ما هو اتجاهك الجامعي ؟ ( شاركنا بطموحك )

[Red]

السلام عليكم ورحمة الله وبركاته
اللهم صلي على محمد وآل محمد وعجل فرجهم الشريف يالله

مع قرب التخرج لدفعة 92 واقتراب وقت تحقيق الأحلام ،،
أكيد كل فرد منكم حدد أو فكر مبدئيا في تخصص لدراسته في الجامعة ،،
لترتيب الردود ،، حددت أسئلة


1. ماهو التخصص الذي اخترته لدراسته ؟


2. ماهو سبب اختيارك لهذا التخصص ؟


3. في البحرين أم في الخارج ؟


4. هل حددت جامعة معينة ؟

5. هل هذا التخصص رغبتك الأولى وطموحك منذ الأزل ؟

6. { مساحة حرة }


أتمنى التفاعل
- ويمكن لمستوى ثاني المشاركة بالطبع .. -


بالتوفيق

[طاهرة]

السلام عليكم ورحمة الله وبركاته
اللهم صلي على محمد وآل محمد وعجل فرجهم الشريف يالله
مع قرب التخرج لدفعة 92 واقتراب وقت تحقيق الأحلام ،،
أكيد كل فرد منكم حدد أو فكر مبدئيا في تخصص لدراسته في الجامعة ،،
لترتيب الردود ،، حددت أسئلة
1. ماهو التخصص الذي اخترته لدراسته ؟
العمارة
2. ماهو سبب اختيارك لهذا التخصص ؟
أسباب عديدة , باختصار أشوف نفسي في هذا المجال وأقدر أعطي فيه
3. في البحرين أم في الخارج ؟
البحرين
4. هل حددت جامعة معينة ؟
جامعة البحرين
5. هل هذا التخصص رغبتك الأولى وطموحك منذ الأزل ؟
لاااا , كنت أفكر بتصميم داخلي , بس اللعام رحنا معرضا المهن الهندسية , و عرفت أشياء ما عجبتني عن التصميم الداخلي بالإضافة إلى أن فرص العمل ضئيلة , وأحس إن لو آخذ شي على قد نسبتي أفضل
وعجبني تخصص العمارة وبعد بحث وعناء صرت ما أفكر إلا فيه
6. { مساحة حرة }
أتمنى إني أحصل بعثة لهذا المجال , أدعوا ليي
أتمنى التفاعل
بالتوفيق
مع الســلامة

[توحيد مسارات]

. ماهو التخصص الذي اخترته لدراسته ؟
انشاء الله محاسبة

2. ماهو سبب اختيارك لهذا التخصص ؟
لان في أعتقادي من متطلبات سوق العمل

3. في البحرين أم في الخارج ؟
في البحرين

4. هل حددت جامعة معينة ؟

جامعة البحرين
5. هل هذا التخصص رغبتك الأولى وطموحك منذ الازل؟
لا اصلا ما عندي رغبة للدراسه بكبرها:sweatdrop:


اشخاص يشجعوني لدراسة الاكاونت واشخاص ايقولون انه كلش صعب

وانا الحين محتارة شنهو اختار ومافي خيار ثاني

بليز ساعدوني cry982

[Red]

- طاهرة -

يعطيج العافيه وان شاءالله تحققين اللي تطمحين حقه يارب ،،


- توحيد مسارات -

في أعضاء في المنتدى يدرسون محاسبة ،،
اتمنى انهم يشاركونا ويفيدونج بالمعلومات اللازمة ،،

بالتوفيق

شكرا للجميع على التفاعل

[صدى الذكرى]

احنا .. تو الناس على التخرج :sweatdrop:
بس طبعا البحث عن التخصص المفروض من البداية نستقر على تخصص واحد

المهم .. من إطار بحثي على تخصص مناسب
جفت مرفق للتخصصات الجامعية من جامعة الملك فهد
يمكن ما يفيدكم واجد .. بس يعطي معلومات عن كل تخصص

موفقين جميعا

[بحرينية 2]

1. ماهو التخصص الذي اخترته لدراسته ؟
انا للحين افكر وبين التخصصات المتاحة للمسارنا تجاري يا محاسبة يا كلية المعلمين
تخصص ادب انجليزي ولو كلية العلوم يقبلون تجاري بروح صيدلة
2. ماهو سبب اختيارك لهذا التخصص ؟
ادب انجليزي حب تحدي لان قلت اضرب عصفورين بحجر منها اكتسب لغة ومنها
وظيفة مضمونة ومحاسبة الاحتمال الثاني لاني بدراستي للمحا اشوفه مادة حلوة
الاحتمال الثالث كلية العلوم ما ادري من انا صغيرة متأثرة بوحدة من قريباتي دشت
كلية العلوم وموادهم ومغامراتهم واضافة لهذا فرص التوظيف كبيرة ومهنة انسانية
بس اظن الاقرب كلية المعلمين
3. في البحرين أم في الخارج ؟
في البحرين ان شاء الله
4. هل حددت جامعة معينة ؟
يا كلية المعلمين يا جامعة البحرين واظن الاقرب كلية المعلمين

5. هل هذا التخصص رغبتك الأولى وطموحك منذ الأزل ؟
هم رغبتين الاقرب كلية المعلمين

6. { مساحة حرة }
بالتوفيق للجميع ان شاء الله

[sammer]

1. ماهو التخصص الذي اخترته لدراسته ؟

محاسبة ان شاء الله
2. ماهو سبب اختيارك لهذا التخصص ؟
احب اشياء حسابية وعقلي يستوعبها


3. في البحرين أم في الخارج ؟
خاطري في الخارج بس بالبحرين بدرس

. هل حددت جامعة معينة ؟
نيويورك او البحرين

5. هل هذا التخصص رغبتك الأولى وطموحك منذ الأزل ؟
لا كان ودي اصير مدرسة رياضيات :sweatdrop: بس صعب

[Red]

ماشاءالله أغلبكم محاسبة :laugh: ،،

بالتوفيق ان شاءالله ،،

وان شاءالله جميعكم تحققون طموحاتكم بحق محمد وآل محمد يالله ،،

[حلم الفَراش]

1. ماهو التخصص الذي اخترته لدراسته ؟
التربية " كلية المعلمين "


2. ماهو سبب اختيارك لهذا التخصص ؟
ليه مميزات واجد ، أهمها انتهاء الدراسة في خلال 4 سنوات
+
ضماني الوظيفة مستقبلاً
+
ما في مجال أقدر اتخصص فيه غيره


3. في البحرين أم في الخارج ؟
أكيد في البحرين

4. هل حددت جامعة معينة ؟
امم كلية المعلمين في تابعة لجامعة البحرين
يعني جامعة البحرين

5. هل هذا التخصص رغبتك الأولى وطموحك منذ الأزل ؟
لا طبعاً :mad2:
رغبتي الاولى كانت علم نفس >> التخصص اللي اذوب فيه
لكن مع الاسف أًغلق
رغبتي الثانية طب >> ولا في الاحلام cry982
و هذه رغبتي الثالثة


6. { مساحة حرة }
مهما يكون تخصصاتنا المستقبلية
اتمنى من الله ان يوفقنا لما فيه الخير و الصلاح
في كل خطوة نخطوها بإذنه
يارب cry982

[نقاء الروح vip]

- ويمكن لمستوى ثاني المشاركة بالطبع .. -
----------------
ومستوى اول مااليهم رب :sweatdrop:

[سلمى ..!]

السلام عليكم ورحمة الله وبركاته

هلا عليكم السلام ورحمة الله وبركاته ..!

اللهم صلي على محمد وآل محمد وعجل فرجهم الشريف يالله

يالله .. وارحمنا بهم وعجل فرجهم وفرجنا..!

مع قرب التخرج لدفعة 92 واقتراب وقت تحقيق الأحلام ،،

هههههههههه مو مصدقة للحين احس روحي صغيرة ..! :lollol:

أكيد كل فرد منكم حدد أو فكر مبدئيا في تخصص لدراسته في الجامعة ،،

لترتيب الردود ،، حددت أسئلة

1. ماهو التخصص الذي اخترته لدراسته ؟

Accounting

2. ماهو سبب اختيارك لهذا التخصص ؟

درست المادة من ضمن المواد وعجبني ..!

3. في البحرين أم في الخارج ؟

اتمنى يكون في البحرين .. بس خاطري ادرس برى ..!

4. هل حددت جامعة معينة ؟

إذا في البحرين .. اكييد شووور وبلا منازع .. جامعة البحرين ..

وإذا صار مجال في الخارج يمكن الأردن بس ما حددت اي جامعة ..!

5. هل هذا التخصص رغبتك الأولى وطموحك منذ الأزل ؟

لا مثل ما قلت درست المادة وعجبتني ..!

6. { مساحة حرة }


يارب يوفقكم ويوفقني ويعطينا الله مرادنا ..!


تحية سماوية لك خيتو .. red :laugh:

[Red]

- حلم الفراش -

بالتوفيق ان شاءالله ،، وان شاءالله تحققين كل اللي تطمحين حقه يارب ،،

- نقاء الروح -

لا شدعوة .. الموضوع مفتوح للجميع .. الجميع ممكن يشاركون ،،

- سلمى -

بالتوفيق ان شاءالله ..

اشوف اغلب الناس هالايام يتجهون الى المحاسبة .. حتى شعب العلمي ..
بالتوفيق يارب !

[dyoom]

تو النآس
بس إحنآ من واحنا جهآل نفكر :smoking:
جوفوا استقريت على ويش
1. ماهو التخصص الذي اخترته لدراسته ؟
حآلياً .. هندسة أو صيدلة

2. ماهو سبب اختيارك لهذا التخصص ؟
يعني بما إني بدش فيز و ريض الهندسة تنآسبني وآآجد و أحس فيها متعة بعد :smailes60:
و الصيدلة لأن خآطري أدش كلية العلوم الصحية .. تحديداً كآن خآطري أدرس علآج طبيعي برع بس مآمي مو رآضية cry982

3. في البحرين أم في الخارج ؟
في البحرين .. الأهل قآيلين ليي لآ تفكرين ببـرع cry982

4. هل حددت جامعة معينة ؟
لآ لآحقين بآقي سنتين و نص بعد :sweatdrop:

5. هل هذا التخصص رغبتك الأولى وطموحك منذ الأزل ؟
لآآآآآ .. أمنية حيآتي أصير معلمة ريض .. بس عقب اللي أجووفه لآ و لن أقبل بـ هالمهزلة تصير ليي no213


تشكرآت عـ الطرح المميز ..
تمنيآتي للجميع بالتوقيق ..
دمتم بود :ongue:

[الدكتورة]

1. ماهو التخصص الذي اخترته لدراسته ؟

مُحَــآآآآسبة :smailes60:

2. ماهو سبب اختيارك لهذا التخصص ؟

الـ آكاونت شي بلااوي ..
عجيييب ..
يشغل المخ تشغيييل ..
و سهل ..
فمن جدي أكاونتيون ان شاء الله :sweatdrop: ..

3. في البحرين أم في الخارج ؟

البحريـــن طبعاً ..

4. هل حددت جامعة معينة ؟

الـ UOP ..
بـلآآآآآ منازع ..
:smailes60:

5. هل هذا التخصص رغبتك الأولى وطموحك منذ الأزل ؟

مو طمووحي ..
طموحي كان طب ..
بس بِـما اني تجـآري ..
فسلام الله غلى الطب :sweatdrop: ..
و بعدها حبيت الـ BIS ..
بس الكل قال لي مو اووكي حق بنات و حدده صعب ..
فقلت اكـآآونت و الله ولي التوفييييق ..
:smailes60:

6. { مساحة حرة }

الله يوفقنا ..
و يعدي هالكورس على خير ..
و يرفع معدلاتنا فووووووووووووق ..
و بسسس له ..
:laugh:

[مشس]

1. ماهو التخصص الذي اخترته لدراسته ؟
ماادري بس اكثر ظني صيدلية او محاسبة مالية

2. ماهو سبب اختيارك لهذا التخصص ؟
ممم صيدلية ; لان انا امنيتي ان اعالج البشرية بس امكانياتي ماتسمح لي ان ادرس طب و مستوايي الدراسي مو ذاك الزود :laugh: فماادري اخترت هالتخصص لان قريب من امنيتي اشويه
ممم محاسبة مالية : لان الكل نصحني فيها :lollol:

3. في البحرين أم في الخارج ؟
لآآ طبعا في البحرين بما ان امكانياتي ضعيفة :)

4. هل حددت جامعة معينة ؟
جامعة البحرين

5. هل هذا التخصص رغبتك الأولى وطموحك منذ الأزل ؟
لاآ ، ذكرت ان طموحي الططب بس مااقدر اخلي ثقل على امي وابوي :)

6. { مساحة حرة }

اتمنى في دفعتي يصح ان الي معدلاتهم 85 وفوق يدخلون الطب :) ببعثة طبعا :)

[دانة الشووق]

1. ماهو التخصص الذي اخترته لدراسته ؟

علوم الحاسووب

2. ماهو سبب اختيارك لهذا التخصص ؟

لانه ميلوي في الكمبيوتر

3. في البحرين أم في الخارج ؟

اتمنى اني ادرس في الكويت
بس خطتي الحين "البحرين"

4. هل حددت جامعة معينة ؟

جامعة البحرين

5. هل هذا التخصص رغبتك الأولى وطموحك منذ الازل؟

اي من زمان حاطه في بالي هاذي الدراسة

6. { مساحة حرة }

الله يوفقني وويوفقكم جميعا

تحياتي لكم
دانة الشووق

[.:: Miss G.H.N ::.]

+~
Red

ياهلا اختي منورة بالموضوع الحلو ..
يعطيج العافية عالطرح المميز ..


1. ماهو التخصص الذي اخترته لدراسته ؟
Account

2. ماهو سبب اختيارك لهذا التخصص ؟
لان احسه يتماشى مع ميولي واقدر اعطي في هالمجال
ولان سوق البحرين صار يتطلب هالتخصص بشكل كبير

3. في البحرين أم في الخارج ؟
البح'ـــرين

4. هل حددت جامعة معينة ؟
ج'ــــامعة البحرين اكيد

5. هل هذا التخصص رغبتك الأولى وطموحك منذ الأزل ؟
امم لا .. قبل ماكنت افكر فيه .. كنت افكر في تمريض
بس لما كبرت وجفت اختي علمي وبعد ماتخرجت وصارت تدرس تمريض
احسه تعب .. فاستبعدته .. وعقب فكرت في الاكاونت لان اكثر تخصص مطلوب

6. { مساحة حرة }
الله يوفقني ويوفق الجميع ان شاءالله
ويحقق طموح كل كل واحد

Peace

~

[»[ ᴙάᴛн͜͡͡αα ♪]

1. ماهو التخصص الذي اخترته لدراسته ؟ Economy


2. ماهو سبب اختيارك لهذا التخصص ؟ اخذت مقرر قصد 211 و عجبني :ongue:


3. في البحرين أم في الخارج ؟ البحرين


4. هل حددت جامعة معينة ؟ الأهلية . .

5. هل هذا التخصص رغبتك الأولى وطموحك منذ الأزل ؟ لا . . كل يوم يتغير طموحي . .

6. { مساحة حرة } . . بالتوفيق للجميع . . :smailes60:

[~ANWAR~]

1. ماهو التخصص الذي اخترته لدراسته ؟

التدريس..

2. ماهو سبب اختيارك لهذا التخصص ؟

حلم يراودني من الصغر أني أكون مدرسة ..
3. في البحرين أم في الخارج ؟
البحرين ..

4. هل حددت جامعة معينة ؟
كلية المعلمين ..
5. هل هذا التخصص رغبتك الأولى وطموحك منذ الأزل ؟
إيوه ..

6. { مساحة حرة }
أسأل الله التوفيق لي ولكم .. وأتمنى مستقبلاً أكون معلمة مخلصة ..

شكراا على الموضوووع ..:ongue:

[MoHiA]

انا سنه ثانية بس حبيت اشاركم (:

. ماهو التخصص الذي اخترته لدراسته ؟

الطب

2. ماهو سبب اختيارك لهذا التخصص ؟

اميل صوب الاحياء واايد واحب هالسوالف

3. في البحرين أم في الخارج ؟

البحرين او نيوزلندا

4. هل حددت جامعة معينة ؟

جامعة الخليج العربي او اوكلاند

5. هل هذا التخصص رغبتك الأولى وطموحك منذ الأزل ؟

تقريبا xD

6. { مساحة حرة }

بالتوفييق للجميع

[Red]

بالتوفيق للجميع إن شاءالله تتحقق جميع أحلامكم وطموحاتكم يارب ،،

[سمـاء الـروح]

محد قال مايدري:ph34r:
مال اول يدرون ويش يبون واحنا للحين:sweatdrop:

انتين Red ويش بتدرسين ؟

[Red]

انتين Red ويش بتدرسين ؟

للأمانه .. مادري صراحه شنو بدرس بالضبط !
كل يوم أطلع بتخصص .. تخبط في القرارات وللحين مو عارفه شسوي :sweatdrop:

[عيون الملاك]

كل يوم بتخصص

<<<<<<<< الحاال من بعضوو

بعد ما اقتنعت - بالأحرى تم إقناعـي -

إني اترك الهندسـة المعماريـة

وجهت وجهـي حق الهندسة الكيميائية

طبعا موو هذا اول قرارتي - ولا اعتقد انهـ راح يكون اخرها -

كل يوم اطلع بتخصص ولا ادررري على وين برسـي !!

يوووم كنت صغيرة ،،، كنت ابي اصير معلمة رياضيات

لكن مع مرور الايام ،، وكل معلمة تلعن يوم اللي صارت فيه معلمة

تنازلت عن قراري

بعدين قلت ابي اخصائية تغذية

بعدين طلعت بهندسة كمبيوتر

وكل يوم شي

<<<<<<<<<< ك،أي قلت قصة حياتي

بالتوفيـق شعب:ongue:

[أنوار ابراهيم الصائغ]

. ماهو التخصص الذي اخترته لدراسته ؟

الطب
متحيرة بين طب الاسنان و طب امراض نساء وولادة !

2. ماهو سبب اختيارك لهذا التخصص ؟

أحب سوالف الامراض والاحياء

3. في البحرين أم في الخارج ؟

على الله :)
اذا قبلوني جامعه الخليج العربي بدرس بالبحرين
واذا ماقبلوني بروح مصر

4. هل حددت جامعة معينة ؟

جامعة الخليج العربي او 6 اكتوبر

5. هل هذا التخصص رغبتك الأولى وطموحك منذ الأزل ؟

يعني ..
لو على كيفي كليوم ادرس شي هههههه

[Miss Fantasy]

والله اني لسه باقي يعني بس مستحيل اغير شي

. ماهو التخصص الذي اخترته لدراسته ؟

الطب

2. ماهو سبب اختيارك لهذا التخصص ؟

اموت في شي اسمه طب .. جراحة .. تشريح .. دم <<< لول

3. في البحرين أم في الخارج ؟

في البحرين ان شاء الله

4. هل حددت جامعة معينة ؟

الجامعة النيوزلندية

5. هل هذا التخصص رغبتك الأولى وطموحك منذ الأزل ؟

اكيييد

6. { مساحة حرة }

بالتوفيق للجميع..
و حقق الله أمانيكم

[mm]

1. ماهو التخصص الذي اخترته لدراسته ؟

Nursing

2. ماهو سبب اختيارك لهذا التخصص ؟

مممم لاني احب هالسوالف

3. في البحرين أم في الخارج ؟

في البحرين

4. هل حددت جامعة معينة ؟

يس الجامعة الايرلندية ( جامعة البحرين الطبية ) أو كلية العلوم الصحية ( احتمال ضعيف )

5. هل هذا التخصص رغبتك الأولى وطموحك منذ الأزل ؟

مو رغبتي الاولى .. رغبتي الاولى طب

6. { مساحة حرة }

بدرس تمريض بعدها بكمل ان شاء الله للماجستير والدكتوراه واحقق رغبتي الاولى

بالتوفيييييق للجميع

[Red]

في البحرين ان شاء الله

4. هل حددت جامعة معينة ؟

الجامعة النيوزلندية

مافي جامعه اسمها النيوزلندية في البحرين :sweatdrop:
يمكن تقصدين الايرلنديه :laugh:

=====

بنت المملكة :
ان شاءالله تحققين كل شي تتمنينه يارب ..

بالتوفيق للجميع

[السرور]

. ماهو التخصص الذي اخترته لدراسته ؟

علـــــــــــوووم حاسوب
ماهو سبب اختيارك لهذا التخصص ؟

ممكن لأني متعلقة بالكمبيوتر واجد
في البحرينأم في الخارج ؟
البحرين

. هل حددت جامعة معينة ؟
لا بس سجلت في جامعة البحرين

هل هذا التخصص رغبتك الأولى وطموحك منذ الأزل ؟
لا لأني كل يوم راي و كل يوم بتخصص
. { مساحة حرة }
و الله ولي التوفيق :laugh:

[نوراء النور]

السَّلامُ عَلَيْكُمْ وَ رَحْمَةُ اللهِ وَ بَرَكَاتُهُ ..
1. ماهو التخصص الذي اخترته لدراسته ؟
نُظُمْ مَعْلُومَاتْ إِدَارِيَّة .. IS
2 ماهو سبب اختيارك لهذا التخصص ؟
لأَنَّهُ يُتِيحُ لِيَ العَمَلْ فِي مَجالَيْن .. الأَوَلْ المُخْتَصْ بِالمَجالِ نَفْسِه
وَ الثّاني المُخْتَص بِإِدَارَةِ الأَعْمَال ..
3 في البحرين أم في الخارج ؟
فِي البَحْرَيْن .. بِكُلِّ تَأكِيدْ
4 هل حددت جامعة معينة ؟
لا ..
فَمَا بَيْنَ .. جَامِعَةِ البَحْرَيْن
وَمَا بَيْنَ .. بُولِتِيكنِيكْ البَحْرَيْن
5 هل هذا التخصص رغبتك الأولى وطموحك منذ الأزل ؟
رَغْبَتِي الأُولَى .. نَعَم
وَ لَكِنَّهُ لَيْسَ طُمُوحِي مُنْذُ الأَزَلْ
6 { مساحة حرة }
نَسْأَلُ اللهَ التَّوْفِيقَ لَنَا وَلَكُمْ .. :laugh:

[صاحب الامتياز]

1. ماهو التخصص الذي اخترته لدراسته ؟
علمي ((كيم..حيا))
2. ماهو سبب اختيارك لهذا التخصص ؟
احب الحيااا اقتل الاوادم خخخخ
3. في البحرين أم في الخارج ؟
انه اتمنى في الخارج بس ما اقدر اهد وطني فيمكن اهني
4. هل حددت جامعة معينة ؟
اكيد
5. هل هذا التخصص رغبتك الأولى وطموحك منذ الأزل ؟
يمكن
6. { شكراا لموضووعك }
-

مسامحه على التقصير