استفسار بخصوص تخصص الفنون والتصميم
 

بغيت اعرف اكثر عن هذا التخصص من ناحية الصعوبة ولزما اكون عارفة رسم ؟و وش المستقبل الوظيفي ليه ؟

ياريت في احد يرد والله حيرة

سألت إحدى الزميلات الخريجات أنقل ليكم الأسئلة والأجابات عشان تستفيدون

1- ما هو تخصصك ؟
تخصصي تصميم جرافيكي

2- ما عدد السنوات الدراسية الكلية بحسب الخطه لتخصصك ؟
4 سنوات بالضبط

3- شرايج بالتخصص، حلو ؟
التخصص جميل بس متعب جدًا

4- تدرسون بالعربي والا الانجليزي ؟
الاثنين

5-يعطونكم أسايمنتات وعروض؟
دايمًا

6- في التسجيل تحصلون مواد ؟
خطتنا محكمة ومشرفينا دايمًا موجودين ويانا ويحرصون على تسجيل موادنا، بس شخصيا ما واجهت مشاكل لأني من الدفعة الأولى


7- تنزل مقرراتكم صيفي ؟
كل مقرر ينزل مرة وحدة فقط في السنة، فلو تخلف الشخص عن مقرر ما يقدر ياخذه الا بعد سنة
وبسبب محدودية الأساتذة لا، مقرراتنا ما تنزل صيفي

8- شسالفة التخصص الفرعي ؟
اول سنتين يكون التخصص جامع لأساسيات التصميم وأساسيات الفنون الجميلة، والسنتين الأخيرتين يتخصص الطالب في أحد الفرعين

9- شلون ع الوظايف، له مستقبل ؟
الجرافيك ديزاين يعتبر من أكثر التخصصات المرغوبة حاليا في السوق، ولأن حتى المتخصصين في الفنون الجميلة يتخرجون حاملين مبادىء التصميم الجرافيكي فيقدرون يشتغلون as a freelancer وهكذا

10-وين نقدر نشتغل عقب ؟
كل مكان تقريبًا

11-شفيه التخصص بعد ؟
مُنهِك، ضغط كبير، ويكسبك مهارات في الإعلام والبزنز والبرمجة والخطابة والعلاقات العامة و و و و