شنو رايكم في امتحان ريض 262 اليوم

[شموخ أنسانة]

ما ادري شقول
والله حراااام من الي يحط هاي اﻻمتحانات الي تكسر الطلاب وتكرهنا في الدراسه
مره ثانيه ماراح ادرس من الكتاب بعتمد على جوجل يمكن اهو ادرى مني شنو هاي المصخره
كذبوا وقولو انه سهل حده
مافي اﻻ اقول حسبي الله ونعم الوكيل
انا ماادري ليش اتذمر لان عارفه ﻻوزارة وﻻ ادارة راح تسمع للطلاب كله في الهوا مافي احد يسمع لنا بس مسوين مجلس طلابي على الفاضي وﻻيوصلون صوتنا وعلامتنا تنخسف ومعدلنا مايسوى علينا علمي حسبي الله ونعم الوكيل

[hassanalibh]

الامتحان في مسائل مادري من اي منهج جايبينها no213:sweatdrop: الله يستر ... عكر مزاجنا

[حموود ألمري]

صراحةة دمرناا اذا جبت 10 احب يدي ��

[الطفشي]

الاسئلة كانت معقدة والوقت كان غير كافي للاختبار حسبي الله ونعم والوكيل حرام اللي يسوونه فينه

[Mohammed AbdElhameed]

احنا في الهدايه جمعنا 90 طالب ورفعنا شكوه ولو كل المدارس اشتكت هيعيدو لاختبار

[Zahraaeid]

صعب :' وأفكار معقدة ، و الوقت مو كافي .
غصب يبونا احنا طلابهم ما نتفوق !

[du7ooy]

أصعب امتحان ريض مر عليي cry982

[جدور المحبة]

اصعب امتحان مر علي بحياتي ����

[A.C Mailan]

اولا : الامتحان كان صعب
ثانيا : الامتحان مدته ساعة و على الوحدة الاولى بس ، و ما قدرنا نخلص حتى بعد الساعة و اذا استمر وضع الامتحانات بهذا الوضع الصعب ساعة ونص لحل الامتحان النهائي ما راح تكفي النهائي وحدتين يعني الله يستر و ما اييبون اصعب من جذي في النهائي يعني على الأقل في النهائي يخلونه ساعتين ..

الله المستعان و الله يوفق الجميع

[شموخ أنسانة]

تعتقدون بيعيدون اﻻمتحان هاي وجهي مافي امل لو جميع الطلاب والمعلمين اشتكوا مافي احد راح يسمع لنا خلاص انظلمنا وشكله كل مره بتكون الامتحانات اصعب كانهم داخلين تحدي معانا
الظاهر عندهم اكتفاء مايبون متفوقين اكثر او مايبون احد ينجح الحين الويعه اشلون بدرس فيز نفسيتي متعكره واحس مافي امل اني اعوض وخايفه يبونه صعب ويحطمونا تحطيم ثلاثي الابعاد

[احد الطلاب]

كونو موضوعيين !! ، من البديهي و الطبيعي كطالب " علمي " أن يكون في أفكار جديده مو شرط تكون مدرب على الأفكار و تكون في كتابك ، بالنسبة لي الامتحان كان غني بالافكار لكن ليس بالصعب ! ، نسبياً يحتاج الى 10 دقايق زياده لاأكثر ! ، و 90% من الامتحان موجوده أفكاره في الكتاب لكن بصورة غير و كلام مختلف !! ،، الفكره الوحيده كانت في مسألة قيمة m و n !! و لو فكرت شوي هتكون قيمة n مجموع الأسس الي على المفكوك و قيمة r هي الاس الي على المفكوك الثاني يعني الحل " nCr " هو 7C3 و الطرف الاول - الفرق - و الثاني قيمة r ، مو متذكر الارقام بس قيمة m هي 105 !! .. أظن ان توزيع الدرجات غير عادل لان الدوائر عليها ربع درجة الامتحان " 5 من 20 !! " يعني كفيلة بإنجاح الطالب !! :laugh:

[احد الطلاب]

إعادة الاختبار موضوع " مستحيل " انت تروح المريخ أسهلك :sweatdrop: !! و أكيد في الي بياخذ 20 !

[جهاد جهاد]

احم احم
انا الحمد لله الى حد ما مرتاحه لاجابتى مع انى ماشوفتش اذا كان صح ولا غلط :zz:
وبالنسبة لاعادة الامتحان ف شئ مستحيل صيث
هما طلاب مدرسة الهدايه اخدين مقلب ومفكرين كلامهم هايتسمع :laugh:

[naruto ozomaky]

الامتحان كان سهل بس اغلبه تسوي معادلات و تعوض ....الخ و المعادلات تاخد وقت خصوصاً في مسألة الSn يعني تسوي معادلة من القانون العام و تعوضها في القانون مال Snو شغلة و الوقت مو كافي للحل و المراجعة على الحل ليش جدي؟ اغلب اللي داخلين علمي داخلين بسبب طموحهم مو بسبب المستوى يعني المقصد ان يرسبون الاوادم؟ كفاية هالنظام الزفت اللي مسوينه. امتحان 263 اسهل منه:doh: و هوه المفروض يكون اسهل لان مشترك للعلمي. عقدونا اولاد الذين

[زيّنب]

اللي قاعدين يسونه حرام ! ليش لازم يجيبون تحديات ! ترا هو امتحان مو اختبار ذكاء
مادري ليش دائما يشنون هجوم على العلمي :mad2:!
المهم صح ان مستحيل الامتحان ينعاد , بس لازم كل مدرسة تعترض وتاخذ اجراءات عشان مايكررون الشي في النهائي .
مثل ما الاحتمال قصف المعدل , هذا بعد قاعد يقصفه .
:nea::11mmer3::11mmer3:

[عيوز بحرينية]

ما اقول الا حسبي الله ونعم الوكيل

[7oor.]

يقولون إن الي حاطة الإمتحان نفسها إلي حطت مالنا مال الاحتمال الفصل الي طاف.
الامتحان أولا كان يحتاج وقت أطول .. عن نفسي أشياء ما مداني أحلهم و المراقبة ما رضت أكمل حتى شوي ..
طريقة توزيع الدرجات فاشلة .. و الأسئلة مو منصفة
ماعليه خلها تجيب سؤال فيه فكرة ع الأقل تعطي إلي مراجع بضمير حقّه .. بس مو معناته إن تجيب هالأسئلة ! و حتى طالبات فيز ريض قالوا إن ما قدروا يحلون عدل و الوقت ما كفاهم.
لا وقت كافي و لا أسئلة عدلة (:
ما نقدر نقول إلا حسبي الله عليها. شكلها ناوية على هالدفعة.

[حوراء الفضل]

الامتحان كان في افكار واجد وكل المسائل يبي ليها تفكير ، يعني اذا وقتش ضاع في تمرين واحد ماعندش وقت تكملين الباقي ، و في العادة انا الامتحان يكون متعادل مسأله فيها تفكير والباقي عادي اما الامتحان كل المسائل فيها تفكير ,ويقدرون ينزلون لنا تحسين هالفصل في المققرر مثل قبل سنتين نزلو تحسين الى توجيهي في مقرر ثاني

[سولف معي]

بالنسبة لي صح جبت علامة كامله
لكن صراحة الامتحان كان صعب بكل معنى الكلمة
و كانت المسائل يبي ليها تفكير و وقت احنا عطونا وقت زياده
الخياري بروحه كان يبي ليه وقت و فرينا ورى كل سؤال اخس من الثاني
ما عدا السؤال الاخير كان واضح هو ينحل لكن يبي ليه وقت و تفكير
بس المسألة كانت تحطيم ! و الشي جدا سيء الدرجات واجد تحت