شالفايدة من امتحان الانج ؟!؟! [الأرشيف]

مشاهدة النسخة كاملة : شالفايدة من امتحان الانج ؟!؟!

ولد العلي

31-03-2009, 04:19 PM

السلام عليكم

بس بغيت اوضح نقطة بسيطة :D

كل سنة امتحان الانج من الصف الرابع نفس الشكل !

listening - writing - reading

شالفايدة الي نحصلها ؟

الفرق بين كل هالسنين بس تطور في صعوبة الكلمات !

نبي تطور ! هالشكل مابنستفيد ولا شي لان بنكمل على نفس الحالة لي التوجيهي

الGrammer الي ندرسه كله يروح بدون فايدة << الي يقول فاهم شي منه :D

على العمووم بس بغيت اجوف نقاشكم على هالموضوع

ومشكورين :zz:

عندي ملاحظة

وين صوورة الانتر في الـicons في المنتدى :mad2:

مايصير بس البرسا والريال :mad2:

:smoking:

barca4ever

31-03-2009, 04:25 PM

موضوع جميل للنقاش ما رأي بقية الاعضاء

اذا عندك ابتسامة انتراوية حطها و بنزلها افا عليك بس :lol:

ولد العلي

31-03-2009, 04:29 PM

تسلم استاذ

انت ناقش بعد مو توهق الشباب ههه

ان شاء الله لو لقيت براويك

wentworth miller

31-03-2009, 04:50 PM

هدا مجرد بدائي لي جامعه

المقهور

31-03-2009, 05:08 PM

انا في راي .. الانجليزي في المدرسة الي بتدرسه مايفيدك ابداً .. و اذا مابعتمد على روحك في تقوية اللغة عندك بتتوهق ..

في بريطانيا مثلاً .. لو عندهم حصة فرنسي .. ممنوع احد يتكلم في الصف غير هاللغة .. حتى لو واحد دخل من برا ( يعني مو طالب في الصف ) لازم يتكلم فرنسي بعد .. هذا كمثال ..

احنا اهني حصة الانجليزي .. الاستاذ يتكلم عربي .. و احنا نتكلم عربي .. شلون بنستفيد ؟ لان الواحد يحتاج السبيكنق عشان يعرف يتكلم و يركب جمل ..

ثانياً الجرامر الي اهو اهم شيء .. مع انه الي يعطونا اياه بسيط و المفروض يعطونا مستوى احسن .. المدرسين يمرون عليه جذي بس .. يعني في مدارس البنات سمعنا ان يعطونهم امتحانات شهرية فيه .. على الاقل يستفيدون منه .. اما احنا الاستاذ يكتب على السبورة و يخلي الطلبة ينقلون و خلاص ..

نجي للامتحان ..

هو الاشياء الي فيه مهمة .. يعني اللسننق .. و الريدنق ..

بس الرايتنق حط في بالك ان 80% من الطلبة مبرشمين القطعة او حافظينها و جايين يكتبون بس ..

هو في النهاية مقرر الانجليزي اهم شي فيه الرايتنق .. لو تغيب كامل الحصص و تاخذ القطع من عند رفيقك بتجيب نفس الدرجة الا بتجيبها لو حضرت الحصص ..

في النهاية بالمختصر المفيد :
1- حصص الانجليزي المفروض تكون اكثر فعالية .. و يكون كامل الشرح و المشاركة من الطلاب و المدرسين بالانجليزي .. و هالشيء لازم عليه تعويد من الابتدائي ..
2- اضافة الجرامر الى الامتحانات النهائية ..
3- ان يكون مستوى مقررات الانجليزي الي ندرسها اعلى من هذا .. في الامارات مثلاً كل الطلبة الي في التوجيهي يقدمون امتحان سايبا .. ليش مايخلونا في البحرين نقدم امتحانات ايلتس او توفل ؟ ( اقصد تبع الوزارة لان اي واحد يقدر ياخذ الشهادات في المعاهد )

و مسامحة على الاطالة

نوار

31-03-2009, 05:16 PM

المقهور

31-03-2009, 05:17 PM

هدا مجرد بدائي لي جامعه

في جامعة البحرين .. الاورينتيشن يعطونك اشياء سهلة حدها .. يعني مافي فرق عن الي تدرسه في المدرسة .. :zz:

ALEX-17

31-03-2009, 05:23 PM

هههههه حتى الليسننق كنسلوه في المنتصف :lol:

الفارس

31-03-2009, 08:17 PM

ما في لسننق :smailes64:

حتى أيقونات الليفر ضايعة أستاذ

بخصوص الانجليزي
نو كومنت :lol:

barca4ever

31-03-2009, 11:08 PM

المشكلة يجب علاجها من المرحلة الإبتدائية ..
يعني كل ما كان هناك متخصصين تربويين بوضع مناهج متدرجة من المرحلة الإبتدائية إنتقالاً للإعدادية و وصولاً للثانوية بشكل يسمح للطالب بالتدرج بمهارات إتقان اللغة الإنجليزية من سبيكنغ إلى غرامر و رايتنغ و أركو هني على نقطة السبيكنغ
مشكلتنا ان لو شخص كلمنا بالإنجليزي نفهم ليه بس شلون نرد عليه هذي الطامة الكبرى :lol: تشوف الواحد يحرق شوي هندي شوي بنغالي ليش ؟؟
لأن ما فيه ممارسة مجرد حافظ كم كلمة من السهلين :zzzzzz: و كل شوي اوكيه سوري نو بروبلم هذا الي حافظينه :cool:

لذلك السالفة أكبر من إختبارات نمطية نقدمها كل فصل و مثل ما قال المقهور يعتمد على الشخص بعد و حبه لتعلم اللغة فيه ناس تتقبل في ناس قافلة على روحها ما تبي تتعلم شي :smailes57:
We still dont miss the chance to develope our English culture << قام يرطن :lol:

AHJ

01-04-2009, 03:23 PM

We still dont miss the chance to develop our English culture :bleh:

نوار

01-04-2009, 03:28 PM

We still dont miss the chance to develope our English culture

هاي الثانية :bleh:
المفروض الجملة بدون dont .. علشان يصير معناها صح ..

/

بس كلامكم صح ..
أعرف وحدة طلعت من الثانوي زين منها تعرف إلا abc معدلها في الستين ..
بس بعدين راحت الشغل ومع الممارسة قامت ترطن بالإنجليزي ..
هو أهم شي أتحط روحك في الجو بتندمج ..

barca4ever

01-04-2009, 03:38 PM

مو الe لأنها بالفرنسي ما تنطق :zzzzzz:

المقهور

01-04-2009, 05:04 PM

نوار

01-04-2009, 06:54 PM

أستاذ خلكم في الريض أحسن .. :11umbup:

barca4ever

01-04-2009, 07:16 PM

مشكورين على الاطراء :lol:
تدرون ان درجاتي بالجامعة بالثلاث المقررات الي أخذتها كانت : B+ , A- , A
و الله :dry:

ALEX-17

01-04-2009, 09:41 PM

We still dont miss the chance to develop our English culture :bleh:

مو جدي اعدل له
7

we still have the chance .......

Dr.Baby Soul

19-05-2009, 01:12 PM

احنا حدنا صمه
ناخد جرامر في الشهري
وينسف الاعمال :ph34r:

خل اختبارات الانج جيي , وايد اشرف
لا صج لو يغيرون شوي
يبون اسئله فوكاب ما يخالف
بس جرامر لاااااه كلش :smailes41:

بنوتة العهد الزاهر

19-05-2009, 01:39 PM

استاذ كاتب جملة واحدة و فيها اغلاط ههه ..

We still dont miss the chance to develope our English culture

dont كلش مو مكانها اهني .. و لازم تحط ' بين n و t لانك قاعد تركب كلمتين Do و not ..

culture ماليها داعي بعد ..

لو بتعيد صياغة الجملة بطريقة احسن

We still have the chance to improve our English

انقلبت حصة انجليزي :lol:

عادي اخووي لو استخدمــ develop
لان معنااها تطووير ..

وحتــى English culture ..
بمعنى الثقافة الانجليزية او الحضارة الانجليزي ..

بس لو يشيل don't ويـحــط have
ماعليك منهم استاذ ترااك 100% بالانج
ع الاقل احسن منهم ماكتبووا شي خخخخ لوووووووووووول
نرجع لمحوور حديثناا
اســاساً الانج هو فيه فايدة
بس موو الي يعطونااه يااه ~
الي قرامر كل سنة يعيدون فيه والــقــهر ااذا سآلتنا المعلمة فهمتؤؤون ؟؟~
انقؤؤل فاهمين ~ !
واحنا ولا ندرري وين الله قآآطينا~ . .
المفرووض اذا بعلمناا إنج ..,,
يعلموونه بالــ speaking
يعني بصراحة انا اجووف ان لغتي اتطوورت اكــ "ث " ــر من قبل ~
بفضل الـ موواد الي نااخذهاا في تجاري
من ict , op
اما الإنج الي نااخذه ماستفدت منه ولا شي ~~~
وع ســالفة الي يعطونهم إختبارات شهرية ! مسااكين ظلـم
إحنا كاان يعطوونه ~
في ثالث اعدادي ..
بس الحين لما دخلت الثانوي مايعطونه ~ إلا فوكاابلاري :zzzzzz:

ريكو كاسيكو

24-05-2009, 01:33 PM

لا تعليــــــــــــــق :11umbup:

جنة الفردوس

24-05-2009, 01:59 PM

الإستماع...عقبة في حياة الطالب؟؟

أجيبون واحد يتكلم ويكسر ويسرع في الكلام يبغي ايسوي روحة انجليزي لكن مافي فايدة

انزين الي يتكلم...ماشي نقدر انحصل الجواب منعند

انزين ليش اشغلون الصوت في مسجلات من سنة جدي أكل الدهر عليها وشرب (المسجلات السودان...أبوي يذكرهم) ليش مافي تطوير مسجلات جدد ايجيبون يستخدمون CD أو mp3 يبغون اسون صف إلكتروني أوهم تطوير في الإستماع مافي.

إحن في المركز الأمريكي أو البرتش مو بحريني يتكلم في الإستماع بس نفهم ليهم أزيد من المدرسة؛ لأن الصوت في CD و مسجلات حديثة الجو يشجع على الدراسة وموقومات ممتازة للدراسة، أما في المدرسة ماتسمع الحرف أو الكلمة بالغصب
أولبن أنقول للإستاذ مانسمع واحد يقول من الوزارة والثاني يقول الشريط في هواء ويش السالفة!!

nona

24-05-2009, 02:52 PM

السلام عليكم
اي صح على اللسنينج
المشكلة يتحجون جريب الميكرفون فيصير في وش و ما ينسمع عدل
المفروض يسجلون في ستوديو خاص لان الصوت يكون مو مضبوط
و الميكرفون العادي ما يطلع فيه الصوت عدل
و المشكلة في اخطاء تصير و اهمة يقرون هالفصل بعد صاير هالشي في المنتصف لان كان من الوزارة ،يعني قالت الكلمة غلط و ردت عادتها يعني عدلت >>>ما يقدرون يسجلونه مرة ثانية و لا على الاقل يقطعون الاخطاء ؟؟؟!
لا و الازيد انهم اييبون عرب (مو متمكنين هالكثر) يبون يخلونهم يتحجون نفس الانجليز او الامريكيين في اسلوبهم و اتصير حوادث في الحجي الله يستر عليهم
المهم طلعت اللي في قلبي شوي عن الليسنينج خصوصا هالفصل ابداع
>>و بالنسبة للتدريس فمعلمتي في ابتدائي بس جم اسبوع كلمتنا عربي و عقب وقفت و تمت تحاجينا انجليزي طول الوقت
بس في اعدادي احاجي المعلمة بالانجليزي ترد علي بالعربي عقب فترة حسيت اني نسيت كل شي يعني مستواي في ابتدائي احسن بس لحقت على روحي و قمت ادرس يمين يسار و رفعنا المستوى مرة ثانية
كأني طولت
مع السلامة
nona

نوار

24-05-2009, 04:24 PM

الإستماع كلش كلش ما أحسه ينزل المعدل ..
بإختصار .. اللي يعرف إنجليزي بيسمع واللي ما يعرف بيتحجج على المسجلة ..
أكو أني ولا عمري نقصت في اللسننغ ..
حتى لو كانت المسجلة كجرة وفي هوا وما أدري شنو
بس ألقط وأفهم ..
لكن أحسه قدرات ..

في أوادم مساكين يحتاجون شوي في الإنجليزي ..
فمو ذنبهم يعطونهم شي هم ما يفهمونه ..

بنت أبوها

24-05-2009, 07:54 PM

اني وحدة مافهم انج وله بفهم بعد في حياتي اضيع وقتي في المعاهد ع الفاضي
ومعلمتنه مصريه خله تعرف تتكلم اول بعدين اتيي لنا وله نفهم شي
واذا يابو لنا بحرينيه كله تعبانه وانتو افتحلو لكتاب ومادري شنو
شنو فايدتهم مادري !!!
خسارة معاش على الفاضي خله يعطونا ايااه احسن

nona

25-05-2009, 12:12 PM

السلام عليكم
لا بالعكس اختي نوار مستواي في الانجليزي ما شاء الله وايد زين
و اييب اعلى الدرجات في الصف بعد في الانجليزي
بس هالفصل المنتصف كان صج في مشاكل في الشريط
يعني شي مو طبيعي لا وبعد قرت الكلمة غلط و بروحها المعلمة قالت لنا ان قاريين الكلمة غلط
و بعد قالت كلام بالغلط و ردت عادت الكلمة عشان تعدل يعني
فلا تقولين يتحججون بالليسينينج لان صج كان فيه مشاكل :smailes41:
و هذا اللي ابي اوصله بس
مع السلامة

مروض الثعابين

14-01-2010, 05:20 PM

قولوا شنو الفايدة من مقرر الإنج بكبره ..
لو ما تحضر كل الحصص ..
تروح تحفظ رايتنغ وتدخل الإمتحان تجيب علامات كاملة ..
السالفة كلها تعتمد على ثقافة الفرد في الإنجليزي ..
أما المدرسة لا منها فايدة ولا عايدة ..

لا وإذا سألتين المعلمة شنو الفايدة من حصص الإنج ..
تقول ليش نظام الوزارة جدي .. تطور الكوميونيكيشن بالإنجليزي ..
بس ..

والإمتحانات يصعبونهم على أي أساس ما أدري .. ! :ph34r:

كلامك عدل أخوي وأنا عايشت هالشي بس بعد لازم في البداية يكون المدرس مال الانج يتكلم بالعربي كا تمهيد بس هذا المفروض ما يكون على طول السنه

في المدرسة ادا المدرس سأل الطالب فهمت وقال الطالب فهمت خلاص يتركه يولي
أنا شهدت موقف في حصة انجليزي المدرسة بريطانيه احد الطلبه سألته فهمت؟
قال فهمت قالت اله ويش فهمت؟ وطيرت الحصه مدتها ساعتين ما فكته لين فهم صدق

BaStaKia

14-01-2010, 06:04 PM

أي بصراحة اللسننق مآسي .. وآنه اش ذنبي معدلي ينزل في الإنج عشان عندي مشاكل في السمع .. cry982

..
الشي الثاني صج المناهج بايخه والرايتنقات من صف الثالث لي الحين نفسها واذا في تطوير كل 3 سنوات نفس المواضيع

انترديوس يور سلف
ستوري
ريبورت
لتر

وهذا احنه .... :11mmer3:

والكلام عن القرامر أأيده احنه مايعطونا في الشهري .. لو على القرامر أحس اني باييب أكثر من جيي لأن امتحان تحديد المستوى اللي عطونه اول الكورس كان كله قرامر ومستواي فيه ادفانسد !! بس مو الكل بيقدر لأن مافي أساس حق القرامر عند البعض

والسبيكنق المفروض يهتمون فيه والله بصراحه لولا البورصة ومواد التجاري اللي بالإنجليزي ما صار السبيكنق عندي اوكي:nea:

تعبان نفسياً

19-01-2010, 03:51 PM

:smailes105:
احسن خله سهل