مسابقة آية الشهور في التصوير الفوتوغرافي | 1433

[Mr. Fantasy]

مسابقة آية الشهور في التصوير الفوتوغرافي ~


بسم الله الرحمن الرحيم

مأجورين آل الملتقى

~

نعلن عن مسابقة آية الشهور في التصوير الفوتوغرافي - 1433

https://students-bh.com/vb/imagehosting/223084ed75c6632ead.jpg

الشروط ـ

* أولاً : نوعية الصور ،، [ أي صورة تتعلق بشهر محرم "(بورتريه داخلي / خارجي ) "( توثيق ) "( ستيل لايف ) ، إلخ ,, المجال مفتوح ]
* ثانياً : عدد الصور المسموح بالمشاركة بها لكل عضو 3 فقط !
* ثالثاً : يتم إرسال الصور بـرسالة خاصة إلى (https://students-bh.com/vb/private.php?do=newpm&u=22308)Mr. Fantasy (https://students-bh.com/vb/private.php?do=newpm&u=22308)
*رابعاً : المشاركة متاحة للجميع ! المبتدئين والمتقدمين ، فسيتم تقسيم المشاركين إلى فئتين
* خامساً : يجب أن تكون الصور مرفوعة على مركز رفع الملتقى [مركز تحميل الصور | شرح مصور (https://students-bh.com/vb/showthread.php?t=28605) ]
* سادساً : أن لا يزيد حجم الصورة عن [1000*660] ولا يقل عن [550*367]
* سابعاً : المعالجة متاحة بجميع أنواعها ، ماعدا إضافة أجزاء خاجية للصورة فهذا لا يدخل في نطاق المعالجة
* ثامناً : عند إرسال الصور ، يفضل وضع عنوان لكل صورة ويرجى إرفاق الإعدادات الخاصة بالصورة [ نوع الكاميرا ؟ أو بالهاتف ؟ ومكان الإلتقاط ]
تاسعاً : يجب أن تكون الصور من تصوير العضو نفـسه
عاشراً : ممنوع كتابة أي شئ على الصورة كتاريخ أو اسم المصور والخ

آلية التصويت : أفضل أن أسمع آراءكم ! هل تفضلونها بالرسائل ؟ أم من خلال استطلاع ؟

وستخضع جميع الصور للجنة من المصورين ، وسيتم تقييم جميع الصور حسب المعايير التالية : جودة الصورة / الفكرة / التكوين / الإضاءة / المعالجة " اذا كانت الصورة قد خضعت لمعالجة"

أخيراً : نستقبل صوركم من اليوم وحتى يوم 14 محرم ـ قابل للزيادة حسب التفاعل ـ

* ملاحظة : يجب أن تكون الصور ملتقطة في هذا العام ، محرم - 1433

بانتظار إبداعاتكم أعزائي

أي سؤال / اعتراض ، تفضلوا

بالتوفيق
ومأجورين


Mr. Fantasy

[طالبة 1994]

بتوفيق للمشتركين :ongue:

حبذا لو كان التصويت عبر الرسائل الخاصة :sweatdrop:
عشان ما يعرفون النتيجة قبل الإعلان عن الفائزين :laugh:

مجرد رآي ::in_love::

[S.B.K]

مسابقة جميلة
إنشاء الله أقدر شارك لأني كل يوم أحمل الكاميرا في سماهيج بس ما أصور صور عدله

[فاطمة فتح الله]

بصراحة آنه أقول بالرسائل أحسن

وتعرضون الصور بدون ما تخلون أسم صاحب الصورة ...

علشان ما يجي الناس وتصوت لربعها no213

وبصراحة آنه بحاول أن أصور وإذا ما قدرت بالتوفيق للجميع :smailes60:

لأن هوايتي التصوير :smoking:

[the great angel]

مسابقة راااااائعة يا مستر !!


ان شاء الله سيكون لنا حضور في المواكب الحسينية المركزية و بنطخطخ جم صورة


التصويت اذا استطلاع يمكن ناس اكثر يصوتون بس لو بالرسائل الموضوع يكون فيه سرية اكثر !


موفقين ان شاء الله جميعا ومأجورين

[ترآتيل حوآء]

فككرة عجيبة ومسآبقة جميلة

ان شاء الله نقدر نشارك & يعطيك العافية 3524

[~SKINH~]

مسابقه راائعه
وان شاء الله بجمع صور وبختار افضلها وادا الله كتب ليي بشارك ف المسابقه :sweatdrop:

[sayed-a]

12 محرم تصل عدستي ال 70-200 ::in_love::
ما بيمديني اصور شي
أطالب بتزيد المدة :1211:

[فَنْ !!]

أفضل التصويت عبر الرسائل ، سيعطي المسابقة نكهة ، حماس و عنصر المفاجأة

[Mr. Fantasy]

يالله يا سيد بنزيد المدة عشانك :ongue:
انا خاطري اشارك cry982 قنابل عندي :ph34r:

الله يعافيكم ،، مو مشكلة بالرسائل بنخلي التصويت ^__^

وانتظر صوركم وابداعاتكم

مأجورين

[ma5bola]

مساآبقة جمييلةة
مأجووريين

[Mr. Fantasy]

^
^

up

........................

[the great angel]

المفروض تقسمون بعد البنات بروحهم والصبيان بروحهم p:


لأن الصبيان يقدرون يصورون على راحتهم و يدشون كل مكان عادي غير احنه البنات ما نقدر نصور اي شي لأن ما نقدر ندش وسط الرجال !


وش رايك يا مستر ؟؟؟


عدل لو ويش كلامي ؟؟؟؟؟

[Mr. Fantasy]

بفكر صيث
برد تالي :p

[اسيرة اغتيال]

شكرا على المسابقة

بالتوفيق الي بيشتركون في المسابقة

ماجورين

[كرزه]

توني جايفه المسابقه :sweatdrop::sweatdrop:
إنشاءالله من المشاركين ..

[Red Roes]

المفروض تقسمون بعد البنات بروحهم والصبيان بروحهم p:


لأن الصبيان يقدرون يصورون على راحتهم و يدشون كل مكان عادي غير احنه البنات ما نقدر نصور اي شي لأن ما نقدر ندش وسط الرجال !


وش رايك يا مستر ؟؟؟


عدل لو ويش كلامي ؟؟؟؟؟


صح كلامش 100% لاازم البنات بروحم والصبيان بروحهم

[the great angel]

صح كلامش 100% لاازم البنات بروحم والصبيان بروحهم


ايواااااااااااااااا


يا الله ننتظر القرار يصدر من رئيس مجلس الوزراء الأمير أ.س صيث

[Mr. Fantasy]

يصير خير تالي :1213:
ألحين انتون طرشو صور أول ! ولا صورة جتني :ph34r:

[the great angel]

يصير خير تالي :1213:
ألحين انتون طرشو صور أول ! ولا صورة جتني :ph34r:


عن نفسي اني للحين ما طلعت بالكاميرا لأن المكان الا اروحه ما فيه شي اصوره !

ان شاء الله الأيام الجاية هذي نصور العزيات المركزية :)

[alaawi]

مًرحبا, شلون أرفع الصورة؟! وأطرشها!

[Mr. Fantasy]

مًرحبا, شلون أرفع الصورة؟! وأطرشها!

أهلا عزيزي


يتم إرسال الصور بـرسالة خاصة إلى (https://students-bh.com/vb/private.php?do=newpm&u=22308)Mr. Fantasy (https://students-bh.com/vb/private.php?do=newpm&u=22308)

لرفع الصور / مركز رفع الملتقى [مركز تحميل الصور | شرح مصور (https://students-bh.com/vb/showthread.php?t=28605) ]

[عزرائيلة]

أمآ لو أشترك أطلع المركز الأخير صيث

بس خآطري .. يمكن أشآرك عجل :كاميرا:

[ALZA3EEM]

انجل تحب التفرقه العنصرية

نبغي نشوف من يغلب البنات لو الصبيان :p

[leemoon]

انا بصور ان شااء الله ولو ان كامرتي عادية مو بروفشنال

بالتوفيق للجميع

[the great angel]

انجل تحب التفرقه العنصرية

نبغي نشوف من يغلب البنات لو الصبيان :p



ههههههههههههههههههههههه


بعد مو قبول انتون كل شي تقدرون تصورونه مو نفسنه احنه ما نقدر نصور اي شي ::blushing::

[PersianO]

ااااااااخ لاتعورون قلبي cry982
الحياة في الاردن ولا كانه محرم ولا كانه صاير شي cry982
بس يعني احنه اصبيان جم واحد عددنه 9 مسوين مجلس في الشقة واحد يشيل و الباقي يعزون و واحد يقرا لينه المصيبة
و اذا عرفت الحكومة لاسمح الله بنروح ملللللللح :doh:
و الحمدلله على كل حال و بالتوفيق جميعا و ماجورين

[روح عليّ]

:11mmer3::11mmer3:
في مجال ادخل في الوسطه لو ويش !!
عاد يالله موشغلي ادري مابفوز بس بحشر روحي عن خاطري

[سَـرآبْ]

توني جايفه المسابقه :sweatdrop:

أشوه شفتها ,

إنشاءالله من المشاركين ..

بس سؤال ::in_love::

اصير اخلي تأثيرات بالفوتوشوب ع صورة ؟! :ph34r:

[sayed-a]

تم التقاط جميع الصور المناسبة قبل وصول ال70-200 لكن الى آخر نفس جان نحصل صور احسن تالي منطرش

[Mr. Fantasy]

بس سؤال ::in_love::

اصير اخلي تأثيرات بالفوتوشوب ع صورة ؟! :ph34r:


يصير يب
بس مو تدخلين عناصر خارجية ، هذا ممنوع ومايدخل ضمن نطاق المعالجة ! :laugh:

[amoona albaloshi]

بالتوفيق الي بيشتركون

[ملاك الوجود]

لآزم هالسنة مصورينه no213

................ مايصير مال العام مثلآ tonguey: ..

[Mr. Fantasy]

^

انزين يلا عادي مال اللعام صيث

[S.B.K]

وش أحين متى آخر يوم

[Mr. Fantasy]

قدامكم اسبوع فقط لاغير :1213::1213:

[S.B.K]

عندي أحين 6 صور زينين
فليل بطرش أحسن 3 وحدات

[سَـرآبْ]

آخر يوم تسليم متى ؟!

[the great angel]

^

انزين يلا عادي مال اللعام صيث

يعجبوني المشرفين الفلكسبل صيث

قدامكم اسبوع فقط لاغير :1213::1213:

عطنه تاريخ معين له

نبي ديد لاين عشان نعرف متى بالضبط :doh:

[Mr. Fantasy]

فلكسبل ءه ، ليش فريم نظاره صيث ~> متعقّد cry982

~

آخر موعـــــــــــــــــــــــد

15-12-2011

[سويت كيك]

بالصدفه جفت الموضووع !!
مسابقه راااائعه :laugh:.... بس للاسف مابقدر اشارككم بزي حدي cry982
نجوفكم في مسابقات اخرى =)
بالتوفيق للمشاركين ^.^

[the great angel]

عاشراً : ممنوع كتابة أي شئ على الصورة كتاريخ أو اسم المصور والخ






مستر


مو كأنه هذا القانون مجحف في حق المصور له ؟؟!!

[Mr. Fantasy]

وش المجحف فيه !
عمري ماسمعت مسابقة يكتب فيها المصور اسمه ع الصورة صيث:doh:

ولو ما كتبتين ، so يعني ؟ :sweatdrop:

وهالقانون مو حاطنه عبث :nea:، بيضبط عملية التصويت

[the great angel]

وش المجحف فيه !
عمري ماسمعت مسابقة يكتب فيها المصور اسمه ع الصورة صيث:doh:

ولو ما كتبتين ، so يعني ؟ :sweatdrop:

وهالقانون مو حاطنه عبث :nea:، بيضبط عملية التصويت


لاااااااااااااااااا

مو هيك قصدي يا مستر !

مو لازم الاسم يكتبونه يا خوك

قصدي اني ان الصورة لازم يكون عليها حقوق مثلا يكتبون جميع الحقوق محفوظة وبس عشان لحد ياخذ الصورة بعدين عشان يستخدمها مثلا في تصميم او شي بدون اذن المصور نفسه

او اقتراحي الأفضل هو ان صح الصور تتطرش ليك بدون شي << وهذا اللي المفروض يصير مثل ما انته قلت


لكن انته لما تجي تنزل الصور تحط عليها حقوق للملتقى مثلا عشان تحفظ حق المصور بحيث ان مايكون موقعه على الصور يكون بطريقة مزعجة يشتت انتباه الشخص الا بصوت ولا يشوه الصورة


طبعا هو مجرد اقتراح ووجهة نظر :laugh:


يبقى الخيار الأول والأخير راجع ليك يا مستر :smoking:

[Mr. Fantasy]

لكن انته لما تجي تنزل الصور تحط عليها حقوق للملتقى مثلا عشان تحفظ حق المصور بحيث ان مايكون موقعه على الصور يكون بطريقة مزعجة يشتت انتباه الشخص الا بصوت ولا يشوه الصورة

هذا اللي بيصير حجية
اهمشي ماتضربوني صيث

والشعب مصدر السلطات هني صيث

[the great angel]

هذا اللي بيصير حجية
اهمشي ماتضربوني صيث

والشعب مصدر السلطات هني صيث


هههههههههههههههههههههههههههههه


الحمدلله يعني انته مو دكتاتور صيثصيث

[ALZA3EEM]

في احد طرش لك مشاركاته !

عياره فيي .. بجوف جان اليوم ليي مزاج اشتغل على صوره او باجر :1213:

[Mr. Fantasy]

يلا يا جمااااااااااعه
عندكم للمغرب وبنقفل يلاااااا :doh::doh:

[Mr. Fantasy]

وينكم يا فوتغرافيين وفوتغرافيات no213

[منارة]

:smailes105:
بل ..!
المسابقة صار ليها دهر و للحين محد طرّش ؟!

لا زلنا نترقب :zz:

[Mr. Fantasy]

انتهت فترة استقبال الصور:sweatdrop:

وترقبوا عرض الصور ليتم التصويت عليها من قبلكم
ومن ثم عرض الفائزين الـ 10 على لجنة التحكيم ^__^

[S.B.K]

لمتى مستر يعني
ما صارت

يلا سرع شوي