جامعة البحرين او جامعة خاصة؟؟
 

الحين اذا انا ناوية ادش جامعة البحرين بس في بعثة مثلا من جامعة خاصة مثل الملكية فشنو الاحسن اختاره؟ مع العلم معدلي عالي يعني اقدر ادش جامعة البحرين او اي جامعة لكن هل مثلا لان جامعة البحرين حكومية فهي افضل و اقوى من حيث الشهادة و الوظائف؟ ولا كل الجامعات نفس بعض؟ يعني باختصار الافضل جامعة البحرين او الملكية؟

جوفي انا سنة تخرج ما عندي خبرة بس كل الأشخاص الي سألتهم كان جوابهم جامعة البحرين أفضل شهادتها أقوى من الجامعات الخاصة حق الوظيفة

جامعة البحرين بدون ادنى شك ولا تفكير ,نصيحة اخوية وتذكريها طيلة عمرك

انتي الان امام اهم 5 او 4 سنوات دراسية في حياتك , اهم من ال 12 سنة الى درسيتها في الثانوية والاعدادية والابتدائية

الان اختاري الخيار الافضل لضمان سلامة وصولك الى بر الامان وانا في نظري جامعة البحرين بلا منازع

ادخلي و توكلي على الله والجامعة يبغالها شغل وجد ومثابرة وثقة في النفس

وتذكري دائما بان هذا المجهود والجد و المثابرة سوف ينعكس على شخصيتك ويجعلك شخصية قوية تقهر المستحيل والصعوبات

من وجهة نظري جامعه البحرين اكيد
و اذا انتي شاطرة و المعدل عالي و تحبين تدرسين او التخصص الا بتدخلينه ف اكيد جامعه البحرين

الخاص للي مايبي يدرس او يتعب نفسه او يبي يدرس و يشتغل و يريح راحه
رغم اني درست و اشتغلت بجامعه البحرين و كانت صح من اتعب المراحل بس بنفس الوقت احلاها تصقل الشخصيه و تخلي الشخص اقوى لقدام

بس مايمنع جامعه البحرين متعبه تحتاج لصبر شوي