المساعد الشخصي الرقمي

مشاهدة النسخة كاملة : بصراااحة ظلم !!!

ِAsrar
22-12-2009, 03:40 PM
صراااحة إلى قاااعد يصير ظلم

حبيت افتح موضوع اناقش فيه قضية مقرر ريض 151 ...

يعني بصراااحة ،، هالفصل عوبيييييص ،،، مو حااالة ذي ،،
بااااقي وحدتين علينه ،،
متى بنخلصهم ((( اكيد حتى الحصص الإضافية ماتكفى ))) وحتى لو المعلمة أخذت حصة إضافية كل يوم اهي جم صف عندها في اليوم ،، بصير عليها عبء ،،،
بس إلى قاااعد يصير ضلم !!
ليش مايحدفوون منه ،!!
طول الايام الجاية البنات بغيبون !! ومحد بروووح والمنهج متى بيتخلص ،،،
بصراااحة مو حاااالة ،،،
ولكن لو عساااني احتج من اليوم إلى باااجر محد يعبرنه الوزرااااارة ضااااالمة !!!
الامتحانات على ما اضن تاريخ 15 \1..
وسااابع المستحيلات يتخلص في اسبوعين ...
اخ بس على حظ دفعة 94 ....
الله يساااعدنا

(( عندي عقدة [ض] )) ههه
ولد البلاد
22-12-2009, 03:45 PM
المعاهد تكد من ورا هالمقررات :11mmer3: ..
چان رحتين معهد له مدام تدرين هالمقرر طويل وصعب ..
Cute Princess
22-12-2009, 03:48 PM
رسالة قصيرة :

دفعة 94 يواجهون حالة اكتئاب ..
وخوف وقلق من عدم القدرة على إعطاء الأفضل و وعدم القدرة على إكمال المناهج ,,,

نصيحتي
.. الرجاء فتح قسم خاص لحالات اكئاب 94 في مستشفى السلمانية ... ليس فقط من مقرر ريض 151 ..

دعواتي ..
الله يكون في عون الجميع .. ويساعد وويوفق الجميع ..
Lady w
22-12-2009, 03:48 PM
افففف

لاتذكريني بالرييييييييييض

اسراروو الامتحانات 13/1 مو 15 !!

احنا نآآس باقي علينا وحدتين مادري متى بنخلصها

و موبس انتين عندش عقده .. الكــــــــــــل


مللللللللللللللك الملآلآلآلآلآلآلآلآلآلآلآلآلآلآلآلآلآلآلآلآلآلآلآل آلآلآلآلآلآلآلآلآلآلآلآلآلآعب

نروح نعييم .. لكن بـــعد المفروض يحذفون على الاقل لو درسييين


صدق 94 منحوووسين

المقروود طول عمره مقرود :11mmer3::11mmer3::11mmer3:
ولد البلاد
22-12-2009, 03:50 PM
هي هي ترى إحنا بعد إنصمينا بالعرب :nea: ..
Lady w
22-12-2009, 03:50 PM
هههههههه ضحكتيني صقيقتي مع ان مآلي مزاج ضحك


اتفق ويآش بهالشغله صراحة ..

:11mmer3:

:11mmer3:

:11mmer3:

:11mmer3:

سنمووووووووووووووت cry982
وتين}~
22-12-2009, 03:50 PM
:11mmer3:

كللش من الوقت الفآئض اللي عندنا حق نروح معاهد خلنا نلحق اول ع الواجبات والتحضيرات والمراجعه

صدق مأسآه هالمقرر بس آخر وحدتين ما يحتاجون وقت طويل لانه احسهم هرار بس مساحه وتعالي عوضي مال جهالوو :sweatdrop:
Cute Princess
22-12-2009, 03:51 PM
المعاهد تكد من ورا هالمقررات :11mmer3: ..
چان رحتين معهد له مدام تدرين هالمقرر طويل وصعب ..

المقرر مو صعب لكن طويل ..
وحتى لو أحد فكر يروح معهد .. هالمنهج والكتاب المتين .. يحتاج وقت لدرساته يعني حتى المعاهد احتمال ما تغطي كل شيء في ظل هالفصل القصير .. والأفكار الكثيرة الموجوة في الكتاب .. كل اللي تبون دائرة مثلثث مربع كلل شيء
نـَبضْ الأمَـلْ
22-12-2009, 03:51 PM
الله يكون في العون ،،

ترى معظم المقررات متأخرين فيها مو بس هو السالفة ترى ماتتركز بس على المقرر نفسه على ضيق الوقت وكثرة الاجازات !!


احنا الكيم بقى وحدة ونص تقريباً ,,

والحيا بعد تقريباً وحدة ماخذينا منها شي ،،

فهل من مزيد
؟

الحيا الثاني بعد بقى

وغير هذا مااخذنا عملي يعني مو بس انتوا
Lady w
22-12-2009, 03:53 PM
ع الأقل يرحمونا شوي

مقرر جديد والمعلمات للحين ماعرفوا يشرحونه عدل

واحنا مو ملحقيين علييه

واجد لأن يحتوي افكار واشياء واجد

ويش مسوين احنا في حياتنااااا:11mmer3:
Cute Princess
22-12-2009, 03:54 PM
هي هي ترى إحنا بعد إنصمينا بالعرب :nea: ..


انصميتون بمقرر واحد 4 ساعات ..
احنا نواجه عقدة 4 مقررات جدد هالسنة ..


يعني الواحد أذا بفكر في مادة غير اذا بفكر في عشر .. وكل مادة وحدتين وباقي أقل حتى من ثلث الفصل على امتحاناتنا ..

واذا أحد يقعد يفكر في المقررات ما يديري وش قاعج يجرس من الخوف انه ما يكمل ..
ولد البلاد
22-12-2009, 03:56 PM
أم أمير ما تقصّر بتشرح ليكم اللي ما خلصتونه بالمدرسة :laugh: ..
Cute Princess
22-12-2009, 03:56 PM
هههههههه ضحكتيني صقيقتي مع ان مآلي مزاج ضحك
اتفق ويآش بهالشغله صراحة ..
:11mmer3:
:11mmer3:
:11mmer3:
:11mmer3:
سنمووووووووووووووت cry982


أفا عليج .. أضحكش :d.

سنصمد ان شاء الله .. :)
الموت بيد الله .. وهو يساعدنا ان شاء الله
Cute Princess
22-12-2009, 03:57 PM
مسكينة أم أمير .. هي مو مقصرة صح ..

بس وش بقدرها على هالمدرسة كلها ؟؟!
Lady w
22-12-2009, 03:59 PM
الله يعطيها الصحة والعافيه ام امير

بس ويش تشرح وويش تخلي ..!!!!!!

الله كريم بس


:11mmer3:
ولد البلاد
22-12-2009, 04:05 PM
أم أمير طيبة له ..
لو على كل استفسار تجاوبه بالملتقى تاخذ ربية جان فوّلت صيث ..

يالله ما عليه حاولوا تسوون ليكم حل ويا هالرياضيات ..
بعد العشرة دبروا ليكم مثلاً حصتين باليوم فراغ وخلوا المعلمة تدرّسكم ..
Cute Princess
22-12-2009, 04:08 PM
^^^
انزين الريض بنأخذ حصتين في اليوم ...

والحيا والفيز ؟؟! وش نسوي فيهم ؟؟!

نداوم كل يوم عشان فيز وريض وحيا :)


الله كريم .. خلها على الله ..
ولد البلاد
22-12-2009, 04:10 PM
هكو عقب العشرة عدكم ويشكفر أيام روحوا ولا تدرسون إلا المواد اللي ما خلصتونهم ..
إنتون تسوون جدولكم بروحكم :smoking: ..
Lady w
22-12-2009, 04:12 PM
انزين ويش رايك ان العرب باقي 3 قصايد و 6 دروس نحو شكله

والاجا باآقي 5 دروس << هذا ذاتي على المعلمة اللي تعلمناا :11mmer3:

والريض والحيا والفيز دلين على صوووب


الله كريم بس

الله يوفقنا ان شاء الله
Cute Princess
22-12-2009, 04:13 PM
اي ويشكفر ايام عندنا ..
ان شاء الله نكمل
Lady w
22-12-2009, 04:22 PM
هكو عقب العشرة عدكم ويشكفر أيام روحوا ولا تدرسون إلا المواد اللي ما خلصتونهم ..
إنتون تسوون جدولكم بروحكم :smoking: ..


بالضببببببببببط ايام واجد ويشكفر
بنوتة العهد الزاهر
22-12-2009, 06:30 PM
والله صدق المظلومين دفعة 93 و 94 .. ع حظهم يدرسون المقررات الجديدة .. الله يساعدكم
ِAsrar
22-12-2009, 06:31 PM
ويشكفر ،، قال ويشكفر ،،
:lollol::lollol:
ذبحني هراركم ،،، ههههههههه
بس القهر ،، العرب بعد المعلمة ماتشرح شئ ،، والله حاااااااااااااالة
الفصل عوييييص
واحنا حضنا نحس !!
crazy toOoma
23-12-2009, 12:56 PM
هههه
خيو الحيين كان ما في حصص بدع يعني المعلمات بياخدوون منهم
والمعلمات بعد بياخدوون حصص مني منااك
وبصيير مجال الى انا نخلص المقررات
يعنـــي ما يحتاااج تخاافين
ووالمعلمات بعد مضغوطيين لان ما عندهم وقت يخلصون المقررات
Remember Me
23-12-2009, 01:04 PM
سمعت إنه المقررات الجديدة صعبة ,,,
بالنسبة لي المظلومين دفعة 94 ,
93 مقرر عرب عادي يعني !
هل تستوي مقررات الرياضيات مع مقررات اللغة العربية !
مهما كانت صعوبة العربي ,
بعد الرياضيات أصعب ,

الحمدلله طفنا منها ,
الله يساعدكم جميعاً
نـَبضْ الأمَـلْ
23-12-2009, 01:21 PM
اليوم شفت معلمة مجودة الكتاب قاعدة تقرأ فيه .. وبس جو ليها ناس صكته


شكله صدق الحالة واصلة الى التوب من الضغط :doh:
Cute Princess
23-12-2009, 01:47 PM
^^^^
بس إلى التوب ..
إلا إلى اوفر التوب ...

الله كرييييييييييييم ..
ِAsrar
23-12-2009, 03:39 PM
اي اوفر ..
إلا ورس بعد
ولد البلاد
23-12-2009, 03:42 PM
ويشكفر .. أحد عنده إعتراض :zzzzzz: .. ؟!


93 مقرر عرب عادي يعني !


ما عليه .. إدرس مقررات العرب الجديدة وقدّم إمتحاناتها وبنشوف تغير رايك بعدين لو لا :bleh: ..
Red
23-12-2009, 03:45 PM
عشان تمشون .. حاولوا شوي تخففون من التذمر و فكروا بايجابية بعد :sweatdrop:
يعني شي طبيعي المقررات بتتغير .. متطلبات الحياة تتغير .. مقررات اول ثانوي اللي اخذناهم الحيا والكيم والفيز ابدا ماكانت مقياس حق اللي بيروح علمي .. بس انتوا انفتح لكم المجال .. تعلموا تحبون الشي وخففوا التحلطم عشان تمشون شوي ،،


بالتوفيق للجميع ان شاءالله
^^سحر العيون
23-12-2009, 04:31 PM
لا تتذمرون واجد احنا اول دفعه عطوها كتاب العرب الجديد اله من لبنان على قولة المعلمات بس تعودنا عليه ويش انسوي غصباً عنه نتعود على المناهج

وهذا ريض151 من وين طلع كله صعب الله يساعدكم اني خايفه اذا رحنا توجيهي اخاف يغيرون كتبنا بعد نبي انطوف ابها مثل ما طفنا ابتدائي واعادي واول ثانوي نبي انطوف توجيهي بسلامه :smailes60:
ِAsrar
23-12-2009, 06:56 PM
انتوا انصميتوا بس بالعرب ..
احنا :
بـــ
الريض
العرب
الفيز
الكيم
الاحياء

شنو لانحتج ،، بصراااحة ظلم ،،،
وبعدين العرب غير ..

وثاني وثالث ثنوي بعد الكتب غير ،، يعني دفعة 94 مساااكين :doh:
حيدرية الهوى
23-12-2009, 07:29 PM
ترى الحال من بعضه

ما بقى شئ عن الامتحانات النهائية

كملنا ثلاث مواد بس

وبقى

التفاضل باقي وحدة

االكائنات الدقيقة باقي وحدة بعد

الكيم الطبيعية وحدة ونص

والعملي للحين ما قدمناه غير عملي الوراثة
SWEET HOOR
23-12-2009, 07:31 PM
احنا كملنا وحدة المساحات بقت وحدة المعادلات بس الله يستر
cry982
العذراء
23-12-2009, 07:34 PM
احنا ما كان عندنا ريض 151
عندنا 106 و107
وما كان المنهج طويل
الله يساعدكم
بس احنا السنة عوض اللعام
السنة عندنا مقررين ريض
واحد قريب منخلصه
وواحد الله يستر منه
باقي واااجد وصعب بالنسبة للريض الثاني
Zlatan Ibrahimovic
24-12-2009, 12:20 AM
هي هي ترى إحنا بعد إنصمينا بالعرب :nea: ..

أبوعلي خلنا ساكتين اذا الريض جدي ترى العربي أخس والعن cry982
Lady w
24-12-2009, 12:54 PM
هيي دفعه 93

صدق العرب شوي صعب وانتون صادكم بس هالمقرر

لكن احنا مقررات اكثر منكم والفصل قصير
ومعلمات مو معودين على شرح المناهج
ومثل ماقالت اسرار احنا 5 مقررات تغربلنا فييهم

بس ويش نسوي الله كريم ..


:11mmer3:
ولد البلاد
24-12-2009, 01:05 PM
5 مناهج عاد مو كلهم في فصل واحد ..
الريض والفيز والحيا للمجموعة الأولى ، والريض والكيم للمجموعة الثانية ..

المجموعة الأولى بترتاح الفصل الثاني والمجموعة الثانية بعد بترتاح شوي لأنها بتتعرف على نماذج إمتحانات الفيز والحيا ..

العرب هذي السنة الثانية اللي يدرسونه يعني صار في خبرة شوي ..
وما شاء الله الملخصات تارسة المواقع ..

وعندكم إمتحانين سابقين للمادة .. الدور الأول والدور الثاني ..
عمومًا لا تخافون وإن شاء الله إمتحاناتكم سهلة لأن المقررات أول مرة تتدرس ..
صدى الذكرى
24-12-2009, 05:48 PM
اللي اسمعه من معلمات الريض ان يرثون لحال أول بسبب الريض :1211:
يقولون الفصل ما يمدي والأفكار جديدة ...

ترى عدنا وعدكم خير

العرب السنة فناتك
وغير المناهج اللي بندرسها ذاتي بسبب شهر اجازات 12

يلا أهم شي يعدي هالفصل على خير :zz:
Cute Princess
25-12-2009, 02:11 PM
الحين انتون قاعدين ليي تقارنون بين دفعة 93 و 94 ..
والمقررات الجدد . .حطو في بالكم انه مقرر العرب اللي اخذتونه اللعام ما كان في فصل قصير مثل هالفصل اللي فيه الحين ..
واذا كاان على قولتك بنأخذ الحين 3 مقررات جدد ( الفيز والريض والحيا) والقسم الثاني ( الكيم والريض ) .. فإنه هذي المقررات ما فرقت في الفصل الأول أو الثاني لنه مردةه المعدل تراكمي .. بس اللي ياخذه المجموعة أ هالفصل فهو يكون مضغوط اكثر نظراً لقصر الفصل .. وكما الكل يعرف مقررات الفيز والحيا أثقل من الكيم ..
لذلك اقول لكم لا تقعدون تعقدون مقارانات .. لنه الظروف الفصلية لكل دفعة تختلف عن الدفعة الثانية ..

بس الشيء الوحيد اللي احنه نطلبه الرحمة .. وتخفيف المقررات شوي او تطويل الفصل . .وهذا الشيء لاهو في يدنا ولا في يد معلماتنا . .إنما هو في يد الوزارة .. التي نتمى ان تتصرف وتشوف لنا حل . .

اكتشاف عظييييم :d
دفعتنا 94 واجد يتحلطمون :d
هكذا تميز دفعة 94 ;)
ِAsrar
25-12-2009, 02:22 PM
رحم الله امرء عرف قدر نفسة ..
احم احم ...
كيوت ... وش تقصدين ...؟؟

( ÷ههههههههههههههههههه÷)
فديت إلى يتحلطمون ؟؟
Cute Princess
25-12-2009, 03:02 PM
قصدي اذا بنقعد نقارن . .
لازم نقارن على كل مستويات الظروف الفصلية اللي عاشها 93 واللي عاشها طالب 94

يعني هو مو مستوى واحد اللي بنقعد نقارن عليه ..
في فصل مختلف .. في اجواء مختلفة .. كل شيء مختلف تمامااً ..
Lady w
25-12-2009, 03:04 PM
نعم نعم صديقتي

مايرفعون ضغطي الا دفعة 93 كله يقارنون روحهم ويانا احنا اصعب منهم وحالتنا حاله وهم بس احنا واحنا

وشكرا صديقتي على الاكتشاف العظيم ..

احسن دفعه طافت فيها دفعة 91 مو احنااا :11mmer3:
Cute Princess
25-12-2009, 03:09 PM
عفواً صقيقتي .. كل يوم تعالي وبكتشف لج اكتشاف عظيم :D

اي والله محد طاف بها غير 91 و 92 بعد ..
:doh:
نبض قلبي
25-12-2009, 03:13 PM
اختي الله يساااعدكم

ترا الكللل جدييي
احنا من زود ماحنا متأخرين ناخذ بالأربع حصص ريض في اليوم
!!
والكيم ماشاء الله شكثر علينا
حتى المعلمه تضطر تجي تشرح لينا في ساعة الرضاعة الا عندها!!!
وباقي المعلمات يجمعون صفين عشان يقدررون!!

وحالتنا حااااله


الله يكون بالعووون اختي
محامد
25-12-2009, 03:18 PM
نعم نعم صديقتي
مايرفعون ضغطي الا دفعة 93 كله يقارنون روحهم ويانا احنا اصعب منهم وحالتنا حاله وهم بس احنا واحنا
وشكرا صديقتي على الاكتشاف العظيم ..
احسن دفعه طافت فيها دفعة 91 مو احنااا :11mmer3:

دفعة 91 خلاص تخرجت شفيكم عليها بعد

بس فعلا واجد لاحظت دفعتكم يتحلطمون
هذا قدركم خلاص المفروض بدل ما تهدرون واجد تتقبلون الامر وتدرسون وبتخلصون بدون عوار قلب
يعني ما راح يتغير شي لين تحلطمتون غير عوار القلب
على كل الله يساعدكم ويوفقكم ويساعدنا بعد ..باقي اسبوعين بالضبط عن الفاينل :sweatdrop:
تطلعون من هم بتدخلون في هم أكبر ...وهذي الحياه ..محد يرتاح في هالدنيا لا صغير ولا كبير
ونصيحتي لكم
عليكم بالمذاكرة والتوكل على الله واهمشي تتقبلون وضعكم .. وكتبه الله عليكم