الملتقى الطلابي

الملتقى الطلابي (https://students-bh.com/vb/index.php)
-   كلية تقنية المعلومات (https://students-bh.com/vb/forumdisplay.php?f=186)
-   -   للي مترددين على تخصص الit (https://students-bh.com/vb/showthread.php?t=64395)

sitra voice 03-06-2014 07:38 PM

للي مترددين على تخصص الit
 
هذا الموضوع تشجيعي
(cs علوم حاسوب)


مجال الكمبيوتر بشكل عام لو نظرت له من منظور ضيق , اصبحت الخيارات لديك ضيقه .. ولو نظرت له من منظور اوسع .. اصبحت الخيارات لديك كثيره جداً ..

برمجة الالعاب جداً حلوه وممتازه .. وتقدر تصير ملياردير من خلالها لو تبي ! فقط تحتاج الى هدف ومعرفه وحسن تدبير !
اقرب مثال لذلك , العاب الايفون والاندريود .. اللعبه الوحده صاحبها يدخل عشر اضعاف مايتقاضاه اصحاب الوظائف المرموقه !
واقرب مثال لذلك لعبة فلابي بيرد اللي الكل هب فيها لما نزلت .. صاحبها كان يدخل 5000$ على الاقل بشكل يومي ! يعني شهرياً يدخل 150 الف دولار !
عارف كم بالسعودي ؟ يعني تقريباً نص مليون ريال شهرياً .. يارجل والله ولا حتى وزير يوصل راتبه الشهري بهالشكل !
فما بالك بالالعاب الثانيه المشهوره مثل الانجري بيرد وغيرها واللي كانت بدايتها بسيطه والان اصبحت شركه ! تتوقع كيف صارت شركه ؟ يعني راعيها تاجر ؟ بالعكس الا هذا يبين لك انه دخل مدخول ولا عمره حلم فيه وفتح شركه من هالمدخول واصبح له راس مال واصبح تحته مطورين وظفهم لاجل فقط هذي اللعبه !
فأنت لو دخلت محاسبه .. راح تبقى على راتب معين وان زاد مع السنين ماراح يزيد بالزياده اللي انت تتمناها .. يعني تقضي ثلاثين سنه وراتبك ماتعدى 30 الف او 50 الف ريال (هذا لو جيتلك في وظيفه طيبه بالحيل) ..!
لو قارنتها باللي ممكن تكسبه من ورى الالعاب او البرمجه عموماً .. صدقني ماراح تجي ولا ربع اللي تتصوره !

اذا انت عندك شغف وحب في برمجة الالعاب .. انا متأكد انك راح تبتكر وتبدع فيها .. وهذا الابداع هو اللي راح يخلي الفلوس تجيك مو انت اللي تبحث عنها !
فقط تحتاج الى صبر وشوية وقت وحسن تخطيط وتدبير في الامور حتى تدير مشروعك بشكل ناجح ..
وماراح تتعب اساسا .. لان الان عندك ثلاث بوابات سهله حتى تنشر لعبتك وهي متجر ابل , ومتجر اندرويد , ومتجر مايكرسوفت !
يعني بتكون انت صاحب ومدير ومطور ومبرمج اللعبه .. وفوق هذا الفلوس تجيك وانت في بيتك !

هذي من ناحية .. الناحيه الثانيه لو تبي تتعمق في الموضوع اكثر .. ممكن تصمم لعبة RGB ومن خلالها تقدر تتعاقد مع احد المستثمرين في الالعاب وينتجونها الى لعبة على الاكس بوك والبلايستيشن ويكون لك نسبه كبيره من الارباح !

ترى مجال برمجة الالعاب مربح جداً .. فلا تستهين فيه .. ولا تضيق نظرتك فقط على البحرين !

تلميذ مخلص 18-06-2014 06:16 PM

هيا بنا نلعب

محمد الصقر 12-07-2014 10:44 PM

حظوظ لا غير ههههههههه

amro 14-11-2015 08:05 PM

طيب انا الحين عندي اهتمام كبير بالفكره بس ممكن تفيدني شنو البرامج الي احتاجها عشان اطبق فكرتي و هل يمكن ان اصنع اكثر من لعبة و انزلها علي المتاجر و كيف انزلهم و شكرا :)

TTT 16-04-2016 05:57 PM

اقتباس:

المشاركة الأصلية كتبت بواسطة amro (المشاركة 1216569)
طيب انا الحين عندي اهتمام كبير بالفكره بس ممكن تفيدني شنو البرامج الي احتاجها عشان اطبق فكرتي و هل يمكن ان اصنع اكثر من لعبة و انزلها علي المتاجر و كيف انزلهم و شكرا :)

اذا صحيح مهتم " إبدأ من اليوم و تعلم ' قوقل , يوتيوب أو حتى دورات أجنبية مآتقصر :) .
بالنسبة للأندرويد " تقدر من تسوي لعبه و تنشرها على متجرهم من أي لآبتوب ’ و لبنآء التطبيق ( البرمجة ) تستعمل برامج معروفة مثل Andriod Studio و غيره ..
لكن بالنسبة للأيفون " يتوجب عليك تستعمل ماك .. و لبرنامج اللي بتبني فيه تطبيقك رآح تحمله مبآشرة من لستور " XCODE هذا اسمه ..
طبعاً أبل و اندرويد تلزمك انك تدفع مبلغ مايقارب 50$ عشآن تآخذ عضوية مبرمج " يعني تنشر برامج عالستور .
بالتوفيق

سلطة فواكه 31-08-2016 12:47 PM

الله يسعدك دنيا و اخره ,
موضوعك جدا جميل ومفيد ويحمس ,
كان في بالي تخصص علوم حاسوب عشان اتعلم برمجة العاب بس كنت متردده من الناس اللي يقولون صعب وما الى ذلك ولكن موضوعك جدا حمسني من جديد للفكره
مشكور وماتقصر .


الساعة الآن 07:50 PM.

Powered by vBulletin® © 2024