حبايبي بغيت مساعدتكم

[Bo Jassim ~]

انا طالب فلمستوى الاول

متحير بين تجاري وادبي

انا تقريبا ادبي بحت

الفصل الاول

عرب 101 - 70 ونص

انج 101 - 82 ونص

اجا 104 - 80 ونص

اسر 101 - 84

ريض 151 - 39 هههه :laugh::11mmer3:

ف مادري صراحة

انا متحير بين تجاري وادبي

[مشس]

صنااعي اخذ ارحم :)

[Bo Jassim ~]

:ph34r::ph34r:

:sweatdrop:

[مشس]

والنصيحة الثانية تجاري بما انك شاطر في الانج

[الدكتورة]

ترى التجاري حلو :smailes60:..
و مواده سهله و لطيفه :laugh: ..
ما تحتاج منك حففظ وايد ولا فهم وايد ..
و فيه عربيين زياده على المشترك ..
و فيه مقررين بالانج ..
و إذا بتحط وياهم الاكاونت صاروا سته ..
امممم ..
بس إذا تحب الحفظ الواااااايد :ph34r: ..
روح ادبي ..
الحين ادبي اللي في مدرستنا ياخذون ثلاثه اجا في نفس الكورس :sweatdrop:

[مشس]

^^
الدكتورة لي مادخلت علمي ؟

[different]

امم
هوو على حسب رغبتك
شنو تبي تصيير في المستقبل ؟

وانت شنو ميولك ورغباتك ؟ :11mmer3:

[Bo Jassim ~]

ثانوية

انتي بتدخلين شنو

[بنوتة العهد الزاهر]

دام إنت يايب في الريض 39 .. فانصحك تروح ادبي .. لان تجاري ندرس 4 مقررات الريض .. بالاضافة الى (مقررين اكاونت+ مقررالرياضة المالية) < حسابات .. على عكس الأدبي إلي ماياخذوون ولا مقرر ريض :ph34r:

[الدكتورة]

على عكس الأدبي إلي ماياخذوون ولا مقرر ريض :ph34r:

عندهم الاحصاء له ..

يعني واحد :sweatdrop:

[Bo Jassim ~]

بس 1

ريض 201

على ماعتقد:smailes60:

[ℓoωєя₣]

روح ادبي لان التجاري فيه ريض
بينما الادبي حسب علمي مافي الا واحد وحده سهل
بس انتو مقراراتكم الريض بتتغير فمادري
بس بعد ريض واحد بنسبه ليك ارحم من كل فصل تدرس ريض

[SAYED3OBID]

بس 1

ريض 201

على ماعتقد:smailes60:

اي بس بالنسبة لدفعتكم
ريض201 بكون غير متوافر :lollol:

[Bo Jassim ~]

:ph34r::ph34r:

عيل شبناخذ :laugh:

"سس:11mmer3:

[different]

ثانوية
انتي بتدخلين شنو
بدخل علمي " كييم وحيا "

[طالبة ثانوية]

:1211: بادش علمي

[міѕѕ маđяіđіѕта]

صدق ادبي ما فيه ريض نفس تجاري
بس اني انصحك تجاري .. وتقدر تحسن مستواك في الريض تروح معهد او اي مكان
و شوف انت اذا ترغب للحففففظ الواجد روح ادبي .. اقعد مع نفسك وشوف شنو تحب وشنو ما تحب من المواد وفي شنو تقدر تجيب اعلى ترفع نسبتك يعنني .. وان شاء الله بتوصل الى قرار
:ongue:

[منارة]

للحين ما اخترت ؟؟
اذا تقدر على العرب و الانج و الاجا .. روح ادبي ..
اذا تدور على المواد السهلة و الخفيفة .. روح تجاري ..
لكن في البداية و النهاية .. طموحك و ميولك أولاً ..
الله يوفقك و يوفقنا

[رَمــَــــــآدْ]

خذ أول شئ على رغبتكــ

و اذا كنت متحير أسأل التسجيل في المدرسة

[~ ms]

مشكلتك في الرييض نفسي :sweatdrop:

فـ مـآ أنصحك تدش تجـآري لآنه كله رييض :nea:

والادبي فيه حفظ وآجد وإذا تقدر علييه دش

وأني دشيت ادبي


وبـآلتوفييق

[روبينهو123]

مادري شفيكم ويه الرياضيات ..
المادة سهلة وما فيها اي صعوبة ..!
انا باخذ علمي بديل ثاني (( فيز + ريض ))..
مع اني ما احب المواد العلمية ...
بس غصبا عني :mad2:
لكن الشي الزين في المواد العلمية ..
ان الامتحان النهائي من 35 درجة ..
المنتصف 20
الأعمال 30
العملي 15
النهائي 35
------ :oh:
بس انصحك اذا انته في الرياضيات كلش :doh:
ادخل ادبي :laugh:
----
لكن اعلم..
انك بتطير من بلوة .. إلى بلوة ..
اذا انت من محبي الحفظ .. ادخل ادبي ..
----
بس تحمل الي بيجيك ..! :ph34r:
----
وفي الأخير ..
انته شوف ميولك .. وادخل التخصص حسب رغباتك .. :ongue:
موفقين .. :zz:

[ترحال قلب]

ما انصحك بأدبي كلش بتشيب وانت صغير كله حفظ وكئييييب


وموادهم تييب الهم


ادخل تجاري احسن

[Narcissist]

امم اهوا على درجاتك في المواد و شنو تبي تصير

يعني يمكن انت ما تحب تحفظ بس بتدش ادبي عشان الريض :11mmer3:

التجاري صج فيه كل كورس ريض

بس مو بصعوبة ريض العلمي حتى اهما في سنة ثالثة ياخذون تفاضل موسوعة ،

و احنا ناخذ تفاضل و تكامل اقل منهم و اسهل منهم و مو متوسع نفسهم

و بعد الاكاونتنغ و الفايننس < سهلين بس جمع و طرح و قسمة و ضرب يعني ما فيهم افكار وايد نفس الريض

و ترى التجاري فيه مواد حفظ مثل الأدر و التأمين و البننوك و القانون

و في النهاية انت و قدراتك و ميولك :smoking:

[Miss D]

القرار الأول و الأخير لك .. يعني اهني كل شخص يقولك شالسهل و الصعب من وجهة نظره هو وشنو الي يجوفه سهل وصعب ...
.
.
اذا انت طموحك .. و تخصصك الجامعي .. أو حتى ميدان العمل الي تجوف نفسك فيه .. في شي له علاقة بالعلمي .. روح .. بس لازم تشتغل على نفسك عشان تحل مشكلة الريض العويصة الي عندك :laugh:.. وما حطيت لينه درجات الكيم والحيا والفيز عشان نجوف وش مستواك فيهم :ph34r:
.
.
أما اذا كنت قادر على الحفظ .. و عندك توجه ناحية مواد علم النفس و الأدب وهالأشياء .. روح أدبي .. يعني حسب درجاتك في الانج والعرب ومواد الحفظ .. مستواك زين في هالمواد .. ومن كلامك شكلك خاطرك تدش أدبي
.
.
اما اذا كان عندك طموحات و رؤية لنفسك في عالم البزنز .. وقطاع الخدمات :laugh: .. فالتجاري يناسبك .... التجاري يبي ليه انجليزي زين .. يعني عندنا مادتين في الكورس انجليزي .. غير المواد العملية مثل المال والمحاسبة .. الي بعد بالانجليزي .. بس يعني سهلين مو معقدين :sweatdrop: .. بالاضافة لمواد الحفظ التجارية .. مادتين في الكورس بعد ..
.
.
أني كنت محتارة أكثر منك .. من اعدادي واني أقول علمي وعلمي وعلمي .. وعلى الأغلب انها لم تكن رغبة مني .. وانما الضغوط الي كانت علي .. بس بعدين حطيت في الورقة تجاري :smoking: .. وعلى آخر السنة رحت بغير لأدبي :lollol: .. وكنت خلاص مقررة .. بس بعدين اهتديت للتجاري .. وهو فعلاً ما أرى نفسي فيه :ongue:
.
.
خلاصة القول .. أنت و رغبتك .. أنت والشي الي تجوف نفسك فيه .. أنت ومسقبلك .. ماحد يقدر يقولك هذا احسن ولا هذا احسن .. لازم انت تجوفه أحسن .. ( << حكم .. حكم :1515: ) .. عشان ما تضيع سنتين من عمرك على شي .. وآخرتها تتجه لشيء بعيد كليا عنه ...
.
.

[Narcissist]

^^

صح كلامج و صج ترى تقولين حكم :smoking:

لأن اهوا على الشي اللي اهوا يبيه

بعدين عقب ما يحدد هدفه لازم يكافح فيه و في الدراسة و يحاول يتغلب على نقاط ضعفه

يمكن اهوا عنده قدره اكبر من جذي بالريض بس مو مستغلها و مقنع روحه انه مو اوكي و انه ما يحب المادة من جذي يستصعب الريض

[. E]

على حسب رغبتك ,, انا بدش علمي فيز و ريض لانى في المستقبل ناوي ادرس هندسة الطيران bounce233 ، ترى تجاري موب واايد سهل ,, والله بكيفك ..

وشكرا ,,