بروحش .. اهم شي انتين ممشية في كل شي ..والمعدل ماليه نظرية معينة .. كل واحد وشغله وحظه ويه امتحاناته..

[ِAsrar]

المشكلة مو جذي ..
احس اني في اليض اوكيه وبعد في الحفظ اوكيه ..
بس ميولي للطب أو اي شئ لي علاقة بالطب ( مختبر ،، صيدلة ... ) والكيم انسب مجال
بس درجاتي هالفصل كلة ناقصة درجة أو نص درجة خايفة ايثر على بحيث ماقدر اجيب درجات اوكي في النهائي بس ما اضن انهم يجيبون صعب ...
وبالنسبة للكيم والله تفافه بمعنى الكلمة وهاي إلى مشجعني .. بس إلى مخوفني انهم يقولون المناهج بتغغير في السنة الجاية وخاصة احنا اول ناس مجربينهم فصاير على صعب اقرر بدون ما اسأل احد ،، هو صج وينج وين اوراق تحديد المستوى بس حابة اكون ملمة باالامور قبل ما اطب الفاس بالراس (هههههههه)


عن جد اشكر كل من تفاعل وياي ( مهم ريد ،، طير العذاب ،،،،،،،،،،،،،،،) بس خبروني هل إذا نقصت درجة او نص درجة في المنتصف يأثر بشكل كبير على النهائي أو المعدل بشكل عام ؟

[سمـاء الـروح]

هل إذا نقصت درجة او نص درجة في المنتصف يأثر بشكل كبير على النهائي |؟
كلش لا :1211:

[بنوتة العهد الزاهر]

هل إذا نقصت درجة او نص درجة في المنتصف يأثر بشكل كبير على النهائي |؟

راح تأثر في درجتج النهائية للمادة .. بس مو بشكل كبير .. يعني ااذا نقصين نص درجة ودرجاتج كلهم كاملة .. تحصلين 99.5 .. عشان جذي لازم اتحطين ع روحج في المنتصف ..
يعني لو كانت الاختبارات الشهرية ناقصه فيهم بياخذون النسبة منهم فما بتتاثر وايد .. اما المنتصف يأثر ..

[Red]

Asrar

اغلب اللي الاحظهم يدشون طب الحين .. هم اللي كانوا فيز وريض
يعني الاوائل غالبا من فيز وريض ! :laugh:

فيز وريض نظامه احس اسهل
ماعندج ثقل في المواد ! يعني المواد موزعه بنظام ،،
كيم وحيا يحطون لج مواد دسمة في كورس واحد .. النفسيه تتعب ،،

ترى لا يغرج الفيزيا المشترك في العلمي ،،
الوزارة حصل وانه اصعب فيزيا يحطونه مشترك ! :S
يعني وين الكهربا ووين الاطياف السهل ؟!

بس بالاخير الراي رايج ،،

ونصيحه .. امتحانات الشهر والمنتصف هذول بايدج .. شدي حيلج فيهم !
لان على الاقل هذول مضمونين .. النهائي كلش ماتضمنين شنو بيي سهل او صعب ،،


بالتوفيق

[ِAsrar]

اي انه إلى خايفة منه انه
جبت في الاجا والدين 19 ما احس ان يأثر لان المادتين مو صعبين و مايجيبون اسئلة معقدة ومثل الشئ الانج جبت 19
وانه خايفة كل المواد علامة كاملة .. إلا هالاثنين
خايفة يأثر علي

[мαgιc Đяεαм]

اغلب اللي الاحظهم يدشون طب الحين .. هم اللي كانوا فيز وريض
يعني الاوائل غالبا من فيز وريض ! :laugh:

مو هاي هو القهر :mad2:

كيم و حيا ليهم الاولوية انهم يدخلون هالمجال

درسوا مقررات حياا و كيم علشان يدشون في المجالات الطبية و في الاخير ينافسونا

مال فيز و ريض في البعثات :@

بصرااحه كلش مو عدله على الوزارة :zz:

[Red]

درسوا مقررات حياا و كيم علشان يدشون في المجالات الطبية و في الاخير ينافسونا

مال فيز و ريض في البعثات

و اشوف صايره موضة .. مال كيم وحيا يدشون هندسة واحنا قتلنا عمرنا في مقررات الفيزيا .. وبعدين ينافسونا بالبعثات في الهندسة "سس

[ِAsrar]

هههههههههههههههه ،،،، يلا عاد ...
المسألة مسألة حظ ؟؟
خبنت خالتي كانت كيم وحيا ،، الحين اكاه تدرس هندسة ؟؟ الوزراة خلوها في الهدنسة ؟؟
المهم قولوا لي خايفة يأثر على المعدل .. واللله احس روحي صرت مجنونة ؟؟ قولوا لي حفزوني شوي ؟؟
خايفة انزل هالسنة ؟؟




ممكن إلى عنده مواقع تعرفية بكل تخصص وكل المهن إلى تندررج تحت المجال أيحطهم لي ؟؟ ممكن ؟؟

[بحرينية 2]

انا معدلي نزل وااااااااجد الفصل الثاني أول ثنوي لانه عندي صعوبات بالمواد العلمية
وخصوصا الفيز وصعوبة ريض 107 بتجاري ارتفعت المعدل الفصلي سهل ترتفعين
فيه بس التراكمي اهو الصعب بس مافي شي صعب اذا جديتي واجتهدتي ولا
تلتفتين ل المعلمات وتمييزهم بين البنات لان بالنهاية المتأثر اهو انتي موفقة خيتو

[حيدرية الهوى]

خية اذا بتدخلين علمي >> المعدل ينزل بس هذا مو تحبيط لش بس للعلم
بحسب تجربتي في علمي الي قصفت المعدل cry982

الفصل الثالث المعدل ينزل بسهولة لان مواد الفصل الثالث تحبط النفسية من صعوبتها وكثافتها
والفصل الرابع المعدل ينطلق له العنان في الارتفاع لان المواد تكون اسهل
الفصل الخامس يشابه الفصل الثالث في صعوبة المواد وكثافتها
والفصل السادس وهو آخر فصل المواد تكون خفيفة

بس اذا كنتين تحبين المواد تخصصش اكيد راح تعطين فيها

على رغم صعوبة علمي وخصوصا كيم وحيا ألا اني احس فيه بالمتعة موطبيعية وعلى رغم عداوته ويا المعدل بعد ..
فلو خيروني ارجع ااتخصص من جديد راح اختار كيم وحيا بعد .. :smailes60:

[ِAsrar]

يلا إلى الله كاتبنة لنا بيصير ...
ثانكس ..
بس ما قلتولي عندكم مواقع ولا لا ؟

[Cute Princess]

هلا ..

اممم بالنسبة لمقرراتنا معظمها أصعب ..
الفيز مالنا أكثر تعقيد من الفيز اللي أخذوتنه ..
طرق الحل معقدة ..
يعني حتى الواحد بفكر يدخل فيز وريض ..
بسبب الفيز ..
بغير كلللللللللللل أفكاره ..

[ِAsrar]

بعدنا احنا ماخذيتة فيز ،، الصل الجاي ،،
الله يستر ؟؟ بنزل مستوى الكل ..

[نور صبري]

كيم وحيا ينافسونه في الهندسة ولا يفهمون شي في الفيزيا
قاعدين بس جدي في المحاضرة كانهم أطرش في الزفة
على الاقل فيز وريض اذا دخلوا طب بشري درسوا كل شي متعلق بالانسان تقريبا يعني حالهم حال كيم وحيا لان كيم وحيا درسوا احياء مال نباتات واشياء ماليها علاقة بالطب
( أسرار )لا تصيرين جدي معقدة
جايية 19 ومعصبة ؟؟ !! أهم شي تدرسين والتوفيق على الله .. لا تهتمين للمعدل (( نصيحة )) أهم شي تفهمين المقرر..

[المقهور]

على هالحالة ازيد ناس لازم يتحججون طلاب التجاري .. لان نص العالم تروح بزنز

[Cute Princess]

كيم وحيا ينافسونه في الهندسة ولا يفهمون شي في الفيزيا
قاعدين بس جدي في المحاضرة كانهم أطرش في الزفة
على الاقل فيز وريض اذا دخلوا طب بشري درسوا كل شي متعلق بالانسان تقريبا يعني حالهم حال كيم وحيا لان كيم وحيا درسوا احياء مال نباتات واشياء ماليها علاقة بالطب
( أسرار )لا تصيرين جدي معقدة
جايية 19 ومعصبة ؟؟ !! أهم شي تدرسين والتوفيق على الله .. لا تهتمين للمعدل (( نصيحة )) أهم شي تفهمين المقرر..


انت قاعد تحكم على أساس المقررات القديمة اللي أخذتها ..
لكن الحين المقررات جديدة .. قصدي المقررات العلمية الفيز والكيم والحيا وحتى الريض ..

فكــل شيء غير يعني .. ويعني في أشياء موسعة وأشياء مختصرة ..

انت شكلك طالب فيز وريض صح ؟؟!!

ومن ناحية التعقيد .. صح كلامك انسوي اللي علينا والباقي على الله ..

[мαgιc Đяεαм]

كيم وحيا ينافسونه في الهندسة ولا يفهمون شي في الفيزيا
قاعدين بس جدي في المحاضرة كانهم أطرش في الزفة
على الاقل فيز وريض اذا دخلوا طب بشري درسوا كل شي متعلق بالانسان تقريبا يعني حالهم حال كيم وحيا لان كيم وحيا درسوا احياء مال نباتات واشياء ماليها علاقة بالطب
( أسرار )لا تصيرين جدي معقدة
جايية 19 ومعصبة ؟؟ !! أهم شي تدرسين والتوفيق على الله .. لا تهتمين للمعدل (( نصيحة )) أهم شي تفهمين المقرر..

انزين التخصصات الطبية مو بس طب بشري و تمريض :doh:

في طب بيطري و طب أعشااب و غيره :sweatdrop:

شي ثااني

الفيز و الريض مواد سهلة ما ينتعب فيها قد الكيم و الحيا

أني ممكن ادخل امتحان فيز أو ريض بدون ما أدرس بس مستحيل أدخل امتحان

كيم أو حيا بدون ما أدرس

يعني حنا نتعب أكثر منكم

و بعد احنا قاعدين نبني أساس لينا حق ندخل الجامعه و في الاخير مال فيز و ريض يحصلون البعثات

خصوصا انه مثل ما قالوا مال فيز و ريض يكتسحون المراتب الاولى :doh:

و اذا على انه مال كيم و حيا ما يفهمون شي في محاضراتكم في الجامعه

فهذا كله بسبب الوزارة الموقرة اللي تخلي كل تخصص يقدر يتخصص في مواد غيره no213

و من ناحية ثانية لو بتروح التخصصات الطبية بتلاحظ انه مال كيم و حيا فيهم أحسن من فيز و ريض :1213:

[мαgιc Đяεαм]

على هالحالة ازيد ناس لازم يتحججون طلاب التجاري .. لان نص العالم تروح بزنز

مثل ما قالت لـ نور صبري

الغلط الأول و الاخير على الوزارة no213

المفروض كل تخصص يتقيد بالاشياء اللي عنده "سس

مو يتعدون على حقوق غيرهم no213

[ِAsrar]

هههههههههههههههههه،،
الحلو في الموضوع صار نقاش حاد بين طلاب الكيم والحيا ،، والفيز والريض ،،
اتصدقون من خلال يعني كلامكم ،، حسيت أن الكل مظلوم ،، سواء طلاب الفيز أو الحيا ..
شلون يعني الحين طلاب كيم يدخلون هندسة ؟؟ وطلاب فيز ياخذون طب؟؟
شاون صارت ،،؟؟
وبعدين شلون الوزارة جذي ؟؟
أحس ظلم ،، المفروض كل اختصاص يتقيد بمجل معين ،،
بصراحة احس أن النظام فوضى ،، وكله ظلم بظلم ؟؟

[صدى الذكرى]

الغلط الأول و الاخير على الوزارة

عجل مال علمي يفلتونهم في طخة المواد الادبية والتجارية !!

[مناجية المهدي]

شباب؟
خليتوني اتفاءل بالريض والفيز اني اخذه في لمستوى الثاني
وشجعتوني بالاساس بحواركم
اشكركم

[مناجية المهدي]

بقول ليكم شي
عندي اخوان تخصصوا كلهم بادبي واكهم من اول سنة ما شاء الله حصلوا على وظائف والحين هم مدرسن
اني اقول ليكم مو علشان اشجعكم على انكم تصيرون مدرسين ؟ ابداَ هذا الشي اكره من الي اشوفه يصير في اخواني
والله يساعدهم
احنا ندرس علشان على الاقل نحصل شهادة
اما اذا مفكرين ان حمد بيعطيكم وظيفة من اول ستنة؟
فهذا ولا في احلامكم البنفسجية على قولتهم
لان هو اساسا يعطي الجلف الوظائف ولا يعطي المستحقين
هذا الي اشوفه الحين
حتى في الي من بيتنا
صار ليهم كم سنة وما عطوهم للحين وظيفة التدريس
اما روحوا الجامعة
بتشوفون كله جلف
الله يسامحهم:zz:
فالي يبي السح على قولتهم ما يقول أح
الي حاط في باله امل لازم يجد على روحه علشان يحصل الي يبغيه
وان شاء الله موفقين
"سس"تحياتي""سس

[Zhoor Alamal]

هذا الكلام عن توجيهي ،،
لكن في ثاني ثانوي .. اهني الشطارة ،،
ان تحافظين على المعدل عشان ماينزل ..
لان الكورس الثالث اصعب كورس والمعدل ينزل بسرعه 4 كم \ ث :laugh: !

:sweatdrop::laugh: تحطيم هذا الكلام
:doh: بقوم أراجع جان أصير من إلي يحافظون على المعدل المقصوف
:lollol: أشك!!

[الطالب البحراني]

السلام عليكم ورحمة الله وبركاته

انا طالب سنة اولى ومتوهق

درجتي نازلة في الفيز المنتصف 13 من 20 والاستاد حصته فوضى وهذا القهر

الحيا جبت فيه 18 من عشرين

الدين 20 من عشرين

باقي المواد غير معروف

انا امبي اسعى على الاقل اجيب في المعدل 80%

هل جامعة البحرين يقبلون هالمعدل ؟؟؟؟؟؟؟؟؟؟؟؟؟

وهل اقدر ارفع الفصل الثاني ؟؟؟؟؟؟؟؟؟؟؟؟؟؟؟؟؟؟؟

[محامد]

ما ادري شفيهم طلاب سنه اولى على المعدل no213
لكن شيء جيد انك مهتم في معدل من البداية

بالنسبة لجامعه البحرين تقبل من 70% وفوق
وبالنسة الى انك تقدر ترفع الكورس الياي او لا ...هذا الشيء يعتمد عليك وعلى مقرراتكم اليديدة ..بس ارد اقول ما في شي مستحيل
وبالتوفيق يا رب

[мαgιc Đяεαм]

^^

أي وااجد خايفين و مضخمين السالفه :sweatdrop:

شي طبيعي ان المعدل مرة يرتفع و مرة ينزل و مرة يثبت :laugh:

لا تخاافون ,, سووا اللي عليكم و خلاص

أهم شي مواد 4 ساعات تحاولون انكم ما تنزلون فيهم لأنهم يقصفون المعدل :nea:

===

و اذا ما سويتون زين في المنتصف تره مو نهاية العالم :doh:

عندكم الاعمال 30 درجة و النهائي 50 درجه عوضوا فيها

و لا تنسون ان المواد العلمية فيها عملي :laugh:

يعني ما بيأثر عليكم وااجد :)

شدوا على روحكم أكثر و لا تفكرون في المعدل واااجد :sweatdrop:

امم اذا عندك فيز هالفصل يعني عندك فرصه ترفع معدلك الفصل الثاني لأن المواد بتصير أخف :)

بالتوفيق للجميع :ongue:

[الفارس]

مستحيل
بس روح تجاري و بتجيب 100 :lollol:

[мαgιc Đяεαм]

^^

لازم تحبط الاوادم no213

اذا هو بيتعب على روحه بيرفع معدله :laugh:

[Lady w]

اي اني نفس الحآآلة

درجآت المنتصف زفت

يآعلي والله خايفه اني ع المعدل

[Lady w]

انزيييييييييين اني الحين عندي سؤآآل

هالفصل معدلي اتوقع بصير في الثمانين وهالفصل عندي فيز وحياا

اقدر الفصل الثاني ارفعه واصير في التسعين او لا؟؟؟

[الفارس]

^^

لازم تحبط الاوادم no213

اذا هو بيتعب على روحه بيرفع معدله :laugh:
لو يرجع الزمن أروح تجاري أو كيم و حيا :1515:

[мαgιc Đяεαм]

^^ ههه تجاري مو زين لك :laugh:

و كيم و حيا ما أعتقد بتمشي فيه لأن يبي له حفظ و انت ما تحب تحفظ :lollol:

يعني فيز و ريض أنسب تخصص لك :1515:

[حيدرية الهوى]

لو يرجع الزمن أروح تجاري أو كيم و حيا

يعني الحين كيم وحيا الي يرفع المعدل ؟

على قد ما يتلف المخ على قد ما ينزل في المعدل

ترى اثنينهم في الهوى سوى "سس

سووا الي عليكم والباقي على الله

بس ترى جامعةرامز تقبل الصالح والطالح :sweatdrop:

[الفارس]

يعني الحين كيم وحيا الي يرفع المعدل ؟

على قد ما يتلف المخ على قد ما ينزل في المعدل

ترى اثنينهم في الهوى سوى "سس
فرق لين تاخذ مقرر أبو أربع ( قوة و حركة - متجهات ) و مقرر أبو أربع ( رسم - رسم ) :smailes105:

[مناجية المهدي]

مااتوقع يعني بيرتفع الى المعدل الي تبينه:zz:
اني ما احبطش ياSweet Flower
بس لان عادة هذا الفصل يعتمدون عليه بقية الفصول
(قصدي لفصل الــــ 2و3و4و5و6)
من جدي جدي على روحش من الحين
حتى لو جبتين في المنتصف درجات مو زينة؟
تقدرين تعوضين في النهائي وغيره
"وموفقة ان شاء الله"

[мαgιc Đяεαм]

انزيييييييييين اني الحين عندي سؤآآل

هالفصل معدلي اتوقع بصير في الثمانين وهالفصل عندي فيز وحياا

اقدر الفصل الثاني ارفعه واصير في التسعين او لا؟؟؟

وش فيكم خايفين واجد من المعدلات :smailes105:

ما أذكر دفعتنا كانوا جذي :1211:

خيو لا تبنين أشياء على توقعات بس :doh:

انتون للحين ما كملتون الاعمال و لا قدمتون العملي و النهائي

للحين عندكم فرصه ,, شدوا على روحكم شوي مو بس تتحلطمون :nea:

تره الفصل الثاني عندكم فرصه كبيرة انكم ترفعون معدلاتكم ,, لأن مواده أخف

بس ما أقول ليكم أكيد ترتفعون ,, نفس وحده صارت ويايي ما اهتمت عدل

تقول المواد سهله و نزل التراكمي درجتين في حين احنا ارتفعنا :sweatdrop:

بالنسبة لسؤالش

اهو على حسب ,, اذا بتجيبين بداية الثمانين شبه مستحيل اذا ما كان مستحيل بعد انش توصلينه الـ 90

بس اذا نهاية الثمانين شي طبيعي انش تقدرين توصلينه للـ 90 :)

[ِAsrar]

طير العذاب ،، توقيعج حلو ؟؟
بس انه خايفة معظم المواد زفت نقصت درجة ،،
بس الحين لوجبت مثلا 95 هالفصل ،،
اجيب 97 في توجيهي ؟؟

[мαgιc Đяεαм]

طير العذاب ،، توقيعج حلو ؟؟


شكرا :$

بس انه خايفة معظم المواد زفت نقصت درجة ،،
بس الحين لوجبت مثلا 95 هالفصل ،،
اجيب 97 في توجيهي ؟؟

ما أبي أحبطش بس السالفه شوي صعبه :sweatdrop:

لأنه في ثاني ثنوي نااس وااجد ينزلون :doh:

و لا تنسين ان كلما كاان المعدل مرتفع كلما صار أصعب على الطالب انه يرفعه :nea:

مثلا اني ارتفعت الفصل الثاني 8 بوينتات

في حين ناس في الـ 80 ارتفعوا درجتين :)

و في ناس في الـ 60 ارتفعوا 3 أو حتى 4 درجات :sweatdrop:

بس الاهم انش ما تحبطين روحش أو تهملين ,, لأنش بس تهملين فصل وااحد

بيصير صعب عليش بعدين ترفعين المعدل :sweatdrop:

[جرحُ العَاشقين]

مـآشاء الله اعتقد ان الاعضاء كفووا ووفـووا !

بس دامش في مدرسة سااار .. وانتين مستوى اول .. فنصيحتــي اليــش لا تتابعين البنااات !!
ومستوى اول السنة اعظم من اللعاام .. ما اعمم على الكل بس واجد مأساة !!

شوفي اني لانيي تابعت البناات واهملت لمـآ انعدم معدليي !!!
والببنات هم سبب من الاسباب الي خلاني ادخل علمي !!
يوووم شفت نسبتي نزللت قلتت خلااص ادخل علمييي عشاان بس ما اتابع البنات
!! > مع ان المفروض تفكيري العكس ..

موفقـهـ يابعدي ..

[حيدرية الهوى]

انزيييييييييين اني الحين عندي سؤآآل

هالفصل معدلي اتوقع بصير في الثمانين وهالفصل عندي فيز وحياا

اقدر الفصل الثاني ارفعه واصير في التسعين او لا؟؟؟

المعدل يتحكم فيه جهدش وخصوصا بعدش ماتخصصتين في اي مسار

واذا كان على المواد في ستنا صار العكس الي عندهم فيز وحيا ارتفعوا والي عندهم الكيم نزلوا فكل هذا يعتمد على جهدش

بالتوفيق

[iDesign]

واذا كان على المواد في ستنا صار العكس الي عندهم فيز وحيا ارتفعوا والي عندهم الكيم نزلوا فكل هذا يعتمد على جهدش

هذا اللي صار لي ،،
الكورس الأول كان عندي فيز و حيا و جبت أحسن من الفصل اللي فيه أسر و تقن !!
مع إني كنت أدرس زين و ما كنت لا مبالية !!
بس لأني كنت أحب الفيزيا و الأحياء و مواد الكورس الأول :sweatdrop:

و في النهاية مثل ماقالوا الأعضاء ،، المعدل يتوقف عليج انتي !

تحياتي ،،

[حيدرية الهوى]

فرق لين تاخذ مقرر أبو أربع ( قوة و حركة - متجهات ) و مقرر أبو أربع ( رسم - رسم )

ومن قال ان احنا ناخذ ابو اربع فنون

الفنون ما ياخذونه ابو اربع الا ادبي عندنا

احنا ناخذ من بدالكم الطبيعية ابو اربع ساعات

وترى الطبيعية خليط من الفيز والكيم :doh:

لو تصير ان ناخذ فنون ابو اربع جان معدلاتنا واصلة التوب :11mmer3:

[أهلاوي99]

عادي اخوي لااتحاتي ترى انا مثلك متوهق الحين وانا في التوجيهي الفصل الخامس
ماباقي الا فصلبين لاكن انا بطمح لين مااوصل 90 واذا ماوصل فهذي كتبى الله

[ِAsrar]

يــــــــــــــاربي ،،
ياريت ما فيه شئ اسمه معدل تراكمي ،، بصراحة الوزارة ضالمتنة بقرراتها الســخيفة ؟؟
شنو ذي ؟؟
والله اليوم المعلمات ما يعرفون يشرحون لينا الدروس عدل ،، المنهج جديد واحنا انطيح فيها ،،
وبعدين اطيح في المعدل ،،
قهـــــــــــــــــــــر ،، و ظـــــــــــــــلم

[بربوشة]

الفييز أتوقع هو اللي بيأثر علينآ ..

+ الانج لانهـ المنتصف زفتنآ من قلب :mad2: ..

[Zlatan Ibrahimovic]

^^

أي وااجد خايفين و مضخمين السالفه :sweatdrop:

شي طبيعي ان المعدل مرة يرتفع و مرة ينزل و مرة يثبت :laugh:

لا تخاافون ,, سووا اللي عليكم و خلاص

أهم شي مواد 4 ساعات تحاولون انكم ما تنزلون فيهم لأنهم يقصفون المعدل :nea:

===

و اذا ما سويتون زين في المنتصف تره مو نهاية العالم :doh:

عندكم الاعمال 30 درجة و النهائي 50 درجه عوضوا فيها

و لا تنسون ان المواد العلمية فيها عملي :laugh:

يعني ما بيأثر عليكم وااجد :)

شدوا على روحكم أكثر و لا تفكرون في المعدل واااجد :sweatdrop:

امم اذا عندك فيز هالفصل يعني عندك فرصه ترفع معدلك الفصل الثاني لأن المواد بتصير أخف :)

بالتوفيق للجميع :ongue:

هههههههه على أيام أول كورس ولا كنت أدري بالدنيا والله ما عرفت وحسيت إلا في نهاية الفصل الاول bounce233

[صدى الذكرى]

الانج لانهـ المنتصف زفتنآ من قلب

هههههههه

ذكرتونا بالانج

أول مرة أجيب full mark في الانج :lollol:

كارتون كيت كات ينتظر التوزيع على البنات يوم الاحد:1515:

[أبو الجسمي]

المقررات صعبـة خوك . . كلهــا صعبــة يبي ليــهــا وقت "سس

[Zlatan Ibrahimovic]

المقررات صعبـة خوك . . كلهــا صعبــة يبي ليــهــا وقت "سس

الله يساعدكم بس بصراحة ما في أصعب من العربي إلي صادنا أول سنة مع إحترامي "سس

[Remember Me]

حطوآ بالكم , وثالث فصل قدموآ الانج تحسين ~
لا يفوتكم أنج 101 في التحسين ,
مثل ما فاتني وتندمت ~

موفقيـن

[мαgιc Đяεαм]

^^ أي الكيم و الحيا و الفيز و الريض كلهم يقدر الواحد يمشي روحه فيهم

حسب قدرات كل شخص بس العرب :nea:

تحليل ما أدري من وين جايبينه ,, حتى اللي في الجامعه ما يعطونهم مثله "سس

الله يعينا بس cry982

[بربوشة]

حطوآ بالكم , وثالث فصل قدموآ الانج تحسين ~
لا يفوتكم أنج 101 في التحسين ,
مثل ما فاتني وتندمت ~

موفقيـن

يبيلهـ ..

لأنهـ من البدآية مزفتيين :11mmer3: ..

[زعفران]

طبعاً اخوي تقدر ترفع المعدل لاتنسى انك توك في بداية الطريق ،،،

يعني للحين باقي عندك درجات الأعمال + الأمتحان النهائي لاتخاف ولاتحط ببالك دايماً حاول انك تدرس وتعطي كل الي عندك

باقي عندك خمس فصول وانت توك في بداية الطريق مثل ما قلت لك فلا تحاتي والمعدل تقدر ترفعه بكل سهوله

[Lady w]

كل مااذكر ان نسبة الفصل الاول تواصل ويه الفصول اباقية يجييني احبااط

:nea:

[messi]

بل شنو دا
ليش متشائمين من البداية انت اول فصل وجدي
بعدين شبتسوي؟؟
هونها وتهون عادي
جد على روحك وبترفع المعدل
واذا 80% تراها سهله مو صعبه
بس كل شي يعتمد عليك
:smoking:

[حبوب]

سلام عليكم شباب باركولي نجحت في الذاتي منتصف :ongue: حصلت 16.5 من 20 بس من 30 كم يصير وشكرا دعواكتم شباب

:smailes103:

[المقهور]

مبروك

24.75 من 30 تطلع

[Zlatan Ibrahimovic]

هههه أنا قدمت هالأمتحان وياك شفت الدرجة بس طلع عندهم غلط في التصحيح ، تعال ليكون أنت إلي كنت وراي لان اتذكر كان يقول إنه عايد هالمقرر المرة الخامسة ، لوع جبدي يباني أعلمه ولا عطيته وجه :1515:

[crazy toOoma]

اني بعد خاايفه
لااني اتبع البنات واني ضمن البنات الفوضويين فيعني بتكوون درجاتي في السلوك...كلها مو اووك
وثاني شي انه في الاختبارات كله تزفييت يعني خاايقه حدي

[Kawthar al3sfoor]

اني الصراحة البنات احبطوني وكله يقولون اني غبية لاني داخلة فـــيز وريض بيطيح معدلي واااجد وما بقدر ارفعه خصوصا اني في التراكمي 89.5 صج ما راح اقدر ارفعه cry982 ؟؟؟

متوترة كل يوم اسب في روحي بس ويش اسوي

[الحزين1]

السلام عليكم

في واحد يسئلني
هوو في الاعمال والمنتصف 48 من 50

باقي عليه درجتين وينجح

وهوو زفته في النهائي

هل ينجح اذا جاب درجتين فقط؟

فيصير 50%


مع تحياتي

[girl2country]

اي بالضبط

لانه درجة النجاح من 50

اي ينجح

[الحزين1]

اي بالضبط
لانه درجة النجاح من 50
اي ينجح

اكيد كلامش اختي؟؟


لاني سمعت لازم يجيب في الامتحان نسبه 12% منه

بس مو متاكد

[girl2country]

ايي اكييد كلاامي

[الحزين1]

اوكوو مشكورة ماقصرتي

[ضرغام]

لا اخوي لازم يجيب 12 وشكرا

[girl2country]

شلوون 12 و النجااح من 50 ؟

[girl2country]

و ثانيا حتى لو زفت اكيد بينج لانه مو معقول بس درجتيين الي بييجيبها

[حبوب]

سلام عليكم شباب انا محصل 20.5 من 50 في ريض 106 من 70 كم يصير ارجوكم ردو علي لا تخيبو ظني وريحو ضميري وشكراcry982cry982cry982

[Red]

يساوي 28.7

تقريبا 29 :laugh:

[حبوب]

اهاا مشكور اخوي ضميري ارتاح لانه ضمنت نجاحي لانه محصل 26.5 من 30 في المنتصف :smailes60: الحمدالله

[Red]

يصير 55.5


مبروك النجاح :p

[حبوب]

الله يبارك في حياتك

[شموخي ذبآآح }~]

مبرووك النجآآآح xd

[أمير الروح]

شلون حسبتونه


بليز

[Red]

تضرب درجة النهائي في 1.4

[صدى الونات]

اللي يقول تجاري يرتفعون أقول مو الكل

ناس مسووين روحهم فلته داخلين تجاري ما يعرفون انجلينزي ليش داخلين طيح معدلهم ..
الصراحه اني يوم اول ثانويه جايبه في الفيز54 من 100 شي أسمه فيز ويييييييع
ماهذا عقده .. أدرس 9 مواد أنج ولا ادرس ماده وحده فيز

ما أبي احبطكي ههه بس الفيز ما يتعاشر ...
بس على فكره بنيه أعرفها عدل نسبتها جيد ودخلت فيز وريض وصارت في العلالي
لانها شطوره في الفيز والريض ..
على حسب فهم البنيه .. اما اني قوطي ..

[أمير الروح]

شكراً
يعطيكم العافيه

[نور زينب]

صار منافسة في الموضوع :1515:

اختي يصير تاخذي تحسيني للمادة اللي تبينها لا تاخذي سالفة المجموع واجد
يعني ايه انتبهي لها بس مو لدرجة كل يوم تحاتين
جدي و بتحصلي ^^

[حُـور]

سلاااامـ . .

شـخـبـاركـم ؟ ؟

بـخـصوص حـسـاب المـعـدل "سس . . اذا الامتحان من 100 . . يقـسمـون عـلى 2 ويـضـربـون × عدد الساعـات . .

أو

سـيـده يـضـربـون cry982 ؟

[Red]

اذا الامتحان النهائي من 100

لازم يقسمونه على 2

عشان يجمعونه مع الاعمال + المنتصف :laugh:

[عــلــي]

الامتحان يقسمونه على 2
وبعدين يجمعون الاعمال مع المنتصف والنهائي
وبعدين يضربونه في عدد الساعات

[زهور الصباح]

اذا الامتحان من 100 "نادرا اذا كان من 100 :nea: "

يقسمونه على 2 و يجمعونه مع درجة الاعمال و المنتصف

و اذا كاانت مادة من مواد العلمي تنجمع معاهم درجة العملي :laugh:

و في الاخير يضربون الدرجة في 2 أو 4 :zz:

[حُـور]

أوكـ . . اني قلت جذي لأن الشي ما يحتاج لتفكير . . بس بنت عمي قعدت تتفلسف :sweatdrop: . .

ثـانكس ع الرد . . :smailes60:

[الفارس]

الدرجة النهائية للمادة فقط تضرب في عدد الساعات
درجة الاختبار لا تضرب أو تقسم عادة إلا إذا كان الامتحان ( تحسين أو من 35 مثل مقررات الكيم والفيز و الحيا )

[حُلْم]

ع حظ دفعتكم بالاختبارات النهائية .. :1515:

[UniQe.z]

بسألكـم :smoking:


ـالحين مثلا واحد الفصل الاول كان مجموع درجاته 2500 والفصل الثاني صارو 2450 >


طلع المعدل للسنة الاولىـآ .. اي انـه (2500+2450)/(26+26) ---> وطلع معدلهـ ..


لما بيجون يحسبون للفصل الثالث .. مثلا جاب 2400 ... تصير كالتالي : (2500+2450+2400)/(26+26+26) وكالتالي لكل الفصول اللي عقب كل فصل يزيدون في الـ 26 ويكتبون المجموع ؟؟ :doh:

[مناجية المهدي]

هاي شبات
وحشني المنتدى كتير كتير
المهم......
اني بس قررت اني اروح علمي فيز وريض
لاني اساساً احس انه بينزل معدلي ازيد من قبل ، لاني واااااجد تابعت بنات صفنا واني يوم شفت روحي ضعت واني ندمانة واااجد لاني ما انتبهت لروحي ففكرت اني انتقل من الصف علشان لا ءأذي روحي واجد رحت لقسم التسجيل وقلت لهم ينقلوني علشان مصلحتي وهناك في الصف الي بروحه ناس واااجد اعزهم ازيد من غيرهم من جدي هذا الصف الوحيد هو الي يناسبني فادعوا ان شاء الله ينقلوني واذا ما نلقوني اضمن لكم اني بضيع ازيد من هذا الضياع ، لاني ادري عن روحي ، بس يوم فات الفوت ما ينفع الصوت على قولتهم لكن الله كريم على قولتهم تفاءلوا بالخير تجدوه وان شاء الله يصير الي ابغيه، وبلغوا سلامي الى صديقتي Asrsr 2020:sweatdrop:

[مرآوي]

ليش كل هذا النقاش الحاد ..
أول شي الإمتحانات السنة مو صعبة لدرجة انها تنزل المعدل واايد ..
ثاني شي أنا طالبة مستوى أول .. وأفكر أدخل كيم وحيا .. ومن تجربة بنت خالتي انه ممتع .. ومافيه صعوبة كثر اللي نسمع عنها ..
أنا هالكورس عندي فيز وحيا ..
بالعكس المواد كلش سهلة .. وما يبي لها دراسة ذاك الزود لدرجة انا نذبح روحنا ..
توقعت يكون أصعب بوايد ..
بالتوفيق للجميع ..
واللي بيدرس ما بيروح تعبه سدى ..

[za3eema 7amad town school]

بس حبيت اعرف شلون يحسبون درجة لمادة الوحدة مثل الريض بروحه شلون يحسبونه و بقية المواد؟؟

[UniQe.z]

بس حبيت اعرف شلون يحسبون درجة لمادة الوحدة مثل الريض بروحه شلون يحسبونه و بقية المواد؟؟

الريض .. مثلا ريض 151 :zz: بو 4 ساعات ..

جايبـة فيه 96

تنضرب الـ 96×4 > 4 = عدد الساعات ..

وبجدي تنحسب درجـه الريض ..

ونفسـه لباقي المواد .. نضرب الدرجة فـ عدد الساعات ..

بعدين نجمع نواتج المواد مع بعض ..

كل شي موضح في الملف :zz:

[نسيم ـآلفجرْ]

يقولون المدل ما يرتفع بس هو يرتفع اذا الواحد حط على روحة

[Hadoy Marhoon]

السلاام عليكم
شباب شابات لو سمحتون
ممكن تطمنوني
هل يحسبون المعدل التراكمي من اول سنة ولا من ثاني وثالث سنة اي بعد مايتخصص الطالب/ ة
اممم ارجوو الرد بسرعة
وتحياتي
طالبة ثانوية الزاهر ...

[أبو الجسمي]

اختي . . يحسبون المعدل التراكمي مـن أول فصل إلى آخر فصل

يعني 6 فصلول تدرسينهم ينحسب لج معدل تراكمي

[Zlatan Ibrahimovic]

الفصلي اول فصل هو التراكمي الي يبتدي ابه الطالب وهو الي يقدر يرفعه او ينزله في باقي الفصول

[دانة الشووق]

اي من اول سنه

بس اول من اول سنه يكون التراكمي مثله الفصلي
بس الفصل الثاني يكون عندج تراكمي وفصلي وكل واحد يكون منهم غير اما ترتفعين او نتزلين

الله يوفقج
بنت مدرستي :smailes60:

[Hadoy Marhoon]

ياربيييي
عجل فلحنا
الله يستر
مشكووورين عالردووود
ان شاء الله يارب تتخرجين بتفوق دانة الشوق يابنت مدرستي

[Hadoy Marhoon]

بس اسمع بنات واااجد يقولون ينحسب من لين تخصص الطال يعني من السنة الثانية

[سِـوَّار]

لاا من قال :p

ينحسب من اول فصل الى سادس فصل :11mmer3:

وعليه انش تحافظين عليه من الانهيار من اول سنة :ph34r:

[Lady w]

:ph34r: :ph34r:

حظنا فقر في اول فصل

لكن الله كريم


bounce233

[عيون الملاك]

لو زيـــن ينحسب من ثالث فصل :11mmer3:

مالت عليي

أول سنـة ولا اهتميت ولا افتكرت :doh:

الله يستر :ph34r:

[- بَياضْ *]

اي والله اني بعد عيون الملاك نفسش ترى:11mmer3::11mmer3:

[حسن الكاظم]

اول فصل تجيبين فيه درجة ( تكون هي الفصلي وهي التراكمي الي تبتدين فيه )

عشان جذي تشوفين ناس يقولون لازم نحط على روحنا من البداية ( يكونون أنفسهم )

لان كل معدل ينجمع ويا الأول ومهم جداً وبعدين كل فصل تعدينه تجمعينهم ويا الفصلي الي قبل كامل قسمة عدد الفصول

:smoking:

والفرصة تكون أكبر لرفع المعدل حتى لو تم التقصير في أول فصل .. الثاني يجمع معه لكن مجموع اكثر من فصلين أثقل شوي ما يغير شي وايد

:smailes60:

[عاشق مرام]

الفصلي اول فصل هو التراكمي الي يبتدي ابه الطالب وهو الي يقدر يرفعه او ينزله في باقي الفصول



:ongue::ongue:

[ِAsrar]

،، بسألكم إذا جبت الحين فرضا ،، 96 .96
أقدر اجيب الكورس الجاااي 97 !!

و صج لو هرار إلى يقول انه المعدل إلى نحصل عليه في اول فصل يكوون نفسه إلى نتخرج ابه !!
!!
!!

[ضرغام]

لا هرار

في ناس يزيدون وفي ناس ينقصون وفي ناس يضلون ثابتين

[ضرغام]

لكن انا اول مادشيت المدرسة وهو يزيد :smailes60:

[أدبية الهوى]

يا طلبة أول ثانوي ما انتبهتون لمحاضرة ثالث اعدادي اللي عن ثانوي .. جايين ثانوي خبر كان ههههههه
اذا الكورس الثاني ياخذون الفصلي ويقسمونه على اثنين .. والكورس الثالث على ثلاثة .. وجديه يعني كل ما تقدمت الكورسات يصير صعب نرتفع ...

[محمديكا]

بسألكـم :smoking:
ـالحين مثلا واحد الفصل الاول كان مجموع درجاته 2500 والفصل الثاني صارو 2450 >
طلع المعدل للسنة الاولىـآ .. اي انـه (2500+2450)/(26+26) ---> وطلع معدلهـ ..
لما بيجون يحسبون للفصل الثالث .. مثلا جاب 2400 ... تصير كالتالي : (2500+2450+2400)/(26+26+26) وكالتالي لكل الفصول اللي عقب كل فصل يزيدون في الـ 26 ويكتبون المجموع ؟؟ :doh:

اي صح هلوون ..

الا اذا خذيتي تحسين .. رح يقل عدد الساعات ومجموع الدرجات
من الفصل اللي خذيتي فيه المادة كمادة اساسية

ورح يزيد عدد الساعات ومجموع الدرجات في الفصل اللي
سويتي فيه التحسين ..

[محمديكا]

يقولون المدل ما يرتفع بس هو يرتفع اذا الواحد حط على روحة

اي اكيد

بس انا انصح بالتحسين .
وتجنب التحسين في المواد الدسمة مثل الكيمياء والاحياء


التحسين في الانجليزي والعربي مفيد جداً
لانه عادةً امتحان التحسيني يكون اسهل

[متى نراك]

بسم الله الرحمن الرحيم
اللهم صل على محمد وآل محمد

السلام عليكم ورحمة الله وبركاته

عندي أستفسار

أنا الان معدلي التراكمي 90 إلى أي حد أستطيع أن أصل وارتفع وأمامي الان هذا الفصل الرابع والخامس والسادس

مع العلم أني في أول فصل بداية جيدة 95 بس تميت انزل لين ما وصلت إلى 90:nea:

تحياتي

[عــلــي]

عليكم السلام

اقصى حد هو 97.5

[متى نراك]

انزين وبالتحسين ؟؟

[صدى الذكرى]

على فكرة في إمكانية كبيرة أن نرتفع هذا الفصل والفصل الخامس

وطبعا بالتحسين يمكن .
(أهم شي العناصر )

[أبو الجسمي]

إلي أعرفه إنه بدايتي مو نفس بدايتك . .

أنا كلش نازل

[Red]

أنا الان معدلي التراكمي 90 إلى أي حد أستطيع أن أصل وارتفع وأمامي الان هذا الفصل الرابع والخامس والسادس

مع العلم أني في أول فصل بداية جيدة 95 بس تميت انزل لين ما وصلت إلى 90

خخخ كأنك تتكلم عني !!
انا نفسك اول فصل كنت 95 ونزلت

تقدر توصل فوق بالهمه والعزيمة
وانت قدامك 3 فصول .. بالتوفيق ان شاءالله

[أبرار]

سلاآم عليكم ,,

بس حبيتَ استفسَر وآخذ راآيكَم بصفتكمَ اكَبرِ :ongue: ~

في مادة الأنج اذا الله ارـآد رح ـاخذهاآ تحسسين للعلم اني فيهاآ 92
تنصحؤني ؟ رغَم ناآس تقؤل ماآرح استفيد اؤردي امتياآز ..~

شراآيكم !

[Bashayer]

مشكورين على الموضوع .......
بس حبيت أسأل شلون يعني اذا قدمنا تحسيني يأخذون الشهادة السابقة و يعطونا شهادة جديدة بدلها .؟؟؟؟؟؟؟؟؟؟