الملتقى الطلابي

الملتقى الطلابي (https://students-bh.com/vb/index.php)
-   ملتقى طلبة الجامعات و المعاهد و الكليات الخاصة (https://students-bh.com/vb/forumdisplay.php?f=87)
-   -   استفسارات جامعة الخليج العربي || هُنا فقط || (https://students-bh.com/vb/showthread.php?t=25611)

كومو9 24-06-2011 08:43 PM

استفسارات جامعة الخليج العربي || هُنا فقط ||
 
السلام عليكم ,,
أي أحد عنده أي استفسار عن جامعة الخليج العربي يتفضل يطرحه وإن شاء الله نرد عليه :)

MJA 24-06-2011 08:54 PM

^^^
مشكور حبيبي ع الإجابة :)

Dr.Just HumaN 24-06-2011 10:58 PM

يعطيك العافية ههههه توني منزل نفس هالموضوع ..

https://students-bh.com/vb/images/icons/icon1.gif https://students-bh.com/vb/images/blacker/misc/tag.png طلاب جامعة الخليج العربي كلية الطب ..

فعلا احتاجه بارك الله فيك ..

بسم الله ابدأ خخخ ..

شنو متطلبات القبول في الجامعه لهذي السنة ؟
المقابلة الشخصيه .. مستواها .. أهم ما تتضمنه ..!!

"حبذا لو تشرح خطوات التسجيل والمتطلبات ولو بشكل مبسط " ..!

كومو9 25-06-2011 01:00 AM

متطلبات القبول الله يسلمك ..
في البداية عشان تسجل لازم يكون معدلك فوق ال 95
بعدين القبول راح يكون حسب مركبة تحصيلية من معدلك الدراسي + درجة المقابلة + درجة امتحان القبول
المقابلة الشخصية شي جداً عادي وبسيط لا يستدعي الخوف يعني .. بيسألونك أشيا عادية ومتوقعة .. ليش تبي تصير طبيب ؟ شنو اهتماماتك هواياتك طموحك .. إذا كانت في مواقف معينه شتسوي
بس هو شي بسيط ما ينخاف منه يعني .. وفيه مواضيع في منتدى الجامعة بعد عن بعض الاسئلة المحتملة ..
بالنسبة لامتحان القبول .. فهو نوعاً ما صعب باعتبار إنه شامل .. فيه امتحان علمي يعني فيه كيميا واحياء وفيزيا ورياضيات يمكن شامل كل شي اخذته في المدرسة هذا .. وفيه امتحان انجليزي يتكون من فوكابلري وقرامر وريدنق .. طبعاً نظام الامتحان هو MCQs .. اختيارات متعددة .. طويل نوعاً ما بعد
:) امتحان الانجليزي اللي موجود في موقع الجامعة هو نفسه اللي جانا في العام الماضي ! ما تبدل يعني .. وامتحان العلوم .. هو بنفس المستوى يعني ..
النقطة المهمة اللي حاب أشير إليهه
إنك لو كنت بعثة .. فاعتبر روحك اجتزت كل هالأمور .. راح تعتبر إجراءات روتينية
أما لو كنت راح تسجل على حسابك .. فشوي الأمر أصعب راح يكون .. المقاعد جداً محدودة للبحرينيين .. هذا العام ما أتوقع إنه فيه مجال حق أكثر من 10 يدرسون على حسابهم باعتبار إنه فيه 25 بعثة للجامعة اوردي .. احنا دفعتنا كامل فيهه حوالي 29 بحريني
فااا راح تكون مطالب انك تسوي احسن من باقي البحرينيين اللي رايح يقدمون على حسابهم في امتحان القبول والمقابلة
وفيه نقطة ثانية .. ما أحسهه مهمة للبحرينيين يعني
إنه من هالسنة اللي طافت اضافوا سنة ما قبل السنة الاولى حق الضعاف في الانجليزي .. اللي ما سووا زين في امتحان القبول يعني .. ^_^ اللي ما تجاوزوا درجة 40 من 100 في الامتحان .. طبعاً هالسنة تقريباً بشكل رئيسي مسوينهه حق السعوديين باعتبار إنه عندهم مشاكل كبيرة في اللغة الإنجليزية .. وهم يشكلون حوالي نصف طلبة الجامعة
^_^ أتمنى إني أكون أفدتك

Dr.Just HumaN 25-06-2011 01:10 AM

اقتباس:

متطلبات القبول الله يسلمك ..
في البداية عشان تسجل لازم يكون معدلك فوق ال 95
تمام متوافر خخخ
اقتباس:

بعدين القبول راح يكون حسب مركبة تحصيلية من معدلك الدراسي + درجة المقابلة + درجة امتحان القبول
المقابلة الشخصية شي جداً عادي وبسيط لا يستدعي الخوف يعني .. بيسألونك أشيا عادية ومتوقعة .. ليش تبي تصير طبيب ؟ شنو اهتماماتك هواياتك طموحك .. إذا كانت في مواقف معينه شتسوي
بس هو شي بسيط ما ينخاف منه يعني .. وفيه مواضيع في منتدى الجامعة بعد عن بعض الاسئلة المحتملة ..
بارك الله فيك طمنتني ..

‘إذا ما عليك امر تقدر تعطيني رابط المنتدى وخصوصا رابط المقابلات الشخصيه
والامتحانات السابقة إن امكن ..!
اقتباس:

بالنسبة لامتحان القبول .. فهو نوعاً ما صعب باعتبار إنه شامل .. فيه امتحان علمي يعني فيه كيميا واحياء وفيزيا ورياضيات يمكن شامل كل شي اخذته في المدرسة هذا ..
من هالناحية تمام التمام :ongue::ongue: بس طبعا الامتحان احنا مخيرين ان يكون انج أو عربي صح ؟؟

اقتباس:

وفيه امتحان انجليزي يتكون من فوكابلري وقرامر وريدنق .. طبعاً نظام الامتحان هو MCQs .. اختيارات متعددة .. طويل نوعاً ما بعد
:) امتحان الانجليزي اللي موجود في موقع الجامعة هو نفسه اللي جانا في العام الماضي ! ما تبدل يعني .. وامتحان العلوم .. هو بنفس المستوى يعني ..
هذا الي خايف منه امتحان الانج .!!وامم يعني ما يحتاج لا توفل ولا آيلس كشرط للقبول ؟؟

وامم يا ريت لو تعطيني الرابط إذا تعرف في منتدى يحتوي ع امتحانات سابقه للقبول ..!

اقتباس:

النقطة المهمة اللي حاب أشير إليهه
إنك لو كنت بعثة .. فاعتبر روحك اجتزت كل هالأمور .. راح تعتبر إجراءات روتينية
احلى خبر سمعته طمنتني والله ::in_love::::in_love::::in_love::::in_love::


اقتباس:

^_^ أتمنى إني أكون أفدتك
افدتني بشكل مو طبيعي ورفعت معنوياتي..

كانت عندي حاله نفسيه ههه من امتحان التوفل ولالآيلس لان ما في وقت عشان آخذ دوره واقدم :doh::doh: ..

بارك الله فيك وجزاك الله الف خير يا رب وفي موازين حسناتك ..

وامم طلبتك إذا في امكانيه تحط رابط حق مقابلات شخصية سابقه او امتحانات :ongue::ongue:

Dr.Just HumaN 25-06-2011 01:17 AM

طيب يا اخوي الحين تصحني ابتدي التقديم في الجامعه ؟

ولا انتظر نتايج البعثات "لان إن شاء الله عندي امل ان باحصل بعثة " ..!

وامم شنو المتطلبات يعني ؟

جفت في منتدى الجامعة هذي :
  1. أن يملأ استمارة طلب الإلتحاق الخاصة بالقبول في جامعة الخليج العربي مع استيفاء جميع البيانات والوثائق المطلوبة" الاستماره أخذها من الجامعه .. ؟" وهي:
    1. شهادة الثانوية العامة " يعني الشهادة الاصليه الصفراء من الوزاره ؟وامم والسجل الدراسي يحتاج ؟؟ ولا بس إفادة ؟"
    2. شهادة حسن سيرة وسلوك من المدرسة التى درس بها."الاصلية " ..؟
    3. تعبئة الإستمارة الطبية الصادرة من الجامعة وإعتمادها من أي مستشفى حكومي تثبت لياقته الصحية. "استلمها من الجامعه يعني ..؟ "
    4. 4 صور فوتوغرافية حديثة ملونة .
    5. صورة من جواز السفر مع البطاقة السكانية او الهوية الشخصية.
ما ادري بعد إذا في شغلات ناقصه لان هذي كوبي بيست من المنتدى :(

كومو9 25-06-2011 01:28 AM

امممم الامتحان مال القبول انت مخير يكون عربي او الانجليزي
وما يحتاج آيلتس .. شاتوه جوتي الآيلتس السنة اللي طافت .. أنا اوردي ما عندي .. مع إني مخلص سنة بس ما اتوقع اجيب 4.5 :p
وإذا تبي تقدم من الحين براحتك يعني .. لو كنت يعني ناوي إنه إذا ما حصلتهه بعثة تدرس على حسابك
بس إذا رابط السالفة بالبعثة .. فحارس لبعد ما تحصلهه وسجل ^_^ عشان لا تضيع عليك ال 50 دينار مال التسجيل في الهوا
بالنسبة للتسجيل .. قلت ليك إذا رابطنهه بالبعثة .. لا تستعجل .. حارس لما تحصل البعثة وهم بيقولون ليك ويش يبون وجذي :p يعني لا تستعجل وتصير مزهوووق من الحين ^_^
بالنسبة لاستمارة الفحص الطبي والتسجيل .. هي استمارات من الجامعة ..
شهادة حسن السيرة والسلوك ما اتوقع اصلية .. كوبي .. ما تفرق يعني :p
والشهادات طلع ليك هذلين المترجمين الصفران .. تستفيد منهم .. واجد جامعات يطلبونهم .. طلع ليك نسختين منهم بعد :p تحتاجهم

Dr.Just HumaN 25-06-2011 01:49 AM

اقتباس:

المشاركة الأصلية كتبت بواسطة كومو9 (المشاركة 509868)
امممم الامتحان مال القبول انت مخير يكون عربي او الانجليزي
وما يحتاج آيلتس .. شاتوه جوتي الآيلتس السنة اللي طافت .. أنا اوردي ما عندي .. مع إني مخلص سنة بس ما اتوقع اجيب 4.5 :p
وإذا تبي تقدم من الحين براحتك يعني .. لو كنت يعني ناوي إنه إذا ما حصلتهه بعثة تدرس على حسابك
بس إذا رابط السالفة بالبعثة .. فحارس لبعد ما تحصلهه وسجل ^_^ عشان لا تضيع عليك ال 50 دينار مال التسجيل في الهوا
بالنسبة للتسجيل .. قلت ليك إذا رابطنهه بالبعثة .. لا تستعجل .. حارس لما تحصل البعثة وهم بيقولون ليك ويش يبون وجذي :p يعني لا تستعجل وتصير مزهوووق من الحين ^_^
بالنسبة لاستمارة الفحص الطبي والتسجيل .. هي استمارات من الجامعة ..
شهادة حسن السيرة والسلوك ما اتوقع اصلية .. كوبي .. ما تفرق يعني :p
والشهادات طلع ليك هذلين المترجمين الصفران .. تستفيد منهم .. واجد جامعات يطلبونهم .. طلع ليك نسختين منهم بعد :p تحتاجهم

اي عليك ..

بعزمك على حسابي لانك وفرت علي

200 دينار دورة آيلس ههه
50 دينار تسجيل قبول
ويمكن 90 رسوم امتحان ههههههههههههههههههههههههه


صج صج افدتني شووووووووووووووووووكورا جزيلا والله

اقتباس:

مع إني مخلص سنة بس ما اتوقع اجيب 4.5 :p
ههههههه طمنتني عيل هههه صيثصيث

كومو9 25-06-2011 01:58 AM

:p يالله اكو قاعد أحارس العزيمة أنا
العفو ^_^ كل يوم تعال

Dr.Just HumaN 25-06-2011 02:06 AM

اقتباس:

:p يالله اكو قاعد أحارس العزيمة أنا
العفو ^_^ كل يوم تعال

انطر تطلع نتيجة البعثه ههههههههههه

عشان اعزمك عقب واعزم MJA

هع

كومو9 25-06-2011 12:44 PM

http://www.agu4m.com/viewforum.php?f=2
هذي وصلة المنتدى .. يطلب منك التسجيل بعد .. المنتدى غير نشيط .. احنا ما نستخدمه يعني .. بس شفت فيه جم موضوع مفيد يعني
http://www.agu.edu.bh/units/reg_conditions_cmms.aspx
يفترض إنه تكون امتحانات القبول موجودة ! بس امممم مدري ليش ما فيه تحميل
بشوف إذا أحد للحين عنده الامتحانات من الشباب

Dr.Just HumaN 25-06-2011 06:38 PM

اقتباس:

يفترض إنه تكون امتحانات القبول موجودة ! بس امممم مدري ليش ما فيه تحميل
بشوف إذا أحد للحين عنده الامتحانات من الشباب

بارك الله فيك ..

:laugh:

كومو9 19-07-2011 09:49 PM

خل نرفع الموضوع :1213:

farooha 19-07-2011 09:54 PM

اممم متى يخلص التسجيل للجامعة؟

كومو9 20-07-2011 04:25 AM

بل احرجتيني .. سؤال صعب :sweatdrop:
سمعت إنه خلص التسجيل
بس إذا حق البعثات .. يفتحون المجال مرة ثانية عن طريق الوزارة بعد ما تحصلين البعثة ويعطونش استمارة تسجيل من الوزارة ..


الساعة الآن 07:41 PM.

Powered by vBulletin® © 2024