فيز وريض - كيم وحيا؟

[زُلال !]

سلامٌ من اللهِ عليكُم :4141:

محتارة بخصوص التخصص ، فيز وريض أو كيم وحيا !
الكيم والحيا أحس إن بينزل مُعدلي لو دشيته ، مع إن درجاتي في المواد العلمية مرتفعة
وطموحي لما بَعد المدرسة هو الطِب وواجد ناس نصحوني بالكيم والحيا لأن بينفعني أكثر
لدراسة هالتخصص وغيرهم قالوا لا ، إن كلا التخصصين ينفعوني للطِب !

وميولي أكثرها للفيز والريض بس واجد خوفوني منه وإن يطيح المُعدّل
وما بقدر أعطي فيه لصعوبته ولـ اسئلة الوزارة التعجيزية "سس
وأخذت خيرة لـ فيز وريض وطلعت إنها جيدة جدًا وفيها بُشارات
أني اوكي في الريض وأمشي فيه وأحبه بس اللي مخوفني في التخصص
هو الفيز:nea:!


- بخصوص الفيز والريض :
* هل بصعوبة يرتفع فيه المُعدّل ؟
* شلون المواد اللي تاخذونها فيه ؟
* وهل هو صعب واجد ؟
* الفيز سهل ونقدر نتخطاه بأسئلـة الوزارة !


- وبخصوص الكيم والحيا :
* صعب ؟
* الحفظ فيه مكثف واجد ؟
* وهل هو التخصص اللي يساعدني أكثر لدراسة الطِب ؟


- في النهاية أحتاج أرائكُم ونصائحكم خصوصًا اللي يدرسون هالتخصصات .. gf:

[King citrus]

من صوب الصعب هو مو صعب بالنسبة ليي يعني لهديك الدرجة ادا بتواصلين فيه وتدرسين اول بأول مو صعب
الحفظ فيه يعتمد على الفهم اكثر شي ادا فهمتين بتحفضين دايركت ومو كيم وحيا يعني مافيه ريض وفيز فيه ريض وفيز بس يعني مال فيز وريض النهائي الكتاب كله احنا بس جم وحده من الكتاب ناخده .. وهو بس هالجم وحده وبالنسبه لي اصعب فيز :sweatdrop:

وهو اي كيم وحيا يساعدش اكثر في الطب بتدرسين هالاشيا في الحيا وانتين في فيز وريض بس عامة فيه مواد بندرسها هم مابيدرسونها ويساعدونش اكثر يتراوى لي لو دخلتين طب

[العمر كلة]

هو شي طبيعي صعب اشوي وبكون كثيف عليش الانش مو متعوده بس اذا درستين اول بأول بيسهل عليش وخصوصا الاجا
وبخصوص ان تدخلين كيم وحيا اووو فيز وريض
هذا بكون ع الميول يعني في ناس يحبون الفيز اكثر فبكون عليهم الفيز اسهل والكيم صعب والعكس
بس ابشكل عام هو الكيم اسهل بس جوفي ميولش احسن
فاهمه قصددي ... احس مابتفهمين عليي ههه

[crazzoo]

هو شي طبيعي صعب اشوي وبكون كثيف عليش الانش مو متعوده بس اذا درستين اول بأول بيسهل عليش وخصوصا الاجا
وبخصوص ان تدخلين كيم وحيا اووو فيز وريض
هذا بكون ع الميول يعني في ناس يحبون الفيز اكثر فبكون عليهم الفيز اسهل والكيم صعب والعكس
بس ابشكل عام هو الكيم اسهل بس جوفي ميولش احسن
فاهمه قصددي ... احس مابتفهمين عليي ههه

من قال لكيم صعب ؟ خخ اكو انة احب الكيم و الفيز و الريض :laugh:

[Sarahx]

اذا ميولش فيز وريض دخلي فيز وريض

وبالعكس امتحانات الوزارة مو تعجيزية وله شي

ومعدلي كل فصل يزيد

الفيز مثلا اهم شي كل كلمة في الكتاب فاهمتنها مايجيبون شي خارجي اذا فاهمة كل شي حتى 100 تقدرين تجيبينها في المقرر

اما الريض وش حلاوته بعد وكله على الفهم والقوانين سهلة اذا فيه

- بخصوص الفيز والريض :
* هل بصعوبة يرتفع فيه المُعدّل ؟

لا كلش مو بصعوبة ، واجد زين اذا بتدرسين اول بأول بس اني ما ادرس الا وقت الاختبارات والوضع عادي وما احس بصعوبة يعتمد على الشخص نفسه شلون يمشّي في المواد

* شلوون المواد اللي تاخذونها فيه ؟

بشكل عام الفيز والريض ياخدون فيز وريض اكثر وبالنسبة لي اللي ناخده سهل وحليو .

* وهل هو صعب واجد ؟
* الفيز سهل ونقدر نتخطاه بأسئلـة الوزارة !

اذا ميولش فيز وريض وعاجبتنش هالمواد مابيكون صعب عليش والمقررات حليوة
واكيد تقدرين تتخطين اسئلة الوزارة لان حتى لو جابوا سؤال يازعم خارجي و مو موجود في الكتاب هو في الحقيقة سؤال مو خارجي وله شي يعتمد على فهمش للمقرر اذا انتين صدق فاهمة كل شي في الكتاب بتعرفين تحلينه

وبالنسبة للطب عادي كيم وحيا او فيز وريض لان في النهاية مال كيم وحيا مو قاعدين يدرسون مواد طبية مثلاً. الجزئية الزيادة اللي ماخذينها مثلا عن فيز وريض و بتفيدهم للطب بتكون جزئية جدا صغيرة وله شي من المواد وكم المعلومات اللي بياخدها طالب الطب فيعني في الجامعة اكيد بتقدرين تمشين روحش لو كنتين خريجة فيز وريض و مايأثر أبداً.

واللي وياي في الصف نصهم بيدرسون طب :laugh:

توكلي على الله ودخلي الشي اللي تحسينه مرتاحة ليه وماعليش من كلام الناس يتحجون وهم مو مجربين الشي اصلا.

[تمـرُد]

وعليكم السلآم ورحمة آلله وبركآته,
- بخصوص الفيز والريض :*
* هل بصعوبة يرتفع فيه المُعدّل ؟
لآ، بآلنسبة ليي مآ تغير مستوآيي وقآعدة ارتفع
ومآعليش من آللي يقول يصعب ومآ يرتفع.. كله شلخ
* شلوون المواد اللي تاخذونها فيه ؟
الموآد اللي اخذتهآ الفصل الثآلث كلهآ
مشتركة وي كيم وحيآ مآ عدا الفيز والحيآ يختلف
بس بدءاً من الكورس الرآبع الكيم كله سآعتين..
الحيآ دآيما سآعتين مآعدا الكورس الخآمس مآفيه حيآ
* وهل هو صعب واجد ؟
مو صعب وآجد.. يعتمد على الشخص وشلون إدرآكه
للمآدة وشلون يرآجع وهل عنده انسيآبية لو لآ..
يعني عآدي في الفيز يجي سؤآل عشآن تحلينه
تستخدمين حل معآدلآت بآلتعويض والحذف... الخ
اهمشي أن تكون عندش مرونة في الشي..
* الفيز سهل ونقدر نتخطاه بأسئلـة الوزارة !
الفيز مآ لآقيت صعوبة فيه ذآك الزود عآدي.. يعني
آمتحآنآ صدق كآن فيه آفكآر عميقة بس ترى كلهآ موجودة
في الكتآب بس بتغيير الأرقآم!
يعني اهمشي تحلين كل المسآئل وتكون عندش قدرة على
آستغلآل المعطيآت وجذي.. بس هو أبداً مو صعب يحتآج تركيز
وحب إلى المآدة.. يعني لين تحبين الشي آكيد بتعطين فيه. .
بآلنسبة لرغبتش في درآسة الطب اني شخصياً مآ أحس آن يفرق
اذآ رحتين كيم وحيآ أو فيز وريض.. هل انتين اذا رحتين الطب
عقب سنتين أو خل نقول ثلآث سنين.. بتكونين للحين حآفظة
كتب الحيآ والكيم ! لآزم الوآحد بينسى يعني xP
فمآ فيه فرق كبير! - بآعتقآدي- بس آذا انتين
بتدرسين طب ليش تخلين روحش في دوآمة موآد
الريض والفيز؟ يعني اذا عندش ميول للتخصصآت
الطبية وقآدرة على موآدهم وتحسين أن مآ تشوفين
روحش في الهندسة وسوآلفهآ تروحين كيم وحيآ
احسن لش.. آلآ اذآ تحبين موآد الريض والفيز
وعندش قدرة فيهم وعندش ميول في التخصصآت مآلهم
دخلي وتوكلي..
بآلتوفييق ومسآمحة على الإطآلة

[العمر كلة]

من قال لكيم صعب ؟ خخ اكو انة احب الكيم و الفيز و الريض :laugh:
اي صح من قال صعب بس كثيف اشوي ويبي اليه متابعه احسن .. و بعد يعتمد ع الميول اذا انت تحب كل شي(الكيم وفيز وريض ) الحمدلله
بس اكثر الناس ان مايحبونهم كامل ان ليهم ميول (ابشكل عاام )

[crazzoo]

عندي بس ملحوظة يمكن البعض يقف ضدها ان كيم و حيا عندهم الحفظ بشكل مكثف جدا حيث يحتاج متابعة (احنة فيز و ريض و اخذنة وحدتين حيا و ماقدرنة)صيث

[King citrus]

عندي بس ملحوظة يمكن البعض يقف ضدها ان كيم و حيا عندهم الحفظ بشكل مكثف جدا حيث يحتاج متابعة (احنة فيز و ريض و اخذنة وحدتين حيا و ماقدرنة)صيث

مو بشكل مكثف وايد شي يعتمد على فهمك ادا فهمته تمشي الحال
اخدت جم وحده فيز افتر راسي ولاعت جبدي وزين مارسبت في الامتحان :sweatdrop: جيف مستحملينه

[crazzoo]

مو بشكل مكثف وايد شي يعتمد على فهمك ادا فهمته تمشي الحال
اخدت جم وحده فيز افتر راسي ولاعت جبدي وزين مارسبت في الامتحان :sweatdrop: جيف مستحملينه

دخلت لمتحان بدون مادرس و عادي:laugh:

[manami4ever]

فيز و ريض
:ongue::smailes60::smailes60::smailes60::smailes60 :

[تمـرُد]

اني عن نفسي وحدتين ودرس حيآ وبغيت
أموت ومآ جبت 100 صيث.. هو حفظ الحيا
والكيم بعد لآزم تفهمينه يعني مآ ينفع تحفظين بس
لأن الامتحانآت تعتمد على فهم الطآلب للمآدة..
لآزم دقة في الدرآسة =>

[King citrus]

دخلت لمتحان بدون مادرس و عادي:laugh:

بروح انتحححححر
فيز اول ثنوي اشوه هادا كريه لوما كل القوانين فالاله يمكن رسبت
يقولوون لكن هالكورس الياي فيزكم سهل

[مودة محمد]

والله انا هم محتارة شنو اختار؟فيز و ريض؟وله كيم وحيا؟no213

[King citrus]

والله انا هم محتارة شنو اختار؟فيز و ريض؟وله كيم وحيا؟no213

وش ميولش لحد الحين ؟
حارسي تخلصين اول ثنوي
يمكن هالكورس ماعندش فيز وماجيكتين او العكس
توه الناس

[زُلال !]

خالص الشُكر million_three:
أفدتوني 004ff1

[crazzoo]

بالتوفيق و حياش الله ويانة فالعلمي اختي مقدما:smailes60:

[دَربُ الهُدَى]

برأيي بمـآ إنش تبين تدشين طب ., فـ الأفضل انش تدشين كيم وحيا :laugh:
لان في اشياء هم مايدرسونها ف الكيم وحيا احنا ناخدها


وبالنسبة للكيم وحيا ., اصلاً لين فهمتين المضمون ., مابتحتاجين تحفظين ! بتكتبين بأسلوبش !

و حتى اذا كنتين تحبين ريض وفيز اكثر .. ترى حتى احنا ناخد فيز وريض ., توجيهي الكورسين عندنا ريض 4 ساعات .. و ثاني ثانوي كورس فيه مقررين ريض وكورس فيه ريض واحد .. و الفيز بس الكورس الخامس ماناخده .. لكن ناخد الفيز كله ع 3 وحدات و الفيز وريض الكتاب كله


موفقة ;)

[ghosst]

ما في شي اسمه صعب
كل شخص يروح التخصص الي يحبه بدون ما يسمع كلام الناس
و غالبية طلاب العلمي ترتفع معدلاتهم لأنهم يراجعون و يدرسون